ChumChum味 (已結業)

係尖沙咀發現一間好隱蔽既韓國餐廳🇰🇷，見到室外室內位置，室外設計得好chill好岩飲埋酒🥂，怕凍就可以坐番室內😝🧡前菜附送：泡菜、脆肉瓜、醃茄子、醃蘿蔔-💕 醬油蟹 $220👅好味指數：8/10外食醃製生蟹，最怕唔新鮮會肚痛，依到既蟹🦀️好肥美，蟹肉係晶瑩剔透，爆汁既嫩滑口感😍，蟹膏亦好鮮甜冇苦味❗️配上附送既紫菜飯，加埋蟹蓋內既蟹黃一齊食，一流🫶🏻-💕 蜂蜜醬油炸雞 半隻 $100👅好味指數：8/10而家愈來愈多醬汁淋上面，甚至要沾汁既炸雞，真係好hea好唔入味☹️，依間估唔到咁高質咁入味😝大概有6-7件，炸雞外皮炸到脆卜卜🥰雞肉質鮮嫩多汁❗️原本已經有醃到仲好入味，再加上蜂蜜醬油味又濃郁，甜咸甜咸😍，每件炸雞充分染上醬汁😚正😍-💕 茉莉花茶 $28👅好味指數：6/10食炸雞解膩一流😝-環境：7.9/10服務：9/10整體味道：7/10回頭率：7/10

前菜(泡菜，魚榚，茄子，薯仔)泡菜較多水，唔太辣魚榚較甜茄子比較少地方有，配上肉碎可以成為一個主菜薯仔有心機地切絲可以refill蜜糖醬油炸雞甜，甜，甜，甜得黎唔滯，有肉嫩口，有彈性，炸粉鬆脆，即使配滿滿的醬汁，都不減外脆內軟的口感烤牛肉飯卷灑上芝麻粒，令成個飯卷視覺上提升左，味道上芝麻的香氣，配酸瓜才都是值得一試的理由，牛肉的味道就稍為欠缺炸醬麵同坊間不同，炸醬較多使用肉碎作為醬底，薯仔粒亦切得比較細少，味道較甜，好食

最近經常見到朋友食醬油蟹，成功被引誘到，所以今日放工就約朋友試試這家隱世韓國餐廳，環境好舒服，有室外及室內的位置選擇，室外的裝潢都挺有情調的。而且看到食客有部分是真韓國人，即刻非常期待。前菜有茄子、芽葉、泡菜以及最得我歡心的蜜糖番薯。好好味～蜜糖番薯及泡菜我都有refill喔。醬油蟹（一隻）醬油蟹會配一碗麻油紫菜飯，醬油蟹份量絕對不少～而且好厚肉又多膏，好入味，醬汁甜甜鹹鹹的，果然是偷飯賊，將白飯拌入蟹膏味道非常鮮甜，輕鬆清了一碗飯。煮豬手大大一盤慢慢加熱，煮得非常入味，可以用生菜配醬及辣一蒜片包著食食，單食都好好味！口感彈牙！滿滿的骨膠原👍🏻炒粉絲落了很多烤牛肉，味道甜中帶鹹，而且粉絲煮得剛好，有咬口又入味！有驚喜～

Happy hour 🍻後，從小巷裡發現一間唔起眼的隱秘韓國餐廳，門外及桌子都是木系，望入餐廳內餐廳寬敞，地面鋪滿彩色花瓷磚😍餐廳好企理，有室內及戶外位置🥬前菜平時到韓國餐廳都會食類同前菜，店員送上泡菜、脆肉瓜、醃青瓜、糖醃蓮藕。其它冇咩特別，但糖醃蓮藕Q軟甜👍🏻用手機📱落餐🦀醬油蟹$220🦀以醬油浸著大大隻肥美醬油蟹🦀，超新鮮擺盤靚仔，蟹肉爆膏肥美，鮮味咸度剛好，蟹肉晶瑩剔透唔黐殼超嫩滑爆滿肉，熱飯加進蟹蓋內食起來啖啖鮮甜🥹，好食到不得了。🐮雪濃湯$130🐮滲出香噴噴奶白的牛骨湯，以牛展、 牛骨敖煮而成十分濃郁。肉質好淋冇根，湯鍋內還有麵條，麵條質感軟軟好滑

原來朋友仔未食過韓式醬油蟹！！所以呢晚同佢睇完氣就帶左佢黎試試先🤣🤣呢度都係舊同事帶過我黎先知呢間隱藏後小巷既韓食店～當晚我地要左一份醬油蟹同一份血腸湯share ✨同大部份既韓食店一樣，呢度都會有泡菜同涼拌做前菜當日三款既味道都唔錯架！！每份醬油蟹都有附上一碗海苔飯～店家會為醬油蟹分成四份每份都有鮮甜既蟹肉同蟹膏仲有一個充滿蟹膏既蟹蓋，伴飯一流！！！醬油調味岩岩好，唔會過咸之餘，更可提升鮮味添😚😚血腸湯都有附上白飯～湯內除咗血腸，仲有豬耳同豬頭肉，非常足料！！依家天氣凍凍地，有啖熱湯飲就特別暖胃💕呢度既罐裝飲品會配上冰杯同檸檬，唔飲酒都覺得爽yy🤣🤣

期待了很久的醬油蟹，結果沒有什麼味道，蟹膏也不多。不推薦在這間吃醬油蟹牛肉湯只有一些碎濕濕的牛肉，一塊完整的牛也沒有，只有很多蔬菜，味道也不怎麼樣。炒血腸的味道上可能太正宗，不合乎我們的口味，但份量很充足，有個爐熱住熱辣辣。可能我哋叫嘅都唔係佢嘅招牌菜，所以唔係太好味

出去尖沙咀睇燈飾🎄行完一輪緊要搵嘢食🍴好耐冇食醬油蟹，一於附近搵間食下先⭐️醬油蟹呢個「偷飯賊」真係名不虛傳，鮮甜味道十足🤤足足食咗兩碗飯👍👍👍⭐️雞蛋捲呢個係估唔到咁好食🫢蛋捲唔會做到死死實實，蛋香味濃郁⭐️燉牛排骨(辣)一向以為韓式辣醬真係唔係太辣，你就錯喇🤣今次呢個對於老公嚟講挑戰極限,佢辣到食唔到😂我就覺得超正😋😋😋牛排骨淋到入口即溶，所有辣妹不能錯過👍👍👍👍👍⭐️大盤炸醬麵呢個我大力推介👍👍超濃醬汁炸醬麵，味道不會太鹹，麵質彈牙，好食到停唔到口⭐️吉列豬扒紫菜飯卷反而呢個冇乜特別，但係豬扒都淋嘅再嗌埋杯啤酒🍻舒舒服服又食一餐

太座突然話想食醬油蟹同炸醬麵，我地食過最好食嘅就係尖沙咀chumchum味，梗係即刻去食啦！仍然係咁多人食，就知水準唔會差咗，好睇去到仲有一張枱，so lucky!“醬油蟹”味道依然，究竟呢隻蟹嘅來源係點，我上網做咗搜查，（韓語：간장게장），韓國五大名菜之一，將未經烹調的生蟹放在醬油中醃製而成，當地民眾喜愛直接將白飯加進蟹蓋內與蟹黃一起伴吃，故這道菜色又名偷飯賊。我地就將蟹膏撈落白飯度食，真係好惹味，其他蟹肉超甜，有點甜到漏嘅感覺！“炸醬麵”在麵上面淋上由咸黑豆醬，配上豬肉和蔬菜和海鮮製成的濃醬，又有返甜甜地中和返，太座話係佢喺香港食過最好食嘅炸醬麵！“燉牛排骨”我地點咗辣味上枱時仲滾緊，食落嘅辣度唔係講笑，太座就食得好開心，我就食到成吉思汗打仔咁，不過呢隻味道係會令人越食越想食！“烤牛肉紫菜飯捲”食落有點脆又有點軟，煙煙韌韌，唔錯！“煎蛋捲”睇落普通食落非比尋常，煎得成條蛋漿軟軟都唔容易，諗住食一舊幫襯吓，點知食埋最後一舊，強烈推介！

隱蔽小巷裏的韓國餐廳係 #赫德道 嘅 #fhpshoppingcentre 行入去 就會搵到ChumChum味 又或者係 #麼地道 果邊都有個入口 見到Zucco 左手邊有條隱蔽小巷 行入啲就係佢地另一門口去到咁隱蔽 就係要食佢地嘅 #醬油蟹 $220 （1隻）話哂係又幾位韓國人打理 依家又未飛得🇰🇷當然掛念正宗嘅醬油蟹🦀一向醬油蟹都唔係用好大隻嘅蟹 最重要就係個醬汁再配埋一碗 #紫菜麻油飯 match!!食 #韓國菜 又點可以唔叫 #炸雞 配有三款配菜 #蘿蔔泡菜 #椰菜沙律 仲有多個汁 （不過炸雞本身味道已好好味 所以冇試到個汁😅）叫咗個 #雙拼炸雞 $180#蜂蜜醬油炸雞 呢啲調味永遠有得輸 不過唔食得辣嘅小編就覺得佢個炸皮好似有少少辣 但朋友就覺得有點辣 反而更惹味#蘋果調味炸雞呢個味第一次見 當然要試吓有點似燒烤醬 酸酸甜甜得嚟好惹味 個面再灑上杏仁片#值得一試#人蔘雞湯 $170天氣開始轉凍 當然要飲返啖熱湯暖吓胃啦呢個覺得唔夠正宗😅因為人蔘味唔夠重不過個雞湯幾好飲 隻雞煲完 啲肉都仲好嫩👍🏻而且雞入面仲釀咗糯米 紅棗 夠養身🤭同樣跟咗碗白飯🍚 #烤牛肉 $180呢個掂s

喺香港疫情困咗咁耐 好耐都冇好好地真真正正出街食一個滿足嘅晚餐。 今晚終於有機會著靚啲佢尖沙咀食韓國菜。 餐廳裝修風格好有韓國風味， 而且有露天位置 ，坐得好舒服， 猶如置身韓國街頭一樣。先拔頭籌當然就係食醬油蟹， 整體十分出色， 醬油味同蟹肉嘅鮮味配搭十分平均 ，平分春色 互相輝映。 下一道菜就當然係 我個人最鍾意嘅炸雞。 揀咗兩個味道，分別就係蜂蜜蜜糖炸雞 同埋蘋果教牧炸雞。雞肉嫩滑，份量十分充足 大大盤食極都有。再來就係一個人參雞湯。天氣凍嘅時候，飲落個人特別温暖， 濃郁嘅人蔘雞味， 攞嚟撈飯食一流 。而且直雞煲到好林， 一絲絲嘅雞肉好好咬口。 最後嗌咗個韓式炒牛肉， 都係份量十分充足，獲氣爆棚。 員工同老闆都係韓國人 ，食物味十分地道， 值得推薦。

又到聖誕假，去唔到韓國旅行都可以黎呢度食野，真係似去咗趟韓國咁🤩呢度嘅裝修好有心思，整體感覺非常溫馨，座位舒適，仲有啲好有趣嘅壁畫☺️食物選擇多樣，我地叫左1️⃣醬油蟹之前去親韓國都會食醬油蟹，其實就係好似刺身咁。入口覺得好鮮甜，幾Creamy，仲帶啲漿性，口感幾得意咖！佢主要係用醬油醃製，食落唔會太鹹，配紫菜飯食一流。真係好想去一轉韓國🇰🇷2️⃣奶油芝士炒年糕極之推薦🥳年糕軟糯，掛滿餐廳嘅秘製醬汁，美味可口。呢個醬汁唔係淨係得個辣字，辣中帶甜，且好creamy，充滿奶油濃香。佢唔係淨係攞嚟點年糕食，配用料豐富嘅壽司卷、香口嘅粉絲卷、薯條、餃子都一樣咁夾，咁好食。我最鍾意就係炸蝦天婦羅🍤好香脆，夠惹味惟一問題就係太大份啦，食到我哋勁飽，叫唔到其他嘢食🥹前菜都好美味下次一定要同多啲朋友黎食，呢度節日氣氛好好，適合大夥兒聚會🥰當然三五知己一齊暢談吃喝非常之啱！

放假朋友帶我去尖沙咀食隱世正宗韓國餐 - Chumchum味。餐廳入口較隱蔽，要留意巷仔外嘅標誌先搵到。餐廳裝修唔錯，幾有格調，環境亦都幾寬敞，除左室外，仲提供戶外座位。點餐可以用QR code，夠晒方便。韓國菜烤牛肉飯捲 - 超足料，有蛋,牛肉,青瓜,蘿蔔絲,口感札實,食料多過食飯。醬油蟹- 厚肉又多膏，而且無腥味。蟹膏橙黄色，份量十足，可以食足幾口，蟹肉香濃甘甜，肉質細膩，入口順滑，配埋紫菜芝麻油飯，口感一絕。韓式炒牛肉 - 惹味帶點香甜，牛肉唔錯，肉質地柔軟唔會鞋口太乾。

放工約左朋友去尖沙咀的ChumChumMi食韓國野。餐廳有有室外花園同室內選擇，燈光暗暗地幾有feel，環境舒適，座位寬敞，好適合三五知己聚餐。用QR Code落order夠方便。餐前送左四小碟前菜，有泡菜、醃青瓜、醃翠玉瓜及小魚乾。泡菜辣度剛剛好，唔會過辣，夠開胃，小魚乾好香口。我地點左隻醬油蟹，估唔到都幾大隻，厚肉又多膏，蟹膏好鮮甜又creamy，富醬油香，甘香蟹膏裹住圓渾香軟的米飯，口腹之慾大滿足！韓牛牛小腸牛大腸拼盤 -  份量十足，唔只有咬口，仲好香，唔會好肥膩。

今日去尖沙咀行街，經過韓國街突然好掛住韓國啲醬油蟹，上網search完就同fd過左嚟食，不過係麼地道睇嚟睇去都見唔到間舖差啲想放棄😂後尾係近漆咸南道嘅麼地道個邊，見到樓之間有條巷穿過去，先搵到間舖，食到好想食嘅醬油蟹😚醬油蟹一隻 配紫菜芝麻油飯 $220🦀️🍚蟹size都ok，食落鮮甜，醬油唔鹹，啱啱好襯拖到蟹嘅鮮味，配埋暖笠笠嘅紫菜芝麻油飯，啊～正🥰好幸福，最正係拆嗮啲蟹肉同蟹膏一齊撈飯食，夢回韓國之旅🇰🇷🥳大醬湯 配白飯 $100🍲🍚大醬湯料都好足，有豆腐有菇有薯仔等等蔬菜，單飲就會嫌鹹，不過配埋白飯就啱啱好，好送飯😌迷你豬腳一隻 $55🍖豬腳呢啲梗係要趁熱食，成隻豬腳煮到好腍，啱嗮鍾意食豬腳嘅人😌啲肉簡直入口即化

間餐廳入到去聽到職員用韓文溝通，已經期待啲食物！另外餐廳都大間，仲有室外空間，多人聚餐再叫火鍋、燒肉，都幾好氣氛！血腸湯係香港嘅韓式餐廳比較少見，所以專登試吓！湯底好濃豬骨味，唔會有豬腥味，血腸亦都煙煙韌韌，湯入面亦有唔同嘅豬雜，另外亦可以加辣醬去更改口味！炭燒雞腳好濃好香炭燒味道，亦都有一定辣度，但真係辣得好香好爽，超級推薦大家要食！蕎麥泡菜煎餅蕎麥餅底煙煙韌韌，泡菜亦都好香！個人鐘意食呢個多過泡菜煎餅，整體無咁油但又食到泡菜！醬油蟹呢間醬油蟹適合怕鹹嘅人士，呢間蟹油較甜，亦較容易入口！