Comebuytea (形點) (已搬遷) 新店位置

搞喱喇～記一次走過呢間Comebuy Tea，嘩，不得了，茶香撲鼻，就即刻引起咗我嘅好奇心！內裏嘅裝潢好簡約，有隻大圓柱體放滿新鮮茶葉，好似話俾我聽：“嚟！試吓！”就忍唔住叫咗杯濃濃嘅炭焙奶霜烏龍，仲加多粒咯咯彈牙嘅黑糖晶球。我講，啲奶霜滑到不得了，甜得嚟又唔膩，同埋啲黑糖晶球，真係齜嘴齜舌嘅爽口！炭焙烏龍茶底有股獨特嘅微苦，喺舌尖激起一波茶香，好涼爽又提神！🍃🍵👌 茶喺面前即磨即泡，每一口都飲到茶嘅鮮味，依家講緊，個喉嚨仲陣陣茶香呢。呢間店嘅手調茶，真係令人驚喜連連！下次我一定會再嚟，試吓其他任選嘅組合；我想，每次嘅體驗都一定唔同樣。記住喇，最正宗嘅台式飲品體驗，就喺呢度喇！👍🥤😊

之前飲過呢間 但係唔係飲呢款 （類似飲啲果茶）覺得味道都可以 今日飲呢個珍珠鮮奶茶揀咗錫蘭紅茶 半糖但係⋯飲落去都係有啲死甜同埋重點係 點解可以冇茶味嘅 🥲 唔好飲個人不推薦飲呢一款

同朋友食完野之後決定買杯嘢飲先至去佢屋企打機玩。嘢飲選擇唔係特別多，相比起我試過嘅給其他舖頭但係個感覺係幾有氣派嘅然而呢杯嘢飲其實都大杯，呢個係幾欣賞但係就唔係話特別好好飲。佢個珍珠係有咬口嘅，亦都唔會太硬，但係就有少少膩，最尾飲唔曬😂😂

每一次與老友跑步後總會感到口乾口渴，總會上來一瓶消暑解渴的飲品，邊選擇了蘆薈汁飲，沒有想到他的蘆薈超出預期好喝，每一粒也是大大的蘆薈，口感冰爽潤滑喝下口更是感到清涼。

1星期前經過，見佢有新出品，珍珠鮮奶柴茶，買左杯試下，一飲簡直驚為天人，實在太難飲，直頭好似飲緊中藥！！好難聞的中藥，飲完仲要有餘韻殘留係喉嚨、舌頭.....想作嘔🤮🤮🤮🤮🤮上網查左先知，何謂柴茶，原來係印度茶，溝入不同的香料！！！oh.....買左33蚊杯奶茶，飲唔落😭😭😭😭😭😭⋯⋯今日經過再試一次佢銷售No.1:厚奶碳焙烏龍+芋圓：1. 走冰微甜2.芋圓好好味，有咬口，甜度適中3.好淡的烏龍茶味（可能本人喜歡茶濃）4.已經叫微甜了，但好似飲緊糖水......（可能本人唔受得甜吧）....唔會再飲了，寧願飲天仁茗茶，起碼無咁失望！

天氣咁熱一杯凍嘅茶飲真係透心涼行開YOHO MALL見到呢個comebuytea感覺好專業之前睇電視介紹過寒天一於試吓先茉莉綠茶，有百香果原汁，同埋寒天晶，口感Q蛋而且好清新有果汁嘅香味很讚

呢間係我最愛茶飲店之一，初初以為佢係另外一間差唔多一樣名嘅茶飲店嘅分店，每次幫襯我都揀芭樂烏龍茶，有茶味得嚟又有清香芭樂味，而且唔會太甜，坊間宜家好少咁有茶味嘅茶飲連鎖店，就算走甜都唔會無咗茶味 🍵而呢間係即點即泡，製作員後面就係一筒筒嘅茶葉，整個製作過程都好似好專業咁😂有部機喺前面沖茶另外喺你等緊嘅時候，旁邊有個每日精選嘅試飲，如果飲過好飲，佢亦有茶葉俾你買返屋企👍🏻佢宜家都開到港九新界都有分店，想試嘅朋友，唔好去錯另外一間差唔多名嘅茶飲店

台式手搖飲品熱潮過後，其實已一陣子沒有喝珍珠奶茶了。但一次偶然機會下嘗試了ComeBuy Tea 後，再次換起了珍珠奶茶的回憶，相信是因為該店的特別泡茶技術而已，使泡出來的茶特別濃特別有茶味，原來喝奶茶也可以有茶味的。本人比較喜愛炭培烏龍加厚奶蓋，奶蓋幼滑濃厚，混塔烏龍茶多重享受，如果喜歡有咬口的，可加珍珠或芋圓，珍珠真的很彈牙但可惜我不喜歡珍珠。另外推介的會是桂花釀烏龍，那種桂花香味很獨特，但又與烏龍茶很夾😋 這分店平日通常也要排長龍，大家需預多少少時間了。

Come buy tea相信都唔算陌生，分別亦已經遍佈香港，呢間分店特別之處係店面會有唔同茶葉，仲有專門煲茶既機器，不停煲各種既茶，好pro今日叫咗呢杯清新烏龍加厚鮮奶，本人本身對烏龍茶都唔算有太大既喜好，但呢杯果然清新，唔算太濃，一啖茶再加上一陣奶味，好自然同解渴

自從發現依度最好味既係所有花茶類，基本上每一次都係桂花烏龍，百香茉莉烏龍桂花烏龍，桂花味濃又香，但會偏甜左d, 半糖對我黎講都係甜左d, 但男友要飲甜野通常佢要包底，所以都係叫半糖走冰，但都會有少少冰，但可接受個烏龍茶底好出，所以溝埋d 花類係好好飲寒天質感同出面既唔同，係一粒粒，硬身同彈牙d, 好好咬架

頭先去左呢間，都好多人排隊。等既時候就好似睇表演咁，製作時有蒸氣。而叫左杯百香茉莉寒天q（半糖），我覺得好好味茶味都夠，不過我都覺得太甜，杯野飲裹面有一粒一粒好似棷果既味道，都好特別，值得推介

呢間來自台灣既茶飲店同以前既台式飲品店有啲唔同，最特別之處佢地既茶底係即叫即沖，仲係用原片茶葉去沖。而且店面採用開放式吧台設計，由拎茶藥到沖製野飲封口全個過程都睇到曬，一定保證乾淨衛生👍🏻👍🏻西柚配清香烏龍，味道清新，仲飲到啖啖西柚肉，配搭新鮮，好夾👍🏻👍🏻

香港的飲品店實在愈開愈多但早期的台式飲品你們又記得嗎?這家飲品店在香港已經數年有飲品店/茶飲品兩間 仍然有市場~~~~~~~~~~~~~~~~~~~~~~~~~~·蘋果晶球冰茶 HKD$22~~~~~~~~~~~~~~~~~~~~~~~~~~·3Q百香果 HKD$21~~~~~~~~~~~~~~~~~~~~~~~~~~·特調咖啡HKD$18雖然沒有太多新穎的飲品 但味道不錯新穎的飲品感覺飲糖水一樣個人表示不太喜歡耶~ 太甜的飲品不好~~~~~~~~~~~~~~~~~~~~~~~~~~

一直有去開ComeBuyTea既習慣，貪佢茶味夠香濃。每次見到都大排長龍好多人。今次去到元朗Yoho Mall見到有comebuy 又竟然冇咩人排隊喎，即刻叫返我嘅至愛。我嘅最愛就係清香葡萄柚烏龍茶配蘆薈， 而我朋友就叫咗苿莉綠茶配寒天。清香葡萄柚蘆薈烏龍茶好清爽，飲茶同時又可以食埋啲蘆薈同埋葡萄柚。👍有少少酸得來又有甜味，正！ 🥰至於朋友嗰款苿莉綠茶配寒天都幾啱我口味，寒天口感都唔錯。其實come buy入邊仲有好多款唔同種類嘅飲品可以試吓。選擇好多，同埋我覺得佢哋比較少用人造色素或者其他增味劑，所以比較健康，抵讚👍

奶蓋支持者今日去到yoho mall comebuy，同朋友行開街，遠處成日聽到同見到佢噴煙，又心郁郁想試下有冇乜特別。同傳統餐牌唔同，無寫明啲野幾錢，變左好似車仔面咁嘅模式，有一個底，加呢樣加果樣，俾錢果刻先知道原來加左咁多錢，哈哈。我問職員厚奶喺咪即係奶蓋，佢話奶霜先喺，於是就叫左呢個。不過好失望啊！因為完全飲唔出有奶蓋味道，又無cream味又無奶味，又食唔到厚蓋感覺，同一杯普通奶綠無乜分別，不過綠茶都算濃，幾香嘅茉莉味。我仲加左小芋圓，比較少見嘅配料，芋圓都算煙韌同有芋香味，不過唔算好多粒，一陣間就飲晒了！整體不過不失，不過我下次唔會再試了，哈哈，性價比不太值，無乜特別，但又偏貴，不會被噴煙吸引了。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨