Craps Cafe

營業中

休息中

「Crap」在字典裏與「Shit」意思差不多，洋人出甚麼事故，要不說「Oh shit」或者「Oh crap」。將餐廳改名為Crap令人大惑不解，為了滿足自己的獵奇心理，這天早上我踏上旅途尋找這間石門石門工廈區內第一間開業的咖啡店。咖啡店門口除了招牌和營業時間之外，沒有額外資訊。推門進入，我發現裏面空間雖小，樓底好高，也不乏捧場客。幾年前咖啡店被人質疑工廈食堂做外人生意，所以老闆比較低調。我坐在吧枱上點菜，吧枱是老闆用北京古老木門改裝而成。咖啡店上餐快捷，幾分鐘就將我的全日早餐和澳式咖啡(Flat White)送到。咖啡熱騰騰，不過味道一般，啡味較淡。全日早餐賣$60，除了一些基本材料(炒蛋、腸仔、火腿、焗豆、沙律)之外，食客可以自己選擇麵包，有厚多士、鬆餅、牛角包、竹炭包和香蕉班戟可供選擇。我選擇了咖啡店自家製的竹炭包，賣相確實跟一舊炭沒兩樣。竹炭包未至於淡而無味，不過搽上少許牛油可能更美味。Flat White 加$15All-day Breakfast $60

真。同大眼妹farewell石門👋🏻適逢今個禮拜放大假，趁大眼妹就last day就同佢食多次呢間佢私藏嘅cafe - Craps Café☕，goodbye 石門，goodbye September 👋🏻👋🏻————————————————🥇Deluxe All-day Breakfast（$80）👍🏻平時大眼妹食開Veggie all day嘅，不過今日咁開心就食個deluxe啦🥳有我地至愛嘅滑蛋黑松露炒蛋、沙律菜、三文魚、火腿、烤蕃茄、焗豆、雞肉腸，同埋一件火龍果，大滿足😋👍🏻自選麵包今次揀左提子鬆餅，熱辣辣鬆餅好香奶味同牛油味🥈蟹肉菠菜忌廉意粉（$64）👍🏻淡淡忌廉唔會好creamy，仲有勁多蟹肉碎，好似食極都食唔哂咁🤣套餐配一杯茶或柚子蜜，加錢可以upgrade手拉咖啡or其他飲品————————————————💡 鋪頭細細只有10幾個位，留意返平日開到4點，星期六開到2點，星期日休息📍Craps Café：沙田石門安心街企業中心地下7號舖

呢間係真點隱世小店，如果唔係特登去搵，一定唔會發現到呢間鋪嘅存在。鋪面好細，所以如果去食一定要book位先。雖然位置少，但都唔會坐得唔舒服，同埋個裝修令人有好warm嘅感覺，所以環境都唔算太差。lunch time去有送柚子蜜，如果咖啡就要另外加錢。今次嗌咗巴馬風乾火腿忌廉白酒意粉(Parma Ham Pasta), 意粉嘅份量唔算太多，對女仔黎講應該啱啱好。雖然係忌廉汁，但就算食晒都唔會覺得好漏，一黎可能係因為份量問題，二黎就係個白酒香消除嘅濟嘅感覺。最後，俾錢方法可以用payme，咁就算帶唔夠cash都好方便！

一間小cafe,經營困難我理解。但如果在門口貼上 「繁忙時間恕不招待淨飲」或「淨飲限時__分鐘」/「繁忙時間，每人最低消費一個main+飲品」。咁會好過未夠12點行左入去，聽到你叫杯野飲堂食就話”peak hour做唔到淨飲”。我都係未夠鐘上堂，諗住有個空間休息20分鐘咋🤷🏻‍♀️見到好多名人合照，可能老闆做開大生意，呢啲幾十蚊飲品客人，根本就唔算得係咩掛🤨

睇到網上的推介先黎，不過似乎失望較多。座位唔算多，所以未必可以係個到hea一個下午的café黎。友人叫左個意粉，份量較少，一個女仔食都未必夠，而且唔係好夠味。見網上大推的係all day breakfast ，所以就叫左個黎試下。牛角包比想像中大，都好食。最有驚喜係炒蛋，好滑。不過茄汁豆份量好似有D少。但最影響觀感既都係衛生情況，見到未用過的餐具好多污跡，都唔係好敢用，希望會有所改善啦。

味道：⭐️⭐️⭐️⭐️小店位於工廈區 不太起眼嘅位置🏢佈置輕工業風 座位比較少🪑蟹肉菠菜忌廉意粉🍝$60 (套餐包香茶🍵)蟹肉唔似係新鮮嘅蟹拆肉而成🦀不過勝在份量多 尚算甜美意粉口感彈牙 忌廉汁豐盈 creamy✨加埋菠菜 更加色香味俱全

隱世食店， 性價比極高。都食過好幾次，飲品質素唔比外面名店差。今次叫左個slim all day breakfast，份量都好大，同埋係健康嘅選擇。餐廳有唔同嘅裝飾，好特別有懷舊感覺好似去咗80年代的銀禧小食店， 店員同顧客有傾有講， 氣氛融洽。 有空會再來。

如果無細心留意就會錯過真正隱世Craps Café☕，隱身係工廠區又無正門，但係打開厚重嘅防火門卻別有洞天，碩大玻璃窗引入日光，店內掛滿特色收藏品，氣氛懷舊溫馨，又帶點外國率性隨意氛圍☀️。小店為附近上班族提供咖啡輕食及新派素食，熟客同店主店員打成一片，即使午餐時段人流多，大家都有種悠然自得嘅感覺，稍稍喘息工作壓力🦥。我最鍾意靜靜地坐係Bar枱，望住熱氣沸騰嘅廚房，享受獨處時間同美食~————————————————👅Veggie All-day Breakfast（$60）👍🏻滑身黑松露炒蛋、新鮮沙律菜、藜麥焗大啡菇、烤蕃茄🍅、焗豆，最後用一小塊火龍果收尾，即使係素食都滿足👍🏻自選麵包推薦烤全麥厚多士/提子鬆餅/自家製竹炭包，厚多士烤香後搽上牛油，熱辣辣鬆餅好香奶味同牛油味👅Parma Ham Pasta（$60）👍🏻非坊間超濃郁creamy忌廉醬，而有淡淡忌廉、芝士同白酒香氣🍸，配上鹹香巴馬風乾火腿同火箭菜，感覺更健康，配一杯茶或柚子蜜，加錢upgrade手拉咖啡/飲品————————————————🚩總結：真。石門私藏餐廳，分享美食同時唔好太張揚🤫，因為唔想太多人同我爭位—————

環境幾好，野食再好都係假... 今日大約兩點食食下野，見到店員不禮貌地趕剛入來坐下的3女1男客人，並指罵佢地lunch time 唔食套餐就係運吉，阻住地球轉，店內Staffs 都一齊出聲話佢地阻住，free 返d位出o黎..etc. 我都覺得奇怪，再睇返menu 同張貼的單張，又真係無話過要食套餐/人均最低消費... 同埋2點鐘都仲當係要有min charge 嘅lunch time，都真係幾怡笑大方... 3個大男人o禁樣嘅態度就真係太過份.... 所以亦都唔會再幫襯

今日lunch冇帶飯，唯有叫外賣啦。石門真係勁多野食，但自問太懶唔想行咁遠，所以行左2條街黎買外賣。間餐廳好細，但環境都算幾靚！最後叫左個鮮蝦蜆肉蕃茄意粉...個店務員哥哥仔，係後生靚仔黎既但堅冇耐性+冇禮貌！問佢沙律同餐飲，講左2、3句就叫我：不如你睇餐牌啦！本身想加多$18要個湯+沙律，但佢竟然咁好服務態度，真係勁想唔買即走！重點係果陣成間店唔計我得2個客，真係咁唔得閒招呼我？臨走我再問佢個南瓜湯咩時間開始有，佢話：真係唔知幾時有喎！不如你打電話黎問啦！😒真心講，咁既服務態度真係唔得囉！返到公司見到個意粉...我已經知道唔會再有下次！意粉味道一般，份量超少！女仔食都未必夠，男仕們可以話一定唔夠！總括來講，我已經black list左呢間餐廳～不過以上都係個人意見，可能個哥哥仔今日m到掛？又或者大廚心情唔好比少左份量？

1️⃣ [ All Day Breakfast w/ Croissant🥯] ʜᴋᴅ58✍🏻 配菜有雞肉腸、沙律菜、火腿、茄汁豆同黑松露炒蛋雞肉腸寫明係100%雞肉，食落的確同普通雞肉腸有分別咬一啖有好多肉汁，而且唔會鹹沙律菜新鮮，炒蛋滑身🥰加上黑松露點綴，香味十足✨牛角包有烘熱，同八月堂嘅唔同🥐佢係偏鬆軟而唔係脆口份量係超級大個🌝食完成個包已經好滿足了~🌟 推薦指數 7.5/102️⃣ [ 提子鬆餅Raisin Scone 🥯] ʜᴋᴅ14✍🏻 另外加左個scone外賣，好有驚喜翻熱之後好香奶味同牛油味咬落亦都唔會鬆散😋以呢個價錢絕對抵食!🌟 推薦指數 7.5/10🥑整體嚟講🥚嚟間真係隱世cafe坐落係工廠大廈附近唔特登搵其實好易錯過🤓 入面地方唔大但裝潢好有美國特色坐Bar枱嘅話仲可以見到廚師煮食過程價錢唔貴，值得再試😆好味指數：7.5/10🏃‍♀️回頭指數：7.5/10

自從上次食完間漢堡俾同事鬧爆之後佢再三推薦我去食呢間啱啱黎石門返工果陣佢帶我黎食過嘅餐廳事實呢間餐廳高質好多但對於果陣日日要學嘢，消耗好多能量嘅我黎講（大食就大食啦）份量係爭啲今次叫咗個all day沙律菜都ok新鮮（強調：冇生銹）蛋夠滑 唔會炒到好老唔多中意食加工豬肉製品嘅我，雞肉腸就啱啱好重點係杯咖啡係真係好飲打開蓋都有咖啡香靜係杯咖啡都值一半分加埋個竹炭麵包就啱啱好為咗答謝佢再三推薦我決定下次同佢黎食

住喺石門附近平時都係食開京瑞一二期嘅餐廳，無意中發現Craps Cafe，我覺得佢嘅menu絕對適合keep緊fit嘅人去食！🔸雜菌菠菜松子仁燴有機糙米飯 ($68)好鐘意佢糙米同同松子仁嘅比例，每一啖都好有咬好，菠菜融入咗喺每一啖飯入面，唔似平時其他餐廳嘅菠菜同飯分開。雖然望落好creamy，但可能因為松子加糙米好好咬，唔似普通米痴埋一舊，食完全無覺得好膩嘅感覺，唔會太鹹，每一啖食落都覺得輕怡！菇嗰方便就無咩特別不過份量俾得好足，$68黎講個價錢好reasonable😁🔸蕃茄雞肉配日本製蒟蒻麵($68)平時自己喺屋企整蒟蒻麵我多數都係涼拌當冷麵咁食，因為懶😂不過呢個蕃茄湯底真係想讚下，未去到勝香園嗰D咁濃，但一間cafe黎講佢絕對係好夠味，加埋佢本身個底有好多蕃茄仔一齊煮，同咩味都無嘅蒟蒻麵一齊食嘅時候，我覺得好好味🤤要知道蒟蒻麵本身俾鹼水浸住，即使沖完水都成日會覺得有陣怪味。最鐘意係有嗰兩塊麵包，索咗D湯黎食，正！不過雞肉個份量就少咗D，得3塊又唔叫厚身，如果轉咗做雞胸肉的話咁就更好了。P.s. 呢個食完完全係0罪惡感😂因為蒟蒻麵係好低卡嘅食物🔸Piccolo短笛咖啡(跟餐加$12

朋友話我知石門有間頗隱世的Cafe行過都唔多覺，今日特登去試吓。約了很久沒見的好友，想找個靜靜地又可坐耐些的餐廳，這兒是不錯的選擇。餐廳面積不大，樓底高，裝飾頗有心思，牆上有掛鈎供客人掛隨身物品。👍👍我們都諗住早、午一餐攪掂，所以叫了大大份Deleux all day breakfast😍😍超豐富！有墨松露炒蛋、三文魚、火腿、雞肉腸、茄汁豆、蕃茄、沙律菜和火龍果，包包可自選，我揀了竹炭包。整體用料新鮮，味道也不錯，腸不會太咸，有少少黑椒味幾香，炒蛋也滑！朋友選了提子鬆餅，我試了少少，番熱了味道很好哩！😋👍這個餐包一杯飲品，朋友揀柚子蜜，我獨愛咖啡☕️所以加$6要杯美式咖啡!吃飽又傾餐飽，大滿足呀！會再來試埋其他食物！

自從石門有馬鐵站之後，石門站附近已經開咗唔少餐廳，可謂百花齊放。近排大家發起支持小店，一於搵間小店去試一下。來到Craps cafe，第一個反應是細。只有十個坐位左右，連大門亦非常隱蔽，一不留神就搵唔到㗎啦。餐廳主打咖啡，輕食同意粉。當日我點咗蕃茄大蝦意粉，醬汁蕃茄味夠濃，大蝦亦夠大隻同爽口，意粉夠al dente，味道唔錯。order意粉仲可以加錢要餐湯，當日是蘑菇湯，蘑菇味算濃。絕對不是一般例湯的hea，心機之作。