影片
港鐵北角站 B4 出口, 步行約2分鐘
繼續閱讀
電話號碼
66166575
開飯介紹
區內西式小店，裝潢帶點懷舊感覺，更以動物為題的畫作裝飾。主打三文治和牛扒，而招牌三文治更以牛扒做餡料。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
-
網上訂座服務暫停
👧🏻😋👅🍽✨一丼入魂🥰 小食甜品一樣出色-🍱 錦屏街後街有好幾間小店, Dear Grey個圖文並茂大餐牌好當眼, 一行過就會留意到多款抵食丼飯套餐; 店內有兩排座位, 無論自己或家庭聚會都好適合, 而室外都有bar枱更chill🍱 食物即叫即整好好食, 另外仲有steak sandwich, 送酒小食同甜品, 放工輕鬆下可以$188 2小時free flow生啤/手工啤/whiskey同各款無酒精飲品-🥩 粉嫩平鐵牛排溫泉蛋冷烏冬 $116💯切開一片片呈粉紅色, 無論頭尾每一塊肉質好嫩滑, 略嫌燒汁多左少少, 牛肉本身靚已好鮮甜, 食得較淡既可remark一下💯轉左冷烏冬又滑又彈牙, 撈埋個溫泉蛋勁香; 可加錢增加肉量50%/100%, 但基本份量都好足夠, 唔會得幾件, 整體性價比好高-🐠 慢煮三文魚牛油果蟹肉他他丼飯 $108✨等左15分鐘係值得, 慢煮三文魚切成粗粒, 但爆汁嫩滑好鮮甜; 丼飯微暖口感Q彈, 配牛油果蟹肉, 魚汁同清新沙律汁好夾-🍵 套餐💯每個丼飯套餐都送前菜, 漬物同餐飲, 日式小點酸酸地好開胃; 餐飲係茶包冷泡茶/熱茶, 有白桃同原味綠茶, 另可加錢upgrade特飲-🍖烤雜腸拼盤 $88✨睇openrice好似冇咩人叫過, 像開盲盒但又幾有驚喜😎 有3-4款腸有粗有幼✨幼既好juicy好香香草味, 粗既脆皮彈牙, 款款都唔錯又唔會太鹹, 就咁食或送酒都很可以!-🍧檸檬雪葩 $58💯又係驚喜之作, 半個珍寶檸檬裝住好軟滑既雪葩, 酸爽清新帶微甜
繼續閱讀
✨今日來到北角隱世食街，呢條街幾間餐廳，我哋選擇了一間較為日式風格的。***** ***** ***** ***** ***** 黑安格斯封門牛溫泉蛋丼飯廚師把封門牛煮嘅熟度剛剛好，小粉嫩顏色，味道非常濃郁、口感柔軟而且多汁；溫泉蛋用了高品質的「蘭王」系列，每啖飯都充滿蛋汁，非常滿意日式丼飯。Dear Grey美國安格斯肉眼堡麵包幾鬆脆，中間有軟腍安格斯牛肉配蕃茄、青菜、惹味醬汁；仲有鬆脆薯條，非常豐富。芝麻雞翼外皮烤至脆口，鎖住肉質，咬落軟腍仲勁有芝麻香，好👍🏻食日本麻糬吉士窩夫🧇甜品性價比高。餐飲叫了凍嘅綠茶，非常清新解油膩。總括來說，一間位於北角站隱世小餐廳，環境一般，但都是值得過嚟食嘅。
繼續閱讀
好少過嚟北角，今次一場嚟到要搵好嘢食佢係位於一條小巷嘅小店價錢唔太貴，但係份量好多又好食所以CP值好高💜粉嫩平鐵牛排溫泉蛋丼飯牛肉份量好多，見到啲肉紅紅地好嫩滑而且啲牛肉超級冧又有牛味加埋隻溫泉蛋撈埋一齊食好正仲有一小碟嘅海蜇做前菜💜Dear Grey 美國安格斯肉眼堡呢個肉眼漢堡又係超級大個，勁足料入面嘅肉眼係多到一路食一路跌出嚟佢係燒過嘅牛，個香味好突出加埋佢哋嘅秘製醬好夾薯條又熱辣辣，正正仲有個蘑菇醬可以點添💜口臭牛舌芯呢個牛舌芯好正首先牛舌芯好冧好入味，然後超多蒜蓉原來兩樣一齊食個味係超夾食完會好想繼續食💜檸檬雪葩超真嘅檸檬味，食落酸酸甜甜💜孫悟空十月啤酒呢度有唔同嘅手工啤揀呢款好易入口，不錯不錯💜100%蘋果汁飲落好甜好好味
繼續閱讀
今日喺北角揾食，醒起之前見到呢一間，俾佢嘅牛排三文治吸引住，所以今次黎試吓。因為我唔熟北角啲路，佢喺條巷仔入邊，跟住地圖我都覺得有啲難揾。當日晏晝去到已經坐滿人，得返廚房隔離嘅一張枱仔。唔知係咪因為啱啱開門冇耐，成間餐廳都唔係好夠冷氣。果日有啲喉嚨痛，所以冇嗌到三文治配薯條，轉叫咗都係出名嘅費城芝士牛排飯，餐配咗個餐前漬物同冷泡茶。費城芝士牛排飯 芝士同牛肉鋪滿飯面，一上到枱勁香。牛肉切得比較碎，芝士融入埋一齊好好撈飯。其實食落有啲似碎牛撈飯，我期待嘅牛肉係薄片而唔係切到咁碎。而且我期望會係調味上豐富啲，依家就食落比較單一，只有黑椒味。份量對一個女仔嚟講啱啱好，因為芝士份量都多，食到最後會有啲滯。
繼續閱讀
我家住炮台山，適逢今晚家人過來吃晚飯，上網見到呢間有推介，見小店，即管過來支持一下，但係都好後悔。首先，門口外已經坐咗兩個男人喺度食煙，由於我哋有六個人，佢哋安排咗我哋坐最近門口嗰張枱，我哋已經唔係好鍾意，不過冇辦法，由於佢哋間舖頭都比較細，後尾先知原來門口食煙嗰兩個男人係侍應，感覺即刻好差。一坐低成間舖頭都好熱，熱到完全冇胃口，而食物質素好老實講，亦都係唔好食，我叫咗佢比較出名嗰個粉嫩牛扒，都好韌下，全餐晚飯係熱到完全周身唔自在，冷氣完全唔夠凍，開晒風扇同埋仲要開住道門，我哋坐近門口，真係熱到係咁標汗。六個人嘅晚餐，有兩個好似好遲先出到，仲要我哋六個餐中間，有三樣嘢都係寫錯order，要再等過，出餐勁慢。我哋四個大人，兩位小朋友，總共食咗八百幾蚊，服務唔好，環境唔好，食物質素亦唔好，但係價錢亦都唔算平，唔會再有下一次。
繼續閱讀