Fatburger (已結業)

放工去左試食附近新開的Fatburger~一入去見到個員工係度煎牛肉~好似好吸引~不過一望到個價錢~有點滴汗......最平的Fatburger要$40~加多一層就$20~會有3層的Fatburger~足足80大元一個包~當然我都只會叫最普通的單層Fatburger~就坐係對街既吧台慢慢等個包...... 等左5-10分鐘之後終於黎喇~有生菜~蕃茄~醬汁~同牛肉~冇芝士既......睇落都幾多汁~不過咬落去又唔係想像中咁好食~可能期望過高~ 不過點都好食過麥記既包既~但係以$40依個價錢黎講~贊同樓下位人兄所說~都係食返麥記至尊漢堡算喇~

如果早十年，呢間會係漢堡的傳奇，人人都將呢過江龍當成最好。如果早五年，它同Triple O都能夠各爭一日長短。如果早一年，雖然大把對手，但起碼都叫食到尾水。黎到呢個時候，成街都係漢堡店，求其拿一間都好食過呢間，咁就真係死得啦﹗比成六十五銀一個餐，都係數一數二的價錢，但是包係嘉頓，扒就薄依依，炸洋蔥圈就油大佬，真係頹左少少囉，係勝在新開張，所以味多人囉，咁既質素，過多排睇下點﹖值得讚既，係服務唔錯既。

1) 個 fatburger 係無芝士.. 加一塊要$5!!!2) order counter 只有2個, 出餐位只有一個...3) takeaway 都等左20分鐘, 成間野都係人...4) 好食都話算啦.. 仲要成個 burger 都係凍既... 牛肉好唔過老麥幾多.5) 好彩粗薯條都算幾好食... 總結) 比起其他差唔多價錢既burger shop.. 佢真係算最差係佢......

叫個二重奏漢堡套餐,餐牌寫65蚊,幅圖有芝士,點知收銀姐姐問我要唔要芝士,要唔要cut開,我當然話要啦,心諗漢堡包點解仲要問要唔要芝士架,結果收費令我太驚訝,餐價65蚊,原來加芝士要收20蚊,cut開要收5蚊,總計90大元,實在太過份,個包只有一片溶到見唔到既芝士,仲以為漏左,d牛肉散開又無肉汁,乾晶晶,d粗薯條入面好粉,如是者就食左我90蚊,好唔抵又唔好食,最慘係聞所未聞cut開要收錢,大那那20蚊只得小小芝士,收銀姐姐又無解釋要逐樣收錢,令人客落晒單先知,忽然覺得麥記好正好抵食,起碼人地有大大塊芝士,我地以後都唔會再幫襯呀

間舖裝修年多, 終於開張, 便入去買個包試試.那天買了外賣, 選了一個Grilled Chicken Sandwiches - $30, counter說要等, 因為即叫即整. 也沒問題, 反正是星期六, 但一等便等了20分鐘, 那裡頗狹窄, 伙記又特多, 較為混亂, 另外餐廳內音樂頗吵耳.取了外賣到食, 不過約5分鐘時間, 但吃時包是全凍的, 好像沒煮過, 包內只有雞肉一塊, 少少蔬菜和沙律醬, 很簡單, 沒有什麼驚喜, 也不是特別好吃.. (可能它說是來自美國, 香港第一間分店令我們的期望高了些)

千呼萬喚，足足由我去 interview 時已經見到，到今天在新公司做了近一年。這間 Fatburger 在上星期五終於開幕。被同事挑起了嘗新的癮子。價錢不便宜，尤其以這類是美國過江龍式連鎖店。圖是 Double Fat Burger，加煙肉後盛惠六十五元（淨包）。味道嘛，肉沒有肉汁，很乾，基本上只吃到重重的黑胡椒味。芝士方面，只是抹上芝士醬，沙律醬亦然。簡單一點說，麥當勞的至尊漢堡絕對更加好味。

星期六同太太路過，本來想去另一度食，但係見佢「終於」開舖，入去試一試。地方大體上清潔，但係高檯同普通檯o既高度實在尷尬，我一路坐，一擰個頭就望到人o地八月十五，望低o的就見到人o地鞋底，並不寫意！點菜時，餐牌上仲有好多o野遮住，下回分解。結果叫o左 Fatburger 同 Double（即係漢堡同雙層漢堡）。個普通漢堡用o左五蚊加芝士，個雙層見佢個餐牌已有一塊芝士，就另加五蚊要一塊煙肉。因為其中一個要餐，所以可以揀粗薯條或幼薯條，問收銀小姐可唔可以揀洋葱圈，點知佢話朝頭早做o個批已經賣晒，我成四點幾o黎但你都唔再整，企劃上要扣分。於是，由於自己口味比較「鬼」，所以要o左粗薯條，餐飲清一式汽水，想加錢要奶茶咖啡都唔得。上菜，汽水係七記企身大杯o個隻，兩個包睇落都足料，薯條都夠份量。開餐！薯條欠香味，質地比較粉，冇乜口感，粗身薯條都係咁o既水準似乎差強人意。包方面，個包好失望地係凍o既，雖然塊漢堡算 juicy 同熱，而且算多菜，芥辣同酸青瓜都幾好味，但始終掩飾唔到個包o既缺憾，太太說芝士係普通貨，並且因為包唔熱而做唔到溶o既效果。至於我個煙肉就中規中距，冇特別。咪住！個餐牌度塊芝士呢？唯

見這間美國來的Fatburger 於上址事先張揚超過一年但久未開業, 日前見它終於開張, 所以今日特來一會. 看看價錢牌, 打了一個突... 比任何一間過江漢堡包店都要貴, 比美國本土亦更貴! 店員說因為材料都是美國來的.... 普通Fatburger $40, Double Fatburger $60, Triple Fatburger 要$80! 只是散叫價, 不連餐.... 還是加$25 叫了Double Fatburger 餐試試... Double Fatburger - 來的時候的確很fatty, 個包油淋淋的, 但兩塊牛肉卻没有肉味, 没有肉汁十分乾Fat Fry - 很大很粗的薯條, 不過不失汽水 - Size 都很大總結- 絕對不是有營食肆, 要食好的漢堡包大有其他選擇, 價錢實在太貴, 音樂開得太噪.