freshtea by happylemon (新之城)

營業中

休息中

👭Freshtea By Happylemon (旺角)👭1⃣爆粒繽紛鮮果茶(M) $30果茶裡面既材料有橙、蘋果、檸檬。原本以為「爆粒」係爆爆珠(用海藻做成外膜包住果汁)，點知原來係百香果既籽😂相比起其他店舖既果茶，38覺得呢杯既生果種類少左啲🤔另外38唔記得order甜度，出到黎既original版本係超。級。甜😰佢甜既味道已經蓋過左茶底，38本身諗住買黎解膩，點知反而增加左胃既負擔😵如果有朋友仔想去試既話記得要調教甜度丫！2⃣岩鹽芝士深培奶茶(M) $27中杯既芝士奶蓋佔左1/4杯分量，層次好分明。第一啖飲到充滿咸香味既芝士😍第二啖配搭濃郁既烏龍茶，整體真係好match🥰奶蓋唔會太過杰身，將隻杯傾斜至45度時可以同時飲到芝士奶蓋同烏龍茶👍🏿。推薦度：7/10🏠旺角亞皆老街65號新之城地下G21號舖🕐11:00am-00:00am

一直都好喜歡happylemon嘅茶品，我叫佢做檸檬頭，尤其oreo曲奇，睇住佢嘅分店一間一間咁執粒，希望佢淨低嘅分店能夠堅持啦！以往喜歡佢嘅oero曲奇珍珠奶茶，不過今日唔飲得紅茶，唯有叫奶綠茶頂住先！$24，都有少少貴！不過而家茶品都要咁嘅價錢吧！奶綠入面有好多oero，食極都有咁，個cream好香好creamy，配上oero味道好夾以往我叫埋珍珠又好味啲，始終都係珍珠奶茶最正！仲有好多其他選擇，下次要試下奶蓋先得！

天氣咁熱岀街成日都好口渴，行過邊都會搵野飲買，但又唔想成日飲便利店嘅野飲，依稀記得新之城入面有野飲賣，所以就入左呢間freshtea by happy lemon🍋買啦！我叫嘅係金桔檸檬🍋茶，等左5分鐘到就有啦。材料幾多，真係有一粒粒金桔同一片片檸檬🍋，一飲感覺非常酸，慢慢會飲到茶味，但仍然幾酸下。好嘅係味道清新，可以解到渴，但$30略嫌太貴。Freshtea by Happy Lemon嘅其他野飲都略貴，有點不值。

👉岩鹽芝士蜜香紅茶 $21蜜香紅茶甜甜地 茶味唔算好濃但絕對唔淡 奶蓋咸香 入口即溶 芝士味幾香 不過飲杯嘢飲除咗頭嗰幾啖飲到少少奶蓋之後就冇再飲到過 因為佢一pat咁死都唔上前 結果要飲曬全杯嘢先飲到個奶蓋 一大pat咁飲 喉嚨有啲咸到痛痛地😂評分：7/10抵飲：7/10回頭度：7/10

🔅🔅🔅到處都係手搖茶店總有一間係你至愛平時行街經過的話我都會幫襯呢間買🔸價錢合理係原因之一其二係鍾意他們的芝士所以每次飲既口味都一樣令人沒法抗拒的芝士茶🤩🔹<凍岩鹽芝士黑烏龍茶>芝士奶蓋的厚度係接近杯的一半表面撒上綠茶粉芝士香味誘人😍好濃郁奶味不會過重～特濃的烏龍茶底完全沒有溝糖水所以不會覺得甜喝的時候先喝到芝士然後烏龍茶在後續～兩者混搭一起不會覺膩最後還不會覺得口乾～🔸個人覺得這芝士烏龍茶初嚐後一定讓人上癮🤪🔅🔅🔅

行過見到freshtea 先至知原來係happy lemon 上次飲完歇腳亭芋香珍珠奶茶 一直心旭旭想飲 但我係freshtea睇錯咗叫咗杯 “茉香“珍珠奶茶😵 等緊嘅時候先至發現🙊 當下有d失望都飲落杯茉香奶茶就改觀😂 飲落都幾好 好似冇芋香咁飽😂 清清哋嘅茉香味 唔會太濃 但係佢啲珍珠好“淋“ 同時又好彈牙😂 唔係浸到林曬👍 一路飲一路keep住有嘢咬下😂店舖好細心 係拎飲品個位度有提供紙巾👍 有需要可以自己拎方便客人👍等左5分鐘左右就有😍 好快手😂

台式飲品最初冒起嘅時期,我係超級鍾意飲Happy Lemon嘅蛋糕經典奶茶㗎,而且嗰時仲要係喺公司附近嘅APM已經有分店......不過APM分店就已經結業咗一段時間喇,而自此之後我亦都冇乜機會見到有Happy Lemon嘅縱影。出嚟旺角行街shopping,先至會留意到原來喺新之城嘅地面扶手電梯旁邊有一間Happy Lemon,但係佢哋嘅裝修風格已經完全改變,以前大大隻嘅檸檬小姐頭像都要eye searching一下先至會發現得到,而舖頭標誌亦好似改為一片樹葉...命名為Freshtea。頭先食完狗仔粉都冇叫嘢飲,於是乎行到過嚟見到就打算再次幫襯Happy Lemon,尋回昔日最愛。點知......原來佢哋最好味嘅蛋糕經典奶茶已經冇再出售喇......我唯有揀杯布甸經典奶茶啦叫咗杯凍嘅中型杯,($17蚊)...冇咗蛋糕嘅cream,痛失最愛......不過經典嘅奶茶味道保持不變水準,依然甜度適中,口感幼滑順暢,加咗布甸亦可以多一樣甜品滿足下口慾,不過份量唔算好多,啜入口嘅奶茶都差唔多要飲哂先食到布甸,都算OK嘅不過都係嗰句,冇咗蛋糕,我以後都比較小機會會再幫襯lu......

夏日炎炎，為咗捉住夏天既尾巴又要飲野。以前細個經常飲Happy Lemon,因為荃灣Citywalk、南豐都會有,不過宜家menu上既野又唔同咗喇。叫咗杯蜜桃水果茶，少甜少冰，係用茶包沖既入面仲加咗水果粒粒，好似有橙、蘋果，酸酸甜甜唔會太甜，而且隻色又好討好，勁紅。

一日飲2杯芝士奶蓋。。。真係充滿罪惡感但因為飲咗一杯唔滿足，所以試第二間諗住揾返d滿足感結果都係失敗嘅話說happy lemon嘅岩鹽芝士系列好耐以前已經有早在大陸喜茶出名之前已經存在但我竟然一次都未試過每次都揀咗佢嘅檸檬茶或者鮮泡茶見20幾蚊都係合理價錢就叫咗一杯岩鹽芝士水蜜桃果茶試下中杯，半糖少冰見到層芝士奶蓋都幾厚第一啖飲落充滿芝士，之後就到底先飲得到佢嘅奶蓋奶味唔重，有芝士嗰浸咸味，幾合我口味可惜水蜜桃果茶偏酸(可能我叫咗半糖)飲落味道有d似洛神花茶，同芝士奶蓋好唔夾下次都係叫返四季春就最穩陣

以前當台式飲品還未開到成巷成市，happy lemon都係我頭三的選擇。但今時今日，太多選擇，想飲野都未必會選它。今日經過新之城就打算再試下，但結果係唔會再有下次。我叫了木瓜抹茶再加珍珠，少甜，但無得走冰。珍珠一般，早知唔加錢要珍珠。木瓜都幾配抹茶，但我下次都唔會再飲，因為木瓜都係配奶最好。

芝士奶蓋近期喺連鎖飲品店都好似掀起一陣風潮，當然包括我都愛上了啦，所以幾乎去邊間我都會飲奶蓋茶。今日就試旺角中心嘅<Freshtea by Happylemon>。一來到就被收銀處上嘅顯示版所吸引，最近應該是主推<岩鹽芝士鮮茶系列>吧！當然除咗奶蓋茶之外仲有好多其他嘅水果或茶類飲品。我選了<芝士蜜香紅茶>。飲品都算幾大杯，而奶蓋嘅份量都幾多但味道偏甜，蜜香紅茶都幾好飲，唔算太甜而且茶味都幾香。但衛生方面就似乎唔係咁好，杯面膠蓋都黐咗幾多塵或者黑色嘅點點，人流咁多流動量咁高嘅情況下個杯面都可以積咁多塵，相信佢哋一定冇好好保存杯蓋。咁至於有冇好好保存膠杯呢？而膠杯積咗幾多麈呢？就不得而知了！而且冰嘅份量都幾多，因為有奶蓋芝痴係杯邊嘅關係唔可以由側邊影入去有幾多冰，大概去到檸檬頭公仔左右啦。而檸檬頭公仔就去到依個位，咁究竟裏面有幾多冰就大家自行推測啦。。。

香港咁多間既飲品店， 我最鐘意都係happy lemon, 依家改左名做fresh tea. 果時中五仲係個mk女，成日都去旺角掃街，次次都會叫佢個碳燒珍珠奶茶，飲過返尋味。之後近我屋企既九龍灣德福happy lemon，藍田既happy lemon 都有飲過，唔會話好似貢x,歇xx咁間間分店既質素都唔一樣，一時太水，一時ok.之後唔知點解兩三年後執左幾間，好彩去到旺角都仲見到佢。 以前fresh tea既價錢係比起其他飲品店貴，但係依家間間都加價，fresh tea 反而好似冇加，但質素都係始終如一咁好個人鐘意飲佢既雪冰斯系列，因為佢既奶茶超香濃（其實係沙冰尼既）。今日飲左Oreo 奶茶雪冰斯，超足料，食到oreo既口感，同吉士忌廉同埋香濃既奶茶沙冰，呢杯野真係真材實料，好抵飲。飲品店咁多加盟，其實真係好難控制品質，但係fresh tea係一直都冇令我失望既飲品店，所以之後都會繼續幫襯，試多d佢既新品。

係登打士街掃完街之後口渴，就梗係搵返啲野飲下解解渴😌行到呢間見到都幾多人幫襯又即管試下佢😄👁‍🗨 岩鹽芝士經典綠茶 💲24（大杯）見呢間野有好幾款推介飲品，今次決定試岩鹽芝士經典綠茶😈我地兩個人，所以叫個大杯試下，份量都岩岩好夠飲😛呢杯野飲層次都幾分明，面頭有鹹鹹地既芝士，下面就係比較清新既綠茶🍵因為有甘甘地既綠茶傍住，所以就算有芝士都夠曬解渴，唔會話好漏好濟🧀🔛 整體評分（7/10）

呢幾日天氣實在太熱，行兩步路已經出晒汗，平時唔鍾意飲凍飲的女友都嗌頂唔順，一行經過happy lemon就話要飲杯野消消暑！Happy lemon好多飲品都用檸檬再配上其他材料做飲料，好多配搭都好似好吸引咁。女友就叫左杯益力多晶鑽檸檬雪冰。一飲落去酸酸甜甜好refresh, 岩晒熱辣辣的夏天飲，加上有一粒粒的蒟蒻，一路飲一路咬，正

Happy Lemon愈來愈貴，由十幾蚊變到廿幾蚊先買到了，不過佢啲芝士奶蓋真係幾好飲，所以我都有繼續支持。芝士奶蓋夠厚，桂花荔枝綠茶夠解渴，唔會好甜，好過飲奶茶。