Food Garden ETC (已結業)

早排同朋友去開荔枝角行街，今次就去左位於D2 Place商場內的一間西餐廳食Dinner，座位寬闊舒適，店員都好好服務，Menu有小食、意粉、Pizza、甜品等應有盡有，味道都好有驚喜慢煮西班牙脆乳豬 $368必食之選! 乳豬上枱已經切左一件件，外皮脆卜卜，肉質軟諗帶鹹香，肥瘦相間食既時間更惹味，食既時候可以沾上蜜糖芥末醬甜甜辣辣好惹味，最岩同朋友開心share黑松露薯條 $68熱辣辣脆身香口，面頭鋪滿啖啖黑松露，香口惹味，份量都好多香蕉班戟配朱古力雪糕 $78食到最後叫左個甜品，香蕉班戟香蕉份量好多，Cream都好滑，朱古力雪糕大大球不會太甜，幾好食下次有機會再黎試埋其他野食先!

💠三品之選（炒雜菌+三文魚扒+椰菜花飯）💟推介💟🔸炒雜菌炒得好香，雜菌入味又爽脆😌🔸金黃脆皮嘅三文魚，魚肉嫩滑細緻，食落口仲充滿油脂嘅香味😋🔸椰菜花飯，米飯比較軟腍，食落口味道好清爽而唔會油膩，好健康😋💠四品之選（胡麻豆腐+新鮮帶子拼大蝦+慢燴牛小排+意大利粉）💟推介💟🔸新鮮帶子拼大蝦🦐厚厚帶子好新鮮，大蝦好鮮甜，肉質爽嫩，好入味🤩正！🔸慢燴牛小排好多汁，肉質嫩滑又夠淋，牛小排牛味仲好濃郁👍🏻👍🏻🔸意大利粉口感好煙韌，味道都好香口🤗🔸胡麻豆腐食落口口感好滑嫩，淋埋特調嘅胡麻醬，好好味🤤💠餐湯(南瓜湯）🎃南瓜嘅味道甜美，口感綿密，幾好飲🤗💠朱古力心太軟🍫 外脆內軟，切開之後仲有暖笠笠嘅嘅朱古力漿，香濃嘅朱古力甜度適中，唔會太甜太膩🤤💠松露薯條🍟香脆嘅薯條，配埋香濃嘅松露，幾好味😋💠西式葡撻，酥酥嘅葡撻外皮，蛋味都幾香濃，層次分明😬😌💠冰茶🎀😊餐廳舒適寬敞，坐得好舒服🤩同朋友食飯傾計都得🤗上菜速度快！餐廳店員服務態度超友善，又有耐性，好抵讚👍🏻

好少會特登上嚟俾負評，真係忍唔住睇返呢度嘅師兄食評先知，原來咁多人都覺得有問題，好彩唔係得我哋咁諗嗌咗個set $78 ，有三樣嘢揀，本身仲諗住幾抵，同埋又好似幾健康咁點知嚟到，啲份量好似俾小朋友食咁，我諗小朋友食都未必夠，個三文魚細到冇得再細，大人我諗兩啖食晒，個豆腐不如改名做一口豆腐同埋本身有個餐湯，落咗單先講冇晒餐湯，前菜得返兩啖沙律，成個餐最飽嗰樣嘢冇咗🥲呢間餐廳真係可一不可再 難怪一入到去咁少人，原來都係有原因

日式一汁多菜定食就食得多 今日試到西式版嘅一汁多菜定食 價錢仲幾經濟 難怪喺假期嘅兩三點都幾full😬😬🍱營格三品/四品之選($78/$108)三品就係一冷菜一熱菜四品可以一冷菜兩熱菜而啲熱菜都幾豐富 所以值得比多$30食四菜🤓我最推薦嘅小菜係慢燴牛小排 質素非常高 有啲紅酒汁味 牛小排都燴得好腍好入面 一碗入面都有7-8粒牛小排 所以呢個係必叫！冷菜方面炒雜菌份量都幾多 抵叫 溫泉蛋同胡麻豆腐都有水準🤭今次熱菜仲試左三文魚扒同帶子蝦 三文魚扒較薄 帶子蝦鮮味大隻但份量就較細 想要蛋白質就可以試試雞胸🤤🤤餐湯係雜菜湯 非常足料 每啖都舀到料😁飲品唔洗淨係奶茶咖啡 有凍嘅水果茶/熱嘅菊花決明子茶 都好養生 岩曬唔想飲凍野嘅我😬🍟松露醬薯條($33)$33可以加配小食 不過小食多數都係炸嘅 本身以為會比一盤松露醬 點知係看得見嘅松露鋪喺薯條面 超濃味好味 薯條亦好脆 呢個價超值！🍮焦糖燉蛋($30)除左小食仲可以加配甜品 價錢都係經濟 即焗即出碗邊仲熱 💁🏻‍♀️💁🏻‍♀️

Sorry! 好少寫食評都要呻2句…喺樓下俾佢嘅新廣告餐牌吸引咗 上去試吓🙄‘營格套餐’ $78+10% A + B + C 各選1格仔份量 : 以為叫咗下午茶set, 兒童餐都多過佢🙄 我都唔夠飽 何況堂堂男仕。 見圖分享: 1.5吋 嘅三文魚(正常三文魚扒 1開3?), 一啖藜麥飯(凍嘅), 二隻蝦🦐 (冇味), 蘋果醋特飲+$30, 冰茶(唔加$）但怪怪淡茂茂…香港個市咁靜… 佢嘅奇招…感覺超中伏❗️呢個場 呢間店 越做越差 性價比超低👎🏼👎🏼👎🏼一定冇下次… 🙅‍♀️

平時好少寫劣評，但呢間嘅份量真係少到不得了～以咁細食嘅我，食完都好似食咗陣風咁！！！雖然叫營養套餐，但$78呢個份量，真係減肥餐都不如！三文魚同椰菜花飯味道方面不過不失，但啲菜有啲苦！如果同區比，隔離D2 two 有間都係食椰菜花飯都係$50左右，唔係今日懶唔想行過去，真係唔會試佢～不過又要聲明一下，因為今次拎到商場$50 coupon先試下，唔知係咪咁，又見我一個人買外賣先畀咁少呢？性價比咁低，難怪一路都無同事建議lunch去食～哈哈！！！

今次嚟到一間自然為主題嘅餐廳，感覺靜靜地好清新🍃。有幸試咗佢哋嘅午餐菜單，開始就來喇一下，佢哋嘅麵包真係夠軟熟，蘸埋薯仔湯真係夠晒滋味！講真，我對個蒜香薯泥湯愛咗，厚潤得嚟又唔會太淡，味道正！豬扒出場嗰刻實在係超乎想像得好食😍，嫩滑得黎又多汁，啖啖肉嘅口感做得好準，超級滿足！至於黑松露蘑菇意粉，個醬汁滋味濃郁，呢個素菜都令人好滿足，醬汁同菌菇嘅香氣夠哂撲鼻，creamy得黎唔膩口，讚！有驚喜嘅，也有出乎意料嘅。墨西哥煎豬肉卷真係搞笑喎🤣，本以為會有啲美國德州feel，點知做出嚟跟中式煎豬肉片個陣一樣，平心而論，呢個創意中西合璧嘅嚐試我真係第一次碰到。可惜嘅中玉米餅有啲乾，佢哋嘅「中式煎肉」味道雖然唔錯，但同媽媽煮嘅豬肉又唔太同，有啲新鮮感啦！總之，呢次嘅食評之旅，真係令味蕾過足癮，有期待亦有驚喜，食物質素過硬，下次仲想再嚟試過！🍝🍖🌿

由於家人工作忙碌，所以隨意的選了一間在家附近的西餐廳與家人食生日飯。Food Garden ETC勝在位置方便，位於地鐵站出口旁的D2 Place商場內。餐廳的店面寬廣，座位寬闊舒適。先透過openrice預訂了座位，實際上餐廳內的客人不多，即使沒有訂座也不用等位。田園沙律 ($88)，另加$68要了煙三文魚，第一次吃過百元一份沙律🥗每人可分到一大片煙三文魚，但沙律菜的用料都很普通，即使不加煙三文魚，也不太值$88這價錢。脆炸北海道生蠔，炸蠔的脆漿不會太厚，外脆內軟嫩，一咬開，蠔汁溢出，蠔味滿滿！汁燒原隻東瀛魷魚，魷魚燒得剛好，口感彈牙不會韌，蘸燒汁來吃，更為惹味～～巴馬火腿配蜜瓜，份量適中，惟火腿的賣相及擺盤都不吸引。火腿的鹹香味一般，蜜瓜偏乾身亦不夠香甜。法式虎蝦多士，一份有兩大件，法包面層鋪上蝦膠，製成蝦多士。蝦的香味不夠突出，而且這份蝦多士略為油膩。燒牛舌，牛舌大片，有咬口得來又不會韌，算是軟稔易咬，有牛香，幾好味！水牛城雞翼，炸得香脆，而且有滿滿醬汁包裹住雞翼，但辣度不太夠。法式蝸牛，賣相不討好，泥綠色汁液溢出，已有點影響食慾。菜式絲毫沒有任何搭配就索價$128，在中環找一家

一開始睇到食評好壞參半係有d卻步，但餐牌相當吸引就嘗試一下。感覺整體set lunch幾好架，份量都多。只係我個人口味偏淡，覺得黑松露野菌忌廉意大利粉可以淡番少少(⁎⁍̴̛ᴗ⁍̴̛⁎)係依家普遍都係無乜氣氛嘅環境下，有d feel嘅餐廳買少見少。現場見都有好多一家大細來食，幾warm 🎄🎄🎄仍然有d心思思想來食Christmas set

平時返工開來食去都係茶記，燒味飯……只求飽肚。今日興起約埋一班同事去食好西。 首先要讚餐廳有合理的座位空間（我比較大份怕迫夾感），同d同事傾起計都唔怕會嘈到其他客人，食物出餐夠快好啱只有一個鍾食晏時間嘅我哋，今日我食牛肩煮得啱啱好肉夠嫩，回味

從來未試過由餐湯到主菜到杯飲品都係咁差，咁大個人都係第一次遇到☺️叫左一個burger set , 一份豬鞍，burger塊肉細細到我自己都唔知食左d乜，條煙肉唔講我以為佢一開二俾半條你，薯條硬到肯定係翻炸，勁後悔，早知食隔離mos burger 冇咁嬲。個豬鞍個汁，得個咸字，食完勁口喝，飲品選擇少到冇嘢揀，得酒同咖啡，咁唯有局叫佢杯水果茶，淡到飲完一啖，好似杯水仲好飲d總括而言，性價比極低，兩個人叫兩個set 埋單$325 。認真食隔離mos burger 冇咁嬲

同朋友係D2睇完戲就搵地方食晚飯，見openrice依間幾多likes就一於試下啦！✦ 松露手工芝士簿餅手工pizza好似幾出名，點都叫返個啦！我諗係成餐飯最好味既一道，松露味香pizza底都幾簿脆，係值得一試既👍🏻✦ 水牛城雞翼朋友中意食所以叫，都係大家熟悉既水牛城雞翼味，不過不失，不過小食黎講都幾貴，$78得4隻🙈✦ 蝦多士一和係好吸引必叫既小食，但依度整得一般般，蝦味唔濃郁，份量較少，性價比不高！✦蝶豆花檸檬飲同朋友share左一乍，係soda黎既，係蝶豆花既色但個味真係好淡，我同朋友都覺得唔太好飲，有點失望！總結一下，環境服務ok, 食物味道及價錢都一般，人均食左二百幾但未飽再出去食糖水，大家考慮一下吧！

Garden Salad: The salad was a vibrant medley of fresh, crisp greens, cherry tomatoes, cucumbers, and shredded carrots, topped with a zesty vinaigrette dressing. The combination of textures and flavors was delightful, making it the perfect appetizer to kick off the meal.Signature Herbed Pork Saddle Rack with Mushroom Sauce:The accompanying mushroom sauce was a symphony of earthy flavors, complementing the pork beautifully. The dish was served with a side of buttery mashed potatoes and sautéed veg

家人推介話這食店食物好掂，所以我約埋朋友一試。叫了沙律、蝦多士同慢煮乳豬，還有一杯什麼青檸特飲。沙律菜都幾新鮮，而且完全沒有苦澀味，醬汁也不錯，平時不愛吃沙律的我都嚐了。蝦多士貴了點，只得兩片伴著沙律菜。我嚐了半片，口腔感到油膩，相信我食唔到一片。價錢及質素都麻麻了。慢煮乳豬，話明慢煮，當然要等，冇問題。終於來了，份量及賣相，一般啦，沒多驚喜。嚐第一口，皮薄香脆，不錯啊！其中有些，厚少少的脂肪，但不太油淰淰，質感也不軟淋淋。但如果多煮一會，應該更好，油脂部分會更乾爽。講真，呢個份量，三位女士食，剛好，多，也太滯了。三百多元是否值，我就唔識評價，但唔會覺得好抵吧！如果再給它一次機會，我會選擇薄餅。不過，店未滿，想多坐一會都有少少壓力，因為感覺店員常常盯住😅。呢餐都唔算平，冇飯、意粉或薄餅的飽肚食物，每人兩百大元

跟生日的朋友第一次到這裡吃晚餐，服務及味道都有水準，環境有情調，午餐則較為抵食，晚餐或午餐各有優點，視乎個人喜愛而定。由於食量不大，所以只點了夏威夷pizza, 香蒜蜆肉意粉及水牛城鷄翼，味道各有千秋。