Délifrance (香港紗廠工業大廈)

營業中

休息中

最近佢地做緊環保回收行動，憑一個食物金屬罐可換一張$50現金禮卷。今日就拎著現金卷去吃午餐。價格普遍偏貴，減咗$50就扺食啲！個卡邦尼意粉配煙三文魚味道和份量0k唔膩安格斯牛肉千層麵，啲牛肉好正，肉味又濃又淋，可惜得三粒😅荔枝梳打真係有兩粒荔枝肉㗎！杯cappuccino👍🏻👍🏻

上班前，嘆一個早餐是我的習慣，如果食不到絶對會影響當天的狀態。對本人來說，一杯即磨咖啡是早餐的重要元素。早餐單靠一杯咖啡當然不夠，以且只喝咖啡當對胃也不好。個人認為，咖啡跟包是非常撘配。自從嘉名工業大廈地下的美食廣場結業以來，我每天的早餐必定在附近的 Delifrance。 早上，Delifrance 有一個套餐優惠，19元或者21元會有一個指定的包跟一杯咖啡，通常我會買一個套餐，如果當天比較餓，會再加一個包。最近，Delifrance 新出了一款包，花生醬肉鬆軟包，13元一個，外表帶有酥皮口感，裡面的花生醬略甜，肉鬆比較干，跟黑咖啡撘合，是一個不錯的選擇。 一個適合自己的早餐，絶對可以增加當天的工作效率，所以大家每天都一定要食早餐。抵玩指數1+/3抵玩指數‵，最低為1，3為最高。所有不用自掏錢包或劣評者， 將不會給予抵玩指數。

今日下午我們喺荔枝角做完嘢之後，諗著喺周圍附近睇吓有咩食，行到去長沙灣道見到有幾間餐廳食店係無寫餐廳名嘅招牌，感覺好似好神秘咁，再行近啲睇就發現係「Delifrance」，所以我們就入咗去食下午茶！我們叫咗火鷄煙火腿芝士班里尼包嘅包雖然烘得都幾香脆，但就唔係好鬆軟，個名話係火鷄煙火腿芝士，但就完全唔覺有火鷄肉，呢樣就係令到我們覺得比較失望！跟餐嘅凱撒沙律嘅沙律菜都幾清甜新鮮，但就略嫌沙律醬比較多！全日早餐有：法國貴族牛角酥好鬆軟酥化，牛油味亦好香濃！煙三文魚都幾軟滑！炒蛋唔係好嫩滑，有啲過咗火！珍寶腸嘅腸皮都幾爽脆！煙肉雖然都幾芳香，但就煎到又乾又硬！

單食免治牛肉過咸，配合芝士汁及多士，味道剛好抵玩指數：3.5Delifrance在荔枝角的眾多餐廳中，早餐的價格算是比較貴。但因為坐的環境相對較舒服，所以亦不乏棒場客。早餐的選擇亦十分多，今天試的是牛肉芝士炒蛋多士。我覺得味道不錯，幾有趣，但牛肉稍微過咸，多士亦不夠香脆。作為打工仔來說這個價格亦略微昂貴，但有時豪一下感覺亦不錯。 個人認為最抵玩的還是他的c餐，大家可以一試。

香辣燒雞沙律百吉包+咖啡 （$31）味道方面有小小辣，但配上沙津幾清新開胃。抵玩指數: 以一個打工仔來說，31 元的早餐當然不算便，但是３１元可以品嚐到如此清新開胃有營養的早餐，再配上一杯新鮮即磨的咖啡，絶對是一個不錯的選擇，加上店舖環境不錯，乾淨企理，坐得舒服，不太多人。

過去十多年 Delifrance 都是我喜歡跟朋友去聚一聚的地方，但今天真係令我超失望。簡直係去左一間快餐店咁，從未吃過咁難食的，仲要貴過另一間3元，服務態度係冇服務可言。今天吃了原本是最愛的 French Heritage Croissandwich with Ice cream，除了賣相奇差外，還要個牛角包好似隔夜包咁，真係咁都得？！個洗手間仲嚇人，好似去左國內農村，大家都寧願忍住不去為妙。

餐廳既位置我覺得比較隱蔽。沿成條街你未必會留意到門面灰黑色。牆上有名。但唔顯眼內裡佈置跟其他分店差不多。Lunch time去邊都唔會少人第一次食lunch set,今次試二人套餐價錢上比較抵有餐湯或沙律。主菜，飲品，甜品相當豐富 $168 唔洗加一買滿100蚊送20蚊現金卷變相148蚊就可以食到因為一般lunch set每人都70蚊左右但無甜品個天使面,個味道好淡只有微微蕃茄味比較普通,如並不是跟餐,我一定不會點推介, 雞肉長通粉最後完餐後,可以叫STAFF上甜品,雲呢拿雪糕配蝴蝶酥最失望係個天使面,其他都滿意~

星期日下午去，尼間分店係工廠區，估唔到都好多人，差唔多滿座，唯有坐響最近門口既台，冇乜冷氣有啲熱。雖然好多人，但係上菜都算快，落單同上菜員都好有禮貌。今日叫左一個 All day breakfast，盛惠$90，講真我覺得份量真係太少囉，唔夠熱，味道麻麻，唔抵食。唉，以前讀中學既時候，覺得 delifrance 分店多，好抵食嫁，所以成日同朋友放學去食，依家已經完全唔同晒，分店有小，地點又吊腳，仲非唔抵食，真係冇興趣再去了。

通常早餐都是吃麥皮或蕃薯今天早了出門便到公司附近的Délifrance買早餐之前亦曾試過吃它們的Grab and Go麵包真心覺得很好吃!荔枝角的分店是在工廠區的位置在地鐵站出口的附近 是人來人往的地點 很方便九點多的時候也蠻多人在吃早餐之前吃Grab and Go是$15 (好像是)我以為加價了原來現在是$19 配熱咖啡/奶茶也不錯呀! 我點了$19那個包餐配凍奶茶(+$4)沒辦法 天氣實在太熱了雖然只是早上九點但麵包都已經有很多款了而且看上去很新鮮完全不是隔夜的樣子從落單到離開應該只花了兩分鍾的時間如果沒點凍飲的話應該更快!店員會把麵包和凍飲都在紙袋給你之前還會舂摺一隻大角方便一拿就走果然是Grab and Go!!麵包的大小大約是一個手掌般大不多不少 份量剛剛好我記得拿走的時候麵包有點微暖的一大口咬下去 麵包外皮有一點點脆但內裡是非常非常軟熟而且麥的味道很濃郁超級合我心意的!蕃茄就只是麵包上那一片包的內餡都是蛋沙律 餡料很滿很足 如果蛋沙律再濕潤一點點應該就100分了!

年尾時候又係加班旺季, 今晚都唔例外, 加完班成個人散晒兼肚餓, 一於就響附近食晚餐. 一個人簡單選擇Delifrance, 貪佢一定有位, 一個人食又唔怪, 而且味道都唔錯.要個菠蘿蕃茄鮮蘑菇扁意粉($62)扁意粉幾煙韌彈牙, 唔會淋到一PAT PAT, 鍾意食扁意粉, 因為卷起上黎食無咁容易跌晒落碟. 醬汁方面係蕃茄醬, 就算加埋菠蘿都唔會太酸, 酸中帶甜, 而且仲有蕃茄碎. 另配料仲有蘑菇, 幾爽口. 配料幾樣份量都幾多, 唔會得幾粒. 另外跟餐配咖啡, 咖啡自己加黃糖, 所以調較得剛剛好, 甜中帶出咖啡香味, 唔會太濃. 而且咖啡口感夠滑. 幾十蚊餐黎講, 食物同環境都算乾淨企利, 係一人晚餐既不二之選.

再到荔枝角尋寶，約有45分鐘午飯時間，可就是不想到茶餐廳，看見眼前有個紅白藍色的門口，人們進進出出的，感覺有點眼熟，難道是......Délifrance?  果然不出我所料，這明明在大街之上，卻一點也不起眼的小店，正是Délifrance，不去深究為何此店會如此神神秘秘，這店正合乎我想要的。(根據食友Wonder2wonder的解說，不能在門口寫餐廳名，是因為地契所限。餐廳要營運就只能扮成工業大廈的飯堂，謝謝補充!)    店內氣氛與其他Délifrance有丁點距離，深而長的店子，沒有任何窗戶，但面積不少，不會有侷促之感。少量的沙發椅子，但更多的是快餐式桌椅，牆上有不少藝術掛畫，淡淡的法式風情。舒適的咖啡小店，而且是在大街上，價格又不貴，相信在工廈林立的荔枝角，也是個異數吧。  說是法式小店，倒不如說是悠閒輕食咖啡店較為恰當吧。年輕侍應態度友善，見我抬頭看水牌狀甚辛苦，立時遞給我餐牌。點餐採半自助形式，先下單，取了數字牌後，便會有店員送來的了。  老公選了卡邦尼亞炒扁意粉．配煙肉芝士($64)沒有放蛋汁的扁意粉，不算是正宗的Cabonara，煙肉煎得挺香口，白汁也調得不錯，就是欠了

上班大半年，很多時候都會乘小巴到荔枝角地鐵站。那天，如常地趕，早已打算買麵包作晚餐。下車走了幾步，發現了有一扇半開的門，然後看到Delifrance 的招牌。第一次見到，心想是何時開的新店呢? 後來跟店員聊天時，才知道這店開了已經差不多4年，只是我沒有留意而已。店內很大，至少也有二十張枱，卻只有兩枱食客，於是決定快快的點餐、快快的用餐。點了下午茶餐，可選一件酥及一杯飲料。於提子、肉桂及朱古力選了後者，對提供的飲料選擇不太感興趣，所以加了$8點了熱胚芽抹茶牛奶。由於店員將朱古力酥加熱，酥皮頂層脆得不得了，用刀叉一切開便碎開。朱古力酥也口感很對版，層次卻可以做得更多。胚芽抹茶牛奶要趁熱攪拌才可將沈澱的抹茶融掉。加上胚芽感覺很有新鮮感，但抹茶味可以更加突出。下午茶盛惠$38，不便宜，但卻在寒冷的黃昏讓我能歇一歇。

由於鍾情Delifrance的白汁三文魚及白汁碎蛋, 放工後時不時到這間Delifrance享受一頓寧靜晚餐...荔枝角雖然係工廠區, 工廠林立, 但近年多了很多工廠上樓的新晉型格高級西餐廳, 而這間Delifrance都不例外, 前幾個月都裝修過, 變得更有格調, 頓時升了"呢", 所以其實這張門面profile pic已然不update, 可惜我通常去的時間都天色已晚, 影唔到它現在的"靚樣"...其實人人都知Delifrance的食物其實並不"法國", 雖然她近來都努力改變"快餐"型像, 但起碼她真的"有Heart"在各方面去做到"似"法國餐廳, 例如店內不斷播著法文歌我試過去一d所謂日式或西式餐廳, 播的是廣東歌不得止, 仲要係廿幾三十年前的張學友, 譚詠麟...食物方面, 這間分店真是特別新鮮同比得慷慨, 這晚我吃的又是例牌: 法式鴛鴦三文治 - 白汁三文魚拼白汁碎蛋, 配軟包, 蘑菇蓉湯...跟餐蒜蓉包新鮮即焗, 蘑菇蓉湯夠熱, 吃到粒粒蘑菇蓉, 蘑菇及牛奶味相當平衡...白汁三文魚及碎蛋睇相都見到是滿滿的....點解我話慷慨?! 因為我試過好多好多間分店, 真係得呢間次次

Lunch 同平時一樣都係冇咩好食, 燒味又食得太多, 於是就去下呢間法式食不過今次試完短期內都唔再去喇 因為做野真係太慢, 等得太耐, d 野都唔好食其實根本唔多人排隊, 不過原來得一個收銀, 見佢收完一次錢, 又要沖咖啡又要上湯, 其實delifrance 有冇諗加返d 人手? d 野食都已經唔平, 如果連基本服務都做唔足真係冇selling point.等左差唔多10分鐘先行到counter , 見到個南瓜鴨胸意粉唔駛加錢有杯cappuccino 就試下成個意粉都冇南瓜味, d 意粉又淋晒鴨胸皮多過肉, 同南瓜ge 健康主題唔match再望埋杯cappuccino, 剩係d 泡見到都冇晒胃口... - -|||" 飲落完全冇啡味, 以我所知一杯cappuccino 唔應該係咁樣. 同其他cafe 好似pacific coffee, euro gogo, 比真係仲差好遠! 不過好彩今次係唔駛加錢, 如果要加錢我寧願飲罐 nestle!希望delifrance 可以做好dd, 唔係遲早玩完......

是日食Délifrance下午茶作晚餐,今次都第一次食佢地既下午茶,下午茶都有好多套餐選擇二人分別叫咗迷你烤雞及鮮磨姑雞湯扁意粉+凍鍚闌奶茶,法式熱狗伴白汁碎蛋沙津+茶包熱奶茶法式熱狗伴白汁碎蛋沙津>>法包烘熱咗,好脆,好香,蛋沙津配一塊大蕃茄,味道很夾!熱狗腸配上醬汁,酸酸咸咸的,味道不錯!茶包熱奶茶>>茶味都算重,奶可自行加,不喜歡奶味重的可落少些!迷你烤雞及鮮磨姑雞湯扁意粉>>雞肉腍,而且大塊,雞湯味道濃,扁意粉一向都不錯,凍鍚闌奶茶>>比茶包奶茶既茶味較重,味道不錯!