Curry Boy

營業中

休息中

位於新界大圍的Curry Boy是由幾位年輕人開的, 並沒有任何的印度師傅, 但吃起來的咖喱在香港來說數一數二的出色, 只因他們用心製作, 咖喱沒有椰奶味, 香料味夠濃特別強調香草的味道, 質感夠濃稠, 但是吃得出中間的蔬果碎而又沒有出水, 這些就是烹調時間的控制, 要在最後階段才將蔬菜加進咖喱之中, 防止過分的出水令其質感變得浠薄. 辣勁在喉嚨底慢慢滲出, 味道層次豐富, 雖然說自己是Buttermilk Curry, 但沒有被弄得太甜太滑.配菜選擇不多, 但全都有心思, 牛肋肉用了黑啤等醃製數小時, 肉香甘香和咖喱香, 結合起來相當惹味, 更重要是口感更為軟腍, 同時間也有肉汁, 如果份量再多一點就完美. 煎豬肉餅兩大塊顯得更為超值, 用上黑毛豬製作, 煎起來兩邊香脆, 內裏剛剛熟, 肉汁豐富不在話下, 最重要是口感不會太過死實, 但又不會一咬即散, 你說是高質素的漢堡扒也有人相信. 小食以燒物和炸物為主, 後者附上的蛋黃醬也不錯, 但個人還是覺得將其伴在咖喱醬更惹味.

Um… 見咁多人推 一直好期待尋晚食完之後覺得真係試下就好 唔會再嚟叫咗兩個咖哩飯，其中一個+$12轉薄餅，仲叫咗炸魚。想試個芝士蛋糕，但已賣晒。一落枱，咖哩係打卡able嘅，好上鏡。個咖哩好重香料味，但調得完全唔夾有人話好食嘅，just not my favour 咖哩一個係豬 一個係雞，肉都好嚡炸魚gg X( 唔會再幫襯

旅行雖是結束了，但回到香港，卻只有我一人啊。原因沒什麼的，只是我只有一星期的假期，而太太及小孩們就多留幾星期，目的的探親嘛。亦因為這樣，接下來的幾星期，我多了出外一人用膳。我首先看中的，是這一間位於大圍的《Curry Boy》。選食 Curry 的原因，就是，我真係好想食咖喱。餐廳不大，來到雖然沒什麼人，但也是 full house。另外，本來餐廳有幾張半露天的 bar 檯位。但當日下大雨，店方應該不會建議食客住店外。當然也不會有人願意在大雨下坐在外面啦。入到店內，我其實也是被安排坐在吧檯。對著開放式廚房飲食，感覺就是一間日式的咖喱屋。之不過，我聞到的咖喱香味又唔係幾似日本，反而像南亞式的咖喱。翻開 Menu，發現食物的配搭，又帶有少少南洋的風味。所以，這又是日式，又是東南亞式，又是印巴式，是三地咖喱的合成品。後來，我看到此店的宣傳，說這是他們自創的咖喱口味，並不屬於任何一國菜式。我點的是黑啤牛肋肉熟成牛油咖喱。看起來，似是南洋咖喱，擺盤，就似日式的咖喱飯。而熟成牛油咖喱的口味，食落有點似南亞式的 Korma。是一個充滿了香味，會令你吃到成日都是奶油香的咖喱汁底。再加上用黑啤醃過的牛肋

之前有鄰居介紹過試呢一間咖喱店，話啲咖喱好粉咁咁另一個鄰居就話不如出去試。店舖唔算大，門外排排坐等位。入去之前見到佢有職員喺度𢳂緊飯，見佢壓扁啲飯壓到實一實，感覺唔係咁好，好似啲飯實的的咁。叫咗個煎肉餅，外脆裏面有夠多肉汁係幾好食，不過個咖喱就同我想像中有少少分別，偏重果味唔辣帶甜。個多士就燶咗少少可以多番少少蒜蓉味會更加開心。個炸雞好出色個漿粉做得好薄。裏便啲肉汁都鎖得住。鄰居話俾我試吓啲牛肋條，但係啱啱自己煮完牛肋條，就唔係好想食住，留返下次先再叫。不過就試咗嗰個牛肋條嘅湯咖喱汁，我就應該用咗炆完牛肋條啲汁去煮，後尾濃郁但係啲咖喱都係唔辣嘅。有舊同學勁推介個茄子，有機會要試埋佢。

首先、見到第一位留負評嗰位師兄/師姐嘅內容清晰地列出種種問題、我個人覺得幾中要害。因為正正反映出一般香港餐飲業經常發生嘅問題。好彩、自己是次用餐體驗就只係發生咗透明碟多手指模呢個問題、我都唔中意壓扁啲飯但問題不算大。（註：我餐無+①）講返Curry Boy～唔知點解好似人氣唔低、第一次去係等位放棄咗。但門口香氣十足、未試其味先聞其氣確係吸引到客、店名簡單直接。呢度嘅咖喱偏日式水果系風格多、因為得一款咖喱只係配唔同嘅餸、但味道亦有少少印度香料風格、不過有種甜味打底始終令我覺得日本風格佔多啲。【 鼠尾草烤雞 】+ 蛋第一口感係有少少特別嘅、因為唔似一般日本咖喱、因為多番啲香料、而且算夠杰身。日本咖喱（非金沢）+ Chicken Makhani 味道。個人覺得 60% JAPAN + 40% INDIA？叫咗加辣但對我冇料到。菜式屬於咖喱汁還咖喱汁、餸還餸。因為例如叫咗烤雞、係另外煎煮冇溶入咖喱入面合而為一。價錢唔係話超貴但唔算抵、份量男仕可能未必夠、好快食哂、格硬加隻蛋、其他小食加埋就唔抵食。但杯飲品幾大杯唔錯、又用凍杯。Encore 指數五五波～不過基於大膽係香港開設咖喱為主嘅餐廳、其實

上網睇到又話咩過江龍又咩日本店，試完一次真係永遠唔信廣告，入到餐廳已經無人食，幾個職員只係掛住傾計，出去食煙，入到去坐在垃圾桶旁邊，有沒有衛生常識？咁得閒傾計食煙都唔會理下d野，叫左個咖喱牛肋肉飯，份量小得可憐，食完都唔會覺得飽，收費90，兩啖食哂仲要唔係話好食，根本都唔知咩咖哩，古靈精怪，食左個空虛落個肚浪費我個胃，全部職員都係掛住傾計食煙，返到屋企仲有d搞肚痛，衛生又無，食物質素又無，服務又無，真係不知所謂，祝早日收檔

今次我同朋友決定去一間新開嘅餐廳，聽聞佢哋嘅熟成牛油咖哩飯好出名，於是就迫不及待想試下！🍽️✨ 餐廳嘅環境好舒服，燈光柔和，讓人一入到去就覺得心情愉快！💖整體嚟講，今次嘅用餐體驗真係非常滿意！🎉🍴 餐廳嘅環境、服務同埋食物質素都一級棒，絕對值得一試！👍🏻🤗 嚟緊我一定會再返來，繼續探險更多美味！🍽️❤️如果你都鍾意食好嘢，記得去試下呢間餐廳，保證你會愛上！🎊🥳 食完之後，我哋都話下次再來，仲可以試多啲其他菜式，真係太好玩！🤩✨ 期待下次再見！🌈💫

之前成日見到好多人排，今日見到無人終於可以試到啦，結果不能有太大期望。1. 定價高，一碟咖喱飯平均要90 蚊起跳，一碟牛肋肉咖喱飯要過100但得7-8粒Cube size2. 豬肉餅無味，雖然佢新鮮熱辣煎起，但食落口完全無味3. 飯，咖喱都係微溫，完全唔熱，上枱都唔見有熱汽，全靠塊豬肉先至覺得食緊熱野4. 要對住垃圾桶食5. 咖喱中規中矩，唔會食完覺得驚為天人，非食不可，食一次就好夠希望佢地會有改善，起碼d野要夠熱先，另外餐廳衛生設計都緊要

經KOL介紹 既然係返工附近 就過黎呢到食叫左個牛肋咖哩飯 隻咖啡似係印度果隻 唔係一般日式甜咖哩 汁既份量唔多 飯肉份量剛好 價錢正常 唔收加一另外再叫左份簿餅不過不失 可以番食的

呢間「小店」真係極品，位置已經唔好，上網睇食評見幾好過來試下。原來全部都係假。1. 入到門口都唔知你入左黎，四條佬企哂係度吹水2. ⁠安排座位，垃圾桶就在旁邊，無蓋，雖然眼見無垃圾，但仍有陣陣味道，睇到都唔會開謂3. ⁠落單求其，問有咩飲？無回應4. ⁠個飯來到，成隻碟半邊都係指毛印（如圖）5. ⁠咖哩又臭又酸，飯又硬屈屈，按到d飯扁哂做咩？Stupid design6. 飲品咖啡，茶，都係無味，無叫過走糖，但兩杯都無糖，好似飲水咁，真係細心6. ⁠埋單收加一，當然無服務可言7. 坐左半個鐘都無，已有飛飛兩三次，台上有蟻8. ⁠4條佬都唔知有無做過餐廳，1d基本衛生常識都無9. ⁠食個晏兩個飯兩杯飲品，埋單$270都唔緊要但係好差體驗呢10. ⁠音樂嘈到以為落左酒吧11. ⁠4條佬掛住吹水成班粗口爛蝕，跟住臨走時靜左，原來出哂去食煙唔該幾位出去打返工學下基本餐廳要做既野先，唔好為害人間。

🍽️ 黑啤牛肋肉咖喱飯 $108 🔎 咖喱都辣辣地，大概係老譚5小辣，牛肋肉冇乜肥膏👍🏻 肉味正常發揮 🔎 有少少甜味，但非傳統日式甜味咖喱。用超過20種材料製作，但又唔似印度咖哩咁有好濃烈香料氣味🙈 好特別😯 🔎 略嫌上菜時白飯已經有少少凍，喺夏天食但係啲飯已經接近比室溫暖少少🤏🏻🍽️ 黑毛豬肉餅咖喱飯 $98 🔎 外面煎得好酥脆，裏面嘅豬肉都唔會柴，唔會好油👍🏻🍿霹靂雞軟骨 $38 🔎 好好食！味道好似某出名牌子嘅即叮炸雞翼🙈🥤 梳打水 $12 🔎 平平地解辣一流😂 因為用餐限時60分鐘，出面都好多人排隊，想慢慢嘆嘢飲嘅話出面另外買好似比較好個人覺得可以一試🙆🏻‍♀️因為呢款咖喱做法都幾新穎見到餐廳menu主打「熟成牛油」不過感覺又唔係好食得出咖喱有特別嘅牛油味🙊建議店員可以介紹少少會令食客比較深刻而翻兜當時晚餐時間接近7點頭去排隊已經有人龍🥵都等咗差唔多15分鐘肚餓嘅話記得早少少去排啦👍🏻裝修環境都好靚好新，員工態度友善仲要冇收加一感覺良好☺️推薦指數: 7.5/10 😯😯😯#大圍美食 #大圍 #大圍餐廳#大圍站 #大圍好去處#香港美食 #香港餐廳 #香港好去處 #咖哩飯 #咖喱飯 #咖

之前見到有啲KOL介紹呢一間咖喱，前幾日經過就試吓我哋揀咗黑啤牛肋肉咖喱同埋鼠尾草烤雞咖喱，咖喱味好香濃，忍唔住一啖接一啖，牛肋肉都炆得幾腍，都有少少咬口，烤雞都幾香口，唯一呢兩碟咖喱有個缺點，就係咖喱汁唔夠，如果多少少咖喱汁，成件事就Perfect另外我哋仲叫咗炸蠔，蠔炸得好嫩滑，好Juicy，不過數量得兩件，如果有多一件就Perfect香水檸檬梳打，飲落去唔係好甜，都幾清新下次有機會再嚟，我想試試黑毛豬肉餅，我見都幾多人叫呢個😋

🍛大圍隱藏於小街內的驚喜 27+香料使用熟成牛油咖哩黑毛豬肉餅 味噌燒茄子🍛大圍原來都有隱藏版美食！ 隱藏喺屋苑內街不起眼的小店的一間咖哩屋小店，一不留神就好易錯過咗，內舖裝飾燈光好有feel ,好喜歡特別設計過嘅燈光位置，仲有透明嘅橙黃色的座椅，配合同色餐具互相配搭，可見店主有用心思設計過，而且位置不多全店內外只有加埋12 個座位，想食記得book mark 定下次去🍛小店主打四款主食，黑啤牛肋肉，鼠尾草烤雞，黑毛豬肉餅，味噌燒茄子嘅咖哩，用上超過27 種以上調味香料，以多個工序堅持用上新鮮蔬菜，新鮮蕃茄及車厘茄，煮乾並熟成12小時，味道來自天然味道製成，絕對係心機之作🍛 黑毛豬肉餅 配飯$88用上自家製作的黑毛豬製成的肉餅，經過壓製方法煎至金黃色，表層微焦香脆，內層肉味香濃，有少少似煎肉餅嘅口感帶有肉汁🍛重點配上自家製作熟成12 小時嘅牛油咖喱汁，令咖哩有更幼滑的口感，味道就似食印度嘅Butter Chicken嘅香滑口味，口感creamy 帶新鮮蔬菜蕃茄自身嘅調味，加入了超過27 種香料配搭而成，咖喱汁自帶甜味好有層次感，每一口味道都來得舒服自然，感覺香甜惹味，好快可以食清光🍛

大圍海福花園新開嘅一間咖喱餐廳今次叫咗一個咖喱雞，可以加$10轉做薄餅一個人份量，剛剛好咖喱唔算太辣，味道不錯。另外叫咗一個吉列炸蠔，一份有兩件，食物會配一個黑松露醬，個人覺得個醬有啲酸，可能因為我鍾意食沙律醬多啲🙈但係個炸蠔皮好脆！餐廳座位不是太多，有得揀坐室內或者室外👍🏼而且冷氣好夠涼😋上餐速度好快，因為我當時好肚餓，所以非常之滿意😂餐廳仲有凍水供應！埋單唔使$200不錯不錯！下次會再嚟試吓其他食物！

一入門已有咖哩香味，點左個黑啤牛肉咖哩飯，同我想像中既一樣，唔係日式或港式咖哩，係偏向印度風味既咖哩。白飯軟硬度剛好，咖哩甜辣度對一般人剛好，牛肉無根無骨老人家都食到，整體來說係好味既。因為係咖哩店所以通常客人飲水會較多，店員應多加留意水杯無水加水。食物碟邊有手指紋，多加留意。但無收10%服務费，所以我覺得可接受。另外環境舒適冷氣足夠，有chill的音樂，有電視在播動畫。店員態度良好而且沒有趕急感覺，光線不會過猛過暗。