Focaccino (已結業)

復活節假期的最後一天和薑餅人去尖沙咀逛一逛後， 便找地方吃個tea.薑餅人要了杯咖啡, 我則選了杯蘋果汁. 蘋果汁是鮮榨的, 喝到泡泡, 味道來得自然, 惟不太冰凍.薑餅人説要吃煙三文魚Caesar Salad. 碟頭也不少, 煙三文魚大大片, 味道不太咸, 但欠了煙香. 蔬菜新鮮, 咬落也嗦嗦聲, 也有沒有炸過的煙肉同伴. 醬汁不會過多過咸, 清清地也不錯~看見櫥櫃內的甜品, 又忍不住叫了客tiramisu吃. 這裡是在做成一大盆再細分出來的, 質地軟滑, 酒味香濃, 面是灑著朱古力碎而不是朱古力粉, 這個版本也不錯, 既增強了朱古力的味道, 也可在品嚐軟滑的忌廉同時吃到粒粒朱古力碎.

同mum行街街，一到4点幾，mum就會想嘆coffee，我又想食件cake，所以去咗Focaccino 。tea set $45，包一件cake & 一杯coffee / tea。my choice:香蕉批 + ginger lemon tea個香蕉批有啲硬，好似唔夠香蕉味......都o.k.嘅，可以一試！杯茶冇咩特別，只係用tea bag沖，我覺得淡味咗啲。我諗飲咖啡會抵啲！mum's choice:blueberry cheese cake + Cappuccino mum話個 cake正！可惜我唔食cheese cake。杯Cappuccino 有拉花架！睇見都開心 - 品味咖啡哈哈！

呢日阿A.同阿M.晚飯敘舊，見哩度既食評幾好，咪黎試下，真係有ｄ貴，同埋”漏”．我覺得service就一般，要杯水都好唔願意俾你咁，加水更加係，唔識講．我聽到原來可以將ｄ野加埋做一個set dinner，完全無人同我地講．件餐包鹹鹹地，加ｄ olive oil，幾好食．１．白酒煮蜆意粉：好creamy，正！２．煙鴨胸桃汁薄餅：開頭食都好好，但後來一凍左就”un”到好難入口．

突然想食pizza，ka ho又記得美麗華嘅Focaccino有得食pizza，佢話平時等我去附近嘅toliet都會望吓個餐牌，所以咪知囉！今次我哋終於可以嚟試吓喇！Drink：Granita al Caffe ($35)記得第1次接觸Focaccino就係喺Greece旅行時飲嘅，喱杯都係類似，哈哈！餐前嘅麵包，好脆 & 熱辣辣，点黑醋 & olive oil，好正！Speghetti Herbed Chicken ($72)都好大碟，醬汁係白汁 + 蕃茄汁，好正呀！啲意粉好爽口，yeah!!!!!Pizza (Seafood) ($102)我好鍾意食pizza，喱間都唔錯！好多餡料，餅低夠薄，餅邊又厚又脆，I like it地方唔算好大，但整齊清潔，侍應夠細心，見我食完意粉隻碟污濁，即刻主動幫我哋換碟，唔錯！

跟友人飯聚, 餐後意猶未盡, 欲找地方吃甜品。不想到"麻布","Starbucks" 又滿座, 見這裡有西餐又有咖啡便坐下繼續詳談。各人點了熱/凍咖啡和矛朱古力, 另點了兩件Tiramisu一齊分享我點了Cuppacino, 咖啡香味稍遜, 味道偏苦, 但咖啡上的小小拉花和一小片杏仁脆餅伴咖啡則突顯其心思。Tiramisu 的味道比很多坊間的店好, 很香很滑, 最失敗的地方是底部太濕, 酒味亦太濃, 破壞了整份Tiramisu。 朋友們的咖啡/朱古力的賣相亦十分精緻, 味道ok。環境雅致,氣氛悠閒,服務亦不錯。

曾經說過這個月少食甜品，奈何心癮又起，查看食評似乎評語不錯，有鹹食及甜品一間有齊所需。意粉中有Carbonara，當然不會錯過，不過又是港式作風，沒有蛋香，而有重重的忌廉汁，非常是膩口。Pizza名單除了可選薄餅外，也有Calzone，要了Pepperoni作饀。那巨型脹卜卜的薄餅餃，切開後立即塌下，升上陣陣熱氣，但沒有散發香氣，半溶一絲一絲的mozzarella沒有一點乳香，pepperoni一點辣度也沒有，反且鹹度十足，我最鍾意他的麵包皮，因為剛烘起，外脆內軟，尤其是餅邊很香脆。而現在叫兩客主菜+一客甜品，可送多一甜品，對於我當然不會嫌多。看看甜品櫃選擇不算多，想食Tiramisu，但見那盆已出晒水Tiramisu，決定放棄。最後要Banana Tart及Creme brulee，兩款也是超級難食的。Banana Tart無論上層的忌廉、饀料似tart狀的物體及tart底都是超硬的，而香蕉味是來至香油，全無香蕉的自然香甜味。Creme brulee亦是不值一提，燒過的焦糖不脆口，燉蛋毫無蛋香，質地不滑更帶點實。我這個星期的quota就這樣斷送了給它。

跟太座偶然悠閒一下，到這兒喝一杯凍朱古力....差不多五時多，想不到依舊有很多人也同在嘆一杯。好不容易才找到個位置....太座頗喜歡喝這裏的朱古力，原因不在於朱古力本身，而是面層那一大pat的cream。試了一口，感覺輕盈，口感細滑如泡沬，果真不錯....當然朱古力本身也挺香濃，喝至尾段也帶點回甘味。比起忌亷，固然也不遜色....邊喝跟太座邊想起上海田子坊內公社的那杯頭大如斗的hot chocolate，懷念不已當然，這裏的還不太差.....

九月初六‧ 天時暑熱來的時候還是天熱，下午時份，最好就是去商場的咖啡室坐一坐，好過在外邊猛流汗。本來去隔離連鎖式咖啡室但也想吃點東西，見這裡的二人下午茶套餐幾吸引，就過了來這邊。 這裡的環境不算很舒適，檯擺得幾密，外面是人來人往之餘，還多數可以聽到隔離檯在傾什麼，就要了個二人的下午茶餐。 先來一個三連小碟，上面放上了好幾款食物，每樣都是小小的份量，相當精緻的。由左至右，先來tiramisu及吉士泡乎，中間的是芝士火腿三文治及煙三文魚泡乎，最後是焗士果啤梨果醬酥。坦白說，款式多，但味道只是不過爾爾，不能令人留下深刻的印象；另外還有朱古力奶凍及火腿蛋撻，以後者最討好，至少是焗得熱熱，蛋味香濃，十分不錯。 最後還有一杯朱古力慕絲，口感幼滑，香濃的朱古力味道，甜牙齒必喜歡。飲品可以選在餐牌上的各式咖啡，就要了凍泡沫咖啡及咖啡沙冰。泡沬咖啡很一般，香味欠奉，反而咖啡沙冰幾香甜，凍凍的，夏日佳選。 侍應的服務是不錯的，埋單180蚊，如果不嫌這裡環境一般，是一試無妨。

很多個月前，路過此店，食過一頓難忘既魚卷午餐。之後多次打算再光顧品嚐，但無奈每次都碰巧當日無做魚卷（註：經向店員查詢後得知原來他們不是天天也有魚卷供應），次次也只好失望而回。皇天不負有心人，卒之o係今日俾我再食到個魚卷! 魚卷雪白，多汁，肉質亦頗嫩(當然不及中式蒸魚）卷功好（切開時不會散開）配上淡淡的tomato sauce（絕不是港式茄汁），清清的很配合，配菜約略以蒜及洋蔥粒等調味，很快，碟上只剩下點點醬汁。至於跟餐的應該是drip coffee，雖不及freshly grind質素，但因為drip完入insulated pot保溫（不似一般餐廳長期以電熱板保溫，令香味盡失，苦澀無味），亦可一嚐。但d豆似乎roast得太深了（可能是用做espresso base既豆做埋drip)，“火農”味太特出。

這間咖啡開了這麼久，常常經過而沒有入內一試。星期日，與男友先到尖沙咀逛逛街，再會合家人。可能因為前一晚要通頂工作，所以極度眼瞓，又或許只是我在找藉口買咖啡。要了一杯marcchino 外賣，店員細心說這是 espresso，份量是少的。我微笑回答知道。marcchino 不同 espresso，它加了點可可粉，但此店的 marcchino 卻好重咖啡味，變得與 espresso 般苦澀。我最欣賞是marcchino 沒有因為我不加糖而難以喝下，飲後更精神為一振，so good~~~~~~~~~~~~~~~~~

唔記得Book 萬豚屋，麵屋一平安又多人，就轉戰呢度。。。人地出名Focaccia 就一定試呢樣。我叫左salmon fish with lemon cream cheese focaccia， 另外仲叫左 bolognese lasagna, White wine clam spaghetti and Beef penne.餐前包仲附上意大利vinegar & olive oil 點包。包的texture 的確很好，bake 的時間掌握得好，而且包沒有放過入雪櫃，所以包可以慢慢食，放左一段時間都無硬到、依然crispy。湯: mushroom cream soup (所有main course 可加$30 就有湯同餐飲，如要飲capuccino 等特飲就要再加$10) 湯內有很多mushroom ，但好greasy。main course: 餐前送上的包同我主棻的包是一樣的，不過多了lemon Cream cheese and salmon fish 。salmon fish 本身不會有驚喜。唔明白點解係lemon cream cheese?? 唔覺有 lemon！ 肉醬

想跟友人晚上好好聊天又不想等位，這裡是我的首選之一。是夜點了兩個set dinner。餐湯是雜菜湯(連麵包)主菜分別是雞扒和肉醬千層麵甜品是牛奶布丁餐飲要了凍檸檬茶所有食物質素，其實一般，不差，但沒有驚喜。不要有太多期望，最好吃的可能是那片麵包，暖暖的，點了醋和橄欖油。主菜，是和朋友見面。

食完韓燒, 我哋都意猶未盡, 於是決定搵間 coffee shop 坐吓吹吓水,最後近近哋走咗嚟諾士佛臺呢間 "Focaccino", 本來諗住 "Starbucks" 架, 不過冇位,先走咗入嚟隔離呢間有西餐食又幾靚仔既 coffee shop 度坐。七個人叫咗三件 cake, 另外一人一杯飲品, 先嚟呢件焗芝士蛋糕, 其實即係 New York Cheesecake, 出奇地好味喎!跟住係朱古力蛋糕, 好濃朱古力味, 都唔錯。仲有呢件 Tiramisu, 由於係邊位關係, 所以上碟唔係咁靚仔, 不過都算幾好味既! 我就自己叫咗杯熱既咖啡, 幾苦, 但幾香, 細細杯, 加片杏仁脆餅伴住飲, 幾好!朋友杯咖啡, 但唔記得係咩咖啡, 一幾靚仔喎!老公就同另外兩個朋友飲酒, 但又唔記得呢杯係咩酒.............另外兩個朋友飲紅酒。 仲有位啱啱再做人媽咪既朋友就飲咗杯熱薑蜜, 嗅過都好香喎~ 有機會試吓先!最後七個人埋單 $390, 平均唔駛

再一次同一些牛奶聚舊,選擇左呢間cafe,環境唔錯,靜靜地,人唔多,都係一個幾適合傾計既地方。一心想食車厘茄意大利包,可惜賣晒,我諗下次真係要早一點喇!餘下既意大利包係煙肉芝士,同埋蕃茄芝士,又或者甜既肉桂,由於唔特別,最後無點到。我地最後點左雞肉蘑菇西蘭花長通粉、意式多士(6件)配蕃茄紫蘇葉、意大利沙律、蘋果金寶。係食物黎之前,侍應奉上餐包,此餐包非一般喜頓甜餐包,而係熱烘烘既意大利包,唔係好大,只係小小長型一件,不過味道唔錯,外脆內軟,仲有少少紅色唔知係蕃茄定紅椒既配料,幾香!同時有意大利黑醋可配搭。最先黎既係意大利沙律,以生菜襯底,配合好多材料,包括吞拿魚、車厘茄、橄欖、水牛芝士,仲有蒜茸包! 吞拿魚同芝士份子都幾多,不過由於芝士比較漏,而且係一粒粒,其實可以減少一點,其他蔬菜配上清清地既意大利沙律醬,味道不俗。意式多士(6件)配蕃茄紫蘇葉原來都係用意大利包(我地初時以為用法包),面頭係一粒粒蕃茄,微酸,頗醒胃,加上一片紫蘇葉,有香口既效果,係一道清新既小食。不過一碟有六件,都好夠份量架!雞肉蘑菇西蘭花長通粉要等既時間比較耐,雞肉好大件,真材實料,可惜蘑菇只有幾粒, 西蘭花只有幾

I love apple crumble!!!! It's not as common as cheese cakes, and not every coffee shop provides them, but focaccino does.Focaccino's apple crumble is HUGE!!. But of course for me, I can finish it within 10 minutes. It's not too sweet, and their are huge apple slices inside. The top has rasins and walnuts which makes it more crunchy. It's not cheap, $38 per slice, but I think it's worth the price.P.S. I've tried their tiramisu, threw it away after a few bites. It's more like a blob of heavy whipp