Délifrance (已結業)

如果論九龍灣既兩間餐廳我會覺得淘大呢間環境會舒適過德福而咁岩之前中秋節果陣delifrance有個活動就係拎月餅罐去回收就送$50coupon所以今次為左食左張coupon就黎左了!同朋友兩個人share一個法式滋味餐佢有我揀想要個餐係會主菜跟晒沙律/湯/飲品 其中1樣或者2樣我地揀左跟2樣 當中選擇左沙律同湯湯每日得一款 呢一日係忌廉番茄湯雖然佢話有忌廉但我完全食唔到本身仲ff過以為會係個湯面上面有一圈忌廉汁個湯好有用番茄醬開出黎既感覺真係麻麻地個沙律太多黑醋汁食全部菜果d都係黑醋汁既味老實講餐廳上面既菜都唔太吸引肉醬千層麵既感覺好d就揀左呢個了但佢一上既時候 以$8x黎講份量算少芝士 肉醬 同千層麵 拎去焗 個味道其實好難出事所以就正正常常咁而跟餐加$31可以加個心太軟伴雪糕全餐最好食係呢個甜品心太軟好濃味!!!!朱古力醬係杰杰地既出面既蛋糕都好濃味cream係唔會太濃 可以同個蛋糕match番桃都係甜既 雪糕亦好香滑整體而言 正餐同前菜都比較普通而甜品反而就驚喜!真係要食既話建議加心太軟試試!!!

2018年10月8日 (星期一) 11:30am 29°C 環境光亮整潔，餐具乾淨。 餐具、水杯、清水、餐巾、調味料等，均以自助形式，根據自己需要自行拿取。 分別用 2 張現金劵 ( HK$50 & HK$20 ) 購買 2 份午餐 人數：2 人 HK$126 不用等位 卡邦尼煙三文魚炒扁意粉 - 三文魚沒有濃烈的煙燻氣味，反而有些刺身感覺，軟軟滑滑，顏色粉嫩。本人最怕過度煙燻，煙味濃重，幸好這間餐廳的廚師沒有這樣烹調。扁意粉質感算彈牙，蘑菇香滑，煙肉微鹹不靱。忌廉汁濃稠適中，令意粉更滑溜美味。【推介之選】❤❤❤ 拿坡里大蝦蜆肉炒天使麵 - 大蝦彈牙，蜆肉卻細小了一點，但味道依然好。蘑菇爽口，天使麵幼細滑溜，藩茄醬汁酸酸甜甜，叫人胃口大開，在灑上芝士粉之後，更加垂涎三尺。【推介之選】❤❤❤ 田園沙律配意大利香醋汁 - 蔬菜新鮮爽口，麵包粒脆卜卜，藩茄和桃子甜美。醋汁味道不會太酸，跟香港的醋完全不同。 焗雙芝士西蘭花 - 芝士味濃郁，配上西蘭花，意念創新，而兩者味道亦出奇地夾。【推介之選】❤❤❤ 熱奶茶 - 熱騰騰，既滑且濃，提醒之選！ HK$20 現金劵，上次在灣仔分店惠顧時送贈的。

今晚經過淘大商場，隨意找－間餐廳食晚餐，發現這間餐廳有半價優惠套餐，於是決定入去食，後尾發現餐牌原來有個重超值套餐，係38蚊三文治優惠套餐，最吸引連晚飯時間也可以叫，心唸咁抵真的假的？！於是我又發揮冒險精神，試下有無伏三文治套餐有:白汁碎蛋三文治初時以為得4分－個長法包份量，但原來有差不多半個長法包份量呢！而且長法包好香脆，不是韌到咬不開那種白汁碎蛋份量也多，還有生菜及蕃茄，好味不會因38蚊價錢而將貨就價，值得讚賞迷你火雞片磨菇湯長通粉份量似在茶餐廳食早餐的火腿通粉一樣。有2片火雞片及幾粒磨菇，而長通粉吸收了香濃磨菇湯，好味咖啡／茶我揀左有機蘋果茶，有清甜蘋果味我還加了12蚊焗薯批，熱辣辣的薯仔片夾著香濃芝士－起食，好邪惡呀以38蚊來說真係超低食，食物質素高，剛好適合女仔份量，又坐得舒適冇壓力，本人覺得抵食過附近的茶餐廳！它還有特餐優惠，有意粉／飯，湯及咖啡／茶，還有甜品雪糕伴蝴蝶酥，都只係58蚊咋，又冇加一服務費，真心好抵食，決定下次試下！

今天晚上沒有家常菜吃，所以便在外獨自吃晚餐。九龍灣淘大餐廳很多，不過大部分不是日式便是台式，西餐廳倒是沒甚麼選擇。突然想吃千層麵，便來到delifrance.侍應態度友善，我叫了個肉醬千層麵配薯蓉，並要了餐湯。餐湯是常見的意大利雜菜湯 (milestrone)，在天氣回冷時喝熱湯感覺不錯。番茄味濃厚，也吃到紅蘿蔔、西芹等等，可惜味道過鹹，令我很口渴。等了十分鐘，千層麵也上桌了，和鐵板一拼奉上的好處便是保持溫度，讓顧客能享用熱氣騰騰的意大利麵。麵上的火箭菜很難吃，只有苦味，我吃了一口便放棄它了。薯蓉值得一讚，能做到外脆內軟，色香味俱全。千層麵上的芝士呈半融狀態，口感像奶油般幼滑，麵條亦軟硬適中。但是肉醬表現欠佳，肉碎太小，番茄卻非常多，比例失衡。也許，這道菜改名成 「番茄芝士薯蓉麵」會更為恰當。delifrance 千層麵質素下降，我想下次叫卡邦尼意粉會比較好。性價比一般，讓我有點失望。

今日晏左食飯！！不如歎過下午茶先！！去左九龍灣嗰間Delifrance!! 静静地！！無乜人！！想歎幾耐就歎幾耐！！叫左個大大牛角酥、三文魚紅辣椒炒蛋、側邊有件番茄做配菜！！仲有個粟米蘑菇火腿長通粉(白汁湯做湯底)！！再加埋杯熱嘅意大利牛奶咖啡！！超滿足！！牛角酥好香脆！！長通粉湯底夠濃！！牛奶咖啡夠香滑！！好捧呀！！

同好姊妹由中學開始就喜歡呢間既白汁系列，佢最鍾意白汁三文魚，我就會點吞拿魚多，配法包今晚想食意粉，一試佢新出的南瓜炒扁意粉系列之日本活性水飼豬頸肉粒。其實佢一D都唔粒，大大件，好好味反而我覺得南瓜片麻麻，個扁意粉軟硬適中，配上南瓜汁唔錯喎。套餐原價$79，有意粉+餐湯+餐飲（點了熱蜜桃綠茶）；好姊妹照舊點了白汁三文魚法包餐，$68包餐湯，加$9可轉飲我愛的鮮奶綠茶。點兩個套餐，第二客可享半價CP值高的一餐！至於個餐湯飲唔飲都罷，好咸啊

早排放假出約左朋友出九龍灣行街，早到左又見有啲餓就貢左入Delifrance睇下有冇野岩食睇到有啲特價野咁啵，咁女人仔既小妹就緊係要捉緊優惠的尾巴啦👻 ✨ 白汁碎蛋百吉包（hkd $15）原價hkd$43，依家只係hkd$15💦唔係唔買黎試下呀嘛😆😆依家雖然係做緊特價，但個百吉包無因為減價而縮水😀份量依舊十足！入面有大量既白汁碎蛋，加埋新鮮蕃茄片同沙律菜😍呢個早餐真係無得輸😎😎😎食完飲盒埋奶就真係飽哂~~勁滿足😼成條手臂咁長都只係hkd$15，懶惰既小妹表示好過自己起身整😪😪🙊

好耐冇食Delifrance, 行開淘大又諗唔到食乜，就入去睇下佢地有冇新野～我哋二人叫左個卡邦尼煙三文魚意粉同黑松露蘑菇意大利飯，配兩杯飲品～另外加多一個檸檬芝士蛋糕印象中佢哋嘅意粉一向都唔差，有一定水準～卡邦尼醬汁幾creamy，而且配好多鮮蘑菇，感覺清新左加上煙三文魚都有兩大卷，份量好足夠～但黑松露蘑菇飯就比較失色，蘑菇係幾香但意大利飯煮得太淋，唔夠口感整體屬於較淡口味～好彩個結尾都唔錯，芝士蛋糕好軟滑，而且充滿淡淡嘅檸檬味，啱啱好唔會太甜

以前會去食Delifrance啲包包餐嘅,因為佢啲包款式多味道都唔錯，今日約左Auntie去附近鴻星飲茶既，不過1:30下茶又未夠鐘，而家飲又好似好唔抵，咁呀Auntie行過話未試過，又唔使等位大把枱咁咪去食。見到第二個餐半價都無乜客可以揀位坐。叫咗兩個餐，一個係千層肉醬闊麵配番茄忌廉芝士湯。番茄湯用番茄醬開嘅，肉醬闊麵即刻整，等十分鐘。肉醬闊麵個賣相就hea左啲，細碟咗啲得半碟🙄勝在有啲菜啦。另外嗰個田園沙律配煙三文魚飲凍檸茶加$4都大杯既，煙三文魚走一楮咁個香醋汁係杰身嘅。菜新鮮既都OK 。兩個餐加埋$117🤔叫做由你坐幾耐都得囉。

我和朋友相約在九龍灣晚餐，本先想吃另一間餐廳，但想吃的東西已經沒有了，所以臨時轉吃Delifrance，自己去開德福那一間不少次，但身在淘大，所以就試一試淘大呢一間Delifrance，估計差別不大，而且還見有第二份50%的優惠，但奇就大可在德福那間係好多人，呢一間就得2-3枱人，不過覺得連鎖店應該是一樣，所以就食呢間啦。我地各自叫了一個餐，名其實不太記得，我朋友食牛油果墨西哥卷，我就食鴛鴦唔記得咩名(一個吞拿魚沙律＋三文魚沙律）夾包 (當天沒有軟包,俾左另一款我)。我朋友既墨西哥卷好少牛油果，基本上有一邊係無牛油果的，另一邊有一小條，我們都拿來取笑說牛油果很貴...我那份不知是否沒有我食開既軟包，轉了另一款包，但包比較細，感覺份量好像小了一點。因為第二份50% off，所以兩份加埋我地各自也點了凍檸茶少甜少冰，價錢都係110內，但不會再光顧這間店，食物質素非常差，原本是有詳述的，但有些內容過不了審核，只好刪去。今次之後我就知點解德福個間咁爆，而呢間可以無人....

星期六(今日)2016.04.09本來開開心心去high個tea.點知俾間咁大集團嘅食物品質嚇到。不禁要分享一下俾大家知。一向呢間分店已經不是十分好質素(包括食物和服務)，今日叫咗一個吞拿魚脆餅食。嘩!見到塊沙拉菜我完全無話可說。比起我更“殘"，用黎放上食物上面你認為好嗎？44蚊唔算平，都唔好俾d咁嘅嘢人食。菜係食得的，你地應該要檢討下。還叫人Please come again. 對唔住絕對無下次

同牛爸行到累，經過淘大商場嘅delifrance，見倒開放式設計，裝修簡約時尚，可能係平日，唔係好多人，有好多空位，仲好！唔會禁嘈，而佢座位之亦好寬敞，令人坐得好舒服，唔會好似茶餐廳咁禁迫，又嘈又要搭枱！另外佢嘅雜誌架上仲有幾款報紙同雜誌任客取閱，呢樣啱哂我地呢啲平日唔得閒睇報紙嘅人，見餐牌下午茶餐都有好多選擇，我同牛爸都一齐揀左芝士白汁吞拿魚焗全麥厚多士，因為吞拿魚同全麥包有益啲嘛！多士黎到面前，已經聞倒陣陣香香味~，嘩！真係好厚呀…件多士！多士面嘅芝士白汁同吞拿魚份量配搭亦啱啱好，咬落去每一啖都食倒濃郁嘅芝士味同吞拿魚嘅香味，多士焗到啱啱好，中間鬆化得黎又好軟熟，條邊焗到卟卟趣，再飲啖凍檸茶，將頭先行街時嘅悶熱全消，食完野，再睇左一陣報紙，忽然觉得好似退休生活禁悠閒，真舒適！

餐廳有位姐姐一定要贊👍豬肋骨入味又joice。Pizza香脆，芝味濃郁。最緊要夠熱。突發奇想，將丹麥包厚切，焗香佢，居然她都肯幫我整。服務好，味道好，有人情味的店，值得一來再來👍👍👍

午飯去了位於牛頭角淘大商場內的Délifrance Cafe。一點多到，人不是很多，但很快就坐無虛席了！我們三人分別點了卡邦尼意粉、蘑菇意粉和茄醬意粉。飲料方面，勇於新嘗試的我和小天使分別點了巧克力意式咖啡和蜜桃檸檬蜜，一向注重健康的拔把點了熱檸檬水。意粉非常爽口，醬汁濃郁，令人回味無窮！大胃口的我覺得份量小了一點，不飽不餓的。巧克力意式咖啡偏甜而且蓋過咖啡的味道，巧克力和咖啡的比例要調一調才行！蜜桃檸檬蜜甜甜酸酸的，好喝喔！

朝早小妹殺入九龍灣陪小mic來個豐富的早餐，鬼叫小mic話放工想有人陪他吃早餐，唯有小妹交定定個鬧鐘，由軟綿綿的床舖爬起來，山長水遠乘巴士出發~早上8時半到達淘大商場，除了大牌子餐廳外，距離商場較入還有Delifrance，人流極少，只有小貓三二隻，環境清靜舒適，反正小妹從未吃過Delifrance的早餐，選這裡好了！其實是小mic喜愛吃西式早餐耶~店員總數有二位，一位站於收銀，一位夾取食物，相互合作甚有默契。小妹揀好食物後，小mic便叫小妹坐好，等著他來買好了，有人服侍真好呢~早餐1-10款任君選擇，小妹要了4號（煙三文魚配全麥百吉包$35），由於全麥百吉包店員說要等上十多分鐘，所以轉換普通的百吉包，長條型的百吉包看起來偏幼身，整體份量不算多，包身比較硬身，難以用刀切開，反而用叉子拮著吃還方便，百吉包還配上一粒新鮮牛油，但小妹沒有塗上，喜愛吃面包的麥香味。碎粒的三文魚混入炒滑蛋之中，三文魚已變成熟透的粉紅色，滑蛋都帶有蛋汁，嫩滑而不老身，不過口感較薄。小mic要了7號（自選特級早餐$36），分別有（煙肉、煎蛋、珍寶腸、煙火腿、烤雞、火雞片）自選三款配上指定面包，指定面包分別有全麥百吉