Diamond Blue

營業中

休息中

本來諗住去 ciao，已經check咗11：00開門，但去到話至少11：30先開😓。另外好多餐廳都係11：30先開，得兩三間有得食，最後揀咗呢間。周打海鮮湯（$15）味道正常，但如果再濃厚啲會更好。湯內有不少蜆肉。黑松露煙肉野菌燴飯（$49）+ 凍檸茶（$9 餐飲半價）份量比預期中少（但都夠食嘅）。香味不錯，味道亦唔差。飯粒軟硬適中，忌廉味恰到好處，煙肉碎粒帶出少少咸味，但黑松露味就食唔出。整體嚟講，以燴飯來說是好味道的（好在佢唔係寫意大利飯，如果係咁的話就不合格了）。PS：另收加一服務費。PPS：店內環境及裝修唔錯，坐得幾舒服。

今日出石門食個簡單午餐。見呢間有梳化位幾舒服，又有BB椅。芝士汁焗薯條 （＄38）新鮮熱辣，芝士味都幾香。如果多啲汁仲好。夏威夷Pizza ($49)配料主要係菠蘿火腿，芝士都落得重手，Pizza本身都幾鬆化。墨西哥薄餅卷 （＄68）一件大大件，可以選牛、雞、鴨，選左牛都幾夠腍，加多唔同醬料，味道不錯。雞扒黑松露燴飯 （＄49）黑松露味道夠，同飯完美撈勻。雞扒就略嫌一般。餐牌選擇多，小份量，價錢唔貴，可以揀多幾樣。

得罪講句，嘢食真係唔掂，尤其是黑松露意粉$42真係好離譜，個汁係黑松露水加芡，見到個意粉真係呆咗。其實由2021 年已經見到OpenRice有人評價緊個意粉好稀好水，好難想像呢一年間都係煮緊同樣嘅意粉。食飯時見到隔離枱叫咗個焗飯，佢地一樣是呆咗，好想大聲同佢講我都係身同感受，可惜佢冇同我對望。真的真的好希望老闆/ 廚師可以試食一下，雖然價錢便宜，但都要抵得住良心，如果老闆有心做好，好希望會改善一下🙏🏻🙏🏻🙏🏻。Ps: 我真係唔係一個挑剔嘅人，我今次係為咗呢個意粉而登記OpenRice 留言，因為呢個意粉實在太震撼了！

今日是8月7日 星期日，本身諗住去樓上嗰間船麵食， 見呢間野係一樓，近近地！裝修又好似OK咁！雖然冇乜人，是旦搵呢一間餐廳食嘢點知簡左間伏野。雖然佢餐牌冇乜圖！ 但係見到個意粉名好似幾好食咁！就揀咗個意粉！但係諗都冇諗到個意粉得個辣字，完全冇味道，叫辣肉腸意粉冇辣肉腸，最初以為個廚師唔記得左落辣肉腸，問店員，店員話佢叫辣肉腸意粉但係佢本身就冇辣肉腸，我心諗下！ 咁伏概！ 另外叫咗個Pizza！ 嗰個就正常。但係個意粉真係好伏！！！！！！！！！

今日帶左小朋友去石門果間play house玩玩完就起附近食野...點知中哂伏！成間除左飲品係正常之外 其他野食都好伏今次叫左一個夏威夷pizza同埋一個粟米忌廉魚柳焗意粉....個pizza細到唔應該叫pizza都算...一啖咬落去點解會係炭燶咁既味！？原來成個底都燶到變左炭咁仲要細到咁不如改名叫炭燒餅乾啦個意粉份量細就一定架啦...不過汁仲少意粉乾爭爭真係花錢買難受！好彩果兩杯野飲叫做正常啲青蘋果綠茶同埋杯荔枝綠茶係ok既最後極速埋單落返樓下食吉列豬扒飯結語：肚餓到喊都食唔落！伏到咁都仲開到門做生意真係好西利....

個日想去石門d cafe試試. 見依間都平都坐幾多人, 所以入左去試試朋友叫左個煙肉野菌芝士忌廉汁意粉味道唔錯但...  張碟上面4個崩口位而我就叫左個雞扒黑松露燴飯上面塊雞扒煎得好香, 生熟程度我覺得岩岩好但係d飯完全無味,  黑松露的味道都唔夠出同埋我隻碟都有崩 2個人111埋單  

Lunch時間過左石門站嗰邊食飯，石門本身都已轉型為工商業區，好多寫字樓，所以食飯時間好多都要等位，難得diamond blue唔使，同事又推介，所以我即管一試因為lunchtime 要爭分奪秒，所以冇叫到佢既焗飯同焗意粉，改為叫拿破崙汁肉腸意粉，可惜都等左15至20分鐘先出到餐拿破崙汁其實就好似茄汁咁，不過就冇茄汁咁稀，仲有少少肉醬既味道(當然俾我時冇肉係個汁入面),啲腸仔切到好薄，我估得2-3mm, 好刀功，不過食落都幾夾飲品一定要再加錢，肉赤地加左18蚊叫杯咖啡$49係意粉，再加$18蚊叫左杯凍咖啡，最後埋單加一，盛為70幾蚊，lunch黎講都幾貴

不推薦這間沙田石門的餐廳，整餐叫了兩碗湯，一份沙律加大蝦，帆立貝焗飯以及墨西哥薄餅鴨肉卷。沙律份量比以前少了很多，大蝦只有3小隻。焗飯的帆立貝及蝦各有兩粒。墨西哥卷是伏中之伏，配料竟是中式蘿蔔及椰菜配細片鴨胸，難食致極。

嘢食遲嚟咗35分鐘，每次問個職員都standard 回答黎緊嫁喇，根本都冇查過。最後問得太多次，個職員仲要講話唔好意思個同事有啲亂。嘢食來講，個味道還可以，但係就好少肉。

我係石門返工，今日放工約左朋友石門食飯，就揀左喱間西西地式既餐廳，有意粉、焗飯、繪飯、pizza食。睇餐單好似好吸引咁，同埋價錢好抵食wor，$40-60有交易。結果就去左試下啦，點知伏哂其實去食之前都有上openrice睇下食評同相片，都有不少中評負評，但睇返石門附近既餐廳都係差不多，所以最終揀左喱間食，點知非常失望，係不好味去形容～炸魚薯條舊炸魚係極厚極硬既粉去炸，但炸完係吾脆，而且好硬好難咬，失望見到分量咁大份，但真係吾建議叫，薯條ok，最好食竟然係d菜同個醬～煙肉忌廉意粉睇個樣ok，又幾多汁，但d汁係好水，掛吾到上個意粉，而且味道係得忌廉味，即係好淡，最好味係煙肉～水蜜桃綠茶叫意粉可以半價叫一杯飲品，試左水蜜桃綠茶，都係一般，同出面飲開既味道有d吾同，難形容總結：吾洗刻意去試，真係麻麻地以後真係要信食評，中負評係有原因的，而且餐廳size都好細間，坐得吾舒服，同朋友傾計係聽到隔離傾計的不過價錢係親民，但食物質素都成正比，大家自己諗下啦

開店後經常路過，但一直未試過，因為石門太多餐廳選擇，剛好今日朋友突然想食pizza就揀呢間，估唔到有驚喜🌝就價錢上黎講，物有所值，上菜又快味道都唔錯👍🏻👍🏻 夏威夷pizza雞肉松露飯牛肉墨西哥卷牛肉芝士漢堡

在石門商場覓食，意外發現這新餐廳，印象中應該是新開的，主打西餐。店內店面不大，但沒太多人，不需等位。Menu選擇算多，價錢睇落好平，對份量和味道抱平常心，沒太大期望。牛柳粒黑松露燴飯以呢個價錢來說，呢個份量正常。燴飯非常黑松露，牛柳粒都有牛味的飯硬度算適中菠菜煙三文魚意粉份量都算ok有三文魚有蘑菇，料都算多，意粉汁夠濃味炸魚柳薯條魚柳好勁梳打味，有d難食不過咁平都預咗有好勁梳打粉味薯條幾好食冬蔭公湯非常確喉難以繼續喝下去食物價錢不貴，份量正常，味道都ok~

今日再次同朋友嚟到石門京瑞廣場覓食😆，我哋行咗一陣就決定入依間餐廳。其實依間餐廳之前都有食過😚，唔知隔咗咁耐，餐廳嘅質素點呢🤔？我同朋友坐嘅第一張枱坐坐吓發現滴水😦，同咗店員講，佢哋都好好，安排咗另一個位比我哋😬。-🍴雞扒黑松露燴飯🐓($49) - 食完一啖，黑松露味好香🤩！個飯好creamy，不過一啲都唔膩😋，仲發現咗唔少嘅洋蔥🧅係入面。雞扒有烤過先放係燴飯上面，烤得好香🤤，味道啱啱好。整體而言，依個飯好有驚喜😍，無諗過咁嘅價錢食到咁高質嘅飯👍🏻。-🍴三重芝士BBQ醬燒豬肋骨🧀🐖($88) - 一上枱，睇個樣覺得幾靚☺️，除咗豬肋骨，仲有一啲薯條同沙律。薯條🍟食得出係啱啱炸起，好香脆，而沙律🥗都唔錯。豬肋骨有五條，調味其實唔錯，不過豬肋骨啲肉好硬好柴😖，唔單止好難咬，仲食到好攰☹️，好失望🥺。

雖然石門京瑞好多食店，但我個人唔特別鍾意，因為大部分都係細鋪仔，坐得比較辛苦，今次因為整身分證夜左又好肚餓，就入左尼間試吓，首先座位比較舒服，價錢唔貴，質素都唔錯，職員都幾有禮貌，價錢同薩利亞差唔多，但出品好過佢好多，要收加一服務費都合理嘅，試完幾滿意

係附近學完車，無無聊聊行到石門區揾下食，見餐廳環境乾淨企理，價錢貼地就入去試下。冬陰功汁芝士海鮮焗飯 $59焗飯食得多，冬陰功汁又幾有新意喎，冬陰功味不太濃，但味道微辣幾開胃，仲有厚厚芝士焗至拉絲效果好正，不自覺就食晒成個焗飯。海鮮方面都幾多料，有青口、蟹柳、蝦、魷魚圈及魚柳，呢個價錢都算抵食既。蜂蜜薑茶 +$9惠顧主餐牌主菜、焗飯、意粉、燴飯類可半價點選飲品。飲落薑味算濃，甜度適中，味道算不錯。