G. Gallery (已結業)

疫症未來之前已經吃過幾次，午餐有高質素的沙律甜品巴是她吸引我的地方，而且西餐也保持出色有水準。而現在疫症期間，外出午餐除了味道，用餐安排安心更重要。有些西餐廳把半自助環節取消，而這里則變成放題形式，你叫就供應。把你預期的服務維持，並做得更安全。

大概六年前第一次來到這餐廳便愛上這裡了，餐廳不大，環境優雅，食物精緻美味，服務一流👍28ozT骨扒是我們的最愛，每次必吃，朋友生日，每月一聚我們必到這裡談天說地

今日同男朋友補祝生日，特登揀左一間Fine dining餐廳，結果性價比高，當真唔錯。有免費餐包，前菜各揀左一款，個蟹餅好好食!餐湯係忌廉粟米薯仔湯。主菜叫左羊架同帶子，兩款都唔錯。最緊要係加錢叫左朱古力半熟蛋糕同蘋果金寶，都好好食，唔會太甜~事先已經叫佢地係甜品碟到寫字，最後仲送左個相架俾我地添~侍應服務態度都好好，經常斟水。

男朋友說帶我去食好野，選了這間餐廳，開頭行入工厦都沒什麼期望，怎知一入餐廳星另一個世界🤩-我們叫了一個dinner set ——炭燒美國安格斯西冷扒 配 黑松露菌燒汁 (set) $368 前菜選了炭燒一口和牛粒 配 香橙合桃沙律 和牛粒簡直不得了，入口即溶，好有炭燒香又好腍，和牛的香氣湧入嘴裡，配埋少量蟹子，係最幸福既一啖！-餐包味道一般，但配有特別的醬，餐湯是磨菇湯，挺好喝。-西冷扒點了5成熟，剛剛好紅紅的不會過熟，很有牛味也很軟腍，配黑松露醬汁很香。還有薯蓉、薯角和少量蔬菜伴碟。-海鮮龍蝦汁寬條麵 $158有帶子、大蝦和青口，全部都很新鮮，龍蝦汁很夠味又creamy，好吃！-最後加了一個甜品 Apple crumble 配雲呢拿雪糕$35雖然份量很少，但這道甜品很有誠意，apple crumble 香脆又有蘋果蓉，跟雪糕一起食很夾！-人均$300，但這個高質素很值得！

慶祝生日飯，我們一行四人，同事介紹lunch半自助午餐，所以就試吓。由於這店好full（lunch hr)所以一定要book位。一入門口一眼看晒， 全場爆滿，由於餐廳應該想做多啲生意，所以座位與座位之間比較窄。主菜方便分別：煙三文魚配火箭菜，香草醬汁天使麵；味道調校得啱啱好，天使麵不會太琳，值得一試👍🏻;扒極黑豚排配香茅燒汁，由於這店豬係主打菜，所以選了這款，但有啲失望，因為黑豚排有些筋同埋肉質比較（鞋口）同想像中有些出入，香茅燒汁的汁調較得几好，份量足：慢煮加拿大牛仔骨配香滑蒜蓉山葵汁：這款係我覺得三款主菜當中最不值得推介，因為牛仔骨煮唔熟所以咬唔開，除咗我哋嗰台叫了兩份外,我還見到其他抬嘅客人都是同樣食剩和咬唔到👎🏻。而半自助頭盤及沙律吧反而做得比我想像中出色，因為款色有几款，熱盤出完又會再出一些新款，所以几好，而甜品方面，味道一般，同事們最喜歡都是啫喱。整體而言，自助頭盤及沙律吧係佢嘅賣點，而主菜味道一般，如果想靜靜地傾計就不用選這店，因當天人已經全店坐滿，有些嘈，而餐廳都仲會播音樂，真的覺得有點嘈上加嘈

G Gallery 這店，從前久不久會過來一下，原因就是喜歡小店，荔枝角憶利工厦，地鐵附近，那時一出四樓走到盡頭，就是喜歡自成一角的感覺，而且又是免開瓶，在那裡真的留下很多歡笑的回憶⋯⋯有次朋友傾開，建議上去飯局一下，於是便上網安排。從訂位至確實，原來筆者從沒留意從前的G Cuisine 和 G Gallery 已二合為一，雖然一早便知兩者是同一老闆，但到我們到達時才知 402 室，已不存在了。七時到達，食店安排門口位置，原來當晚全院滿座，每張一早已訂滿了。食客相繼到達，而且大部分每枱都是品酒之士，所以到晚市高峰時段，酒杯交錯，熱鬧非常。由於大家唔想煩，所以決定吃 set Dinner 餐飽鬆軟配上自家製的茄醬，如果麵包是暖身就更完美了。忌廉甘荀湯~日式磯燒鮑魚配蟹籽沙律伴椰香芒果凍~黑松露菌火腿薯蓉焗珍寶有機啡磨菇 伴 無花果火箭菜沙律~大家都很喜歡這兩款沙律，同樣味美。紐西蘭比目魚柳伴脆薯絲蝦配鰻魚照燒汁$288~魚柳到落有點散，筆者和朋友都覺得醬汁太多及太甜，未能與魚夾檔。燒西班牙橡果豬柳配秘製海鮮醬汁$328~炭燒美國牛柳及香煎鴨肝配干邑黑椒燒汁$368~另加$30 配 Set

今次搵食黎到荔枝角工廠大廈ggallery，一打開餐廳門就覺得好有情調，每張枱有枝花同蠟燭仔，而且餐桌擺位好講究。叫左主打燒紐西蘭羊架Set Dinner$298同埋海鮮意式寬條麵$158。Dinner set包頭盤、餐包、餐湯、主菜及飲品，個濃郁蘑菇忌廉餐湯真係回味無窮😋燒羊架揀左五成熟，羊架非常嫩滑易切😍，食落好juicy!另外海鮮闊條麵都唔錯，有大大粒帶子、青口、河蝦，闊條麵配埋濃郁龍蝦汁，滿足到好似身處係海洋世界咁😋😍~總括而言，呢度環境+服務+食物真係高質!!!而且呢度感受到人情味濃厚，我地只係叫左一個Dinner set，但俾兩份餐湯同飲品，幾WARM~

今天帶我媽媽來提早吃聖誕節飯，雖然這裏是工廠大廈，外牆的確不太吸引，但一打開門，令我們驚喜萬分！浪漫的燈光和白色的餐枱布，令我們彷彿走進了酒店一樣。首先一坐低，waiter就拿來一籃的麵包，加2個有誠意的醬汁。一打開餐牌，發現原來菜式也是不太便宜的，main course 大都$300以上。我們這次點了一個Christmas set和一份main course 。Christmas set:前菜我們點了鵝肝，鵝肝煎得非常香口，裡面更是軟綿綿的。我非常滿意這個鵝肝呢！然後還附上了一個湯，非常有趣的是,發現忌廉湯內存有一個生蛋黃！十分有趣呢!我還是第一次喝湯會有蛋黃呢！但加在一起喝，覺得挺不錯的！然後就到main course 了，我點的是羊扒和西班牙豬。雖然他們沒有問我羊扒和豬扒要幾多成熟，但他們也能煮得剛剛好！剛剛得熟真得太出色了！就憑這一碟菜式，我必定會再來吃！而且配菜裏的紅蘿蔔也煮得非常好吃，我平時是不吃紅蘿蔔的人我也清光光呢！而另外一碟main course 就是海鮮蕃茄意大利麵,海鮮的份量很慷慨,番茄醬也挺不錯的,唯獨是覺得意大利麵煮得太軟了，口感不是太好。最後跟餐點了一杯熱檸

今次朋友帶路，估唔到一橦工廠大廈竟然有一間咁精緻既西餐廳，佢就係喺荔枝角億利工業大廈既 G gallery 😊😊佢一個dinner set大概二百頭起🤑而我地揀咗最貴個set🤭另外單點咗一個pasta，呢個set個appetizer 有磯燒鮑魚同焗啡菇揀，咁諗黎諗去都係鐘意食鮑魚，所以揀佢啦，佢鮑魚絕對唔係大，但佢就整得非常入味👍🏻，每啖都食到個汁嘅味，好濃郁既前菜！Main course就要炭燒美國牛柳🐮及煎鴨肝😚😚 呢個set係 $368個牛柳好厚身，叫咗medium啱啱好，一切即開同食落好淋身，一啲都唔難咬，而個鴨肝好甘香，而且味道長留口腔一段時間，實在太令我驚喜🤩🤩至於個白酒蜆肉意粉，啲蜆肉大到估唔到，大概有一隻🥄咁大，一咬落去，啲鮮味喺口入面爆發，好似置身海洋世界咁🐟🐬，再加上佢用白酒烹調，兩者互相配合，令到個意粉更上一層樓👍🏻👍🏻雖然好似好貴咁，但我覺得食西餐就差唔多啦，而且呢間無論食物，服務，環境都係值得黎食既👍🏻😆附上幾張menu：

今日同事帶我特登搭車去荔枝角食lunch,所以我都好疑惑到底值唔值得。餐廳位於工廈，但係一去到門口已經覺得好grand，而入面裝修好有格調，就算同情人去拍拖都唔失禮。lunch係semi buffet，價錢$148-208，係工廈黎講都唔平，但係當日去到都好full，因為食物選擇多，而且質素拍得酒店。前菜有各種沙律，我最鍾意蘆筍黑木耳豬頸肉沙律，全部都係我鍾意嘅食材，食落好清爽。仲有隻芒果乳酪汁，味道香甜。最令我驚喜嘅係buffet竟然有五香牛坑腩，而且味道一啲都唔馬虎。除左牛坑腩，仲有好多牛根，肉質軟稔，食多幾件都回本。主菜叫左Irish Shepherds Pizza, shepherd's pie就食得多，配pizza真係第一次食。個餅底可以話係全香港食過最薄最香脆嘅pizza，配上軟滑薯茸，口感好豐富。另外試左同事嘅慢煮西班牙豬梅肉，肉味香濃，充滿油香，一個好食嘅豬係會比牛排更出色。甜品方面，有個聖誕布甸配雲尼拿汁，幾特別。而Tiramisu做得最好，好重酒味。後尾老闆好熱情咁同我地傾計，仲帶我地參觀做甜品嘅廚房，原來餐廳仲有做私房菜同cooking class,下次可以同朋友

係咁忙的日子，當然想平安夜對自己好d啦，最好就平平安安咁收工啦。為咗令自己覺得好平安，就咁班同事去咗食個好lunch，食餐好的再收工一去到，仲以為有人搞party 唔敢入去，實在太多人，仲要打去再問，好彩有職員帶我地入座。平安夜的日子都預咗會有special menu， 一睇原來係做semi buffet，唔怪得咁似搞party 啦。放係出面的野食就真係好一般啦，食落唔差，只係埫人式少咗d。到個主菜，唔知係咪遲的關係，原本menu 上寫的魚無晒貨，不過都轉其他魚俾我地，同事食話唔錯，至於我就叫咗豬，唔知係咪我無牙力，覺得個豬好硬，整體味道都不錯。最有驚喜係杯飲品，菊花羅漢果茶，個咳到七彩的同事飲晒枱上的茶，飲完就停咳👍🏻🤣。不過甜品真係好一般，所以我放棄咗。我發現我食得最多的其實係菜🤣另外，咁啱當日有一大班人係度食，佢地玩得好開心，但個場好困聲，略嫌有d噪

雖然一直都知荔枝角多野食， 但始終唔係好就腳， 所以平時都好少去， 今晚因為工作要去果邊， 咁梗係搵間餐廳同爸爸撐下枱腳啦～ 估唔到工廈入面既餐廳都幾好環境喎 雖然唔叫好靚， 但感覺幾舒服， 好岩靜靜地傾下計～ 晚餐有set， 價錢都唔算貴丫 不過最後散叫無叫set， 散叫揀左D想食但set又無既野 點左鵝肝， 都煎得幾香， 兩個人分一件岩岩好， 仲有少少沙律菜伴碟中和下， 都OK！ 呢個係焗田螺， 其實味道OK， 係賣相差少少， 同埋下面既薯茸好似多左少少呢。。 開心食飯當然要飲酒啦， 有by bottle 同by glass， 不過選擇就唔係好多， 淺嚐一下就夠啦～ 呢個係dinner set 入面既烤西班牙橡果豬柳，單點既menu 入面無，但都可以就咁單點唔跟餐，都幾flexible 呀！呢個橡果豬柳既賣相同味道同口感都超級似叉燒，同埋份量都幾大呀，幾彈牙同幾有口感 呢個係龍蝦汁闊條麵，如果有埋龍蝦食就好喇 XDD餸唔算多既，有一隻蝦、幾隻青口同幾粒帆立貝，不過個龍蝦汁都幾濃，好似龍蝦湯咁，都唔錯 最後點左呢個opera cake做甜品， 覺得好想要一杯咖啡但又驚訓

呢間係朋友介紹的工廈餐廳，佢話佢之前同同事嚟呢度食過午餐，覺得幾好食，咁我哋就即管試下啦!工廈的外牆，大堂甚至上到去嗰一層都唔覺得有咩特別但一入到去呢一間餐廳，佢的裝修氣氛擺設就好靚，好有情調。以工廈黎講，一份set dinner要成$268-$368，都幾貴。有幾款麵包，麵包微暖，脆口。湯都幾好，又熱又濃日式磯燒鮑魚配蟹子沙律伴椰香芒果凍呢度菜幾特別，磯燒鮑魚好香， 唔會好硬， 蟹子沙律都幾豐富，個椰香芒果凍的酸味令人好開胃。黑松露菌火腿薯蓉焗珍寶有機蘑菇伴無花果火箭菜沙律食菇處理得都幾好，唔會有苦味。烤西班牙橡果豬柳配秘製海鮮醬汁豬柳係一舊舊的， 烤得過左火，好燶，肉質好韌， 海鮮醬汁食唔出炭燒美國牛柳及香煎鵝肝配干邑黑椒燒汁美國牛柳都好似普通貨色，鵝肝都冇入口即溶，味道普通慢浸紐西蘭比目魚柳伴脆薯絲蝦配鰻魚照燒汁切開左一件件，唔覺得有驚喜野菌蕃茄香草汁芝士焗長通粉味道比較淡口，蕃茄味唔夠香， 長通粉的質感不過不失啦!美國安格斯T骨扒 (24安士)稍為似啲樣，肉質都算嫩，不過味道唔係好夠濃

聽朋友推介呢間餐廳，適逢家人生日，就帶佢黎試下。餐桌包呢個係免費，但呢份係好有心機GE一個食物。每人有2款唔同GE包，一款淋一款硬，另外仲有一份脆片係入面。D包同脆片本身已經好好食，再加上佢地自家製GE黑松露牛油同乾蕃茄橄欖油整成GE醬，成個配搭好MATCH好好食!!燒鮑魚配蛋白配芒果椰凍鮑魚煮得好淋好味，鮑魚同殼中間有一層碎蛋白吸哂D鮑汁，好好味。但係個芒果椰凍就一般般，因為呢份係前菜，但有呢D甜品類就好似有D格格不入。火腿忌廉湯呢碟湯就差D，比較稀，味道都係普通，不過不失。炸豬手薯格配黑椒汁呢個好有驚喜!首先係份量，6大舊豬手肉，再搭7,8塒大薯格，完全係一個MAIN COURSE GE 份量。再者佢GE 豬手肉煮得好淋，用刀叉可以好輕易地切開!本身佢會跟一份黑椒汁，濃度適中，唔會太咸太辣!正!河蝦，青口，帶子，龍蝦汁寬條麵西餐GE PASTA類大多數都係細細碟，但呢度個份量比正常多不特止，仲好足料!! 2粒帶子，3隻青口，1隻隻大蝦!! 個龍蝦汁濃度適中，岩返大眾口味。比目魚柳拚炸蝦比目魚柳處理得好好，好新鮮，1D雪味都無。炸蝦亦都好新鮮，個粉厚度適中。個底係D沙律菜同菌類，好食

係OpenRice 搵下有冇樓上cafe諗住同朋友慶祝生日啦，就搵到哩間餐廳，見到都幾多，咪同朋友試下囉！一開門入到去，環境優雅，朋友仲話我，又話cafe，點解係一間咁高貴既餐廳架坐低之後，waiter 仲好gentleman 咁幫每位客人鋪上餐巾黑毛豬好好食，紅菜頭意大利飯，我從來未食過哩個配搭，原來係好好味架！至於價錢方面，個人大約$300，仲食埋甜品！哩個環境+服務+食物真係感到超值呀！酒店service ，食物水準高，環境高雅！他們為朋友準備一個生日甜品，得精緻！朋友都大讚，哩餐飯食得好開心！