影片
港鐵香港站 C 出口, 步行約7分鐘
繼續閱讀
電話號碼
21678883
開飯介紹
DiVino迅速成為用餐熱點，擁有輕鬆休閒的氣氛，舒適如起居室的環境。這resto酒吧提供靈活的用餐選擇。
繼續閱讀
特色
浪漫情調
適合大夥人
慶祝紀念日
營業時間
今日營業
12:00 - 00:00
星期一至五
12:00 - 00:00
星期六至日
15:00 - 02:00
公眾假期
15:00 - 02:00
以上資料只供參考, 請與餐廳確認詳情
有關獎賞計劃
相關文章
食評 (53)
平常返工日都少出街食，因為公司有午餐供應，不過，老同學約食午飯，當然應約出街食啦。地點通常由小弟負責，話晒中環我熟少少，今次過嚟「雲咸街」一間酒吧餐廳，因為環境好，方便食飯傾偈。近門口都喺啲高腳枱櫈，一片酒吧枱局，但行入少少，就見到唔少用餐卡位，餐廳呈長形，裡面原來好深，可以行到好入，最入面牆上仲有一排酒櫃。整體環境真喺唔錯，裝修予人感覺高雅，卡位闊落，坐得舒服，又有啲馬蹄形小圓枱。先俾個散點餐牌大家參考吓，作為一家雅致嘅高級餐廳，定價都唔平，不過，跟番同區比，如雲咸街一帶、蘇豪，其實又差唔多。之但喺，午市套餐就相對性價比高，兩道菜午餐配餐飲，視乎你揀配意大利麵定主菜，定價為$178 / $198。溫馨提示，部份菜式需另外加錢喔。Soup of the Day是日餐湯喺椰菜花忌廉湯，原來打算一個揀湯飲，一個食沙律，但估唔到個餐湯都幾大碟，夠兩個人共享，就大家分半試試。個湯質感夠厚身，卻不失滑溜感，配上少少烘麵包粒，唔錯！唔錯！Mesclun Salad沙律份量亦唔少，又喺夠兩個人共享，有別田園沙律，沙律菜加啲車厘茄咁，而喺仲加咗好多配料，例如爽脆嘅梨肉，香脆嘅胡桃粒，最正喺落咗好多羊奶芝士，令到食味鹹鮮豐富，別具特色。Artisanal Egg Tagliatelle 主食方面一客要意粉，另一客就要豬里肌。寬條麵全手工自家製，入口有韌勁，亦有蛋香，配以伏特加忌廉汁，有份醇香柔滑感，單喺食個麵條已好好味；此外，仲加入大量三文魚，灑下少少檸檬青同刁草，真喺睇起嚟簡單，實在有心思。Iberico Pork Tenderloin 相中豬里肌都喺因為見佢嚟自西班牙貨色，自然喺質素同信心嘅保證，的確，入口鬆化有肉味，加上以露絲瑪莉香草醃得夠透，令每一口都滲出陣陣香草香；配菜就簡單少少，喺燉椰菜，不過，食落軟腍得嚟仲有種香味，唔喺就咁白烚可比。Coffee & Lemon Tea我哋都打算額外叫客甜品試試，所以，小弟自然嗌番杯熱咖啡襯吓，杯咖啡好醇和，甚具香氣，細節位喺牛奶都喺熱過嚟，又配上一小件意大利杏仁餅，好食。老同學就要杯熱檸茶消吓滯，以整壺上，予人感覺就會變得高級咗。Chef's Daily Inspire Dessert +$38是日嘅主廚甜品喺意式奶凍，雖然要額外俾$38，但絕對物超所值，面頭配上大量新鮮雜莓，再加半條意大利手指餅，賣相已經非常養眼，而奶凍做得口感滑溜，極富奶香，啲雜莓夠晒鮮甜，微酸鮮活，襯晒啲奶凍。綜合而言，環境的確好，感覺非常舒服，尤其食晏，又唔嘈，傾偈最好；此外，招呼真喺好唔錯，位女侍應話頭醒尾，招呼熨貼，最緊要又有禮貌嘛！
繼續閱讀
今日同朋友去咗中環一間叫「DiVino Wine Bar & Restaurant 」嘅意大利餐廳食晚餐，餐廳燈光昏暗，裝修得好有情調，啱晒喺中環放工嘅朋友過嚟happy hour飲番杯，又或者啱晒情侶食個浪漫嘅晚餐。🍊 Bruschetta Tartare係一個好開胃嘅前菜，上層鋪滿用特製醬汁醃好嘅和牛他他，下層係烤到香脆嘅多士，和牛他他除咗有濃郁嘅牛味之外，味道亦都有香滑嘅橄欖油同微辣嘅香料醬，所以食落好開胃醒神🍊 Penne Jerome可以嗌半份或一份嘅份量，penne煮熟嘅程度啱啱好，食落去口感好煙靭，而且廚師一啲都唔吝嗇咁刨松露，意粉上面有好多松露片同芝士片，無論係聞落去定食落去都好香，而且白汁嘅質地好濃稠，令到每條意粉都好掛汁🍊 Aus Rib Eye Steak非常推薦大家嗌呢一個炭燒澳洲穀飼肉眼牛扒，炭燒出嚟嘅牛扒特別重炭香，牛扒上炭燒嘅紋理亦都好清晰，穀飼肉眼扒嘅牛味超級濃郁，310g亦都好厚身，嗌medium raw啱啱好，另外有沙律菜同薯條做配菜，食完兩個人都好飽🍊 Tiramisu呢間Tiramisu幾正宗，好重嘅Baileys酒味，食落去帶少許苦澀味，中間嘅奶油口感好順滑，配上草莓、藍莓、紅莓等生果帶出嘅酸甜味，中和咗蛋糕嘅油膩感🍊 Ice Cream & Sherbets食完咁多濃味同油膩嘅西餐，我哋嗌咗個檸檬雪葩做甜品，味道酸酸甜甜，好啱用嚟解膩，而且夏天食完感覺好涼快📍中環雲咸街73號地下1號舖位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊
繼續閱讀
♥ 中環蘇豪區🇮🇹🍕地中海風味意大利餐酒吧♥✎ (❁ᴗ͈ˬᴗ͈) ༉‧ ♡*.✧
喜歡的話記得like & follow我喔♥位於中環蘇豪區的DiVino Wine Bar & Restaurant主打休閒的地中海風意大利菜，有高腳枱或沙發選擇，氛圍很Chill，適合朋友聚餐或約會～🥂一坐下就有麵包和薄脆奉上，麵包外脆有咬口，搭配黑醋橄欖油，很開胃～前菜推薦 Dok Alla’ ava San Daniele (半份) $168麵包泡芙熱辣辣，外脆有咬口，配上火腿，無論是搭酒或是單吃可以～👍🏻主菜推薦 Penne Jorome (半份) $128
黑松露藍芝士長通粉藍芝士和濃郁黑松露忌廉包裹每條長通粉，表面還鋪滿新鮮切片黑松露，香氣四溢，十分Creamy～😋另外，我們還點了Chicken Breast $228和Pizza Margherita $168，不過不失～🍕甜品推薦 Tiramisu $118 帶有咖啡酒香～☕️📍 DiVino Wine Bar & Restaurant
中環雲咸街73號地下1號舖
.・。.・゜✭・♥・✫・゜・。.#DiVinoWineBar #中環 #意大利餐廳 #地中海風味 #聚餐首選 #浪漫約會#中環 #中環餐廳 #中環美食 #中環必吃 #中環必食
繼續閱讀
#🐒😋中環嘅夜晚 唔係淨係得酒吧狂歡嘅呢間DiVino Wine Bar & Restaurant位於蘭桂坊附近環境氛圍幾好 幾有格調 聽講仲有意藉主廚坐鎮 包保正宗── ✦── ✦ ── ✦ ── ✦ ──ʚ #1/2 Cheese ɞ 好有特色嘅芝士拼盤 唔同口味嘅芝士配上餅乾一齊食一啖一件 芝士嘅香味一直齒頰留香ʚ #14oz Rangers Valley ɞ 來自澳洲嘅Rangers Valley和牛14安士夠晒大件 肉質細嫩 香味濃郁又有油香 而且唔會太靭 口感一流ʚ #Daiquiri ɞ 作為Rum為主要材料嘅雞尾酒清澈透明嘅酒液 加上酸酸甜甜嘅口感 消暑提神ʚ #Fresh & Fruity ɞ 呢款mocktail 用上時令水果調成尤其夏天品嘗特別覺得清新加上入口容易 不禁會飲到唔停得口── ✦── ✦ ── ✦ ── ✦ ──
繼續閱讀
i今次同大家分享一間藏身中環雲咸街嘅意大利酒館 #DiVino坐擁大館開揚景觀，日落時份嚟真係超chill～🇮🇹 重點係佢哋海鮮做得相當出色，即開生蠔同龍蝦意粉絕對要encore！ 🦪 PLATEAUX OF 6 FRENCH OYSTERS (FINE DE CLAIRE N°3) $228即叫即開嘅法國生蠔，細細隻蠔身都好飽滿！入口先係海水鮮味湧出，咬落去脆身帶creamy，尾韻仲有淡淡堅果香，配杯house white wine簡直一絕～ 🍝 LINGUINE LOBSTER $318龍蝦肉夠晒新鮮彈牙 龍蝦沾滿香草汁，扁麵煮得al dente，每條都掛到濃郁龍蝦汁，仲要落足新鮮basil提香，食完成個口腔都係龍蝦鮮味🌊 🦞🐙 NEW SPANISH OCTOPUS TENTACLE $358八爪魚鬚軟糯，咬落去有小小韌，墊底嘅香烤蕃蔬菜吸晒香草pesto，個sauce輕盈得嚟超惹味～ 環境方面，半露天座位望住大館磚牆好有歐陸feel 洋酒🥂 海鮮控同wine lover真係要bookmark呢間！ 📍DiVino Wine Bar & Restaurant 中環雲咸街73號 (大館對面) #中環美食 #香港winebar #意大利菜 #相機食先 #食評分享
繼續閱讀