Délifrance Bistro

營業中

休息中

想喺屯門市中心搵一間唔太貴，又好坐舒服嘅西餐廳，我推介錦薈坊嘅Delifrance Bistro! 同朋友點了兩個套餐🐱新西蘭草飼牛柳藜麥飯 $102份量比想像多，牛柳大大塊，牛肉很有咬感，也富牛肉香味。藜麥飯偏硬，有淡淡香草同忌廉味，仲有少少蘑菇同車厘茄。🐱蟹肉牛油果青醬意粉 $118必點！蟹肉很多，仲有我最鍾意嘅牛油果😍意粉沾滿青醬很香，配檸檬汁清新開胃！🐱自家法式拿破崙蛋糕 $39必點！套餐add on,性價比超高！上碟有巧克力醬裝飾，賣相吸引！酥皮脆忌廉香，莓子酸酸甜甜，口感豐富，而且大大件兩個女仔分剛剛好！🐱法國軟心冬甩$12口感好鬆軟，而且唔會太甜膩。🐱隨餐送是日餐湯蘑菇湯蘑菇味很香濃，有粒粒的口感。配湯嘅多士也很脆。🐱隨餐送飲品熱即磨咖啡和熱錫蘭奶茶奶茶奶味香醇容易入口，即磨咖啡味道也不錯。

平民價錢Cafe，環境舒適，性價比高。溫泉蛋牛油果青醬素意粉新出品，味道清新，撈埋溫泉蛋汁，小小Creamy，但又唔會滯，間中仲會食到牛油果。新西蘭草飼牛柳藜麥飯非常有驚喜，藜麥飯係risotto，好creamy，加咗藜麥口感豐富。牛煎到好香，大概七成熟。份量亦都好多。玫瑰蝶豆花檸檬梳打打卡好靚，唔會死甜，飲都有薄荷同荔枝味。法式焗蝸牛薯蓉有蝸牛，平民Cafe少見嘅菜式，薯蓉好香好重牛油味蘑菇忌廉湯超級香濃，而且裏面好多碎嘅蘑菇，媲美出面高級西餐廳

之前食過晏就覺得幾好食，仲要坐得好舒服，今次就約埋朋友夜晚去試，可以慢慢坐吓傾吓偈😚蟹肉牛油果青醬意粉 連餐湯呢個意粉係期間限定，牛油果青醬都係第一次食，估唔到個味道都幾好，唔會覺得無咩味道，反而係好香，好夠味！配埋佢有大量嘅蟹肉撈埋一齊，真係好滋味😚呢個係個套餐會跟埋嘢飲、同餐湯，價錢都幾划算👍🏻香蒜海鮮炒意粉呢個香蒜炒意粉，整得非常之好食，佢雖然係炒嘅，但係都唔會覺得好乾，仲有佢有大量嘅海鮮同埋一齊炒，整件事都好豐富同埋好滿足😌黑松露醬野菌炒意粉呢個意粉佢嘅黑松露味好香，好濃郁，最重要佢係好Creamy，而且佢入邊都係好多野菌去配合一齊煮，所以食落去都好足料！呢兩個餐都包嘢飲，亦都可以額外加$15要埋餐湯。同埋佢好優惠嘅係可以再加錢叫唔同既小食，仲要冇制，我哋三個人就叫咗兩個小食同埋三個甜品😋我哋嘅薯條同埋雞翼，做得都非常出色！特別係雞翼汁整得非常之夠味，係會一食再食嘅感覺！另外佢甜品三個呢都唔會食到甜到漏嗰種，係啱啱好嘅味，仲要唔會有一陣凍咗嘅雪櫃未👍🏻😋食完飯有埋甜喎真係非常之滿足😆再加上佢哋嘅飲品除咗普通嘅凍檸茶，咖啡仲有一啲特飲，真係好正！😆

今次去見食物同飲品都有新menu😊🥑蟹肉牛油果青醬意粉- 好特別既配搭👍🏻牛油果配蟹肉好清新+鮮甜🦀🦞香蒜海鮮炒意粉- 蜆肉同蝦好香濃👍🏻🥬🥒特濃黑松露醬野菌炒意粉好鍾意呢到既意粉，好滑好彈牙，三個餐都揀左意粉🍝雜菜湯&蘑菇🍄‍🟫忌廉湯都係好香濃，蘑菇湯好足料，啖啖都有咬口👍🏻中間個杯都係新menu到揀出來試的：玫瑰蝶豆花檸檬梳打🍋⭐️打卡飲品⭐️🥧法國杏仁撻、🍰藍莓芝士蛋糕、🍩法國軟心冬甩呢到除左正餐，平時亦都可以直接在餅櫃買甜品外賣，好正😊！整體黎講，係一間性價比高，食物質素、環境、甜品都好正既西餐廳😊

今日我哋去咗屯門市中心食delifrance ，餐廳裝修高檔，一入門口就有多款麵包蛋糕擺放喺門口，地方寬敞，更有卡位我哋係下午茶時間去到，但係我係食午餐，我哋叫咗兩個主食一款甜品，樣樣都好高質素大西洋鱈魚柳照燒汁意粉🍝鱈魚煎得又滑又香口，好有魚味，再配燒汁甜甜地，味道好match新西蘭草飼牛柳藜麥飯草飼肉已經切好左一塊塊，唔肥，再配藜麥飯比較健康，健康人士必選甜品我哋揀咗法式吐司配鮮果雪糕 $59賣相精美，多士香脆，仲充滿水果，有藍莓🫐同士多啤梨🍓仲有雪糕，性價比好高飲品我地簡左凍朱古力爆谷同埋水果茶，真係完美既一天

#棄嬰拍拖系列想平民價食個西餐，Delifrance 係一個唔錯選擇。『燉牛尾意粉』HK$92牛尾好淋，但唔係啲肉散，又好入味，啲汁撈意粉食好滋味。『焗非洲雞飯』HK$79非洲雞係一塊大雞扒，再配個非洲雞piri piri醬汁包裹住食。『蘑菇湯』HK$15 (跟餐）『凍檸茶』HK$5 (跟餐）蘑菇湯用蘑菇打蓉再配忌廉，將一塊法式長包。『黑松露白汁薯條』HK$29薯條係中粗，炸起熱辣辣。『香脆洋蔥圈』HK$29洋蔥圈好大一塊，點千島醬好襯。°°°°°°°°°°°°°°°°°°°°°°°°°°°°°°Délifrance Bistro @delifrancehk📍 屯門屯隆街1號錦薈坊3樓316號舖#MrsLong #hk #Longs #香港美食 #餐廳推介 #hkfoodie #假日好去處 #香港探店 #foodieshk #hkigfood #tasteofhk #hkfoodlovers

呢間餐廳已經變左我地的飯堂，因為屯門都好難搵到一間環境咁舒適的西餐廳，而且食物質素保持到水準，價錢合理。我地的心水有安格斯牛肉黑松露白汁洋蔥圈芝士漢堡 配黑松露薯條呢個burger真係好足料，最特別的是有炸洋蔥圈，外層酥脆，內𥚃鮮甜，增加層次。另外安格斯牛肉有肉汁，出面煎得焦香，食得出是高質牛肉。新西蘭草飼牛柳藜麥飯藜麥飯比起平時意大利燉飯，口感更適合香港人。食起黎好creamy,菇味濃郁。牛柳的熟度剛好，中間帶粉紅。食起上來肉味濃郁。最後的甜品點了法國牛角酥寫夫配雪糕·迷你朱古力蛋糕及焦糖爆谷牛角酥係呢度的名物，食落去牛油味好香，又有少少脆邊。加上一大球的雲呢拿雪糕，味道非常夾。旁邊仲放了惠康粒粒朱古力布朗尼和焦糖爆谷，甜品控表示好滿足。餐飲的熱伯爵奶茶好濃茶味，叫左多奶，真係用杯仔另上，飲落夠晒滑。餐廳的職員的服務專業細心，係呢度食飯都真係冇咩好挑剔。

DeliFrance相信好多人都食過，但Delifrance Bistro 就比較少，今日來屯門呢間亦都係我的第一次，好似啲西餐廳咁，有人serve你，好好，而且裝修都靚，環境好舒適闊落。唔想諗嘢就嗌咗個2人餐，鍾意湯品的我哋就叫咗2客蘑菇忌廉湯，因另一選擇蔬菜湯已售罄，菇味濃郁都唔錯嘅，主菜的選擇都有9樣，點咗"焗醬燒豬肋骨配薯條' 和“招牌海鮮飯”，豬肋骨好大條，差不多係2人的份量，食得好滋味好開心。海鮮飯有埋有機藍青口，大西洋鱈魚柳，海蝦，魷魚，蜆五樣海鮮，都算好足料，味道亦可以吖，仲有甜品“法式蝴蝶酥配雪糕”做ending，其中蝴蝶酥够鬆脆可口，唔錯唔錯。

🍜法式龍蝦湯超香濃龍蝦味，唔會太咸太流，都幾開胃🥘照燒汁素帶子椰菜花藜麥飯藜麥飯配以三色椒，非常營養又健康，素帶子整得好有心思，用一個大鮑菇製成，煎一格格，都幾精緻🫶🏻🫶🏻🍩法國牛角酥窩夫配雪糕 x 迷你朱古力蛋糕及焦糖爆谷嚟到西餐廳梗係要食埋個甜品先圓滿啦，牛角酥嘅窩夫超級鬆化，上菜都好熱，配埋雪糕，冰火交加，口感唔錯，仲有一啲Brownie配味，香濃朱古力味，又開咗我另一個胃😝😝😝

首先淨看餐廳環境格局, 已令人如身處歐洲, 真的呀餐廳背景音樂不太嘈吵, 樓底高, 座位寬敞, 服務員有禮, 食物選擇多且又不是令人咋舌的價錢, 决定試了它的二人餐, 包括蘑菇忌廉湯、田園沙律, 主菜選了法式香草烤羊架配新薯及黃茄子, 外皮的鬆脆炸麵包糠夾著生熟度適中的羊架, 簡直一絕, 另一就是招牌Bistro海鮮飯, 材料十分豐富有大蝦、青口、蜆及鮮魷等, 兩個煮菜上枱都很吸睛, 羊架而且味道可比美高級酒店, 而甜品是每位一份法式蝴蝶酥配雲尼拿雪糕, 在這悠閒舒服的環境中用餐, 就是最高級的了。

想靜靜地食個西餐，呢到舒適、闊落、好食、唔貴！😊🐟鱈魚柳照燒汁意粉魚柳好大塊，煎到皮脆肉嫩，好好味！意粉甜甜地，同魚既少少咸好夾😋加左個餐湯 - 忌廉蘑菇🍄‍🟫入口好多蘑菇粒，正！🧀煙三文魚法式芝士焗薯批好creamy既芝士，d著仔片係蒸焗，淡口配埋芝士食好入味👍🏻三文魚好夾！🥔黑松露薯條非常脆😍😍法國芒果熱情果蛋糕🍰好鍾意！清清甜甜，好少cream，唔會劑，啖啖入口都係鬆軟既蛋糕+生果有機蘋果茶，加凍檸檬茶整體黎講，係一間性價比高，環境闊落舒服，食物質素亦都幾高嘅西餐廳😊

早餐好難食，蘑菇湯通粉勁水冇味，煎雞扒仲衰過大快活，絕對唔會再幫襯，環境好嘈，只有杯飲品還可以， 唔怪得知分店越嚟越少，呢個價錢絕對唔值，如果大家想舒服食早餐就不要考慮嚟呢度，

裝修設計優雅，空間感大，午市設有套餐，有多款選擇。᪥新西蘭草飼牛柳藜麥飯天然新鮮的新西蘭草飼牛柳，粒粒牛柳嫩滑，肉質有口感，值得一讚是藜麥飯，藜麥飯大多是比較乾身，但這禮物飯加入了creamy 的蘑菇忌廉汁，令到飯更有層次感而不會太乾。᪥燉牛尾意粉特別喜歡吃牛尾，因為有豐富的蛋白質，這裏的燉牛尾嫩口，容易咀嚼，牛尾滿滿入味的濃稠醬汁，意粉有彈性。᪥黑松露白汁薯條小食可以另加，我們加了一客黑松露醬白汁薯條，薯條香脆，外脆內暖，黑松露醬吃得更滋味。᪥餐廳最近推出特別豆奶咖啡，以維他奶專業沖調用有機豆奶做底，焦糖豆奶咖啡，算是一杯邪惡飲品吧！但味道一點都不太甜，容易入口，但又不失香濃咖啡味。

同家姐嚟食晚餐, 叫咗羅勒青醬牛柳粒意粉, 焗非洲雞藜麥飯, 同埋法國軟身朱古力蛋糕配雪糕, 全部都好好味 !!!羅勒青醬牛柳粒意粉 $102 - 意粉 al dente 又夠份量, 牛柳粒有牛肉香味又唔韌, 有好多粒, very good !!!焗非洲雞藜麥飯 $79 - 焗雞好surprised, 高水準, juicy, 入味, 肉質鮮嫩, 仲有好多蔬菜伴碟, very good !!!法國軟身朱古力蛋糕配雪糕 - 即時心太軟, 真係好好味, 跟餐加$49, 超抵 !!! 環境靚靚舒適唔嘈唔迫, 服務員 Queenie 同埋經理,都好有禮貌, 細心。因為食得非常滿意，所以我加入埋做會員 hahaHighly recommend !!!!!!

蘑菇忌廉湯以新鮮蘑菇為主要材料，搭配奶油和香料製成的奶油湯底，口感豐滿，蘑菇的香氣與奶油的絲滑相融田園沙拉口感清新爽口，蔬菜和水果新鮮法式香草烤羊架配新薯羊架外層有酥脆的麵包糠，配上豐富的香草調味料，烤至肉質鮮嫩多汁，搭配烤薯仔和黃茄子招牌海鮮飯以海鮮有青口、蝦等為主要材料，與米飯烹調而成，形成豐富的海鮮香味，是一道富有風味的主食。煙燻三文魚法式芝士焗🥔三文魚的煙燻味與芝士的奶香相互融合，配上香脆的土豆餅，帶來豐富的口感和美味，食完都仲想繼續想食法式蝴蝶酥配雪糕蝴蝶酥外皮酥脆，搭配口感細緻的雲尼拿雪糕，帶來一種甜蜜的享受。軟心巧克力蛋糕佐雪糕柔軟的朱古力蛋糕外層酥脆，內部融化的朱古力醬帶來絲滑的口感，搭配雲尼拿雪糕加上朱克力醬熱有機雜梅茶具有酸甜的口感和獨特的香氣熱伯爵茶豆奶咖啡伯爵茶的茶香十足，豆奶的細膩和咖啡的濃鬱相互交織，呈現出一種獨特和口感豐富的香醇口感。凍法式焦糖爆谷朱古力朱克力奶再加上焦糖爆谷