Eat@ease

營業中

休息中

昨天午餐再次光顧，叫了牛扒，依然保持水準！詢問了店員才得知餐廳設有位置供聚會之用，可以在這環境下聚一聚，確實不錯！看到復活節有新推廣，我也預訂了復活節自助午餐，大人既可享受美食，小朋友亦可畫畫，亦可收到禮物，一舉兩得~

白汁煎魚塊未熟，得人驚即選料即煮意粉，3種意粉，餸有透明蝦， 魷魚 ，雪藏蜆，番茄，鮮冬姑，青紅椒，蒜茸，紅白汁，偏濕淡味，全雪藏海鮮，冇味，餸不太多選擇，唯冇有係熱盤自行加餸落意粉度西蘭花湯冇 忌廉，西洋菜湯重羅漢果味甜品4款，全迷理蛋糕，正常幼滑，puff cream夠凍熱盤5款，白汁煎魚，豬扒，炆雞全碎上，雜菜，炒飯沙律有青木瓜沙律，青萍果沙律，番茄水牛芝士，烤南瓜creamy好食樓底高，闊落好坐，冇免費泊車

星期五見完客，就去試一試酒店裡面間餐廳，平時我都鐘意周圍試新野半自助午餐有沙律、甜品、湯等等....款式雖然唔多，但尚算過得去！我叫左個羊肩，肉質口感特別鮮嫩，而且筋膜少，美味香嫩~~一個字「正」！！！

睇雜誌介紹，今日lunch時去試一試，確實價錢ok，地方都算大，而且環境不錯，約朋友食飯係唔錯既選擇！紐西蘭羊扒配路絲瑪莉汁叫左個羊扒，價錢$148，味道都可以，出面仲有沙律、甜品同湯，最啱大食既我

琴日終於食度超抵嘅$150晚餐任食！！味道不錯，環境也不俗，點左以下菜式，真係超值~~烤波特菇伴忌廉芝士、蕃茄蓉及火箭菜巴馬火腿配蜜瓜扒澳州肉眼牛扒伴百里香燒汁芝士餅希望個推廣可以做耐d，等我下次可以再黎食！！

開業半年，大賣廣告，吸引之處: 任食任飲，晚餐只須150元。就這樣，我與家人向這家酒店预約，嘗一嘗，看一看它是什麼的一回事。酒店位於工廠區，若由葵興地鐵站步行，需時二十多分鐘才可到達，地點左曲右拐，令人尋找時比較吃力，不太適合老人家。"Eat@ease"設於一樓，地下有一幅琴鍵牆，遊客可向牆身按一按，即時發出綱琴的聲音。一樓餐廳，環境舒適，令人處身於放假狀態。侍應生遞上餐牌，不難發現8類食物任君選擇，有湯及沙律、頭盤和小食、全日早餐、漢堡飽、亞洲美食、意大利粉、主菜和甜品，大概有26款。當中磨菇湯、羊扒、牛柳絲炒麵及全日早餐最好味。凍飲及熱飲可無限添加，實在令人捧腹回家。

最初去食，無論食物，環境都十分好，只係員工有d操心大意，落錯單。心諗都算，咁嘅價錢，唔通五星級服務咩。所以都喺呢一個月內照幫襯咗4至5次，最初都無乜事發生，但係到mm呢次打電話去book位時想book明天的午餐，但竟然full booking，心諗係好野至會有咁多人去食，咁就唯有照延遲到第二日。等咗兩日，終於有位，照舊叫返佢開頭燒得唔錯嘅牛扒，但嚟到有點失望，因為塊扒縮咗水，係縮咗三份二，又薄又細又咸，牛扒薄就唔好食。叫五成熟嘅牛扒已去到八成熟。。柴皮一樣😠😠😠最震驚係食完侍應執走d碟後，有條蚯蚓喺枱面😱😱對答如下。客:點解有條蟲嘅？侍應:應該d菜太新鮮。客:可否叫經理來？侍應:經理無返。客:咁除左經理，有無話得事嘅人？侍應:我唔知㗎，我係散工嚟㗎，你唔好難為我啦。。。。。😡😡😡😡😡😡😡😡😡好嬲咗，我仲要同埋有重要嘅客人一齊，我廢事失身分，只好埋單走。。但係佢地一句道歉說話都無，完全唔覺得有條活生生嘅蟲出現喺酒店裏面嘅餐枱上係有問題😡😡😡😡🤬🤬🤬🤬🤬

冇得輸今日係老婆大人嘅生日，當然要食番餐好啦，諗嚟諗去，都諗唔到去邊度食，一於就搵下附近嘅嘢食下啦，新年同事去咗這間酒店 $150 蚊任食酒店級嘅食物，睇相同同事的口述，似乎質素唔錯，價錢相當吸引，所以就訂位一於去試下。湯及沙律先叫咗個龍蝦湯，再來凱撒沙律，沙律菜 已經混合咗醬汁，上面放咗啲煙肉碎麵包粒，仲可以自選 煙三文魚 巴拿馬火腿 就各一啦。頭盤和小食之後小食是這個 香辣炸雞槌分量有四至五隻，細細隻，都算過得去，用麵包糠，味道香口，可惜冇迫油，所以油咗少少。主菜之後當然要嗌 頭盤o拉，先呢一個，羊扒和西冷，西冷肉質都算出色，五成熟啱啱好，入口冇乜渣，羊扒就過得去，因為肥咗少少，得中間少少肉可以食到，食完都唔係好覺食咗啲乜，反而食薯菜個份量仲多過個羊扒，當然唔夠喉啦，再嗌多個，香煎三文魚，這個似乎是幾出色，外面煎完再焗，脆脆卜卜又夠香口，中間嘅肉質係半生熟，外脆內軟，肉質嫩滑，唔錯唔錯，90分鐘其實真係好快就過。甜品最後就係 食甜品，芝士餅其實做得唔錯，另外嗌咗個特濃朱古力批，外表同味道都算係有d水準。由於當日係我太太嘅生日，我特別叫咗佢哋寫番個字，等左唔夠5分鐘，waiter揸住

勁鍾意佢個Salad吧！多沙律到呢……有沙律菜，有蔬菜大大粒既車厘茄、香草油薯仔；又有勁新鮮嘅生果、有黑色同綠色既Olive；仲有pasta形式既salad，最愛係fusilli火腿同蟹柳呢個配合，愛鹹既我食咗兩碟； 另有唔同口味嘅沙律醬，如honey mustard、油醋、基本嘅白色沙律醬、同埋千島醬, 我四款都用哂係唔同沙律上呀！ 真係剩食沙律都滿足! 今次仲有個好好味嘅薯仔湯，香濃有口感，因佢磨完既薯仔蓉都放哂落個湯到, 份外覺得材料十足。跟住仲有仲有…就係甜品嘞，朱古力mouse旦糕仔，小小忌廉buff，同軟軟彈牙既和果子,全部都好好味，唔會超甜! 其實如果你唔想食主菜，只係食沙律都夠，$68蚊就可以! 不過就唔包飲品，記住呀！環境方面當然好啦，座得好舒服，呢一區係工廠區，唔會有一間咁寬敞嘅餐廳啦! 其實我哋都有食set lunch㗎，食物水準都ok,睇相參考啦!

今日見客經過葵興，發現有間新酒店，看到告示牌才知道裡面有一間餐廳，因此就入去看一看。餐廳位於1樓，先經大堂上去，大堂尚算不錯！到了餐廳門口，等了大概10分鐘便有檯，係上班一族不二之選~入面裝修似工業風，坐低後我就出去拎野食，有沙律、甜品同湯等，多重選擇。本人係非常鐘意食羊扒，所以就揀左主菜-香煎羊扒配黑松露汁，服務態度同上餐速度都很好。羊扒肉質稔滑，美道唔錯，配上黑松露汁，更加正。之於價錢方面中規中矩。

基於工作地點於葵興，經同事介紹後便首次光顧位於旭逸酒店‧荃灣內的餐廳Eat@ease。一進酒店大堂時便看到一幅較大的情人節牌，有早鳥優惠，非常吸引。餐廳位於1/F，基於已預先訂座，因此很快便可以用膳，餐廳的裝潢呈工業風格，地方寬敞，整潔乾淨，給人一種舒適的感覺。餐廳價錢由 $88 起的半自助午餐，價錢已包括自助沙律吧、自選主菜，以及咖啡或茶，價錢非常合理！我點選了炸龍利柳伴薯條配他他汁，美味可口，加上香脆薯條，令人滿足。整體環境、食物及服務質素也不錯，下次一定會再次光顧。

工廠區中的酒店, 1樓有一間西餐廳.人流更少, 因為酒店新起, 內裡裝修及高樓底, 帶黃的燈光係好舒服!WAITER不太識講英文, 服務禮貌亦較一般LUNCH MENU:包一杯飲品及自助沙律吧.ORDER了自家制豬肉漢堡飽伴薯條.賣相不錯.這個自家制豬肉漢堡, 好厚身, 不過口味好淡, 可以話無味.個飽脆脆的.薯條新鮮炸的, 因為係厚薯條, 欠缺了脆, 入口只有粉粉的.黎呢到, 食裝修多於寄望食到好味的食物. 

我工作的公司在葵興青山公路上路，想找好一點的餐廳跟朋友和同事的選擇不多，這酒店的西餐廳我光顧過幾次，都沒有使我失望，主菜豐富、味道好，沙律吧品種可以，中西餐湯可供選擇，其中的中湯有時還會有驚喜，看到餐廳有聖誕自助餐，其中午餐和晚餐價錢也合理，所以推薦一下，住葵興區可以考慮，其它地方住的便不推薦，因為這酒店實在不容易找。

HAPPY FRIDAY!! 當然要同心愛既人食好D啦今日老公選左間氣氛好好既餐廳, 間餐廳環境好好(係酒店入面), 裝修幾特別, 加上燈光同音樂, 好RELAX呀叫左個CAESAR SALAD+PARMA HAM, 磨菇湯, 芝士帶子扁意粉, 香煎三文魚+cream sauce個沙律唔錯呢! D PARMA HAM好香, 好脆脆地, 唔會過咸磨菇湯好滑, 有粒粒打到好細既磨菇, 都幾好味!芝士帶子扁意粉食落好CREAMY, D汁都夠, 帶子燒到好香, 但略為淡味少少, 如果咸番多DD會好D而香煎三文魚係必推, 塊片煎到好香脆, 焦焦地, 而WAITER都有主動問三文魚要唔要生少少, 上菜既時候生熟度岩岩好, 唔會OVERCOOKED, 出面食三文魚成日都會過熟, 呢度就好嫩滑~ 配菜同薯蓉都好好味, 十分推介!!!最後叫左個tiramisu作結, 唔會好甜, 不錯的甜品呢!今餐真係食得好開心呢, 值得一提係服務唔錯同埋價錢1 D都唔貴~ 下次再黎試下其他野先 (見到有德國豬手同焗蠔都係$300幾...... 好想試....)  

朋友屋企附近開左間新酒店，佢話間餐廳都幾好，於是帶左我去食飯同飲野上到去個環境同氣氛好正，好有特色，新裝修幾有style，加上個燈光，都幾享受初時因為唔太肚餓又唔知食咩好，叫左侍應推介既烤portobello伴忌廉芝士，然後我叫左個carbonara ，朋友叫左個羊架好快就上左個前菜，果然冇介紹錯！！(掛住食冇影到相) 個烤菇真係好好味，好香！！配埋蕃茄sauce食落唔會好漏。而carbonara個樣唔突出但食落幾好味，creamy得黎食完唔會好漏，份量岩岩好。朋友個羊架我冇試到，因為我唔食羊，佢話真係岩岩七成熟同有肉汁，唔錯。最後我地叫左杯cocktail慢慢飲吹下水(買一送一好抵)值得一提係服務唔錯，幾friendly唔會chur你果種，感覺好舒服。亦會主動問你要唔要黑椒問你食物o唔ok，我地其實坐到好夜都冇趕我地走，搞到我地都有啲唔好意思回頭指數: 4.5/5