Doughman

營業中

休息中

成日都聽到人哋話荔枝角有間好出名嘅牛角包，今次咁啱經過，於是就去咗試試佢啦!! 首先呢好想大贊嘅就係佢個裝修都同埋舖頭嘅設計呢都好有style,而香港小店嚟講嘅話簡直少之又少！見到舖頭嘅店員呢其實都比較後生！感覺都幾有活力啊！咁今次呢就一定要試吓佢個牛角包啦，個人覺得牛角包呢確實好鬆軟一層一層，但係呢牛角包係限量供應嘅，所以有時候真係要預啱時間先可以試到。另外呢，我都配咗杯Americano ，我自己覺得佢嘅豆就偏酸，店員呢都冇問我鍾意飲酸啲定係果味香啲嘅豆，不過我都理解，始終呢間舖頭唔係coffee shop，係一間麵包舖頭。

之前成日經過呢間見到門口有啲大嘅牛角包但係每次入到去都唔見有賣朋友真係忍唔住問staff先知原來每日2點出爐竟然唔係朝頭早或者lunch time嘅時間😂個樣好大個好脆、同埋牛油果醬都好食幫襯過兩次，但係其他嘢都麻麻哋暫時食過最好食嘅嘢係呢個

一出荔枝角站D出口，就會飄來一陣烘焙麵包的香氣。就在出口旁邊的Doughman，小小店內擠滿了顧客。在店內繞了個圈，選了這款開心果牛角包🥐賣相加入綠色的紋，並沒特別吸引。牛角包尚算酥化，一咬開，內裡是滿滿的流心開心果醬，果仁香十足！開心果醬的濃稠度恰好，整體感覺不會太膩。惜牛角包不是剛出爐，若帶點微暖，估計會較好吃一點。雖然加入了開心果醬，不太嚐到牛角包的牛油香，但至少真的嚐到開心果味，用料足，不會淡然無味。

難得出荔枝角行過見到牛角包就想買俾媽媽試試。好禮貌想要求店員分一分袋裝，包得靚啲氹一氹媽媽啦。點知個男店員好冇禮貌又唔耐煩問我想點樣，我怕麻煩就同佢講咁不如俾袋我可以自己分。佢就同格離個收銀姐姐好大聲咁講咁俾佢自己分囉。最後佢揸到我幾袋麵包垃圾咁俾我，真係好失落。其實唔係要求咩好服務，但最低限度都要有基本禮貌。希望該男店員好好改善自己既基本禮貌，如果唔係呢間舖流失生意唔多唔小係因為店員服務態度差。

成日經過呢間鋪頭都聞到一陣好香既牛油味，轉頭一睇見到人流好多，就入去行左一圈，最後買左一個blueberry bagel。買完之後趁着個bagel仲暖既時候食，一咬落去就覺得上左當。冇bagel個種煙靭嘅感覺，只食到很重的藍莓果醬及糖漿的味道。掛住bagel晚名義提高個價錢。再唸番起半年前係呢間鋪買過一個Matcha Red-bean Monchi bagel都係中曬伏，除咗個包有綠茶粉既綠色之外，紅豆同麻薯既影都見唔到+食唔出，個陣仲以為法式bagel是咁的，但依定睇番啲圖先知係間鋪放漏咗料。收咁貴既價錢都可以落漏咗餡料都幾過份，一定唔會再幫襯。

識呢間舖頭主要係因為屋企人嘅朋友喺度做🤣🤣🤣咁啱媽咪喺荔枝角做完嘢經過就過去幫襯吓第一次食佢士多啤梨酥？唔知係咪咁叫🤣🤣其實係懷着既期待又怕受傷害嘅心情，因為之前喺某大連鎖店都有食過類似嘅產品，但係食完真係覺得唔好食。。。個皮好韌，好擔心呢一間都會係咁，今次買外賣返屋企，一食落去真心係脆嘅，而且係有脆嗰啲ASMR。真心覺得好OK。價錢方面就$28（如果冇記錯），加上佢又啱我心水，我覺得好食，咁$28我覺得都ok😝

主打歐式麵包同pastries賣相真係幾吸引 其中丹麥酥好似都係人氣之選😯Strawberry Danish ($26)Chestnut Danish ($26)Blueberry Danish ($26)Figs Danish ($26)Mango Danish ($26)其實佢全部個底都係一樣丹麥酥幾香牛油味 不過唔係好鬆脆至於揀邊一款就視乎你鍾意食咩水果😂最好食我覺得佢藍莓 因為藍莓都幾甜相反士多啤梨同芒果就有啲酸另外無花果就冇咩興趣栗子就完全冇得栗子味 食cream為主😗整體一般 可能其他pastry會更好食🤔

店員一路只掛住同同事傾偈。我比完錢，佢講咗一堆野，我根本聽唔到佢講乜，亦都唔知係咪同我講，原來係問要唔要袋。問佢乜嘢袋，態度勁差、勁不耐煩話：「紙袋囉。」。不過我最後都好有禮貌咁同佢講：「唔使啦唔該。」拜拜你條尾，冇下次！麵包一般，價錢偏貴，全場英文介紹，想走高級路線，但服務態度配合唔到！

以我一向食評都是彈多過讚，我相信自己是非常腌尖腥悶的。但這間麵包店是少數我會期待要一買再買的。 我最欣賞的是香草芝士軟包，用來做早餐最啱～每次行過都香氣撲鼻，而且一出爐會好快賣晒，所以是必買！另外danish 亦是非常精彩的！款式多，有士多啤梨、藍莓、無花果、紅莓，而且餡料十足又香甜、酥皮鬆脆，每次都會買回家做茶點😋。對於少吃carbohydrate 的我，無次都要破戒，卡路里超標！只可惜不是常去荔枝角，而佢又無分店。可能就是不常吃到，才那麼期待吧！

呢間喺D2 Place附近嘅麵包店，佢嘅橙色非常搶鏡，每次經過都勁多人係入面見都唔少人幫襯緊。買左員工推介新推出既開心果杏仁牛角包。PISTACHIO ALMOND CROISSANT $30（開心果杏仁牛角包）返到屋企焗返熱去先食，牛角包好好食，咬開唔係空心係基本野，最正係外層酥脆、香脆。裏面鬆軟，最正係裏面有餡，咬落去好有層次，而且味唔會過甜。有杏仁味，不過略嫌沒有很重開心果味。有少少失望。$30一個，略嫌貴咗少少，下次都係叫返普通牛角包好啲。

🐻荔枝角糧食🐻路經荔枝角，突然間聞到一陣好香嘅焗麵包味，於是跟住香味去搵，行幾步就搵到呢一間麵包店，於是忍唔住買左一個丹麥酥試下😂🍓Strawberry Danish舖頭入邊既丹麥酥都好吸引，最後揀左士多啤梨丹麥酥！士多啤梨少少酸，中和返成個丹麥酥的味道，整體唔會太甜，丹麥酥做得好鬆化好好食😋📍 Doughman (荔枝角)荔枝角長義街10號昌隆工業大廈地舖味道😋:🌕🌕🌕🌗🌑性價比💰:💵💵💵回訪度🤤:🤤🤤🤤

由荔枝角地鐵站朝D2 Place One 方向行，相信會經過呢間麵包小店！新店開幕時，人頭湧湧嘅情況必然會出現，咁我都走過入去槓吓，見到啲麵包價錢都嚇一嚇，細細個麵包賣得算貴，所以巡完一個圈走人😅最近陪麵包控朋友入內，店內依然人迫人（正因為店鋪實在太細），佢就㨂咗5個，埋單$96（鬆餅&比高包），而我就買咗個咖喱牛肉包$18 即食。論味道真的好一般，而且麵包質地偏硬，售價又偏貴，所以試過就算了。見到收銀旁邊有個甜點櫃，放咗幾款甜點，看上去都幾靚幾吸引。可能附近/同區無同類型麵包舖，新鮮感度未減，所以幫襯既客人都不少。

狗狗爸爸從Doughman買咗4件pastry，包括2款麵包+2件甜品。今朝食咗麵包，先評價一下。Bacon & egg brunch cup🥓🍳🍞：造型可愛，都係因為咁先買。翻熱時，煙肉好香，蛋就梗係冇咁新鮮，不過佢係用大size蛋，蛋黃好巨形😲！餅係scone，作為早餐都夠飽。呢個麵包將早餐items （煙肉、蛋、鬆餅 ）3合1，意念幾特別👍🏻😆。朱古力牛角包🥐：唔係一般牛角包的形狀，而係長筒形。焗完係脆，但唔係酥脆果種，而係純粹質感上硬身的脆。包裡面的朱古力饀🍫有少少似朱古力流心，但量唔算好多，亦冇真係流出嚟，只係溶咗的朱古力。朱古力饀略甜，朱古力味唔係好濃。由於個包有空氣感🫧，所以唔飽肚。對比Bacon & egg brunch cup賣$22，呢個牛角包$24就貴咗啲，$15/$16會合理啲。睇Openrice啲相，間舖幾靚，外賣包裝🛍️亦精緻。不過，麵包質素👌🏻但冇太大驚喜（除咗造型），未必會回購☺️

經過聞到好香的麵包味被吸引左入黎，見到色彩繽紛既牛角包、bagel、scone樣樣都想試，最後揀左figs danish同earl grey lemon bagel。Earl grey lemon bagel上面有塊燒過既檸檬，不過因為塊檸檬好難咬開成塊食左，有啲太酸，再食包體既時候會食唔出伯爵茶既味道，雖然包入面既伯爵茶醬好足，但要食多幾啖個味先開始出。Figs danish 牛角酥本體幾酥脆但無花果有少少草青味，custard cream冇咩特別。面包既價錢對比起同類包店唔算貴，見到其他咸包好似都好吸引，會想再黎試下，同埋想試埋pistachio latte，如果可以買包加錢加野飲就更好了。

同朋友去荔枝角買啲嘢，一出地鐵站就聞到好香好香既出爐既香味炸彈💥💣🧨間麵包店新鮮出爐，同埋外觀勁歐洲風⚜️店內仲有咖啡賣☕️所以吸引左我同朋友一口氣總共買左8️⃣個麵包，每人4️⃣個，都幾瘋狂🌝見到有個蕃茄味 ℂ𝕣𝕠𝕚𝕤𝕤𝕒𝕟𝕥🍅，都有啲想試下係點～下次試下先😆食後感➰ ℂ𝕣𝕠𝕚𝕤𝕤𝕒𝕟𝕥 酥點類超讚，由其係ℂ𝕠𝕗𝕗𝕖𝕖 & 𝔸𝕝𝕞𝕠𝕟𝕕 🥇😋但收銀情況有點小混亂，同埋店內有點窄，收銀人龍有增無減⏳· - - · - - · - - · - - ·ℂ𝕠𝕗𝕗𝕖𝕖 & 𝔸𝕝𝕞𝕠𝕟𝕕 ℂ𝕣𝕠𝕚𝕤𝕤𝕒𝕟𝕥 $𝟚𝟜ℙ𝕚𝕤𝕥𝕒𝕔𝕙𝕚𝕠 𝔻𝕒𝕟𝕚𝕤𝕙 $𝟙𝟠ℍ𝕒𝕞 & ℂ𝕙𝕖𝕖𝕤𝕖 ℂ𝕣𝕠𝕚𝕤𝕤𝕒𝕟𝕥 $𝟚𝟠𝔼𝕒𝕣𝕝 𝔾𝕣𝕖𝕪 ℂ𝕣𝕖𝕒𝕞 𝔹𝕒𝕘𝕖𝕝 $𝟚𝟜意大利小黃瓜合桃蛋糕 $𝟙𝟠𝕆𝕣𝕖𝕠 ℂ𝕙𝕠𝕔𝕠𝕝𝕒𝕥𝕖 𝔹𝕒𝕘𝕖𝕝 $𝟚𝟜🧺🍞🥯🥐🥪🥖🥨🍪🍩🧁· - - · - - · - - ·個人整體評價📝/巧吃：7.5/10✨/價錢：6.5/10 🌟/服務：6.5/10 💫/打卡able：7.5/10✨/清潔度：8/10⭐️/人均： $1x~$4x {計反大概每人一個包價位}· - - · -