Gali

營業中

休息中

今次食啲唔同野 印度菜講真真係未食過Gali 🍽️🌟奶油咖哩軟殼蟹🦀✨ $75 呢道菜真係無得輸！香濃嘅奶油配上咖哩，軟殼蟹炸到金黃酥脆咬落去肉質鮮嫩，口感爆炸，令人一口接一口完全停唔到🤤蒜香蝦香料飯🍤🍚 $68 呢碗香料飯～ 蝦肉鮮嫩，蒜香味十足飯粒粒分明，搭配蝦肉真係一流！每一口都帶住滿滿嘅幸福感，真係心滿意足！😍跟餐仲有野飲比我見到多年無見過既西柚汽水 真係驚喜滿分🥰環境都幾好唔會好嘈 岩哂親朋聚會Gali觀塘駿業里6號富利工業大廈14樓B號舖

之前嚟過呢度食咖哩，覺得唔錯，所以買佢嘅咖喱牛腩冰包返屋企食。餐廳聲稱一包HK$ 88嘅冰包屬於2至3人份量。入面有7大件牛腩，似乎好抵食。點知，7件牛腩當中，只有兩件細嘅食到，其餘完全咬唔入。我嘗試冒住甩牙嘅危險不扯其中一舊，發覺根本唔係牛肉！！！點解咖喱牛腩入面會發現一啲不知名嘅肉類？從烹調同包裝嘅角度，唔明白呢件事係點樣發生。其實係咪搏人哋外賣冇得退換，所以用啲咁差嘅嘢去造冰包？而且仲要混水摸魚，摻雜不知名嘅肉類！

假日晏左起身，晏啲食午餐就小啲人。知道觀塘有間食咖哩比較地道就去試吓。奶油咖哩牛脷+蒜蓉烤餅，奶油味香，牛脷超淋，咖哩汁唔太辣，好多香草味，當然之後好口渴。😅我覺得配蒜蓉烤餅好味，好多塊，食完好飽。奶油咖哩雞 + 蒜蓉烤餅，個汁其實一樣，雞就比牛脷遜色，下次會上牛腩或羊肉。

🍛 奶油咖哩雞套餐 ($68)奶油咖哩好香滑，食開辣嘅我覺得佢唔辣😌啲雞明顯有陣醃咗嘅香料味👍🏻 肉質偏柴，冇乜汁（不過滑嘅雞同佢呢種香料嘅感覺應該唔係好夾🤣）🫓 白飯轉蒜蓉烤餅 （+$15）個餅上枱熱辣辣，香噴噴😍 食落軟糯有口感，蒜味唔重，食耐咗都唔會覺得好鹹，但幾惹味同幾香口😋 雖然塊餅摸落油油地，但食個陣又唔覺好油餐跟飲品有好多選擇，我揀咗包裝無糖茶，所以唔細說DaiC的話💭：建議普通食量嘅人可以唔洗心急叫小食住，有次同🍄‍🟫一人食一個餐，加咗個炸乳酪波，飽到傻咗😂第一次試嘅可以一個加錢試下個烤餅，一個叫飯再Share🍚 我當日好肚餓，一啖咖哩一啖飯，暖笠笠食落去勁滿足勁舒服😍🍽️：Gali📍：觀塘駿業里6號富利工業大廈14樓B號舖

Gali @hk_gali 📍：觀塘駿業里6號富利工業大廈14樓B號舖🚗：觀塘地鐵A2出口 步行4分鐘📞：+852 6857-1097💲：~HKD90-100/head for lunch Food quality✔️：奶油咖哩雞、蒜蓉烤餅、印度乳酪👌🏼：香料酥炸球、香料咖哩羊、奶油咖哩軟殼蟹❌：奶油烤餅(跟餐)總結：😋一間由印度先生港人老婆夫妻檔經營嘅印度餐廳 我諗大家都有聽過 因為都有唔少youtuber介紹過👍🏼😋企喺門口都聞到好大陣咖哩🍛味 好香 奶油咖哩雞好濃郁 配蒜蓉烤餅正 😋跟餐嘅印度乳酪🫕唔駛加錢 所以幾滿意🤔香料酥炸球就略有點普通了 畀多啲馬鈴薯🥔同埋如果配埋薄荷葉洋葱會更開心 入邊啲餡料香料味不足🤔香料咖哩羊同奶油咖哩軟殼蟹就比較普通😨跟餐有得揀蒜蓉烤餅同奶油烤餅 強烈建議選前者 因為後者完全冇味 好淡🥲

位於觀塘工廈內的Gali，早已以地道的印度風味聞名 😋😋 這次趁收工後與朋友一探究竟。餐廳內部燈光幽暗，營造出具異國情調的氛圍；加上晚飯時段（約七點）人流不算太多，很快便安排入座，整體用餐環境令人滿意 👍🏻1. 瑪莎拉咖喱雞肝 + 奶油烤餅 + Mango Lassi （$68 + $15 + $13）🌶️瑪莎拉咖喱的香料味十分濃郁，卻不會過辣。以雞肝入饌，跳脫了常見的羊肉或牛肉搭配，令人眼前一亮。雞肝處理不錯、份量不少，與濃厚的咖喱醬汁相得益彰 😌雖然白飯是免費提供，但我們特意加了 $15 試了奶油烤餅，結果發現這選擇非常值得。烤餅份量足，有六塊，外層烘烤至微脆，內裡則保留了柔軟與嚼勁，帶著一絲奶油香，成為咖喱的完美伴侶 🤭再加 $13 的Mango Lassi是經典的印度飲品，儘管份量稍小，裝在較細長的玻璃杯中，但質感濃郁，帶著濃厚的乳酪奶香與淡淡的芒果甜味，為整餐帶來一抹清新 🥭2. 印度烤雞（$42）🐔這份加點的印度烤雞是意料之外的驚喜。雞肉本身調味充分，香料滲透，烤得外層微焦，帶有特有的炭香。🍗 雖然雞肉稍嫌乾身，但不至影響整體口感。配搭的兩款醬料頗有心思——乳酪醬帶來濃郁奶香

今日去Gali食Lunch，試咗佢哋嘅香料咖喱牛腩飯🍛。呢個咖喱味道偏濃，有濃郁嘅香料氣息，帶少少辣，唔會太刺激，但又夠味🌶️。牛腩方面相當出色，質地爽口帶咬勁，食落非常滿意。不過，飯嘅部分就稍微遜色，偏硬，可能未完全熟透。如果唔係特別想食飯，會比較建議試吓佢哋嘅薄餅🍕，之前聽朋友講過係招牌之一。整體來講，呢餐飯都算滿意，咖喱味香而且啱口味，牛腩質素好，加上價錢合理，性價比唔錯。如果對香料重嘅咖喱有興趣，呢間餐廳都值得試試！

同朋友午餐揀咗 Gali 印度餐廳，感覺係份量足夠，味道有水準，仲幾有驚喜。雖然唔係完美，但絕對值一試！Masala Chicken($75) ⭐️⭐️⭐️⭐️香料味道十足，雞肉嫩滑又入味，masala 醬汁濃郁得嚟唔會太膩。唯一缺點係鹹咗少少，但拎嚟配薄餅食真係一流。薄餅 (+$15) ⭐️⭐️⭐️⭐️⭐️呢個係必點！大份得嚟又夠軟熟，男人食都夠飽。拌埋 masala 醬汁食，口感層次豐富，絕對係升級餐點嘅關鍵。加 $15 完全值回票價！送飲品 ⭐️⭐️⭐️飲品冇乜特別，基本款解辣用，但總算有心思送，補充返少少分。服務 ⭐️⭐️⭐️服務態度中規中矩，唔算太熱情，但亦唔會冷待客人，感覺仲有提升空間。總結：呢餐午餐食得好滿足！味道方面幾正宗，薄餅尤其推薦，性價比高。服務未算突出，但食物已經補返呢方面嘅小缺憾。如果鐘意印度菜，真心值得帶朋友嚟試試！食品評分：⭐️⭐️⭐️⭐️（4/5）總體評分：⭐️⭐️⭐️⭐️（4/5）午市印度餐好選擇，特別推介加薄餅！

首先佢嘅咖喱唔太辣，裏面落咗好多香料都幾俾心機煮。可惜黑羊好多肥膏，另外配的米飯並不是印度米。有點兒格格不入😅服務快亦都有禮貌。另外叫咗一個印度奶茶，可能係我飲唔慣印度奶茶口味吧，只飲左半杯

估唔到第一次寫食評係負評，真係忍唔住要喺度comments。平時鐘意食印度薄餅，見食評同食物相好似幾吸引，所以黎試下！一入到去環境屬於係暗暗地黑mama既style?不多人只有幾枱客， 當時去到坐低，自助手機落單，有問題問櫃枱嘅長髮女士staff態度不錯，不會扮睇唔到。食飯份量多，薄餅可2個細食女仔share，味道正常質素。本身黎之前見佢地舖頭寫收夜晚9點，因為本身想食嘅餐廳早收所以過嚟呢度試，坐近廚房位置見到廚房嘅人經過同做野。點知當食野食到好記得係8點20分左右，入面廚房一名中年黑髮男士，應該係廚房幫工？唔知係想趕收工定點？ 一路食果陣無端端feel到有人喺咁望過嚟，望到既時候發現係俾人用好惡既眼神啤住左，好似用眼神同你講，你食完未快啲食完就走，唔好阻住收工。跟著停左一停手冇食之後，果時8點30都未夠，另外2個女仔staff就走過嚟問係咪食完，跟著就收走左我同朋友嘅餐走🤔👀👀 原來未到收工時間，食物未食晒，就要被咁對待？太印象深刻，冇下次了，用餐體驗差。比錢買難受。👋🏻👋🏻👎

其實依間餐廳係唔係轉左手？見到好耐之前喺MM 話係個印度人同佢老婆兩個有心做，好好食，好多人排隊依家可能熱潮已過，無咩人排但最後都有條人龍，不過唔係因為太多人係因為啲伙計chill 到以為佢地黎餐廳散步服務 間餐廳入面樓面有5個人嗰陣有4張空枱但完全唔比人入見到唔係雞嘅咖喱都漏單嚴重唔知點解落唔到薄餅佢地話因為啲薄餅仲整緊，要5-10 分鐘所以鎖左唔比人落我聽到成頭黑人問號吓？咁你照比人落住，遲啲上咪得囉都係5-10分鐘啫。你半間鋪空枱我企喺門口等你比我入座都喺咁等啦不過兩個女侍應都好有禮貌之後有番薄餅都提我（我話：吓…但我落左喇喎）佢地都肯親自幫我換番，咁我覺得都算係咁啦同堆你如果叫雞，真係好快就有得食唔想等好耐建議一概叫雞食物一開始等到真係嬲，加埋見好多人好似游手好閒但又冇人執枱唔安排人入坐嗰下真係嬲嬲地但啲野食估唔到幾好食佢啲咖喱全部隱約有啲蕃茄味butter chicken, masala chicken 兩個都唔錯塊薄餅質感似crepe 多啲如果仲有下次，我諗叫番飯算總計，野食估唔到係真係幾好食嘅同埋68 埋有4大件雞件加野飲真係抵但服務嚴重需要改善可能請番啲快手啲嘅伙計依家

觀塘搵開野食，呢間已經係第二次上黎食，唔係佢幾咁出色，我諗反而係佢既不過不失，價錢唔會貴，令人諗唔到食咩又想食啲重口味野既時候就會諗起佢，當然，如果你未食過，我會建議可以一試！ 位置係開源道隔一條街，一個工廠大廈搭上去，部Lift有啲慢，順帶一提，佢係冇洗手間提供架，要坐返Lift落地下再去商場去，話就話收九點，我八點到佢會同你講八點九要走人，估計係員工冇咩士氣，有得早收就早收，入面裝修係可以話零，燈光昏暗，講食物啦！菠菜烤雞咖喱印度野出名既重味依舊，跟餐可以自己揀奶油烤餅、蒜蓉烤餅或者白飯，我係揀左蒜蓉烤餅既，熱辣辣既蒜餅厚實煙韌，沾上咖喱既口感係非常之好，雞肉雖然小又細舊，但夠滑夠腍同夠入味，值讚香料咖喱軟殼蟹女友嗌左奶油烤餅，我個人就唔鍾意喇，冇奶油皌味，亦冇左蒜餅既厚實煙韌，似就咁一塊越南春卷皮，冇甚特別，我馬馬，不過個軟殼蟹就不得了，本身香料既重味道，加上成隻軟殼蟹食到有梳梳既肉，好味！！Lassi邪惡既乳酪，口感順滑，不過我同GＦ一人ｓｈａｒｅ一杯就OK了，因為飲得出糖份好高，係好味既都！

今次周圍捐窿捐罅，又俾我搵到好嘢。有冇人又係成日食西餐港式食到厭？呢間係觀塘工廠大廈入邊嘅印度餐廳都唔錯。餐廳裝修燈飾雅緻，燈光昏暗，適合情人喁喁細語…（不過係食印度餐🫢）🌈奶油咖喱軟殼蟹 HKD85𝑩𝒖𝒕𝒕𝒆𝒓 𝑺𝒐𝒇𝒕 𝑺𝒉𝒆𝒍𝒍 𝑪𝒓𝒂𝒃 𝑴𝒂𝒔𝒂𝒍𝒂職員介紹冇香料咁辣，啱啲唔係好食得辣嘅人。軟殼蟹即叫即做，十分酥脆香口。缺陷係個奶油咖喱冇香料咁惹味。🌈香料咖哩羊 HKD75𝑴𝒖𝒕𝒕𝒐𝒏 𝑪𝒖𝒓𝒓𝒚 𝑴𝒂𝒔𝒂𝒍𝒂個香料咖喱一嚟到就已經聞到嗰陣香辣味。正宗嘅香料咖喱配烤餅，每一啖都充滿餅嘅香氣和咖喱嘅味道。🍚自由配搭飯 (FREE) /🫔烤餅（naan) +HKD15🔻個人認為叫烤餅同同伴share食已經好夠，個籃起碼有6塊，份量非常足夠。2個女仔食可能一個main加烤餅已足夠。🔻如果唔加錢的話，佢就會自動幫你配飯。留意番呢間舖頭飯量驚人，真係兩個人食一個飯都飽晒🤣⚠️食唔晒唔好做大嘥鬼，記得叫佢小飯。🌈芒果乳酪 套餐+HKD13𝑴𝒂𝒏𝒈𝒐 𝑳𝒂𝒔𝒔𝒊芒果食到有果肉，酸甜適中，加埋乳酪口感非常順滑。

見好耐冇食印度野就黎食下✨菠菜燴羊肉咖哩 配奶油烤餅 $75 + $24冇乜菠菜味 啲羊肉味正常嘅 但有骨… 個奶油烤餅都冇乜特別🙈✨香料咖哩牛腩 $68 + 蒜蓉烤餅（6片）$24個咖喱味幾香 呢個比羊肉嗰個好食 但我覺得啲牛腩都比較老😵 好鞋口 個蒜蓉烤餅好鬆 蒜蓉味幾香 幾好食👍🏻✨Pani puri $42佢係啲炸波波同餡分開上 要自己DIY 但係啲薯仔又冇乜味 個汁又冇乜味🌚 同之前食過嘅唔同 冇咁好食嘅😔🍹Mango Lassi $28呢個質感比較稀 都有啲芒果香味嘅☕️印度香料奶茶 $28個味好特別 好似擺左葉咁嘅香料落去嘅味 偏甜總括嚟講味道普普通通🙈 食完都唔會有太大印象環境有啲迫 同隔籬枱有啲近只收現金味道❤️❤️❤️抵食❤️❤️❤️服務❤️❤️❤️環境❤️❤️❤️💰午餐人均～$120 （唔收+1）

每次入到觀塘午餐都會有選擇困難症，但聽朋友講呢間印度餐廳性價比好高，去試吓先😼✨香料咖哩牛舌 $68牛舌不得了，超級軟嫩，而且都好入味！呢款咖哩配合林林總總嘅香料，令到口感好豐富，帶嚟香辣同埋濃郁嘅風味星星推薦度：⭐️⭐️⭐️⭐️⭐️/5✨蒜香蝦香料飯 $68呢個好有新意，係以炸蝦既形式製作蒜香蝦同灑上香料形成，有少少似食緊炸雞既感覺，但同時保持到蝦肉肉嫩既質地🫢而今次嘅香料飯比香料咖喱嘅層次口感更加豐富，除左小星星聞到啲飯有少少鹹柑橘嘅味道，香料飯就冇咩特別星星推薦度：⭐️⭐️⭐️（⭐️加俾蒜蓉蝦）/5✨奶油咖哩雞 $68雖然睇落份量偏小 但入面有4舊大雞肉 雞肉幾滑好入味 而配合帶香辣既咖哩加上帶甜味既奶油 真係好適合配白飯食😋星星推薦度：⭐️⭐️⭐️⭐️⭐️/5✨奶油烤餅（6片） $24 （跟餐+$15）小星星覺得印度烤餅簡直係印度餐廳嘅靈魂，每次點咖喱一定會配烤餅，但係呢個烤餅真係失望，不單止賣相麻麻，仲好細塊好薄，好難咬開☹️星星推薦度：⭐️⭐️/5🍀記得間餐廳只收現金‼️同埋星期日唔開架