Gangnam OPPA (已結業)

提到韓國綜藝，韓粉們必定有睇過Running Man，旺角有間韓式餐廳以Running Man為主題，店員著住貼有韓文名牌嘅制服，令人好有衝動撕走名牌！鐵板泡菜五花肉: 五花肉厚度適中，豬肉肥瘦分佈均勻，夾埋泡菜食，減低油膩感又開胃！

今次第二次來..上次是上年..今年已經沒有 running man 的主題了! 餐廳環境很地道, 很有在韓國 feel, 餐廳是韓國人開的, I like ! 😍今次想講的是芝士豬排骨, 真係好正! 全程oppa 幫我煮! 芝士味道濃, 豬肉很嫩! 睇相就知正!!!

父親節，當然要吃好一點！芝士辣雞三色板（$248）入面有齊綜合韓國傳統煎餅、蛋卷、炒飯，一個板有齊幾種不同食物感覺也頗特別的。 芝士炸雞伴上椰菜，味道香甜惹味，雞肉嫩滑。原隻炸魷魚拼蜂蜜蒜香炸雞（$188）賣相吸睛，份量夠大，炸魷魚酥脆美味，炸雞吸收了蜂蜜蒜香醬汁份外入味，香脆且肉質嫩滑。

辣炒八瓜魚加韓式芝士炸雞$288極失望，大伏😖😖😖😖😖第一次食韓式芝士系列，有杰身芝士，有芝士蛋汁練奶栗米，雞肉又少又細件亦唔新鮮🙈普通到不能再普通韓式辣醬配八爪魚😟菜類，年糕，八爪魚同樣細小，亦唔係新鮮彈牙。旁邊既炸物還尚可接受。~奶油麵包炸雞$198同樣係令人中伏既食物😰😰KFC炸雞令我不解點解要俾兩百蚊，雞有頗大蘇味。奶油吃一口味道還可以，未食到一半已覺勁濟肚即使四人分享，而且奶蘇味實太重，令人難以食完🤒麵包份量太多而且質感偏硬，整道菜令人難以消化。~總結:有種貼錢買難受嘅感覺，完全難以理解咁高嘅定價仲可以生存，食過橋米線都仲好啲🙁~好味指數:❤️1/10性價比:0/10

好少食韓國野，但聽見有好多芝士就試下啦!一上到去間舖冇咩人，有d running man既佈置。我地一行4人，叫左個芝士鍋，奶油炸雞同芝士泡菜餅!先講芝士泡菜餅，有好多芝士係上面，但冇咩泡菜係裡面，只有泡菜既辣味，麵粉較多，認真麻麻! (很少食韓國菜，可能麵粉多係特色 )奶油炸雞味道很濃，充滿芝士奶油味， 雞炸得很脆，不錯!但麵包實在炸得太脆，咬唔落去...講個鍋啦，有雞件，八爪魚，類似既炸春卷，炸墨魚丸，粟米同蛋。所有野都幾好食，最驚喜係八爪魚，好新鮮!

今日剩係想食碟🔥燒肉+冰凍韓國🍇果汁-<鐵板泡菜五花腩>88上枱時仲🔥燒緊冒煙💨聞到都仲香噴噴，影完相好嗱嗱聲連泡菜一起來過大撈亂😈唔係繼續燒會好乾身五花腩肥瘦尚算均勻，咬落去都幾香口惹味，肉質結實，豬皮位煙韌帶點膠質😌非常有口感呢<🍇果汁🍑>$15其實想配酒😭可惜皮膚敏感中

今天除了去試韓仔菜～這些飯最大目的就是＂收炸彈＂！好朋友要结婚了～恭喜哂！最不宜遲，介紹Oppa吧！Gangnan oppa這裡爆曬場，好在先前有book位～剛好坐下等朋友來之際，悶悶地～竟然餐桌上有玩具玩！不錯喔！這裡的店員有些是韓國人呢～至於有冇靚仔Oppa，大家要親自黎過至知啦！芝士pizza薄脆餅底配上拉芝～芝士有淡淡奶味，批邊甘香不油膩～表演拉芝給你看～哈！薯條炸雞炸雞醃料味粉較淡，但脆漿做得很好，鬆脆可口，雞肉略嫌小鞋，薯條炸雞用的油尚算新鮮！份量好大！雞豚野菜芝士，微辣不辣各半大量芝士，形成清晰的楚河分界～當熱窩慢慢加熱，味美嘅芝士同雞豚會溶為一體，爽脆的泡菜，蘿蔔，大豆芽令菜式更有咬口～芝士的份量大滿足呢！俾完呢餐飯錢，又係時候儲＂人情＂了！

同朋友係OPENRICE找到的因為要止一止韓毒.一上到去可能係平日好寬敞OPPA 即上前開幾位每張枱都有小玩具,可能係MINI 釣魚 OR 刀插木桶彈公仔牆身有少少恐怖擺設3個人叫左3樣野試辣炒墨魚+炒辣雞鍋===嘩!一上枱,勁大盤,仲有炸紫菜卷,芝士粟米,魚蛋,年糕,                                 味道唔太辣,都係好mild既,但因為叫左奶油芝士麵包炸雞,                                 滯過頭,但味道係好食既.魚糕鍋==========好有gimmick,有魚糕,魚蛋,烏冬,冬姑,清湯味,你想像到的.奶油芝士麵包炸雞====好味道!!!!!!但好邪惡,如果再稀少少會減少太漏既情況.

今晚又做韓妹, 冇得飛去韓國, 唯有係香港搵下韓國野食啦~ 今次就去左旺角樓上既一間韓國餐廳, 侍應們大多都係韓國妹韓國仔…呢間餐廳以怪獸做主題, 店內有唔少怪獸面具做裝飾呢個係每張檯都有既板, 落Order就可以高舉呢塊板, 侍應就好快為你服務聽聞每晚都幾旺場 (我去果晚係平日,全場又真係坐爆哂), 如果太多人等位, 就有個半鐘限時食…. 咁多人黎幫襯, 香港果然係吹正韓國風啊!------------------------------ 【芝士炒辣雞三色板】HK$248第一次食呢個三色板, menu上有講解每種野食要分先後次序去食~ 係暖暖既火爐上, 可以慢慢食, keep住溫度. 首先食個卷蛋, 一層層既蛋好分明, 有蛋味而且滑…隔離再有天婦羅茄子片, 翠肉瓜片, 同薯仔片等等, 再有韓國Pizza, 口感同味道似港式既薄餐~ 食到呢度之後, 隔離既芝士應該溶得7788, 跟係侍應就走黎為我地將飯同芝士, 雞肉撈埋一齊, 芝士有點起絲, 連埋底下有少少辣辣地既韓式醬, 撈埋一齊食, 感覺漿住滿口芝士, 邪惡之選啊!!!【原隻炸魷魚拼蜂蜜蒜香炸雞】HK$188估唔到份量會咁大碟!!

星期日同朋友到旺角晚餐，自己和朋友都係Running Man擁躉，見網上唔少人推介，當晚又唔洗等位，就決定一試。叫左個芝士豬肉辣雞鍋，芝士揀左車打芝士，芝士類似朱古力火鍋咁熱住，溶左做到拉絲效果，唔錯！但個鍋令人失望，豬肉好多肥膏又硬，我地追加左個雜錦（唔記得叫咩名），有年糕、午餐肉、公仔麵，年糕同午餐肉得4件，一個人食都唔夠，何況我同朋友3人呢？最唔滿意係餐廳無左開業時候的特色：撕名牌，擺係枱面嘅小游戲好多都壞好失望另外，有服務員係韓國人，唔識中文，溝通有點困難，但這問題不大。P.S. 唔好意思，之前電話有啲問題無晒當日啲相:'(

朋友話彌敦道726號多野食（旺中對面)最初仲以為係地鋪原來成棟樓都有幾間都係食肆成棟樓新建，而且啲𨋢係好快我地黎左十一樓依間Gangnam Oppa整間餐廳用Running Man黎做主題黑色果三個字代表「平靚正」意思近𨋢口位有面具可以自拍牆身有Running Man成員簽名店員仲話李光洙，金鐘國下個月會黎宣傳每張檯都有依個玩具比食客玩侍應入面得一個識廣東話如果要叫侍應黎，記得舉依個牌辣炒八爪魚+辣炒雞 $288（芝士醬追加$35） （Emmental cheese, smoked cheese, cheddar cheese)份量都算幾多除左盤中間放住八爪魚同雞外旁邊仲有炸紫菜飯卷、芝士粟米、魚蛋上面鋪滿滿既芝士芝士溶係辣汁度中和左辣汁既辣味小妹都食到佢八爪魚真係好大隻店員叫我地食左八爪魚先因為煮耐左就會韌雞件同八爪魚份量都好多食到咁上下，店員會問你要唔要加個麵見個汁咁好味，所以都加左個店員會幫我地拌勻佢而野飲朋友叫啤酒，我就叫左西柚''僵''啤 $68點解會有依個''僵''字同薑係無關既店員話因為當時萬聖節所以改左依個名實際係似果汁再帶啲啤酒味既飲品（即係西柚啤酒）

去咗旺角彌敦道726號商廈入面嘅Gangnam OPPA，呢度又係一打開lift門就係間餐廳，佈局有啲似尖沙咀H8。成個環境都充滿手寫韓文標語，廁所牆上隻狗仔好打耳。聽講呢間嘅佈置係用Running Man做主題，仲有唔少惡搞化妝道具俾人晌場內借嚟影相。有睇過Running Man都知道每集有唔同任務，餐牌就印住「餐廳裡出現了一羣受到感染的生物…」，仲擺放咗啲假骷髏頭同假斷肢，都幾有趣。呢塊小木板係當想叫侍應嗰陣，舉起佢就得。木板背面，雖然唔識韓文，不過依圖畫意思，應該係指想要一杯啤酒吧？叫咗嘢食之後侍應就拎咗兩碟前菜嚟，分別係酸蘿蔔、泡菜同牛奶粟米。酸蘿蔔同泡菜都比較常見，泡菜辣度普通，亦無苦澀味，食唔到辣嘅都唔係問題。牛奶粟米就係第一次晌韓國餐廳食，味道偏甜感覺唔錯。每檯都有小型桌上遊戲俾人玩，正好晌等食物嗰陣消磨時間，對呢個插劍木桶遊戲並唔陌生。玩吓玩吓，時間過得特別快。奶油麵包炸雞，炸雞浸晌奶油浴之中，中間仲有吸汁度強勁、外脆內鬆軟嘅農夫包。奶油汁質感較稀，但仍可均勻地沾晌炸雞表面，都幾重牛油香。炸雞全都無骨，食落比較方便，旁邊嘅車厘茄就可以中和膩感。三色板，佢有幾款配搭，我哋

閒日八點，openrice見到啲人講到咁好食，嚟到個場只係半滿，冇人排隊！以為咁筍，食完先知伏味濃。職員係真係得三個，不過佢地反應都算快。落單聽左飲品就想走，問佢意見係答完等於冇答。嘢食種類唔多，全部都大鑊嘢咁濟，嘢飲堅少，罐裝果汁可以全部都冇貨，得可樂，btw全部$15罐，水$5，好過去搶。叫咗一份原味炸雞(原味雞有薯條薯角): 薯條薯角完全冇味，好似食泥，但成碟都有類似鹽嘅物體，雞冇骨但老實講係難食嘅，內外都唔熱，咬落唔juicy，塊皮唔脆好似咬樹皮...正！一份鐵板芝士炒雞(有飯有蔬菜餅嗰隻): 同相個樣差左啲，鐵板上得一張薄嘅錫紙，仲要冇包實係識郁嘅，一刮已經穿咗，個火燒到燶都冇人理(明明冇客，但你唔叫佢佢係眼尾都唔會望下你/張枱)，蔬菜餅ok嘅，啲雞咬落係一啲都唔滑有啲鞋，食兩舊已經唔想食。。。總括，水冇一杯，紙巾冇一張，服務零分，食物貴水準差，兩個人兩個course兩杯嘢飲加一$530...早知去k buffet! 閒日都咁樣，唔難想像俾正評嗰啲係咪餐廳請食飯換正評嘅打手！一個字，中伏！

約左好耐冇見嘅朋友食飯朋友話想去食下韓國野於是就上網搵到呢間吾好諗，一定要叫個芝士鍋啦！一黎到已經好興奮好勁多芝士呀！雖然之前食過另一間都好多但冇甘大份量冇甘震撼等芝士溶途中出左去拎佢嘅道具影相屎頭係我係我好好玩仲有好多其他道具終於溶喇！朋友即刻叫我番去食正呀！大啖大啖食啦！食飽飽仲叫左野飲，米漿🤔個人吾太中意但整體食物真係因為有芝士😂😂😂

完全中伏，只怪自己無清楚睇評語就推薦朋友，食飯全程好尷尬，做了千古罪人。未食過咁難食的薄餅，一pat野，唔係水牛芝士，係凝固的。那兜併盤，未熱晒職員就熄火，要$2xx, 我覺得$100都唔值。香辣同蜜糖炸雞，個醬都唔知咩味，有碟只得皮同骨。份量又少汽水要$15細細罐，食呢d濃味野一定口渴，水都無杯我絕對相信所有好評也是打手，而餐廳坐滿的乘客都是被昆的。而果你是一間良心餐廳，點解要花時間去揾打手去吸引幫襯一次的顧客，不如你諗下點樣去改善菜色仲實際啦。我已有5-6年無寫食評，忍唔住要出手