Coti the Bistro (五芳街)

營業中

休息中

位於新蒲崗嘅Coti the Bistro,室內裝潢簡約舒適,走日式風格🎌帶有文青氣息🤎🤍主力提供輕食及甜品,亦有飯、意粉、扒類、all day breakfast等等,種類選擇多🤩另外有多款特色咖啡☕️有好多特別嘅口味,好吸引😍烤美國西冷10安士配燒汁好大塊嘅美國西冷🥩啖啖肉,肉味濃郁味,肉質嫩口多汁💦配上燒汁令到西冷扒更滋味🐮另外跟埋薯條同新鮮沙律菜🍟🥗多重口感😛芝士卡邦尼意粉芝士味道濃郁🧀弄破慢煮而成嘅半流心溫泉蛋後,蛋汁融入奶香濃郁嘅卡邦尼意粉中🥚令每條意粉都沾滿醬汁,口感creamy😛入面仲有煙肉同蘑菇🥓炸魚手指薯條炸魚手指口感酥脆,外脆內嫩魚肉嫩滑🐟薯條選用粗薯條,炸至香脆可口🍟提拉米蘇咖啡賣相好靚嘅Tiramisu咖啡☕️咖啡上面係結實厚厚嘅tiramisu忌廉😍同埋有手指餅🫶🏻將忌廉混入咖啡後,咖啡味道好出☕️再散發陣陣tiramisu味😛焦糖布甸咖啡咖啡表面灑上焦糖🍯每一啖都係香甜嘅焦糖味,帶比人甜蜜蜜嘅感覺🥰

平民工廈西餐這間餐廳提供簡單的平民西餐選擇~~~裝修有飯堂風味，好親民~~先點了煙三文魚藜麥沙律清爽健康又大份~~~藜麥增添了豐富的口感，價格為$86~~烤美國豬鞍配芥末汁$168: 豬鞍烤肉質瘦而有咬口，唔會肥~~~芥末汁提升了整道菜的風味~~~明太子三文魚籽貓耳朵粉$108: 貓耳朵粉煙煙韌韌，多醬汁~~~飲品點了熱朱古力咖啡及熱檸茶，各$36~~熱朱古力咖啡有香濃的巧克力奶味濃厚，咖啡清香~~~

腐乳蒙古羊鞍羊鞍肉汁滿滿，嫩滑可口，配搭腐乳汁令味道更富層次感，吃起來不羶不膩口，都有粗切薯條伴碟烤美國西冷配燒汁牛扒份量十足，五成熟肉質嫩口多汁，切開呈粉嫩色澤；粗切薯條炸至香脆，仲配埋沙律菜超滿足抹茶鮮奶抹茶控必點，味道帶點微甘，茶香味從奶中慢慢散發出來，絲滑柔和提拉米蘇咖啡這是我大愛的咖啡，一杯已有甜品+飲品雙重享受，每次我都會先食幾啖面層綿滑的Tiramisu cream，然後才攪勻濃郁嘅espresso，然後慢慢細味

星期六一個人來到新浦崗，想靜靜吃個午餐。因為第一次來，不熟路，行過整條五芳街，才知道入口在彩虹道🥹進入餐廳後，可能不是繁忙時間，食客不多，職員給我安排位置後，便送上餐牌。食物種類不算豐富，但我相信貴精不貴多啦，選了最貴的明太子三文魚子貓耳朵和一杯短笛咖啡，主食還奉送餐湯，是日餐湯是我喜歡的羅宋湯。羅宋湯最先端上，正是我喜歡的味道：少少辣味的雜菜湯👍🏼接著端上短笛咖啡，令我有點意外，因為主菜還未吃，待會要喝凍的熱咖啡了🥹襯熱時恰了一口，奶味不算重，沒有苦澀味。接著主菜來了，可是落錯了單，來了Carbonara，當然要換過啦！再過一會，明太子三文魚子貓耳來了，最貴是有原因的：有兩顆大大的帶子！味道很好，有明太子的辣味，帶子熟度剛好，不太老，唯獨貓耳朵較厚身，咀嚼需時，但整體味道不錯吃。結帳時，職員問了一句「短笛咖啡苦嗎？」，我感覺很有heart😍重視食客反饋意見才會進步啊👍🏼

📍新蒲崗 | Coti the Bistro今日同朋友去咗一間喺新蒲崗嘅小店，呢間餐廳嘅位置同入口都非常隱世，我地以前成日黎新蒲崗玩都無留意到haha🧀芝士卡邦尼意粉 配沙律 $78Carbonara 意粉煮得恰到好處，濃郁嘅芝士同醬汁完美融合，而面頭就有香脆嘅煙肉同埋溫泉蛋~ 更配有新鮮嘅沙律菜解膩🧀烤美國西冷10安士配燒汁 配自家餐湯 $198平時食開well done嘅我，今日就吓朋友食medium well啦haha~西冷肉質鮮嫩多汁，外層帶有微微焦香，配上燒汁更增添風味~加埋新鮮薯條同配菜，食得非常滿足☕️朱古力咖啡當日非常非常非常攰以及眼訓嘅我即刻叫咗杯凍mocha黎飲，飲品係跟餐嘅，單叫$38。咖啡味重，偏苦~🍵抹茶鮮奶朋友平時都好養生所以叫熱飲，飲品係跟餐嘅（單叫$42）。拉花真係好靚呀，抹茶同鮮奶嘅味道非常配合，係美味嘅matcha latte

位於新蒲崗的Coti the Bistro，是一家坐落於工廠大廈地舖的清新別緻西餐廳。今晚就和有人來到這裏吃過晚餐。【煙三文魚藜麥沙律】這道菜的亮點在於三文魚的新鮮度和沙律醬的調配。三文魚片份量足夠，搭配的沙律菜色彩豐富。一道清爽的開胃菜，讓人食慾大開，作前菜一流。【烤美國西冷10安士】燒汁牛扒的熟度掌握得恰到好處，外香內嫩，而且多汁。薯條則是傳統的粗薯條，外皮酥脆，很香口。【鰻魚蛋包飯】是我當天的最愛，蛋包飯的蛋皮口感柔軟滑嫩。鰻魚烤得非常入味，而且好有膠質同彈性。【鮮忌廉朱古力】濃郁的朱古力香味配上奶滑口感，冰涼又解渴。

去開新浦崗做完嘢就喺附近搵埋嘢食😆發現咗間幾靚又有格調嘅西餐廳。2個人嗌咗10安士嘅烤美國西冷配燒汁薯菜 同 腐乳蒙古羊鞍配薯菜🍽️ 嘢飲嗌咗凍朱古力咖啡同鮮忌廉朱古力🍫羊鞍諗住個名幾特別嗌嚟試吓，聞落幾香佢哋嘅腐乳秘製汁配羊鞍又幾好味🤤肉肉5成我覺得嚟到差唔多變7成就最好食～ 肉嫰又保留到汁充滿羊肉香👍配搭咗烤蒜 鍾意食蒜嘅可以夾埋一齊食🤤會多一個層次嘅味道👅西冷亦唔錯，肉嘅脂肪分佈都均勻油花煎香後充滿牛味 富有咬口但唔會話韌切開之後仲有好多肉汁幾Juicy😋薯條亦炸得啱啱好☺️ 整體幾有水準。凍朱古力咖啡 有朱古力嘅香又唔知蓋過咖啡嘅味唔錯 而 鮮忌廉朱古力🍫忌廉香配濃濃朱古力幼滑又好味🤤而且唔會話太甜👍👍見到呢度慶祝生日，餐廳仲有畫碟嘅安排同可以有位for 慶祝birthday 坐嘅位置影相都靚啲～😆

感覺非常差，事源一早喺 OR 預訂枱，睇過食評明明正正常常，但現實同網絡世界嘅作文，真係好大分別。1。無服務，明明訂左枱，無人 SERVE 你。但全場係無客，叫我自我揀枱，到我想揀我喜歡嘅位置，又唔比我坐，要我坐門口位。冷氣又唔夠，全程熱到飛起，滴晒汗黎食野，自己開住風扇仔都唔掂。全場得我一枱，服務非凡。2。由於環境已經差，啲枱仲要唔整淨嘅，成枱面都係灰，足足抹左2張紙巾。所以之後用餐已經無心情影相。3。食物：差差差除左2人餐會有餐飲外，全部野食都係散叫，所以4人焗住叫左個2人餐同埋加左個喵耳粉。得沙律同喵耳粉正常。牛扒同豬扒完全 overcooked 鞋到不能，連 大xx 都好食過佢。全程用餐體驗異常地差，呢個價錢比甘嘅質素我，絕對唔會再幫襯。

新蒲崗隱世Cafe ☕️口味非常特別。餐廳都幾有心思，有生日佈置，幾有儀式感，可以同班朋友去Chill吓玩吓打吓卡。 坐得都幾舒服，簡簡單單又半day☺️今次試咗明太子三文魚貓耳朵意粉，口感幾好，味道剛剛好👍🏻美國西冷份量充足，肉質軟熟，配上薯條正呀⭐️餐廳門口比較隱蔽，要俾啲心機搵吓😂但係入到去就發現餐廳好大，座位好舒服😄 如果有朋友或者屋企人生日book呢度，因為有佈置場，打卡影相出嚟會好靚，都幾有心思，值得推介👍🏻👍🏻👍🏻👍🏻

今日想同朋友去浪漫有氣氛嘅餐廳，我哋又嚟到新蒲崗好出名嘅西餐廳～人均大約$150，食物質素高，好滿意☺️💰二人晚餐消費：$308明太子三文魚籽貓耳朵粉 - $108.00推薦！好好味嘅西日菜式，貓耳朵造型的意大利麵配上鮮味三文魚籽以及芳香四溢的明太子醬汁，好惹味，口感層次豐富，加上大大粒帶子，視覺效果十分吸引😍芝士磨菇意大利飯 - $88.00經典意大利飯～鮮美磨菇加芝士 口感味道好豐富，濃郁的芝士香味，好味又飽肚😋棉花糖朱古力（凍） - $42.00軟綿綿的棉花糖與濃郁的朱古力完美融合，鍾意飲朱古力嘅一定要試🥰焦糖布甸咖啡 - $42.00濃郁香醇的咖啡與柔滑細緻的焦糖布甸完美融合，賣相好靚打卡一流☺️

已經食過好多次。難得一間餐廳在新浦崗坐位空間足夠，唔洗迫住坐。食物一向都幾好。西餐80元唔貴包湯包飲品。可惜冷氣長期不足。如果冷氣足夠會更加好。服務ok. 都盡量配合。只是欠缺笑容。好像黑面但其實只是沒表情。

呢排要發掘一下新蒲崗有咩好食今日行遠咗少少 嚟咗呢間cafe鋪頭入口喺彩虹道嗰邊 對住大馬路 唔太起眼 有少少隱蔽不過原來入面都幾大.1) 奶醬啡睇餐牌俾佢個名吸引咗花生奶醬加咖啡呢個組合都幾得意原來都幾夾味道唔錯 甜甜地 可以遮咁啲咖啡嘅苦味杯邊仲整咗啲朱古力碎碎 望落好似好grand咁🤣注意只有熱飲 .2) 明太子三文魚籽貓耳朵粉睇落好似好細碟咁 但其實份量都好多上面仲有兩粒帶子.食物唔錯 味道都幾創新環境都算闊落

上年12月嚟過，當時食下午茶，對餐廳印象麻麻，記憶點係（1）冷氣弱；（2）咖啡細杯。有得揀就唔會再嚟，但不如人意，朋友傳出呢間餐廳的連結，話想食。事隔大半年，試多次~~假日late lunch時段到達，餐廳的午市套餐除包含午膳時段外，仲去到2030。特別的係，入座時，侍應仲提供埋晚市2人餐的餐牌。可能餐廳所有套餐都貫穿午、晚市！？午餐價格大致可接受，但要加一。餐飲的咖啡除美式、鮮奶咖啡外，其他要補錢。計埋加一，人均消費$90-100。而朋友點全日早餐，$148，加一後就>$160。餐湯/沙律：朋友點餐湯，只飲咗1-2啖；個湯杰身，似芡。全日早餐：英文叫Coti breakfast，用番餐廳個名，少費，係咪物有所值？我覺得如果散叫~$70都可以，但$148就絕對over-priced！雖然食材唔少，但煙三文魚顏色慘白；麵包/多士朋友好難先切得開；蛋得1隻，係太陽蛋，煎穿咗。最後，朋友食淨1/3碟，煙肉同茄汁豆冇掂過。日式胡麻波蛋香草豬肉腸藜麥沙律：個名好長，材料簡單。由於餐廳冇乜素食選擇，所以我點餐後就外帶香腸俾狗狗爸爸（相片冇影到啲腸）。沙律菜幾新鮮，水波蛋係中、大型蛋，熟咗啲

這家西餐廳位於新蒲崗的工廠區，門口非常低調，經過時八卦一看內裡才知道原來是一家餐廳，之前在九龍灣嚐過他們的店食物味道不俗，所以決定即興一嚐這家分店。明太子三文魚籽貓耳朵粉上方有兩顆香煎帶子，三文魚籽量多，以忌廉汁調味，貓耳朵口感煙韌，整體味道滿意。烤美國西冷10安士配燒汁牛扒份量充足，浴室軟嫩多汁，粗薯條香脆，十分惹味。還有點沙律菜作伴碟，口感爽脆，減輕油膩感。棉花糖朱古力 / 鮮忌廉朱古力怕晚上攝取太多咖啡因失眠，所以我們沒有點到咖啡，選擇了兩杯朱古力。棉花糖微微燒過，帶焦糖香味。忌廉打發過後像瀑布一樣倒在上方，兩杯朱古力都非常濃郁美味。

今次黎到新蒲崗食西餐，佢位於工廈裏面地下位置比較隱蔽，停車場的反方向轉個圈就見到，裏面都好大，仲見到可以喺度搞生日party，另外中午經openrice book枱會送生日蛋糕一件，餐廳多數都係卡位， 光線柔和，適合傾計烤美國西冷10安士配燒汁西冷牛扒烤得好好，裏面還是粉紅的，肉質軟熟，肉汁keep到喺入面，西冷口感好好，根位好正，仲有沙律和薯條跟，一流腐乳蒙古羊鞍試下新嘢蒙古羊鞍，有兩大隻好多肉，西餐用腐乳整第一次食，出奇地好味好夾，啲羊唔會好騷，另外還有半個蒜頭和薯條跟，蒜頭輕輕煮過，好有蒙古風味棉花糖朱古力 & 鮮忌廉朱古力我哋兩個都點咗朱古力，棉花糖和鮮忌廉，大家都差唔多，棉花糖就有兩粒，鮮忌廉更加軟滑，甜度適中，非常好