影片
港鐵上環站 C 出口, 步行約6分鐘
繼續閱讀
電話號碼
68999952
69730691
開飯介紹
主張把多元文化帶入生活的西式酒吧餐廳，裝修走時尚工業風，黃昏時分可於大玻璃窗前欣賞夕陽美景，再呷一口特色雞尾酒更加輕鬆寫意。
繼續閱讀
營業時間
今日營業
12:00 - 02:00
星期一至日
12:00 - 02:00
公眾假期
12:00 - 02:00
公眾假期前夕
12:00 - 02:00
以上資料只供參考, 請與餐廳確認詳情
有關獎賞計劃
影片
相片
happy hour 紅酒
+1.3K
+63
食家推介
放假去咗一間係上環好有氣氛嘅酒吧餐廳——🌟 Ellipsis Cafe & Lounge🌟🌿環境好有裝飾，燈光昏暗好有feel，而且仲有啲位可以打卡影相，就好似我坐緊嘅呢位📸除咗飲酒傾計，佢哋仲有boardgame可以玩✨依家6點至10點，仲可以點晚市套餐，包埋餐湯同沙律，幾抵食！._.🍽 / Dinner Set / 🍽🥣 | 是日精選湯 + 酸法包 | 🥣係粟米白汁湯，裏面有好多粟米粒，好飲。仲可以配住酸法包一齊食·/ 前菜 /🍈｜蜜瓜伴西班牙風乾火腿沙律｜🍈蜜瓜件數多，厚砌又大舊，風乾火腿同蜜瓜嘅味道好夾，蜜瓜嘅爽甜可以中和風乾火腿嘅鹹香·🥗｜輕煎帆立貝油醋沙律｜🥗帆立貝輕煎完凍食，沙律菜好fresh，少少醋酸味，作為開胃嘅前菜沙律好適合•/ 主食 /🦆｜法式油封鴨脾黑松露意大利飯｜🦆一整隻鴨脾係意大利飯上作為賣相，好吸引，鴨脾嘅外皮燒到有少少脆，鴨肉都算易起。黑松露好香濃，上枱已經聞到，配埋有芝士碎嘅意大利飯食，好香濃惹味！·🐂｜紅酒燉牛臉額配薯茸｜🐂牛臉額肉都算多舊，啖啖肉，肉質淋身，仲充滿滿滿嘅紅酒汁，配上幼滑嘅薯茸，好食！•/ Cocktail /🥃｜ NEGROMI｜🥃成杯都係橙色賣相，香濃嘅酒伴隨住橙皮，帶有少少苦，加冰，唔會好甜嘅一杯雞尾酒。·🥒｜EL DIVA｜🥒青瓜片作為賣相，酒精味濃，伴隨住清新嘅青瓜汁香味，好fresh好特別。·/ 甜品 /🍋 | 火焰檸檬雪葩 | 🍋餐廳新推出嘅甜品，上枱時用深啡色嘅紙包住，看似平平無奇，然後戲肉黎啦，店員會用火燒著呢張紙，當紙張燒曬就會見到用檸檬外殼裝住嘅雪葩，雪葩酸酸甜甜，係檸檬嘅香味，作為飯後甜品好適合！._.
繼續閱讀
之前去過呢間cafe x bar覺得好chill，前排又約朋友去傾計食飯！❣️餐廳轉了新menu，3 course dinner set係$198起，CP都幾高！4 course就$228，包soup、starter、main、甜品，好🈵足❣️燈光昏暗有氣氛，係放工後chill下同放空好地方，仲有sofa 位坐得舒服❣️最最最吸引係星期一至日20:00-20:30 標準調紅白酒$10杯！🔸4 course dinner set $228🔸▪️餐湯配酸法包- 係粒粒粟米湯配脆麵包▪️沙律🥗蜜瓜伴西班牙風乾火腿沙律- 沙律菜夠新鮮爽脆，估唔到parma ham肥瘦均勻，幾新鮮有水準，蜜瓜亦好甜🥗輕煎帆立貝油醋沙律- 沙律菜加了醋，好refreshing 開胃。帆立貝煎香過有心思▪️主食🍝63°C溫泉蛋&意大利煙肉卡邦尼- 邪惡但好好食，意粉好creamy仲有濃厚芝士香，炒上粒粒菇夠滋味🐟白鱈魚西京燒配薯菜（+$80）- 不得不讚係配菜都好用心，粟米甜甜的，仲有炒香、口感好嘅菇- 白鱈魚肉質厚厚的，熟度剛好，魚肉油脂香juicy，水準幾好▪️甜品🍧開心果味義大利式霜淇淋- 雪糕好滑身，加espresso中和，好match又甜香▪️飲品🍷紅酒易入口，餐飲水果茶清香甜，有grapefruit 、青檸、熱情果，幾好飲如果想飲多杯紅白酒都係$10，真係好抵，好岩邊食邊傾計！
繼續閱讀
呢間氣氛相當之好嘅酒吧餐廳，友人帶我嚟食晚餐，性價比真係唔錯✨Dinner Set $228🥖是日餐湯配酸法包🥗 輕煎帆立貝油醋沙律🍈蜜瓜伴西班牙風乾火腿沙律✨Main🐟白鱈魚西京燒配薯菜 +$80-先用西京味噌醃製 再煎到表皮略微焦脆 內層的魚肉嫩滑帶魚油香 魚皮帶有甜味噌的香氣 同時保持了鱈魚肉質的濕潤及細膩的口感 配菜有薯蓉🥩美國安格斯封門柳7安士 +$100-牛腰部內側部位封門柳 肉質結實細膩 幾乎沒有脂肪 每咀嚼一下都會滲透出強烈的肉香味 多汁濃郁得令人愛上 外層微微脆口 🥧手工製作蘋果派-蘋果派有迷人的甜香味 味道帶有一絲絲酸味及豐富的香氣 內餡為新鮮的蘋果粒 表皮是酥脆派皮 入口微脆🍯Honey Moon $95-檸檬蘆薈蜂蜜作基底 酒濃度不高 清新感爆棚 相當易入口的酸甜cocktail🍸Santorini Breeze $95總括嚟講，味道相當唔錯，氣氛又好，服務正，值得一試
繼續閱讀
伏、伏、伏餐湯白汁忌廉粟米湯，仲差過茶餐廳沙律帶子＂梅＂主菜大部份要加$，除咗嗰卡邦尼意粉，加$唔緊要，份量少到一個點最差係杯水果茶，要$30，只係一杯清水加幾粒生果，就叫招牌水果仲要收我小食，每人$15但我食完都仲未見有最後要佢退返嗰小食錢。呢間餐廳係我喺香港有史以來食得最差最貴最唔值嘅餐廳
繼續閱讀
今日同朋友諗住搵間好食嘅coffee shop食晏晝，餓咗成個晏晝經過門口見到張poster好似幾吸引，所以我哋上咗去。我哋叫咗兩個Weekday lunch set ，$98然後再加錢叫嘢食，分別叫咗鰻魚飯同埋一個Pizza。落完單之後餐湯餐包好快就上咗，個餐湯應該係牛奶溝水再加啲粟米粒造成，個味道係好淡唔知點樣形容，個餐包咬咗一啖已經唔想再食。個餐湯上完之後喺20秒內個鰻魚飯+$50 主菜都上埋，個鰻魚應該係微波爐返熱，個鰻魚食落去嘅口感係好cheap好腥，個溫泉蛋個蛋黃係熟嘅，啲飯係零口感。成個過程其實已經覺得係好離譜，因為雖然我冇飲過餐湯同埋食個餐包，但係個主菜都可以唔使咁快上，如果唔係正常都凍晒。之後上嗰個Pizza仲犀利，加$30，佢個Pizza分咗六塊，每一塊只係得¼舊菠蘿同埋好薄嘅腸仔，個餅底都係硬嘅。我哋懷着好肚餓同埋唔想嘥嘢嘅精神食咗大部份但係一邊食一邊一齊講好難食啊真係。杯咖啡都係好難飲。我哋見到張poster係講話會附送甜品，但係我哋都不約而同講話唔使問甜品，因為完全唔想再留喺呢間餐廳，所以好快埋單就起身走人。埋單係要三百幾蚊，見到上邊嗰啲食評同埋嘢食嘅相，我都質疑我哋係咪食緊同一間餐廳，因為呢個質素呢個價錢真係完全唔成正比，呢個價錢絕對可以喺上環搵到更加更加更加好食嘅餐廳，希望大家訂位之前可以三思一下。
繼續閱讀