Cozy Coffee

營業中

休息中

靜靜佇立喺路邊，樓兩層高嘅藍白色cafe🏠就咁離遠望都幾有feel😆好滿足到Jenny咁少踩入大圍嘅渡假感🏖如果坐喺下面嗰層，打卡可以影埋shop front😚效果好正📸𝙁𝙤𝙤𝙙🍦阿芙佳朵 $55就係中譯嘅coffee affogato😉香濃咖啡倒喺軟滑嘅一杯雲呢拿雪糕上面🍦，咖啡微苦喺舌尖上化開，咖啡控諗得過🍊香橙磅蛋糕 $46一層薄薄嘅糖漬香橙片，鋪喺小方形磅蛋糕上面🥰香甜得黎帶微苦，幾有性格同層次喎😇蛋糕口感濕潤，橙片令蛋糕冇咁單調，好味😚𝘿𝙧𝙞𝙣𝙠𝙨☕️Flat white $42咖啡有拉花，豆味都算濃；但味道略帶酸，Jenny對佢唔係最有好感🥲帶住Holiday mood黎chill吓好啦，但唔好真係holiday黎🤣都幾多人，避開peak time你懂的😏𝙋𝙝𝙤𝙩𝙤 𝙨𝙥𝙤𝙩門口藍白shop front 位

個日特登去呢間cafe 食早餐，因為見到之前姜濤去過拍嘢，就同frd 去試吓係點啦😚😚1️⃣ 咖啡三文魚貝果🐟🥯 $88自己本身好鍾意食Bagel😍三文魚、牛油果同cream cheese 都好夾 仲有隔離有啲番石榴 refresh下 唔使咁單調 所以食完唔會話有cream cheese 特別滯😚😚😚 2️⃣Mocha （+$8）拉花好靚😍😍打卡一流👍🏻甜度適中又有朱古力味😚😚配埋個bagel真係好夾🤩🤩朝早個feel好好😆有點陽光照入嚟 然後有個半open area用餐 靜看街頭既流動chill~~~ 但周不時會有行人吸煙😞😞有啲臭 但餐廳仲有其他位揀既~~而服務都好好🥰🥰

今日一早同埋媽咪就嚟試吓佢哋嘅Cozy All day breakfast 同 Coffee Cured Salmon Bagel。分別$118 & $88 ，如果想要坐1/F，人均消費$100，不過基本上實超過。留意番假日無餐要另外加錢買野飲，再加2杯Latte $84 共$290/2人食早餐，但係咁嘅價錢，只識合打卡，個人認為食物水準一般，一個字「貴」，唔值，完。

首先個包一攞上手下層嘅麵包皮已經濕左5成，已經失望，咬落去唔熱的，少少暖，堂食當然想食新鮮熱嘢，唔熱不如去快餐店買外賣，價錢差一大截。肉質中等不算好吃，薯條更加係唔好食，冇薯仔味，炸過火…..總括嚟講就係唔好食！係杯咖啡幾好，熱的，濃味Flat white👍🏻! 但環境真係嘈到不得了，其實香港人真係好難chill得到，要大聲講是非不如去茶樓茶記…所以香港難做可以比人hea比人chill嘅coffee shop真係難過登天！

去過大圍同埋西貢分店比較鍾意西貢店慢活啲既感覺Cozy salad $88+$16 有熱朱古力/ latte ( +$20 有龍蝦湯）Salad🥗好豐富～有藜麥,牛油果,蝦（冇味）,沙律菜(算乾淨）,西梅乾,個樽係熱情果汁dressing 好開胃好健康😉原來食個salad都可以好飽好滿足😙

下午近近地想搵間小店坐下一搵就搵到呢間唔明點解會出名多人去今日紅日要等位我明但係見住有吉位 都唔見叫號入去再等多15分鐘忍唔住入去問有位做咩唔叫號碼員工擘大隻眼同我講話出左去叫左幾次冇人應企左出面吹左半小時風一直望住有冇人走 望穿秋水結果人地根本唔休做食物伏到個一點眼見都唔開胃點左煙三文魚牛油果賓尼迪蛋結果..說好的牛油果少得可憐兩個字：垃圾漢堡m記都好過佢同行小妹話食過咁多cafe排名最尾薯條翻炸是基本又貴又伏又唔掂No more !Thanks

呢間藍白cafe都頗為出名 有兩層高 下層開揚 上層透光度十足 坐得幾chill架~帶子蟹肉意式薯丸 ($108)好喜歡佢帶子蟹肉嘅配搭 兩樣我都好鍾意😍 而且都幾足料 帶子同蟹肉碎都幾多 帶有鮮味 帶子半熟好滑🤩 不過粒薯丸好粉...唔好食 完全唔知咩事🥴🥴煙肉炒蛋多士 ($68)比較平淡嘅輕食之選🤔 炒蛋幾滑 而且幾大份 煙肉反而唔係一片 而係醬尼 都幾特別😋😋 可惜酸麵包多士會好快濕哂淋哂🤭 同埋配搭都好普通Hazelnut Latte ($47)原來hazelnut 要+$5 都真係偏貴 不過hazelnut味都幾香就算啦~

經過大圍見到有間白色咖啡店，俾個裝修吸引咗入去坐低飲杯嘢，環境，氣氛，裝修風格都不錯，非常適合影相打卡，不過店員欠缺主動和欠缺笑容，店員對客人有少少唔知想點咁。因為我哋剛剛已經食咗午餐，所以只係叫咗一杯嘢飲同埋一個甜品，叫咗一杯Mocha，味道淡咗啲，甜品叫咗抹茶蕨餅雪糕，雪糕食到淡淡牛奶味，不過蕨餅偏硬偏乾。其實價錢都唔平，服務和食物質素有待改善。

下午去大圍午餐，諗住搵個地方chill下打下卡，咖啡☕️是還可以的，但食物真係非常一般。尤其是我揀咗呢個帶子蟹肉意式薯丸薯丸超級淋，完全沒有口感 ...最嚴重係個醬汁完全冇味....就算我加左d pepper 同salt，成碟野都係無味，完全救唔到佢所以我建議食返正路野，如carbonara ，應該冇咁伏，或者飲杯咖啡就算。整體上，食物質素真的有待改善，雖然環境真的是非常不錯的，但我覺得食物質素完全未合格。

♥趁天氣好，到彭福公園放完狗狗之後就到大圍搵間cafe坐下。係香港要搵間pet friendly 既餐廳真係唔容易🥺🥺♥大圍呢間𝑪𝒐𝒛𝒚 𝑪𝒐𝒇𝒇𝒆𝒆設有少量戶外位置，可以比狗主同狗狗一齊休息一下♥今次我地就試咗EGG Benedict ($108),雞翼配薯條($50), Latte ($42), Flat White ($42)♥內在環境裝修，空間感都非常好，不過食物放面就真係無咩太大驚喜，但若果平日放假黎chill下都不失為好地方

龍蝦🦞包：麵包香脆，芝麻味重。蟹籽蠻多，毫無龍蝦味，完全係普通蝦味。薯條炸得脆嘅，新鮮炸嘅。 總之，味道一般。蝦肉牛油果🥑沙律：蔬菜新鮮乾淨、牛油果份量足都係新鮮嘅。問題都係蝦度，蝦仲有好重嘅雪櫃味，超級無鮮。牛奶味雪糕🍦蠻正。感覺呢間店適合拍照打卡、食裝潢feel，飲d咖啡同食埋d雪糕就夠，其他嘢食又貴又唔抵。

行過見到環境幾靚幾decent所以幫襯menu又都好精美點知嚟到啲嘢食完全不似預期龍蝦飽好乾 未食過咁難食又硬嘅薯條燒春雞又鞋又咸啲嘢飲都麻麻雞翼ok 如果淨係for打卡係ok 唔算太貴

幾近大圍站既一間cafe。一眼望過去就知呢間cafe打卡唔錯。可能因為係平日，唔算好多人。同朋友揀左2個cake set，水準都OK。環境幾舒服，平日過黎hea 下，搵個地方做野都幾唔錯。

今日去開大圍,聽聞呢度都有唔少CAFE 咁難得過到黎當然做下CAFE主題介紹試下咖啡同用餐體驗喇! 又集郵多一間!燒雞脾意粉午餐 配精選咖啡一杯原隻雞脾焗至脆皮 咬開仍然好有肉汁 上層帶淡淡甜味,係蜜糖味 醃到好入味,香甜肉嫩意粉加添了洋蔥拌炒,份量都幾多 沙律菜配醋汁開胃主食品嚐完,接住就上咖啡 店家用自己烘既豆非用來貨 奶泡香滑細緻 咖啡濃香入口滲淡淡果仁香氣之中又有微果酸味道 有層次Cozy Coffee大圍積福街64-66號地下C號舖消費$120評分8/10

黎到呢間2層嘅餐廳，感覺既雅致又有書卷味，係個文青好地方。牆上有好多裝飾書，成個圖書館咁。我地叫左個煙三文魚牛油果賓尼迪蛋，同埋帶子意式薯丸（gnocchi）。首先講賓尼迪蛋，成道菜整體感覺係好好食！牛油果只係薄薄一層搽係包面上，其實係食唔出味道嘅。但成道菜重點係上面個一層醬！係非常香濃嘅特製醬，有好特別嘅香味且略帶酸味。加上流心嘅蛋，煙三文魚，仲有夾埋底層嘅包，非常美味！值得推薦！而帶子意式薯丸，本身就係抱住試一下新野嘅心態而叫嘅，亦事前唔知道意式薯丸究竟係點樣嘅味道。一試果然係意料之外嘅味道！我唔敢話大家一定會覺得好食，但我覺得質感真係好得意，從未食過原來薯丸係可以咁嘅味道。係有d彈彈地有咬口嘅，同粒帶子幾可亂真！呢道菜，薯丸中夾雜住一樣樣嘅帶子，我同朋友就好似尋寶甘，食中一粒帶子就講出黎，好好笑😆！總結，係一間環境與食物皆不錯嘅餐廳！推薦賓尼迪蛋，而想試下新事物嘅亦可試一下帶子意式薯丸。