deFoodies

營業中

休息中

食物可以，地方大坐吾滿，但得三個人做野，男待應態度極差，一路叫你等吾幫妳落單，好似想趕客吾想落單，話食物要等20至30分鐘，最後我照點，食完我隔離座都冇收拾食完食物嘅餐盤，但男侍應都叫住我叫我收完先離開😔，最後我都礼貌地把餐盤收給他，不過應該冇下次幫襯。

咁啱喺網上外賣平台見到呢間做緊六折外賣自取，，所以嚟睇睇，有咩好食。😋最後喺個Apps揀咗6重芝士鮮茄焗豬扒飯，🧀個原價本身就係$68嘅，咁佢有六折優惠，我再用coupon減咗$20，所以total $20.8。😋先講返味道，我覺得佢入邊所講嘅6重芝士有少少不配，因為個份量又唔算太多，雖然食落啲芝士係幾香。🫠而佢哋嘅蕃茄係做到幾甜，所以都值得欣賞。最後到佢哋嘅豬扒，豬扒食落幾香口，但係肉質就有少少腍，唔係我鍾意食個款。總括而言，用咁優惠嘅價錢買都幾抵下，但係如果冇優惠嘅話就唔會買🫠🫠

啱啱去咗間嘆為觀止嘅餐廳食飯，大家都話好食我一試果然名不虛傳！開頭先嚟咗個炸雞塊，外皮金黄爽脆嘅撻撻聲，一啖咬落去，雞肉彈牙又嫩滑，真係好有勁！😋 而家幾乎成為我餐桌上嘅開場白！再講下嗰個海鮮意粉，吓，麵條Al dente得嚟唔會痴牙，啲海鮮新鮮得滯，蝦仁彈牙，墨魚滑溜，感覺好像身處海邊鮮味無窮。呢個配搭，真係一絕！而個豬扒焗飯，豬扒嘅肉味香濃，配上啲香濃嘅芝士，一於就係咬落去嘅滿足感啊，焗到啲芝士拉絲，賣相吸引到唔捨得食！通常飲品我都唔會太期待，但呢度嘅特式咖啡，香味撲鼻，苦中帶甜，飲落順滑得嚟又提神，perfect match！總括嚟講，嘴巴滿足，肚子開心，幾時再有空一定會再嚟訪！👍👍👍

約朋友在牛頭角見面，她介紹了這間餐廳給我，真心不錯，環境好Chill方便談話💬。✨四重芝士鮮茄焗豬扒飯（$63）份量比較細份，可能大食既人未必飽，我就剛剛好，不過味道是可以的🍅。✨抹茶鮮奶（+$8）呢個特飲比較便宜，外面餐廳通常要加很多錢，呢一點比較好。

今日一行6人去食lunch 見Openrice d相幾靚諗住黎chill下想試下佢d 焗飯店員話焗雞扒飯會耐過焗豬15分鐘我哋叫左5豬1雞等左25分鐘竟然係焗雞扒黎先等等等左半個鐘焗豬仲未有店員唔係好理我哋話因為今日外賣單好多佢哋會整左外賣先🤯過多5分鐘終於都有得食四重芝士鮮茄焗豬扒飯 $68 配熱茶芝士係普通份量既芝士😥說好既四重？成個飯份量少 男士唔夠食得一舊好甜既蕃茄 冇菠蘿問題黎啦豬扒好重酒味 好懷疑d豬扒唔新鮮/重雪味先要用咁多酒去醃豬扒仲有好多筋咬唔開真係好難食……環境係幾舒服但$68蚊唔值呢個價 附近既金x好食太多大x樂都好過佢

平時好少去牛頭角今日工作關係黎到附近，就係附近揾下食🍴因為生酮既關係外食既選擇的確少左好多咁岩search到依間餐廳有沙律，即刻決定食佢！.上到去環境都幾好，有幾張大梳化位，其他座位都闊落一啲都唔迫，仲有個小型既台，有部大電視播住宮崎駿動畫既相，成件事都幾relaxing ，放lunch黎講可以有個咁既地方食下野都唔錯！.🔻63度温泉蛋巴馬火腿沙律 $72 （包熱紅茶/伯爵紅茶）因為生酮關係，👧🏻叫左走醬～個沙律組合就平平無奇，不過有驚喜既係佢啲沙律菜係自家種植！係餐廳外面有另一間房種住啲沙律菜🥗（圖2）雖然走左醬，但勝在有温泉蛋可以撈菜食🤭（可惜上碟時隻蛋已經穿左🥲）啲菜都好fresh，加上環境既加乘，整體黎講依個lunch係唔錯既！.比較可惜既係，餐廳人手真係比較少，見啲店員手忙腳亂咁，落單連等食物都差不多等左20-25分鐘🥲依個位就希望可以有啲改善🥲

辛苦搵黎志在食，每日返工就係等食晏時間haha，公司附近既餐廳都已經食過哂，今日有同事介紹去呢間餐廳，咁岩我地又未食過，餐廳好chill好適合一大班人傾計又得兩個人談心又得(´▽｀).葡汁焗雞飯 $68 蘋果汁(+$3)本身係豬扒排同雞扒飯糾結緊😂因為我本身無話好鐘意食葡汁，不過呢個葡汁夠香，雞扒份量多，飯底係蛋炒飯，整體味道唔錯~.我哋一行八人可能太多人，所以出餐有少少慢，同埋餐廳堅持飲品同飯一齊上，讚！

第一次去呢間樓上Cafe，食物價錢唔貴之餘，人又唔多，感覺上差啲舒服到訓著佢呢度要自己去counter度比錢叫野食，佢地會比個通知器你，咁你就可以搵位坐啦~佢會有幾款唔同既坐位，因為我地得兩個人所以揀左普通2人枱坐，我地隔離仲有個超大既櫻木花道模型環境好舒服，又夠靜，播住啲純音樂真係好正。見到後面有個台，但佢地只開到6點，唔知係唔係夜晚比人租黎搞活動用呢？葡汁焗雞飯（＄68）＋ 蘋果汁（跟餐＄3）葡汁好香，雞排都大塊，啲飯仲要係雞蛋炒飯，真係好好食，本身餐有包兩款熱茶，不過朋友唔想飲熱野就轉左杯蘋果汁。香辣蒜炒蝦意粉 ＋ 熱伯爵紅茶個意粉有小小辣，不過唔多，好香口。啲蝦入味仲好爽口，佢仲要加埋一啲煮過既番茄仔，可以幫解一啲辣味。默樂雞 （＄48）默樂雞感覺好普通，本人覺得可以唔叫。

因為工作原因嚟咗呢邊放飯時間工廈區周圍都人山人海咁啱上網睇到呢間樓上cafe諗住唔洗等位上嚟試下一上嚟睇到個裝修就勁驚喜首先成個場勁大 勁新 勁舒服座位與座位之間勁寬敞仲有一個勁大嘅mon播住仲啲世外桃源嘅畫面一個字chill驚喜陸續有嚟！啲食物質素超級高質！比起出面$100-200一個餐嘅餐廳有過之而無不及因為呢到一個餐都係講緊70-90😍😍首先係個默樂雞睇個名都幾幽默 以為食物質素都係咁幽默點知一嚟到 首先係個份量 $48 但係有成12舊！！！ 仲要每一舊都勁脆勁好食 配埋佢個醬自家真係好正仲有其他都好正 但懶得打 大家得閒經過牛頭角可以過嚟試試不過留意番呢到淨係開星期一至五 同埋夜埋6點就關門

時間: 朝早10點幾去到餐廳, 因為早得滯所以未有得嗌嘢食住, 去到11點半左右嗌咗嘢食等候時間: 因為朝早去所以冇人, 完全唔洗排隊, 食到12點幾先開始有其他人嚟 // 嘢食上得幾快, 同朋友傾陣計就開始上菜-食物: 嗌咗一個薯條, 一個炒蝦意粉, 再加一杯凍cappuccino薯條食落去仲係暖熱, 夠脆, 唔會燶晒有金黃色, 不錯👍🏻意粉賣相正常, 味道都正常, 就係平時cafe食到嘅味道, 唔會話失望, 但亦冇驚喜cappuccino就唔評價了, 因為對咖啡冇乜了解-環境: 本身揀呢間餐廳就係鍾意個裝修同一般cafe唔同嘅地方係, 呢間裝修好futuristic, 環境相對一般cafe嚟講會暗啲見到其他相有藍色紫色燈光, 不過今次去可能早得滯, 所以其他area未開放, 冇機會見到完整裝修同時亦見到有動漫插畫, 仲有個我諗係籃球動漫角色嘅1比1大小嘅模型(?) (唔知點叫) (唔認識日本動漫所以唔知啦)餐廳音樂一開始播緊日本歌, 之後變咗鋼琴曲, 都係圍繞日本的, 聽到有千與千尋同埋魔女宅急便嘅鋼琴曲, 環境較靜聽落幾舒服另外見到餐廳盡頭有個台, 上面放住鼓set之類嘅表演用品

四重芝士鮮茄焗豬扒飯材料非常豐富真係淡淡滿足🥩豬扒肉嫩番茄新鮮多汁芝士味道香濃食焗豬扒飯好多時候都係喺普通茶餐廳或者屋企樓下嘅港式餐廳，配搭跟餐飲品好多時候都係港式即蘑咖啡甚至係即沖咖啡粉，但呢度就可以加$3要個朱古力鮮奶咖啡。呢個配搭對我嚟講都幾新奇😆 朱古力鮮奶咖啡顧名思義係混合咗以上呢三款材料。普通濃縮咖啡就會飲到咖啡豆嘅酸味同埋少少苦澀味，配搭朱古力會更有香甜濃稠香味加上牛奶順滑獨特嘅奶香味配搭得意🥛好鍾意佢係最頂頂加咗唔少嘅無糖朱古力粉，增加朱古力香味，但係因為朱古力粉係無糖嘅所以唔會過甜🍫

溫泉蛋巴馬火腿沙律；沙律菜新鮮清甜，香味濃烈；巴馬火腿有一種獨特嘅咀嚼感，會越嚼越香，鹹香味道越嚼越有、越嚼越鹹香超級有勁🍖 溫泉蛋熟度啱啱好唔會過熟，雪白滑溜嘅蛋白保住鮮嫩流心嘅蛋黃口感簡單而濃郁🥚除左主角溫泉蛋、巴馬火腿、沙律菜之外仲有啲水蜜桃粒粒、切左半嘅番茄仔同埋芒果粒粒。所有食材都好新鮮，啱啱講到嘅水蜜桃粒粒番茄仔芒果粒粒都有自帶佢哋嘅甜味，令帶鹹香嘅巴馬火腿沙律增加返啲甜味更有層次🥗四重芝士鮮茄焗豬扒飯；呢款經典都唔會失望，豬扒多汁；番茄醬汁酸甜味道調得啱啱好🍅

呢度主打三款蛋糕：檸檬撻、紐約芝士蛋糕、朱古力蛋糕 三款都係四十五蚊  屬於一般cafe價錢啦唔會特別貴😊因為今日我地得兩個女仔所以只叫咗兩件蛋糕 分別係頭兩款嘅檸檬撻、紐約芝士蛋糕。檸檬撻個樣好似切餅咁 塔皮脆口帶濃濃嘅牛油香味又唔會太油膩 檸檬餡酸味突出但加入適量糖令到酸味同甜味平衡得剛剛好 唔會話互相搶戲🍋紐約芝士蛋糕唔似係忌廉蛋糕或者軟芝士蛋糕咁 反而係質感比較堅硬挺身 吉落去會有啲阻力嘅感覺 芝士味道濃郁🧀 算係我最鍾意嘅芝士蛋糕種類。

🍝卡邦尼意粉賣相真係不得了，顏色呈橙黃色仲有好多配料好吸引嘅感覺。橙黃色醬汁其實係將蛋液混合帕馬森芝士芝士粉，食到濃郁蛋香又有芝士豐潤嘅口感。意粉係偏幼身嘅天使麵，軟硬度啱啱好唔會過軟過硬，可以掛著啲濃濃嘅意粉醬汁。配料有啲煙肉、芝士片同埋大量黑胡椒粉，十分惹味。🐔麥樂雞外皮香脆“雞肉”就帶少少煙韌感覺，旁邊配上一個蜜糖芥末醬，甜甜地辣辣地又帶少少酸味，有層次得嚟好特別又好好味。雖然屬於小食類但一盤都已經有差唔多十塊，都絕對可以食飽肚！

一、卡邦尼意粉卡邦尼顏色奶黃奶黃，質地柔滑豐盈有一定嘅厚度，仲食到伴隨嘅係濃郁蛋香味滋味🥚。意大利粉屬於比較常見類型偏向幼身，我估應該係天使麵。因為比較幼身所以都好可以掛到啲卡邦尼醬汁🥛配料方面係傳統嘅煙肉同芝士片。煙肉切成一塊塊大約正方形都唔會太細塊，有口感唔吉口，偏向軟稔多肉汁。芝士片就唔算好濃郁芝士味或者好重鹹香味但我覺得呢個配搭啱啱好唔會太重口味🧀二、椰香葡汁焗雞扒飯有大大塊原塊雞扒切成塊好方便食用🐔焗飯都幾乾身味道惹味🍚