Coffee Talks (已結業)

終於到Happy Friday🥳 今日約咗中學嘅朋友喺太子食晚餐，入咗呢間Coffee Talks，叫咗一個意粉一個pizza share～🍕 牛油果煙三文魚Pizza ($158)個pizza係薄脆批底，上面嘅餸好多🥳 首先有好多牛油果，除咗面頭嘅牛油果片，下面仲舖滿一層牛油果溶🥑 仲有好多拉絲嘅芝士🤩 仲有大大塊煙三文魚，好夾～🍝 香炸蒜片鰻魚蟹肉意粉 ($148)呢個意粉嘅餸都係好多，仲好香胡椒同蒜味。蟹肉好香好好食，落埋啲檸檬汁就唔怕dry喇🥳

今日帶小朋友到太子學嘢，早到了便在附近吃點東西，經過洗衣街叫coffee talks的餐廳感覺不錯便入去點餐。餐廳裝潢感覺十分舒適，座位也寬躺，我們點了一個午餐及一個下午茶。午餐選擇多，由11:00-2:30供應，有A至j個選擇，我點了香煎雞扒鮮果沙律配維也納咖啡。下午茶也有A至L選擇，我們點了特式迷你冬甩及芒果乳酸沙冰。香煎雞扒沙律賣相十分好，顏色繽紛，除了沙律菜，還有蜜桃、士多啤梨、藍梅，雞扒煎身內裡很juicy，味道很好。維也納咖啡香濃美味，味道帶點玉桂香，好好味。芒果乳酸沙冰酸酸甜甜十分醒胃，特式迷你冬甩有3個不同口味包括朱古力、士多啤梨及雲呢拿，各有特色，小朋友十分喜歡。

［旺角］Coffee Talks.香炸蒜片鯷魚蟹肉意粉食剩指數:0/100鯷魚味道鹹鮮係成個意粉主要既味道蟹肉份量都好多加埋炸過既蒜片同欖欖等去炒香味都好足夠.牛油果雙層炸魚柳漢堡配薯條食剩指數:0/100個漢堡一上枱就見到好厚！炸魚柳好脆魚肉keep到幾滑仲有煙肉、牛油果油脂感好夠蔬菜除左常見既青瓜同蕃茄仲有炒過既菠菜平衡返成個漢堡既感覺伴碟仲有薯條同沙律. 芋香鮮奶 Tato Latte食剩指數:10/100第一次見taro latte係類似greentea latte咁整芋香係港式果種芋香飲落唔算太甜香芋味都表現ok.蜂蜜荔枝梳打食剩指數:0/100估唔到呢杯係藍色應該有落蝶豆花荔枝味都幾出氣泡感十足都算幾開胃

放完五日假，聽日又要由天堂跌返落地獄， 今日我一定要盡情去食去玩，出去旺角買下野，行下行下六點幾，都係食埋野先返屋企，見到呢間文青咖啡室，有小小被佢甘靚既裝潢引左入去，人唔算多唔洗等位，可能聽日要返工大家都早啲返屋企，係我一個仲係條街度，入到去店員招呼唔錯，點左一個人氣推介香炸蒜片鯷魚蟹肉意粉，一杯叫做咖啡控必試既維也納咖啡，同埋跟餐可以有加配優惠，加34蚊有個冬甩set，野食來到枱面已經聞到果浸蒜香味，同埋由擺碟睇得出店鋪既心思，等埋一齊影張靚靚相先跟住開始食野，一食落去，嘩，好食到痴線，蒜香味重，蟹肉又多，加上個意粉內面仲有好多唔同既配菜，可以話好耐未食過甘好味既意粉，絕對值得推介，跟住試埋個咖啡，果然係必試，個咖啡好特別，甜苦味道分得好鮮明，上面啲cream 凍，下面咖啡熱，店員亦都有提醒唔好搞埋來飲如果唔係就飲唔出個味道。 又再要推介，之後食埋個冬甩，冬甩不過不失但係擺碟值得一讚，食飽飽返歸又要準備聽日返工，下次一定一定再來試下其他野食。 

今晚去左位於旺角洗衣街嘅「Coffee Talks」吃晚餐，店內裝修設計有特色，樓底高，富有空間感，讓顧客可以輕鬆悠閒地品嚐咖啡☕️及食物餐牌主打意大利飯、意粉、pizza🍕、漢堡等等西式食品，也有多樣化的飲品及咖啡選擇，定價適中柚子雞翼惠顧任何主食、午餐及下午茶餐，都可享多項加配優惠。當晚追加左$34三隻柚子雞翼～雞翼肥美又大隻，啖啖肉，表面加咗酸酸甜甜的柚子醬汁，清新開胃BBQ雞扒漢堡配薯條份量十足嘅漢堡包🍔鬆軟芝麻包夾着多種配料有：BBQ雞扒、蕃茄、青瓜、菠菜、煙肉、芝士及秘製醬汁，一啖絕對咬唔晒😂雞扒肉都幾滑溜，蔬菜增添健康感覺，整體味道同口感都好豐富哦！伴碟仲有田園沙律菜及薯條；炸得金黃香脆嘅薯條，內裏滿載薯肉，好好食呢焦糖香蕉朱古力窩夫賣相精緻有心思❤️窩夫內裏組織棉密，口感鬆軟，充滿蛋香及牛油香😍配上奶味濃郁的雲呢拿雪糕🍦甜甜脆脆的焦糖香蕉🍌及香濃朱古力醬，甜品愛好者不容錯過！鮮奶咖啡咖啡拉花好別緻，入口順滑，牛奶味比較重，同時散發着陣陣咖啡醇香，質素不錯！為晚餐畫上完美句號

復活節假期想出去旺角行下, 始終疫情發生甘耐好小出街, 同友人一齊去旺角 行下, 行到甘上下想坐底hea 下, 朋友介紹呢間coffee talks, 佢之前來過話野食甜品都唔錯, 佢本身鍾意周圍食野, 佢讚得好食既野往往都唔差得去邊, 行到來見到有人排緊隊, 諗住要等好耐, 但係店員又安排得好好, 問我地坐唔坐bar枱,坐bar 枱可以唔洗等, 呢個值得讚,  因為如果要等太耐就唔等啦, 入到去店員服務同招待都好好, 好有禮貌,好快就落埋單, 叫左杯mocha, 藍莓芝士蛋糕同埋杯cappacino, 杯mocha 熱度夠, 同埋朱古力味好出, 44 蚊超值, 最值得驚喜既係件蛋糕, 擺碟用心, 打卡一流, 講真我以為好似starbucks pacific coffee 果啲白色碟一件蛋糕, 睇得出鋪頭用心, 蛋糕味道亦算好味道, 芝士味好重, 唔怪得好朋友誠意推介, 坐左一陣, 見到出面仲排緊隊, 快快走人比返個位人地做生意, 下次出開來一定再來試試, 

今晚放假前夕，一於同寶寶行吓街食埋飯先返屋企🤓因為寶寶話要去旺角買啲嘢，所以我哋諗住都係嗰頭附近食飯❣️經過見到原來呢度有間咁靚嘅Cafe仔😲今晚一於入嚟試吓啦🤟🏻店仔唔大，不過睇得出好俾心機整裝修➕佈置💕簡約嘅北歐風簡單得來幾有特色💕融合咗北歐嘅工業同林木風格～睇落乾淨整潔👍🏻啲座位仲好寬闊，坐得好舒服😌嗌呢份主餐牌上面嘅食物可以享有正價飲品減$10優惠～今晚唔算太肚餓，一人嗌左一份主食➕一杯嘢飲❣️巴馬臣芝士肉醬長通粉 $138肉醬非常新鮮😍唔係現成大批買入嘅肉醬來，真係新鮮豬肉煮出黎嘅home made 味道☺️而且肉醬嘅份量都唔少，食落同長通粉嘅比例近乎三份一咁多👍🏻仲有大大片嘅巴馬臣芝士片➕芝士粉洒係通粉上面，味道唔算非常濃，感覺幾健康❣️牛油果煙三文魚Pizza $158每塊Pizza嘅食材都分部得好平均🤓每塊都有一件牛油果、三文魚、半粒蕃茄仔、紫洋蔥，所以食每一件嘅時候味道同質素都近乎一樣😌食落Pizza底層仲有牛油果蓉➕芝士，食落層次感➕口感都好豐富👍🏻啲食材仲全部都好健康添☺️不過以呢個價錢來講，個份量略嫌細咗少少～特濃朱古力 $42朱古力味☕️➕牛奶味🥛都幾濃厚❣️同時兩種味道平

-🔸香辣肉腸蘑菇手工薄餅 $158🔸柚子雞翼 $58🔸美式梳打 $42🔸熱情水果茶 $54-收工約咗朋友食少少嘢，一邊飲嘢一邊吹水，就揀咗依間coffee shop。雖然地點喺人多嘈雜嘅旺角，但餐廳環境清幽悠閑，坐低傾偈都好舒適。柚子雞翼煎得幾香，加埋甜甜哋嘅柚子蜜糖，開胃又唔膩。再share一份pizza，辣肉腸同茄膏加芝士嘅味道非常配搭，加埋薄餅底烤得脆卜卜，即點即製熱辣辣又更加好味。水果茶好香熱帶水果味，粉紅色玻璃茶壺亦好少女心，朋友話味道都唔錯！我就飲美式梳打，天氣熱飲真係清爽醒神啊！

出開去旺角花墟買花, 經過呢間叫coffee talks 既餐廳, 環境唔錯感覺又幾文青, 坐底食下午餐,人唔多可能岩岩完左午市, 落地大玻璃望出街外人來人往, 店內就靜靜地好舒服, 叫左個巴馬火腿黑松露忌廉汁意大利飯, 啲飯煮得岩岩好, 軟硬度適中, 食落去黑松露味亦好足, 重點係塊parma ham 好大塊, 唔似得一般餐廳比塊parma ham 細到唔知點形容, 碟邊再加小小黑松露醬, 提升味道既層次. 不過碟飯都好大碟, 食到有小小飽. 另外叫左杯柑桔檸蜜, 味道不過不失, 下次再來買花時可以再來呢度, 始終旺角區無咩做得出色既西餐或者咖啡店, 不本想加個cream brulee, 不過太飽啦, 留返個藉口下次再來. 最後買左包外賣滴流咖啡返屋企試下

行過moko時，見到coffee shop~入咗去chill下！牛油果三文魚pizza好喜歡原塊牛油果🥑大大塊果肉，真材實料！三文魚係熟嘅~相對生嘅三文魚，感覺脂肪量較低，不會好重油脂😋加上，檸檬汁，會令pizza更清香😍風乾火腿黑松露忌廉汁闊條麵平時Parma ham係軟綿綿，今次呢個係變左火腿乾咁，香脆可口，鹹鮮味出眾！ 每條闊條麵都有黑松露忌廉汁，別有一番美味！維也納咖啡見到餐單上，特別推介，就試咗~都幾大杯！，先聞到肉桂粉，最上層有厚厚的奶油，咖啡沒有一陣苦勁，帶比我柔和的口感！很喜歡有吧枱，可以看着街景，曬下太陽，過一個寫意的下午🤪

值得一讚既餐廳, 食物質素高, 環境一流, 服務專業, 價錢中價但唔hea, 同女友人食個晚飯, 可能比較早,  人唔多唔洗等位, 叫左兩個 signature  水果茶, 茶味夠濃甜度適中, 唔似坊間有啲太甜又無咩茶味, 水果亦都好多, 蜜糖芥末薯條, 份量大得來熱辣辣, 柚子雞翼味道唔錯, 主菜叫左個卡邦尼意粉同埋香辣蒜片海鮮意粉卡邦尼意粉煮得岩岩好, 芝士味同蛋香味都好濃, 對於我呢啲芝士控來講very good,仲有條超大蘆筍, 朋友食果個海鮮意粉都唔錯, 海鮮好足料, 一上枱已經聞到浸 XO 醬既香味, 朋友share 左隻帶子比我食, 超大粒有夠味道,  呢間餐廳絕對可以encore, 下次假期來要試下佢地啲 brunch. 聽講假期超多人同埋brunch 都唔錯

同老公難得去街街, 想揾間坐得好食得好既餐廳, 知道洗衣街有間cafe coffee talks, 印象中都好多人食, 對上幾次經過都有人排隊, 應該唔錯, 上openrice 睇下啲食評唔錯, 就選擇左呢度, 閒日去到唔洗等位, 可能疫情關係, 人唔算太多, 坐位亦夠寬敞, 岩岩撞正午市茶時交替時間, 2:30pm, 點員話lunch set 同 tea set  都可以比我地叫, 因為老公比較肚餓, 我又唔想太heavey, 點左個牛肝菌蘑菇意大利飯同煙三文魚沙律, 沙律同三文魚足料分量夠大碟, 同埋睇得出擺碟用心, 老公話意大利飯煮得岩岩好, 因為出面有啲鋪頭煮得好硬, 有啲又煮得好水好淋, 呢間餐廳煮既意大利飯認真係好食, 配埋杯咖啡同柑桔檸蜜, 老公飲開咖啡既話杯維也納咖啡超正. 可惜我唔飲咖啡.  overall 水準唔錯, 難怪平時甘多人等位, 疫情下生意好似都唔錯. 下次可以再encore 呢間餐廳

疫情係全球已經一年有多, 可以話重創各地經濟, 眼見最近疫情稍為緩和, 都想出去食下野, 但係係選擇餐廳既時候有時都要睇下啲餐廳既防疫工作做得好唔好, 行開去旺角區, 就去左呢間coffee talks, 入到去, 如常量度體溫, 值得一讚既係係門口已經有消毒酒精噴霧比客人用, 呢間鋪頭安排左每張枱都有消毒搓手液, 真係方便啲客人坐底左可以消毒雙手, 雖然每間餐廳都有甘做, 但係做到好似coffee talks 甘足既真係小見, 入到店內, 如常睇下有咩食, 佢地甜點咸點樣樣齊, 選擇好多, 我就點左個脆炸魚柳薯條, 加杯熱柑桔檸蜜. 薯條佢地用既係粗薯條, 份量來講可以話夠晒下午茶份量, 唔似得出面一舨既餐廳. 佢地有沙律菜拌碟, 啲沙律菜仲要有 Italian dressing, 一啲都唔 hea, 薯條汁仲比左茄汁, 同埋 ceaser 醬, 以80 蚊來講, 可以話係抵食, 出面真係食唔到呢個質素既tea , 食完個餐, 飲埋杯檸蜜, 非常之滿足, 希望coffee talks 可以keep 住落去, 我下次一定再來幫襯. 

Lunch time 同事帶左我黎e間cafe~ 佢哋話食過覺得唔錯，所以想再嚟食櫻花蝦明太子忌廉意粉（$68）個人認為一般般，明太子同櫻花蝦都唔係好多，而且個份量偏小（我係女仔食完係啱啱好），但相對上忌廉味就更加重，感覺上整個意粉，係除了忌廉之外，只有少少明太子同櫻花蝦，口味比較單調同埋餐飲得檸水同檸茶唔使加錢飲品嘅選擇相對上得好少

平時去開茶記冰室既我, 都食都有啲悶悶地, 想搵啲新鮮野食下, 諗起成日經過洗衣街有間幾靚既cafe, 不如試下新野, 12點左右去到, 人唔多唔洗等位, 店內環境唔錯, 靜靜地, 落地玻璃夠開陽, 想坐Bar枱, 但係有其他客人坐緊, 呢間鋪頭對住條馬路, 對面係綠色草地既斜坡, 感覺幾舒服, 出面人來人往, 店內又好似另一個世界,  睇下餐牌有咩食, 選擇唔小, 午餐都有成10個, 不過價錢唔算平, 由80幾到120蚊不等, 不過以今時今日既物價, 又唔可以話佢貴, 始終地鋪租金貴, 客人是理解的. 叫左個set B, xo 醬香辣蒜片海鮮意粉, 感覺幾特別, 意大利粉, 中式煮法, 另外跟餐免費有杯柑桔檸蜜, 柑桔檸蜜上到枱, 已經feel 到果浸柑桔檸味,  唔似得一般餐廳果啲, 又稀又水, 心諗佢賣到100蚊一個lunch set 係值既, 但係點到要食埋個意粉先知. 果意粉來到, 見到啲海鮮可以話大到有啲誇張, 唔怪得賣呢個價錢. 跟住開始食落去, 一個字, 正, 真係正, 因為你一食落去就知呢間餐廳唔係做緊茶記級數既野, 雖然未至 Perfect, 但係可以話超值, 意粉