freshtea by happylemon (置富第一城)

營業中

休息中

由於好鍾意飲台式飲品，朋友話呢間嘅嘢飲唔錯，尤其芝士好出色，所以諗住一試。我叫咗嘅係黑糖4.6鮮奶加珍珠再加布甸，特別嘅要求係要中size熱飲微糖。製作飲品時間唔長，幾有效率。好特別嘅係佢嘅布甸，或者係同事點嘅芝士，都係用另一個容器上嘅。有啲奇怪係因為一般都會用飲管篤落層膠膜上面，芝士是應該已經融入左係飲品入面。呢個設計就好似人哋外賣湯汁要同個麵分開一樣，但係啲麵咁樣處理係為求唔會令到啲面變得糊狀，痴埋一舊。至於飲品點解要咁樣處理，我真係唔係好明。其他同事見到都摸不着頭腦，要搣開塊膠膜會令到好容易倒瀉，所以覺得呢一個設計同處理有啲奇怪。至於味道上面雖然叫咗微糖，但係依然非常甜⋯反而奶味係唔多出（雖然話都係4.6⋯）仲有個布甸係要加兩蚊嘅，但個布甸嘅質感好奇怪，個甜味好假，充滿人造糖嘅味道，令人好後悔加咗呢個item

早前經過第一城，見到Happy Lemon 新開幕，當日做緊優惠超多人排隊，今日再次路過，見到幾個人等緊就立即走去試下。對住馬路出面，要認住個公仔收銀機位於商場內。有3類人士可免費有升級優優這幾款應該係特別推介嘅飲品飲品選擇好多，令人眼花撩亂，真係有排揀。店內有4-5位職員，所以唔使等好耐可以飲到店內有足夠位置比人等候。1. 乳酪芝士莓莓蛋糕鮮奶($39)，芝士味濃，有新鮮士多啤梨肉，飲一杯都好飽肚，好味2. 爆粒晶鑽繽紛果茶(大)($36)，內有好多水果片，入口清新，大大杯，夠晒一日所需的生果份量。整體來講，happen lemon 係一間有水準嘅飲品店，可以一試再試

好想飲手搖！桂花荔枝綠茶 大杯$35 細杯$32要左2杯大一杯係岩鹽芝士另一杯係乳酪芝士前者好味又濃郁creamy，後者就係益力多味桂花同荔枝味唔算突岀，綠茶係茶包，淡淡清香～

今日去第一城探屋企人做中秋節，落車果陣又熱又口渴，見到有間happylemon，咁就即刻行過去整返杯先，好好彩咁都唔係好多人等緊，因為印象中由於係手搖嘅，製作都需時。咁我就睇下有咩飲先，佢有招牌嘅果茶系列，oreo奶茶同埋招牌芝士茶系列，咁由於係解渴嘅關係，我就選擇左果茶系列，我選擇左爆粒檸檬薄荷凍綠茶，大幾等左10分鐘左右就有啦！效率都好高。咁我就急不及待即刻飲啖啦！由於我係比較少飲凍野，所以走左冰，但係都夠凍呀！一飲落去好香檸檬味，另外就重有d啫喱係底，幾好食，應該就係提子味，加埋d薄荷之後成杯野都好清涼解渴，我好快就飲晒成杯啦！好滿足，好解渴。會再幫襯。