euro go go

營業中

休息中

個菠菜闊條麵好味，有芝士味，口感好軟，唔會太硬。另外個蘋果布甸好好味，雖然有d甜，但同個忌廉好夾，而且好重蘋果香味。個千島pizza d料好足好多，而且海鮮好新鮮，好好沖味。送埋個超fresh既桃茶簡直係一流！佢除左有桃汁之外，仲有桃肉，超級岩夏日炎炎夏季的時候飲！仲有一杯特飲要介紹既係忌廉朱古力！係必飲！！！佢個朱古力味超濃，而且加埋忌廉，個口感超澀，好似食緊朱古力蛋糕咁，不過自己飲一杯可能有小小濟！

Eurogogo每次食都必叫《蜜糖雞翼》，因為蜜糖味超出眾，類似燒嘢食用嘅BBQ桂花蜜，甜度適中，加上燒過嘅雞翼皮又脆脆地，夠熱辣辣每啖都爆肉汁😛，但近呢兩年食蜜糖份量少咗好多，以前係個底都充滿蜜糖🙁！-《蘑菇肉醬意粉》一定一定一定要加芝士！茄膏個味好濃，食落有少少蕃茄粒同肉碎再加蘑菇片，勉強夠撈晒一個意粉，如果多醬更加好！-《辣肉腸pizza》呢到好處就係可以叫半份，兩個人食又想食意粉又想食薄餅，半分就啱啱好，平均每塊都有3片辣肉腸，所以食落勁滋味，餅底烤得夠脆身，識食一定再落大量芝士粉😝！-《蜜桃茶》《芒果茶》有三四片蜜桃肉同芒果粒，味道清甜夠解渴，唔似好人造做嗰隻味道，值得一飲！

今天同朋友來到這吃個不一㨾的午餐，需要又快又好味的，就算簡單我也喜歡的味道，因為這𥚃有一杯使我心曠神怡的咖啡，這杯咖哩又濃又香，味道有點點苦，加上一些奶沫真的完美到不行，還叫了一份菠菜龍利魚伴麵條，這道菜有厚厚的芝士在上層，烤焗得非常好，有點焦香，龍利魚又滑加上濶麵條吸收了芝士，菠菜同魚的味道又麵條的彈牙好味到一口又一口把它吃完，另外一個素食薄餅，餅皮又香又脆，需是素材但加了芝士就有了肉肉的味道也是真的可口。

每次訓得晏就好鍾意去呢度食早餐。因為佢個早餐做到11:30。同時佢個lunch 11點就開始。想輕食又得。食飽啲當brunch食又得。今日就揀左個早餐食。$38。凍飲+$4。鮮茄湯通粉。芝士吞拿魚法包。凍奶茶。茄湯有意式橄欖味。不過橄欖隻味一向都係好主觀。鍾意嘅就會好鍾意。唔鍾意嘅就會超級唔鍾意。法包超正。次次都一定係即叫即焗。啲料又足。法包表面微脆。但入面仲係好軟綿綿。成日都覺得凍飲要+$4有啲貴。不過杯凍奶茶飲得出有清清地嘅西茶味。有驚喜。茶記價錢有呢個質素。唔怪得成日見到好多一家大細幫襯。

平時下午茶都幾中意黎依家食，質素一直都好穩定，上菜唔算慢，價錢都好公道，座位都很舒服，而且唔駛點等位。下午茶中意食蒜蓉包同肉醬意粉，蜜糖雞翼更加係一絕，值得食完再食。甜品都唔錯，但唔算特別出色。不過食物同飲品都真係十年如一日，希望不時推出一些短期的新食物，咁就無咁悶。

很久沒有去 Euro go go食飯，如果想簡簡單單食一餐，這裡也是很好的選擇。今晚就去一轉， 看看食物質素有沒有改變。 這裡一如以往是以半自助型式，要自己到柜枱前点餐及付款先，点餐後，由侍應送上餐具及食物。今晚吃了必吃的蒜蓉蜆肉意粉，味帶点濃，但味道不錯，煙肉焗西蘭花， 非常爽口，不像別間店焗得'林'，而芝士煙肉焗薯，味道剛剛好，吃完想再吃。這店的價錢並不算貴，在這個價錢的情況下，食物質素算是不錯，所以可以繼續再來。

餐廳不嬲俾人感覺上價錢都唔算好貴黎食下午茶都係一個好選擇。我叫咗一份雞翼同三色薯皮。鍾意食薯仔嘅我可以食到三款唔同口味真係覺得好幸福當中包括有煙肉吞拿魚同埋辣肉碎全部都好香好可口熱辣辣咁樣好正！以佢嘅雞翼簡直係一個招牌個蜜糖佢個雞翼非常之匹配焗到有少少燶燶地好香好入味外表脆卜卜，簡直一流呢間餐廳真係下午茶嘅不二之選

呢間西餐廳，係第一次食！令我喜出望外！第一佢價錢唔貴，第二食物多種類高質素！今次我食咗個百寶Pizza，好足料同埋好脆，另外香蒜蜆肉意粉，忌廉海鮮白汁意粉都好惹味，咖啡好好飲，荔枝特飲吾係好甜，仲有芝士蒜蓉包好脆好好味。今次我係同兩個女去食，佢哋都好鍾意食，好適合佢哋，份量啱啱好！餐廳環境好乾淨，而且有小童嘅餐具，同埋BB椅。另外座位都好寬敞。唯一美中不足嘅就係俾錢嘅種類只有現金同埋支付寶，唔可以用信用卡或者Apple Pay等，有d不方便！

因為家人外出不方便，於是買了個外賣下午茶，想不到都有驚喜。😋✨辣雞焗薯皮：薯皮的芝士及辣雞做得好好，配上焗得又香又溶的薯皮很好吃😋惟一是茄汁太多，有點太酸。✨蜜糖雞翼：這個很好食，雞翼大大隻，肉嫩多汁，外皮爽脆，配上蜜糖汁很好食。✨芝士吞拿魚意粉：有很多芝士和忌廉汁，其實都幾邪惡，不過好食的。想不到外賣都不錯！可以享受個悠悠的下午茶！家人不用外出，又不用等位，而且都有有質素的食物，不亦樂乎呢！

對上一次吃Euro Gigi 已經是3、4年前了，上星期途經這裏，發現了這店！今天專程搭車過來，為著尋找昔日的味道，嘆嘆悠閒的早餐。點了早餐D ＄38，有兩條牛仔腸丶炒蛋及牛角包。看到蛋的顏色淡淡的黃色，以為沒味道，結果𥚃面已經加了鹽，如果吃開濃味食物的人，會覺得蛋的味道不錯，但我略嫌有少少鹹。牛仔腸十分美味。牛角包size超大，而且很可口，還送上President牛油及士多啤梨果占，誠意十足，加分加分！奶茶也算得上茶餐廳水準，只是茶味略淡，但已經是很不錯。

我屋企多數都唔煮飯 所以會去屋企附近既餐廳食野我地全家人都好鐘意食euro gogo暫時食過咁多間覺得油塘分店呢到既出品係最好店員好nice 而且都好有笑容 今時今日真係難得我最鐘意飲佢既凍朱古力 超好飲 個忌廉又thick又甜 好邪惡但真係好正另一至愛係佢既蜜糖雞翼雞翼夠大隻肥美 焗得又香脆 超超超好味每次食完都唔夠喉想再encore!另外仲有幾款pasta我會經常叫嫁：菠菜汁龍脷柳闊條麵除左個汁之外個意粉仲有加少少芝士焗過魚柳亦好厚實大舊 一碟大概有5舊左右芝士白汁海鮮意粉白汁同芝士簡直係perfect match!不過d海鮮都係急凍個d魷魚仔蝦仔蘑菇肉醬意粉經典之作 呢到既肉醬比較杰身仲加左少少蘑菇片同紅羅白粒撈埋意粉食好有口感西西里蕃茄乾海鮮麥形粉好似米粒咁既麥形粉好得意食落似意大利飯 但麥形粉會淋D同多汁d仲有2樣都必叫既野分別係芝士焗薯蓉同全份超級pizza兩樣野都將簡單既材料整得好味芝士fans一定要試！Pizza焗起好脆 襯熱食好味好多嫁！如果euro gogo出叮叮野食就好啦咁就可以買番工食 公司附近無 

食左無數次eurogogo，下面三樣係我每次都會嗌嘅野食--香蒜蜆肉意粉--菠菜汁龍利柳寬條麵--大家應該都熟識嘅蜜糖雞翼-近來覺得香蒜蜆肉意粉個味道唔同左，但中意乾意粉嘅話都值得一試！

《euro gogo》 #食在油糖📍油塘高超道38號大本型MTR層M10號舖 我本身就好鍾意食呢間餐廳，但分店好似愈來愈小，今次黎到油塘食返餐🔹芝士薯蓉 $28芝士薯蓉真係次次黎到都必食，焗得好香，上面仲有一層層既芝士，有小小燶好香好脆，仲可以拉絲添🔹凍蜜桃茶 $26凍蜜桃茶，入面有埋桃肉，係平時既餐廳好小飲到蜜桃茶，而家又唔係好甜，唔會有種飲緊好假既果汁味一間好悠閒既意式餐廳，不過價錢比之前都貴佐，但質素都依然好好 🍴8.5/10

又要一個人過寂寞嘅星期六,一起身唔想食粉麵,又唔想食快餐,更加唔想食垃圾食物,諗咗一陣記起呢度附近有間Euro gogo㗎喎⋯⋯就好有興致咁落嚟食嘢啦。諗諗吓我都好似有幾年冇食過呢間嘢喇,唔落嚟都唔知原來呢度都幾高朋滿座㗎喎,不過我都好好彩,嚟到嘅時候都啱啱好過咗食飯時間,好多食客都離座而去喇,咁我就放心可以買單點餐啦呢度個職員好好服務態度咁遞份餐牌俾我揀嘢食,今日就得我一個人,可以揀番啲輕量健康嘅嘢啦,目標明確‼️叫咗份：慢煮雞胸沙律配芒果乳酪醬$52蚊,再加一杯：熱歐陸咖啡$22蚊。俾完錢之後,職員仲好好咁幫我搵埋座位坐低,然後有個號碼牌,食物準備好佢哋就會直接送埋嚟,唔洗自己行嚟行去,好貼心丫呢份慢煮雞胸沙律配芒果乳酪醬好好味,青瓜蔬菜小蕃茄夠新鮮,份量亦充足,點埋佢個乳酪醬會好開胃好開心,感覺超健康有益雞肉亦夠鮮嫩可口,絕對唔會鞋烚烚,同佢話慢煮係貼切的杯House Coffee嚟到嘅時候好有驚喜因爲原來會附送一小件瑪德蓮貝殼小蛋糕,上面灑咗啲啲糖霜,加上小糕點好香牛油味,睇番張單原來都價值$8蚊㗎

今日幫公司到油塘客戶做人肉速遞，既然走到咁遠就順便試下係港鐵附近的euro gogo，順便自製Green Monday。因為不用午餐時間就可以入座，所以唔算多人。點餐時間，決定食輕怡沙津加熱啡。雞胸沙律配芒果乳酪醬。材料有小蕃茄，靑瓜，生菜，紫椰菜當然仲有雞胸肉，先講雞胸肉，是ok的，不太乾。蔬菜類不過不失，但好似不算爽脆的，但加上乳酪及少量芒果醬，甜甜酸酸的，都幾可口。想食得輕怡清淡係唔錯選擇。不過如果食慣味濃就建議唔好擇這沙律啦最後先嚟一杯House Tea ，完美的Green Monday。