Eat道

營業中

休息中

幫襯佐好多次，係個男仔態度好好，有個女嘅態度好差，我問碟餸係咩黎，個女即刻彈我隻手指唔比我指🥲我又冇掂到d餸，好離遠架，覺得心靈受創，好冇禮貌，可能我個樣好恰d🥲有一次找錢仲找少佐，唔好意思都冇句🥲

自己間中都會去灣仔不同的食店買早餐，此店位於灣仔譚臣道，最初只是因平（16元 8粒燒賣連一杯凍飲）所以一試！但估唔杯奶茶有唔錯的茶記質素，所以今天再去。另外，除了蒸的點心外，這兒亦有豬排飽，三文治和湯麵提供。一碗餐蛋麵只是18元，亦可按自己的食量自由加減食材，十分自由。加杯凍飲只是比多6元，而且味道唔差，絕對超值。當然，都要講一句，這兒的早餐只是十餘至三十元的食品，千萬不像x姐用酒店出品與平民食店質素去相比。

今晚唔煮，叫咗六個外賣飯盒。電話落單，去到俾錢。去到驚見有三大袋，我望住呆咗一下。阿姐見我一個人，即刻話俾個大袋我，將兩袋放一個大袋，等我容易攞。見我㗎車未到重借我位放陣先添。好有人情味。攞到返屋企，一開好靚，好吸引，超大份量，同見到都流口水。只來得及把其中兩個拍照。今晚試咗西蘭花炒雞肉，蒸雞髀，炸雞髀，青瓜炒鴨胸，炸魚柳，梅菜蒸腩肉。最後最驚訝的是䱽魚，係原條上架（需然要加$14，但係喺原條呀！！）條魚飯盒咁大。我自己覺得咁多樣裡面，西蘭花炒雞肉，青瓜炒鴨胸，同個䱽魚係最好食嘅。記得喎佢同一日，午餐同晚餐個menu 係唔同㗎。佢午餐時間也比較多人。

灣仔早餐選擇好多見呢間小食店都有d 人龍一邊係排三文治，燒賣腸粉魚蛋另一條隊就係排湯粉麵三文治隊多人好多因為d 三文治係即叫即整仲可以配牛角包/漢堡包三文治試過，但焗住係膠既包裝袋會令到麵包皮超濕🤢另一條隊就係一個負責整麵食既4眼阿姐第一次買既我就遇到幾唔愉快既體驗阿姐：食咩餸我：火腿 蛋 通粉唔該之後轉頭佢就應其他人，又重新再問我一次而且d通粉係比其他膠盤疊住，衛生都唔算好好。我就再答多次阿姐食咩阿姐：飲唔飲野我：好 加杯熱奶茶之後阿姐又不停話我：下次叫野飲就早d 出聲啦連續講左三次...首先。我講完佢又唔會記住二黎，如果客人係第一次幫襯，係唔會知道佢地落單既pattern, 完全唔明白點解可以咁講野。真心覺得佢都幾無禮貌，亦唔會再幫襯。

減肥成日都掛係嘴邊，但係要返工就會有藉口比自己，咁辛苦做野做咩咁慘唔食好啲😅。話說灣仔早餐都多選擇，不過唔平，有一日無啦啦想食蛋牛治，行左幾間餐廳先揾到旺記隔離果間有套餐賣$31（其他我諗都可以有蛋牛治不過另加野飲就仲貴），食個有飯嘅午餐最平可以做到$3X，一份三文治要$31真心少貴，仲要等好耐先有得拎😡。今日諗住係地鐵站附近求其搵間餐廳仔買份蛋牛治，冇咩要求，只求快就算，唔想遲到，（正常間間都係用果罐罐頭都應該唔會好伏😜），跟住我就見到「EAT道」有姐姐即整三文治，好耐冇見到呢個情景，好懷念以前細個紅磡車仔檔即整三文治，跟住就叫左份蛋牛治加熱奶茶多奶，嚇我一跳，個女仔話$20，oh my god，我平時$20淨係可以買到凍冰冰嘅三文治套餐咋，$20真係唔只良心價，係佛心價錢（以灣仔區計）。味道正常嘅～下次會再幫襯！

店外睇兩餸飯＄38，叫咗蕃茄炒蛋加牛仔骨，店員用自言自語既聲線講咗句我 ”牛仔骨......”，比錢時收＄44，段估個店員係話牛仔骨要加錢，喺聽唔清楚，加上店員講時其實嗰兩塊牛仔骨已經落盒既情況下，有焗比多幾蚊既感覺！而另一位收錢既店員，同樣係用自言自語既聲線講要收幾錢，睇嚟呢間舖既請人條件係......斯文蕃茄炒蛋：酸甜度適中，蕃茄淋身但又有得咬兩吓既，色都算新鮮；蛋就其中一塊咬到粒菜甫，唔知係咁啱跌落去定係......，間中有一兩塊有煎過既痕跡，所以覺得味餸會有啲香口牛仔骨：汁香惹味，但只係食到惹味洋蔥汁，而唔係黑椒汁，唔咸，食完唔口喝；塊牛簿身，一塊咬唔開兼勁，另一塊就咬得開但都係要一陣！一個鐘食晏，好既一餐，唔好既又一餐既情況下，價錢同食物質素係尚可接受既！

本身此店乃為我上班必經之路三文治新鮮每日必買我明白服務業早起招待客人辛苦一個三文治售價13元，我俾兩個五蚊一個一元兩個五毫，個阿姐多謝都無聲眾目睽睽下：就係你成日俾曬啲毫子我吾收你！我拎住三文治扭頭就走第二次晏就買兩送飯，又係個妹瘦既靚妹，兩送飯既名，一送飯既份量，第一次食完兩送飯重餓自從佳記開左我線視線再無依間店第三次我更吾爭氣行番入去買，你甘大條隊我未拎你擺枱頭凍左既整好既算，擺低13蚊走人算啦搏遲到咩，十問九吾應，由其係瘦戈個靚妹，賣三文治重惡過賣鑽石，個樣衰到我跪早餐甘款我發誓以後食對面7仔三文治都吾食你

閒唔時，我都鍾意去五金店街買早餐，因為好多嘢都熱辣辣又抵食。即炒餐蛋治，大大份都係十二蚊，燒賣以前十蚊十粒，上個月加左價，十蚊八粒，而且好彈牙， 好味過龍津小食。今日我就食食煮麵食， 有啲似 車仔麵咁揀餸， 一個送14蚊兩個餸18蚊唔三個餸20蚊, 冷熱飲品加五蚊， 今日唔係太肚餓所以只係買咗一個餸， 係漢堡扒米粉， 漢堡扒都算厚身， 偏咸， 但係我食得好enjoy， 米粉就唔係好夠“淋”，個湯底亦都幾清吓， 好彩佢有菜脯（要自己request),增加湯底嘅味道同少少辣， 又抵又好味。

本來都唔想寫 但真係忍唔住試過買飯找少錢本身餸份量已經唔多今日叫左3餸夠膽死最後比2餸員工非常大意一個收錢一個執餸 根本兩邊聽唔清楚員工態度有啲西面自不然講堂食執枱呀姐成日mon住你幾時食完好似叫你快啲走咁熟客都變不了

三文治見到佢地即整都幾新鮮但係員工態度十分惡劣，諗多一秒或者講得慢仲未講完想要咩就會即刻話你。 個面湯底又有少少酸， 除左地點方便之外應該冇咩吸引到我再返返轉頭幫襯。