D1 Kitchen

營業中

休息中

簡單拎個外賣 個店員就好似我阻佢收工咁明明間餐廳都無客 點睇都唔似我阻住你啦？本身打算堂食都唔敢啦😅😅食物唔錯嘅 不過專登行幾條街過黎食有咁嘅體驗就唔會有次😅😅

晚飯時間唔知食咩好，經過依間用一人餐做賣點嘅平民小店西餐廳決定入去一試。店員服務細心周到，好有禮貌😊已經好加分👍🏿店舖主打嘅一人餐有7個唔同種類嘅意粉配搭小食，仲送免費紙包飲品🤤售價都只係$58，好抵食‼️‼️ 1.香辣蒜香大蜆意粉我自己比較鍾意食辣，所以就叫咗香辣蒜香大蜆意粉，果然冇令我失望，香辣得嚟又唔會冇味，10分推薦！2.蜜糖雞翼套餐配合一種免費小食，有薯條同蜜糖雞翼做選擇。我自己就選擇左蜜糖雞翼👍🏿雞翼好脆，而且好多蜜糖，下次會試埋薯條整體來講都不錯😆👍🏿一定會再次幫襯，但希望可以有其他飲品選擇，會更加好

因為住附近 都食過幾次 有一次食雞肉pizza 食到啲臭咗嘅雞 諗住可能冇心之失 只係打翻過去提醒吓佢地就算 。 但係今次再食個意粉 啲蟹柳食落去又係酸嘅… 咁好難搞喎 啲嘢食幾好食都冇用啦… 唯有當自己唔好彩 電話都廢事再打了 以後少咗一個食飯選擇

午飯時間經過，見到一間西餐廳，諗住抱住一個試吓嘅心態，竟然有驚喜😋長沙灣一間西餐廳嚟講，性價比頗高。食物選擇都算多，有唔同意粉，pizza可以叫，另外仲有一人餐，價錢相宜，食物素質都唔錯。👍🏿一人餐(卡邦尼意粉，蜜糖雞翼，紙包飲品)$58特別要講下蜜糖雞翼😆雞翼唔會整到好乾身，而且蜜糖鋪滿晒，非常好食。而卡邦尼意粉都不俗。另外，仲配埋飲品，雖然冇咩特色飲品，但係依個價錢食到一個套餐嘅西餐。性價比非常高👍🏿👍🏿👍🏿

經過見到平平地買個pizza 試吓 個pizza 無料既 完全唔好食 可以講係難食 如果大家想試全香港最難食既pizza 絕對可以試！已經比預設既提取時間早左10分鐘到 去到都已經整定擺左係到！

前排經社交媒體網站見到， 見價錢比較平 又有地鋪，於是就喺屋企人生日慶祝試下叫到會。食物比我想像中更加好食😆食物方面沙律係健康首選，店員好好幫我分開咗醬汁，對於我哋食少汁嘅人嚟講，非常好，而且有沙律菜底！Pizza同意粉好好食，無得彈👍🏻 意粉軟硬適中，價錢相宜得黎，份量都唔會少🙈但希望之後到會服務可以加Risotto落去。整體嚟講，無論係食品素質定係店員落單時服務都好好👍🏿一定會再幫襯

平時經過見到呢間西餐小店好多街坊買外賣今日放假決定落去試吓黑松露雜菌意大利飯有個鋪滿芝士嘅大啡菇喺飯面黑松露味道濃郁Creamy意大利飯軟硬適中非常有口感重點係完全吸晒啲汁好味😋另加$20有蜜糖雞翼充滿蜜糖香甜外面脆 裏面仍然保持肉汁👍🏻卡邦尼意粉比坊間一般特別落咗黑椒調味 所以特別香濃另加$20仲有炸魚手指炸魚手指上面落咗少少辣椒粉脆辣口感都唔錯👍🏻（太好食😂所以影唔切相）經典辣肉腸pizza 即叫即做一上枱熱辣辣批底鬆軟之中帶啲煙靭辣肉腸唔會太鹹濃濃嘅蕃茄同芝士味一上枱就被極速K.O.食物份量都🍝非常滿足下次要試埋個魷魚鹹蛋黃太子意粉因為見到隔籬枱食陣味好香平均一個人七十零蚊左右所有食物都係即叫即整🤤高質小店💛有驚喜

收工路過依間餐廳 見佢新開支持下小店啦 抱住乜都試下既心態 見到晚餐都係78蚊 係我既最愛黑松露意大利飯 仲有飲品同埋南瓜湯 點知食落又真係唔差 香濃既忌廉味 仲有一隻大啡菇 啲飯又唔會好硬 岩哂我口味 真係幾好食 下次可以試埋其他晚餐

📍d1 kitchen 又搵到間好食又高質抵食既西餐廳，環境乾淨企理職員都好好人🥰🥩🍽️下次黎開長沙灣，可以嚟試吓，同朋友嚟食就最啱仲有意粉都好正，又多款選擇

平時呢間都幾多人我同老公一入去已經發現有啲唔同原來已經轉左手一場嚟到試吓囉🤭我同老公分別嗌我係卡邦尼意粉老公係蛋黃魷魚明太子意粉加錢有湯有嘢飲個湯我覺得都幾有誠意你睇吓佢個拉花幾靚，仲幾好味添然後我嗰個卡邦尼都唔錯，都幾多料又夠熱⋯⋯係即order即整👍🏻老公嘅明太子意粉都唔錯我係嫌個魷魚冇乜味😂然後佢嘅免費飲品係同之前一樣自己攞嘅現成飲料都有好多選擇可樂啦蘋果綠茶啦，我就揀咗無糖嘅烏龍茶性價比來講都算幾高👍🏻

第一次食，有心機嘅西餐！叫左2個意粉跟餐，跟餐再送飲品！ 真心覺得抵食！另外加左2個小食！是日餐湯：甘筍湯 味道唔錯，仲要有拉花 👍追加小食：蜜糖雞翼 單骨方便食，蜜糖令到雞翼冇咁油膩主食：香辣蒜香大蜆意粉 如果鐘意食辣同蒜嘅朋友就啱啦，夠辣， 有經過處理好淋嘅蒜片。蜆肉都算唔錯，唔會係d雪到冇味嘅蜆肉！主食：意式蕃茄大蝦意粉我個人鐘意蕃茄味，意粉熟嘅程度又啱啱好，配料有輕量蒜粒，洋蔥粒，車厘茄，菇粒（口感爽），除左隻蝦之外仲有辣肉腸（有少少薄荷味）！每樣少少都好豐富！最後就係追加嘅另一個小食：黑松露薯條薯條新鮮熱辣出爐當然好食，伴碟嘅沙律菜都好新鮮配黑松露醬食都唔錯！