Garrett Popcorn (已結業)

經過見到有爆谷店，二話不說就去咗排隊！雖然係假期日子，但係都唔多人排隊，只有幾個人。其實佢嘅味道都有幾隻嘅，但係對於爆谷來講，我永遠都係覺得焦糖味係最配合嘅！其他味道完全冇諗過！係唯一有諗過加唔加果仁上去，即係焦糖味果仁，但係算啦，都係焦糖味都夠啦!紙袋包裝就最抵食，大包裝紙袋，都係$78 ，夠晒一班人食！如果罐裝就貴好多呢！不過罐裝就相對保存得來啲，同埋送禮俾人就更加得體。但係我同一班朋友食，而且應該好快會清完，紙包裝吧！真係好好味, 食唔停口呀!!!!

經過商場又見到，加上網上都好多人有介紹過今次經過APM商場見到有個朱古力味係期間限定終於忍唔住手要買返包嚟食下先！買咗一包最細嘅size $65其實都幾貴不過佢真係好好食呢個係朱古力同焦糖味，每粒都好濃郁嘅焦糖味朱古力味！真係會食唔停口，食一粒又在想再食😋😋

近期佢哋出了期間限定既黑朱古力可可🍫焦糖脆脆爆谷，佢哋係社交平台 出post, 我放工即刻走去買嚟試（因為記得佢上次出朱古力味🍫已經係一年前）我上次錯過咗，唔想又要等一年買了中size, 黑朱古力可可爆谷份量都多，招牌焦糖脆脆味道唔使講，好味脆卜卜，而黑古力可可味，黑朱古力外層包住入面嘅焦糖味爆谷，好甜，好好味，但好邪惡吖不能一次過吃太多，我係一日已經KO 咗半包期間限定口味，細 size: 66/包，中size: 105/包 食完要加緊做運動啦🤣🤣🤣

呢間爆谷🍿不嬲都冇得輸最鍾意佢嘅焦糖脆脆味😚雖然比較甜 但係好脆口 一開始食就停唔到口！！最後成包食晒😂😂一買上手嗰陣係熱辣辣 熱辣辣食嗰陣真係超級好食 不過唯一個缺點 啲焦糖會黐住晒啲爆谷 令到每舊都痴實晒🤣同埋價錢方面 佢有少少貴 $69 唔算大包 抵唔抵食就見仁見智啦 但係我絕對會食完再買😂🙈

Garrett 既🍿🍿唔需要我多介紹，佢招牌口味係Caramelcrisp焦糖脆脆🍿，見到佢地近排推出既限定口味，抹茶夏威夷果仁味Matcha Macadamia Caramelcrisp😍😍😍，之前試過焦糖味脆脆都覺得好食，加上抹茶，簡直不得了，抹茶味香濃，爆谷口感脆脆，最大驚喜係原來有夏威夷原粒果仁係入面，咬落口感硬身爽脆，加上抹茶味，食到停唔到口。抹茶夏威夷果仁味限定供應，但價錢偏貴，Medium 要$105/包，Large 要$150/包，買大SIZE 同時做優惠，加$20 蚊可多一包大SIZE，平均$85 包，非常抵食。

又想食甜又想食鹹既朋友記得試下哩個Chicago Mix🤤食得太多甜可以食芝士味中和下 一齊放落口食仲有另一番風味⸜( ◜࿁◝ )⸝︎︎ 芝士味好香濃 一粒一粒接住食到停唔到口啊🙈

買咗夏威夷果仁焦糖、芝士同杏仁焦糖味，喺外觀望落佢的確好重料，粒粒都包住糖漿，但係食落口好重味要係咁飲水。另外啲爆谷一啲都唔脆好黏牙，我係買紙袋裝，唔知係咪因為咁拎到返屋企就已經唔脆，口感好差。

今日突然想食依間嘅爆谷，但果時已經8點半，睇返先知佢收9點。當時仲喺將軍澳嘅我馬上起步去觀塘，其實應該趕得切嘅。之後試試打去Apm 分店，問staff有無得留一留，第一次打去男staff聽，二話不說就問我想要咩口味，結果想要嘅味佢地無；第二次再打去，女staff聽都係問我想要咩味，結果揀左焦糖味。結果，我8點5x分到。我一去到只係講左一句野，staff就同我講「留左比你啦」，好窩心嘅購物經驗真係要讚可惜嘅係果仁爆谷賣曬，下次再試

抗疫期間 都係唔好出咁多街 留係屋企最安全係屋企無聊口痕最好就係食零食爆谷係一個好既選擇咁岩之前係apm 既garrett popcorn買左包爆谷呢間garrett既爆谷出左名好食可惜佢分店太少 同其實價錢係小貴既不過好彩每次買 店員都塞到成包漲卜卜心理先平衡番啲😂今次買左佢既夏威夷果仁焦糖爆谷呢款爆谷外型比一般爆谷再飽滿啲 大粒啲而每粒都均勻咁包住焦糖加埋啲果仁口感更加香脆 甜甜脆脆咁令人忍唔住一粒接一粒咁食🤤眨下眼就差唔多食晒成包真係超邪惡😈

每次經過觀塘apm都好想試下Garrett Popcorn， 前幾日即興買一包來試試，夏威夷果仁焦糖脆脆爆谷(中）$95， 價錢唔算平， 一開爆谷袋見到除了爆谷之外還有合桃，杏仁和腰果等等， 好豐富的夏威夷果仁， 焦糖脆脆爆谷口感鬆脆但味道太甜， 算是好吃的，但又沒有我想像中這般好吃。一共有五種口味，芝加哥風味， 焦糖脆脆，芝士味， 杏仁焦糖脆脆， 夏威夷果仁焦糖脆脆， size有分細，中，大和特大， 也有桶裝可供選購，下次可以再試下另外四款口味。

以前食爆谷只可以喺戲院睇戲先有得買嚟食，宜家喺商場行行下街都有得食喇呢間爆谷喺apm開咗咁耐都無試過，今日就得起心肝去買包試下喇.揀咗細size嘅，味道就揀咗焦糖味，好欣賞佢食落粒粒都好脆好有焦糖味，唔會有戲院咁有啲勁無味，一分錢果然一分貨🙈好後悔揀咗細size，唔洗一陣就食哂，我今次買嘅係袋裝，佢分細中大同特大4個size，另外仲有罐裝，都分細同大罐，如果開party嘅買罐裝真係一流下次要試下其他味先得

第一次食呢間野嘅焦糖POPCORN其實係搭國泰飛機，D POPCORN粒粒都360度包裹住焦糖、粒粒都係卜卜脆，同戲院POPCORN完全唔同🤗🤗因為太好食啦，所以問空姐拎左幾次😜仲check埋係咩牌子，返到香港繼續食食食 除左焦糖味外，仲試過牛油味，但唔太食到牛油香（其實係成粒都冇乜味），而且完全唔脆，就好似戲院POPCORN之中，完全冇沾到糖漿個D POPCORN嘅口感所以黎呢度買，建議買焦糖味就OK 除左呢個牌子，仲試過Pop Pop Rangers、天仁茗茶同普通超市零食部嘅POPCORN，但都係唔夠呢個牌子咁脆🤪🤪

今天路過觀塘APM，忽然記得Garrett Popcorn現在好像有買一送一優惠，貪嘴的我二話不說拉著另一半去到顧客服務處兌換換領券！買一送一是可以混合口味的，不用整包同一個口味，碰巧現在有數款新味道，先試試看再挑。棉花糖味不是十分喜愛，牛油味又未見突出，加夏威夷果仁的又略貴，最後選了芝士味(Cheesecorn)和焦糖脆脆(Caramel Crisp)混合的各一包，和另一半一人一包。焦糖脆脆非常不錯，夠脆又夠味道，反而芝士味可能放了太久，不是很脆還有點軟軟的(離開時才見到店員refill..)，跟某牌子的芝士波味道差不多。買一送一優惠到11月15日，下次再試另外的味道。

爆谷唔再限於睇戲食，依家市面多左好多唔同既爆谷店，行開觀塘咪買罐試下🍿佢有幾隻味，今次買左芝士。包裝有紙袋同罐裝，均有大中細幾個size。爆谷粒粒都係，芝士味好濃，好似食緊細個個隻芝士波，諗住買罐裝風存好d，但番到屋企都已經淋淋地。整體味道偏濃，完全遮蓋左本身既牛油香，小妹都係比較鍾意原味多d😊

Garrett Popcorn #爆谷 #買一送一Garrett Popcorn 任何口味爆谷買一送一 *(細Petite Tin果個size)原味、牛油味、車打芝士、焦糖脆脆 $99杏仁焦糖脆脆、夏威夷果仁焦糖脆脆 $139獵狗就好專一嫁啦！只係會食夏威夷果仁焦糖脆脆 又脆又多焦糖!!仲要係......勁香呀......d夏威夷果仁又多 唔講啦....我要食喇haha媽咪呀！好正呀！好肥呀!！做到9月30尋日已經排隊啦！快d去買呀一齊做肥肥~!!!#期間限定 #優惠