CookHouse

營業中

休息中

慶祝朋友生辰🎂，都係揀一間比較好feel好氣氛嘅餐廳🍴，去過幾次同熱情嘅老闆👨🏻‍💼熟落咗，可以對下酒🥂吹下水，幾開心🥳.不定期都有轉換下📋menu，每次都會有點驚喜俾大家，記得最好都要訂定位比較穩陣📝———————————————————————————🍽燒焗波士頓龍蝦🦞💬Size都唔算細，夠份量，仲有幾多膏，肉質鮮嫩，大大隻鉗肉仲好彈牙，無煮過龍，很好🤤.🍽美國🇺🇸黑安格斯牛排🐮💬可能太早上枱掛住食龍蝦🦞，搞到凍咗，好在有個醬汁蘸下無咁dry，都幾大塊，好滿足😅.🍽黑松露鵝肝燉飯💬好大塊嘅鵝肝，燒到香脆，加埋黑松露飯，可以食多兩啖🤤.🍽黑松露薯條🍟。蜜糖雞翼🐓💬呢兩款食物真係每次唔同嘅朋友聚會都會有人點選👋🏿，送下酒🥃傾下偈🗣確是不錯🥳.🍽法國🇫🇷Krystale No.2生蠔💬口痕痕又叫咗半咑生蠔，好生鮮好清甜，幾滴檸檬🍋汁，想念在外國旅遊即拆即食嘅那一刻🥺.🍽芝士芋泥蛋糕🍰+檸檬🍋蛋糕🍰💬慶祝生日當然要叫件Cake啦！唔係叫貨絕對係自家制，都幾有質，仲要低糖唔太甜，圓滿落幕👋🏿

轉角間餐廳full house咪入嚟試吓啦，成間嘢滿座咁滯，叫咗個青口，佢話係新鮮喎，另外嗌咗個肉眼扒7成，又韌又凍嘅，期間見到員工好鐘意拉低口罩，唔洗手又繼續送餐，餐廳個水吧仲勁，拉低口罩又摸鼻篤手機，之後又冇洗手繼續開工，真係冇下次

難得係粉嶺搵到間少有高質餐廳其實開左都有一段時間但一直未有機會試放假想食好少少又唔想出返市區就一於lunch 去試下門面裝修好有特色未入去已經知老板放左好多心機落去對食物"應該"都相對有要求入去見到好多檯客都有叫Angus Beef Burger 而望落亦十分似吸引當然跟隊就最穩陣的而且確係唔錯$98合理價錢肉質夠Juicy唔會太乾或者有多餘既sauce... 另外老板推介燒西冷($138)肉質不過不失未算有太大驚喜反而係煎濃左既厚邊好重香料令件西冷加分最後當然要試下佢既甜品Cookhouse其中一樣出名既就係佢既甜品成日係社交平台見到是日甜品都好吸引點選了伯爵茶巴斯克蛋糕好香伯爵茶味配上巴斯克蛋糕好好味味道不算會太甜過了一個舒服既下午下次要試下個晚餐

同朋友黎粉嶺，夜晚決定食西餐。喺openrice見到呢間舖頭幾吸引，就去左食啦。佢有兩層，座位數目都唔少，座位之間既空間都好夠，坐得幾舒服。今次我同朋友就坐樓上。我哋嗌左︰里考塔羊奶芝士菠菜意大利雲吞，同埋厚燒美國極黑豚肉。飲品就叫左青蘋果汁。MenuMenu食物大合照里考塔羊奶芝士菠菜意大利雲吞︰比較少見既意大利雲吞，好足料，份量都唔少，略嫌芝士加白汁有少少膩厚燒美國極黑豚肉︰超厚，但係唔會韌，燒到外邊脆身，入面爽口彈牙，好正！青蘋果汁︰有果蓉，應該係鮮榨既，幾好店員有禮貌，環境唔錯，野食好正

我哋今日下午食了溫泉蛋卡邦尼意粉和安格斯薄牛肉咖喱飯。意粉嘅口感比出邊平想食嗰啲鋪頭冇咁杰身，再加埋溫泉蛋落去，口感又另一番味道，蛋味重咗好多，但又唔會漿住過嘴，好清爽；至於咖喱飯比較突出嘅地方就係佢哋嘅咖喱味，食落去有少少中草藥嘅味道，我意思唔係話唔好味，係用「全新突破」嘅感覺去煮咖喱，如果你想食咖喱，但又唔想食平時食開嘅普通味道，依度應該可以嚟試吓。

值得推介既粉嶺黃店！會再幫襯～食物質素唔錯，不過飯量可以再多少少。Dinner set再有加一就貴少少, 仍可接受。店員同老闆都好好，同朋友食完飯傾左一陣計，店員都係等到關門時間先禮貌地請客人離開，唔會西面，食完飯仲請左3杯朱古力mousse比我地食。特別一提個洋蔥圈好好味（不過唔係好食到黑啤味）

同朋友搵左呢間西餐食飯聚下呢度環境都唔錯 坐得舒服 適合三五知己食飯傾吓計💜睇餐牌 都有好多野岩食 價錢又唔貴👍首先叫左「黑松露蜜糖雞翼」雞翼數量比想像中多個汁其實我唔係好感受到黑松露😬 有少少甜甜地酸酸地 同雞翼都幾夾😛呢個「黑松露薯條」就真係令我食到唔想停.....黑松露醬好正 夠濃味 薯條都炸到剛剛好 少少脆 唔會淋😆呢個係「香草醬鮮蠔仔帶子燉飯」蠔仔、帶子都幾足料 食食下d飯就會食到蠔仔d醬汁加埋好好味 冇違和感 推介❤️❤️❤️最後係「美式煙燻烤雞」都幾大隻雞多肉 而d肉又唔會太”un” 好不錯👍👍👍👍overall我覺得呢個價錢食到咁樣既質素 好值得😆十分推介呢間高質餐廳😇

北區其實都幾多黃店！而家疫情嚴重，少咗出遠街，所以多咗幫襯屋企附近嘅餐廳～  第一次嚟呢間响聯和墟嘅 Cook House, 係食港式西餐，有 set lunch, tea set, 全部都好抵食。限聚令下我哋兩個人嗌咗兩個 set lunch, 食到好飽。Pasta Carbonara 好好味!!Beef burger with fries!! 個 Salad 我食晒！啲菜好新鮮Set lunch 包咗餐湯~重點原來係甜品呀   呢個芋泥 Cheesecake 好特別，超好味！呢個係 Lemon New York Cheesecake，我覺得有啲偏酸，但都係好好味!

呢排成日叫外賣，冇計啦！又唔封關。。。呢間無論係堂食定外賣都咁高質！話說，我地叫咗一份菠蘿豬排，勁好味 豬排又厚又juicy，配埋好似燒汁同菠蘿一齊食，舌頭有福了！仲叫咗咩？係芝士薄餅呀！超好味 真係好好味，脆卜卜、香噴噴、芝士又彈牙又起絲，味道剛剛好。佢嗰個好靚嘅紙盒，薄薄但有2個透氣die cut罐，好細心仲叫咗咩？其實我地好似係食咗薯條飲咗湯同有個意粉(份量略小)，最奇怪嘅係，好似多咗隻蟹。。。噢！唔知係送定俾錯，不過好好味喎！一口氣食晒，最正係好多膏就咁，其他餐廳外賣錯漏成日有：叫檸樂冇俾可樂、特登加油菜又冇咗、米線冇轉薯粉、少咗個餸等，今次呢種唔知算唔算係錯呢？

上網搵下有咩黃店~見到呢一間~假日就去試下個lunch ~好多Lunch Set 選擇! 免加一~-NZ頂級肉眼扒8oz 配紅酒汁 ($108 )D 配菜幾正~ 意粉都多 但偏硬~肉眼望落好似有D乾身~以為overcook... 但食落口都嫩嫁喎! 而且牛味都幾濃郁!!呢個價 唔錯唔錯!!-厚燒鰻魚溫泉蛋大碗飯 ($98)味道不錯!!!隻蛋另上俾你~-吉列黑豚肉稻庭烏冬 ($78)好大份 而且黑豚肉幾好食! 點醬食正!不過有D炸過龍!  -安格斯牛肉漢堡 $108食完呢到Burger 一般般~不過我幾Like 佢個粗薯條~-忌廉南瓜湯 (午餐)一般 唔夠南瓜味~ 但算creamy的~-Tiramisu 朱古力沙冰 (+$10)Tiramisu味夠出~整體好Smooth好香濃!!!好飲!!不過偏甜Hot Chocolate (+$5)Lemon New York Cheesecake ($48)其實味道就正正常常 鍾意佢唔會太甜~但雪過夜 令個Lemon layer就有D實的的~同個檸檬...賣相差D咁囉哈哈!!--CookHouse粉嶺聯和墟聯和道9號地舖

舊區中的西餐廳，門外有一大時鐘打造歐化風格。店內有兩層，有少少像日本居酒屋的風格。厚燒鰻魚溫泉蛋大碗飯超大條鰻魚鋪面，鰻魚咬口煙韌。劃破溫泉蛋，蛋黃汁和蛋白和珍珠米混合一起。口感豐富美味，蛋汁加上鰻魚濃濃燒汁的甜味，十分相配。鮮茄焗美國黑豚肉意粉用上了扁意粉有加到分。酸酸甜甜的蕃茄汁非常惹味，豚肉肉質較腍，沒有臊味。而且，分量十足，能兩個女生share.板燒美國豚肉眼伴燒菠蘿豚肉眼部分比較柔軟，也沒有筋，而且富有彈性口感。菠蘿酸味也恰到好處，讓人感到開胃有食慾。本身豚肉眼扒已經夠飽肚，伴碟薯條更是十分有份量。牛肉漢堡最後的牛肉漢堡，超豐富的煙肉和蕃茄生菜，一口咬下口感超讓人回味。牛汁的牛味超香濃，牛肉也不會太粗糙。不錯！岩鹽朱古力奶昔

朋友推介食物高質 服務好 所以就係假日試下個lunch ~ 入到餐廳環境好舒服 睇menu 期間 留意到周圍食客啲食物 好高質 已經心大心細 食咩好跟住朋友點左個肉眼扒餐 個薯菜 好正有啲辣粉 我點左個黑松露野菌意粉 好香 黑松露同雜菌份量又足 最緊要唔會好膩 🤩🤩朋友仲推介一定要試檸檬紐約芝士蛋糕結果完全無失望因為真係好好食 檸檬味重 唔會太甜 加埋粒馬卡龍 好正 果然甜品係必食推介 大意的我 係準備搭車既時發現唔見左八達通搵左好耐 於是試下打返餐廳問下啦店員好好即時幫我睇 真係搵返呀 🤩🤩仲好好咁留左我資料 叫我行開過去 搵佢拎返真係值得我第一次 為佢地寫食評 支持

A good little chill restaurant serving a variety of western food. Not the highest quality of cuisine but one of the better western restaurants in Luen Wo Hui.EnvironmentWhen you walk past this restaurant, you’ll be attracted to its standout design outside, a massive clock enclosed within a wall of colourful bricks. Clearly a lot of effort has been spent on its exterior and interior to create a western and classy feel to the restaurant. On the inside, it’s very cosy with tables packed tightly tog

見上網有人介紹又係附近就去試試～叫左兩個小食同一個主菜～-黑松露蜜糖雞翼-黑松露薯條-黑豚肉眼（全名唔太記得😆）個雞翼真係超好食，炸得夠熱又嫩～個汁好夾，男朋友好鐘意個蜜糖汁薯條就正常冇咩太大特別，正常發揮，我就幾鐘意個黑松露醬。黑豚肉眼夠淋，啲配菜唔求奇，燒菠蘿同芝士蕃茄都唔錯，燒完焗完都仲咁juicy, 成碟食哂唔剩價錢合理，同出面比有呢質素，絕對係抵食之選～所有野睇得出有心機整，一定會返轉頭嘅餐廳💕

見門口裝修非常特別 ， 便入去試吓原來裡面裝修也很漂亮 很有情調 又坐得舒服 侍應又非常好會 介紹餐牌內食物又給我們意見 叫左生蠔🦪 又大隻 又新鮮 西冷牛扒 又煎得非常好味 尤其喜歡他們蜆肉配蒜蓉包 非常鮮甜 麵包又焗得非常香脆 胃口大開 又叫左枝 米芝連啤酒試吓又幾好味 花香果味十足 服務非常好雖然只係叫咗一支啤酒都 有給我們冰桶 冰住枝啤酒 最後因為太好飮忍吾住飮左 二個人飲左四枝甜品 也實在有驚喜 大食的我 忍吾住叫左四款試吓 🥰🥰🥰🥰🥰🥰