Goobne Chicken (AIRSIDE)

營業中

休息中

之前係尖沙咀同銅鑼灣有食過，覺得幾好味所以再嚟食。點知Airside分店就麻麻地。叫左個三重芝士炸雞（無骨），除左炸雞皮係有芝士味之外，雞肉係無味😬飯卷一般般。炸醬麵年糕就冇下次😂至於服務方面就一般般，明明出面有位但都安排一張未清潔嘅枱。落單要scan QR code，但網頁版又無期間限定菜色，要人落單又無人😂問人攞水都要問左三次先有，(仲要行到出去counter 位先有人理)見到隔離枱等咗好耐又催咗好耐先有水有嘢食總括而言可以幫襯其他分店😂

朋友話有間韓國野幾好食，但要人多分享先食到，就約咗3月頭的weekday晚上去食。係啟德站隔離的airside商場高層，建議搭lift上去較快。蜜糖BBQ 芝加哥薄餅2024年食過最好味的pizza之一，滿滿的蜜糖充斥住每件pizza，內裡配搭住超濃郁的芝士，建議至少3個人去攻略，不然沒肚子食其他美食！果味醬油蒜香烤雞可以揀有骨定無骨，當然係無骨，大口大口咬最Juicy啦😋 留意返，鋪頭係做烤雞，不是炸雞，所以雞肉靚唔靚真係食得出，熱辣辣得黎又嫩滑，必點之選👍平日都9成Full，除左商場新，我諗味道、價錢和質素在合理水平，都係原因之一

goobne最出名就係啲烤雞有時唔想咁熱氣，但又想食韓式雞係幾好嘅選擇雞肉幾嫩值得一叫另外都叫咗蛋卷，不過都大份，咁樣對兩個人都幾多再加咗杯芒果沙冰，都係正常表現，唔想好突出。同埋新開嘅分店無咩人，傾計傾到幾暢快，唔會趕你走

Goobne Chicken 算係香港數一數二好食的韓式炸雞店, 每次都必點果味醬油蒜香味, 今次星期六晚上食飯時間7點到達, 唔洗等位, 但可惜今次主角炸雞足足等左40分鐘, 食晒沙律同蛋卷都仲未到😵‍💫呢點令人失望謂真我地叫的口味又唔係冷門野😑安排同人手上不足係比較嚴重的問題🤷‍♀️雖然店員有解釋是有單, 估唔到要等45分鐘, 期間keep 住見到遲我地入座的人都有雞食, 漏單咪認囉😂🤣 我地又無發爛2人其實真係叫唔到太多打野, 一個凱撒沙律(份量超少) 唔值$108, 炸雞$218, 蟹子芝士蛋卷$128 另收加一, 值唔值真係見人見智, 不過炸雞醃料係入味好吃👍門口埋單仲送左coupon 下次用, 滿$400減$80

今晚選擇咗Goobne Chicken 食飯，難得星期日早人一步唔使排隊有得入去🤭朋友有啲喉嚨痛，所以我哋冇食到炸雞，選擇食下其他主菜環境真係幾大同埋有個落地大玻璃炸醬炒年糕味道好夾，有少少麵同魚糕喺入邊，唔會話成碟都係年糕。同韓國炸醬麵個味道始終有啲唔同，我覺得係切合返香港人口味唔錯鐵板芝士辛奇炒飯睇Menu嗰陣，第一時間諗，咩辛奇？🤔第一時間諗翻好似早幾年正名咗唔用韓國泡菜呢個字眼，用翻辛奇形容kimchi呢個炒飯撈勻之後，少少酸中帶辣咁真係好開胃，加埋芝士一定要趁熱食😋😎

點了原味拼果醬味烤雞，外皮超脆！雞肉香嫩，啖啖肉！沒有被濃濃的醬汁遮蓋～說到醬汁實在是很重味的，但韓式嘛！就是這樣。另外叫了蛋卷也是必吃的，如果上面的茄醬可分開上或更能吃出蛋味。

同屋企人嚟Airside行街街，經過見到依間韓式烤雞，之前都聽過朋友講好好味，所以就同屋企人入去試下先，等左大約10分鐘就可以入座，店內環境好舒服，裝修以小清新為主，座位都好闊落，我地4大1小叫左芝加哥薄餅、果味醬油蒜香烤雞、韓式雞蛋卷、鐵板泡菜煎餅，食到超超超飽。上菜速度都算好快，而且店員好細心，見到有小朋友，會自動換上兒童餐具🫶🏻芝加哥薄餅：勁多多多芝士🧀芝士愛好者必叫，醬汁有少少少辣，好惹味，薄餅批邊勁脆口，而且有少少薯蓉底，令人一試愛上果味醬油蒜香烤雞：雞皮勁脆口，肉質鮮嫩多汁勁juice🥹味道少少酸酸甜甜又帶蒜香味，食落唔會油膩韓式雞蛋卷：蛋卷內餡好足料👍🏻勁多芝士，蛋整得剛剛好，香滑厚身。唔會煎到乾哂，好嫩滑💯鐵板泡菜煎餅：鐵板熱辣辣超正，泡菜好脆口，煎餅都好酥脆酸蘿白：超好味，唔會過酸，而且勁爽脆

是日平安夜 在樓面人手 嚴重不足的情況底下仍然做外賣單 仍然不斷比新客入場但根本唔夠樓面做嘢 搞到出餐勁耐一枝CASS 一罐忌廉溝鮮奶 都要用半個鐘 樓面態度仲要非常惡劣令人最火滾既係 有樓面寧願抹銀器都唔出餐 究竟有幾差的管理先會做到咁 唔建議嚟食但論環境、食物質素都係好

其實 Airside 真係好多野食，同一層有另一間韓燒同類似 food court 既餐廳餐廳位置在角落，出面有電梯，距離扶手梯有一定距離，旁邊有洗手間，唔知點解鋪頭入面地下好 “痴淋淋”，食完飯出黎發覺對鞋好痴食物方面，屬於中規中矩，上菜速度屬正常，年糕放左大約半個鐘都仲夠熱，挑味燒酒朋友話味道正常，唔似藥水味訂位6：30，早左15分鐘都可以入去，到8點都未坐滿，亦唔算多人，環境適合傾計，唔會催你走（可能因為係星期三）

Airside 新開冇耐嗰期想去朝聖一下，不過好多餐廳都未營業🥵。係呢間韓國餐廳比較大間，位置空間都大，都幾啱一班人過嚟食飯。平日中午時間嚟等位都要等20分鐘左右，張枱差唔多有，佢會打比你。見到入面其實都仲有好多吉枱，但唔知點解唔放人入去，可能佢執枱執唔切掛🤷🏻‍♀️不過到我哋入咗之後，明明隔離都係吉枱，出面仲係好多人等緊位🥶嘢食都係同平時啲餐單差唔多，我哋一行五個人揀咗兩個主食，雞塊拼盤，同埋一個Pizza。份量OK，味道中規中矩啦，啲無骨雞塊真係好多，唔係人多都真係食唔晒🤔 不過啲芝士拉絲好快就凍晒，黐埋晒一舊，質感上都好似偏硬。Pizza係比較好👌🏻個批邊都做得幾脆，如果上面啲芝士粒轉做菠蘿會更加好味。感覺上太多唔同嘅芝士有啲漏咗少少，但整體都味道唔錯👌🏻👌🏻如果過嚟唔多人，有位有得直入，我諗都會再過嚟食吓嘅。

今日同班朋友仔去咗新蒲崗附近玩射箭🏹🎯玩完兩個鐘，大家都見肚餓🤤就過咗嚟呢度👉🏻新開嘅商場搵嘢食。開頭上咗去六樓花園平台揾野食，但冇間啱食……落到5樓，大家一見到有呢個品牌嘅炸雞🍗即刻異口同聲話要食呢度👈🏻我哋叫咗😋沙律🥗,蛋捲🥚,🐠湯,🍕 pizza,烤雞雙拼(辣味同埋蜜糖味)，我哋都一致認為，呢度嘅烤雞真係最出色嘅👍👍👍其他野食都好食🤤但主角烤雞係最搶手，必點item 😍

偶爾想想為何香港飲食業一厥不振，你只要親臨位於Airside Goobne便可見一班。先說効率，一個韓式雞蛋卷足足等了40分鐘仍未送達，多次向職員反映卻一直石沉大海，敷衍已成習慣，最後獲悉"漏單"。再說食物質素，更是一敗塗地，多糖，多鹽，高脂肪，若多吃必定身患三高，似乎此餐廳的飲食理念是與世界為敵，不以健康飲食為主。最後談談價錢，一個薄餅，一客沙律，一條蛋卷，一杯飲料，埋單$600，連向職員取水兩杯最後亦未有送達。總言之，此乃香港飲食業的現況和悲哀。

We’ve ordered:- CHI PI CHI PI set $388CHI PI CHI PI, Fruity Soy Garlic Chicken (Boneless) + Honey BBQ Chicago Pizza- Seafood Fried Rice with Cheese $135- Mango Slush $58They highlighted their baked aspect and we tried their non-deep fried boneless chicken, which was very juicy and tender. The taste was just right. The rice was excellent! 💯 for its presentation as well as its taste! The pizza looked like a thick and large-sized quiche, with crunchy sides and a thin rim of mashed potato. The sau

星期六時間，下午6:00去到唔洗等位所以入咗去食。點咗一份雙拼炸雞同一咋西柚米酒。當時仲有一半空位，諗住應該會有侍應理我哋，點知叫佢俾兩杯水，叫咗三次，都食完走都冇。西柚咪走嚟到，都唔俾杯我，要叫兩次先有。炸雞嚟到同佢講冇手套，係掟落張枱度。然後炸雞只有醬油味，仲要有幾舊係生嘅，同侍應講係冇人理，之後埋單都冇人理。令我發現喺呢度員工有個特色，係不能理佢講啲乜，佢都係唔出聲回答你。要杯水要隻杯要手套，定係隻雞有問題，我都聽唔到有任何人回答我。就連埋單都係多謝都冇。想試試劣質服務劣食，真心首選。件生嘅雞，你咁食落去包你肚痛。呢間嘢真係令我長知識，我終於見識到乜嘢係真正嘅生炸雞。張$80現金券，我相信呢世都唔會用到 。

Airside's newly opened shopping mall offers a delightful Korean baked chicken experience. With a wide variety of choices available, we opted for the honey-flavored option. The chicken was incredibly tender and juicy, delivering a burst of flavors with each bite. The skin, perfectly crispy, added an enjoyable texture to the dish. The combination of the honey glaze and the succulent meat created a harmonious balance of sweet and savory. Whether you're a fan of Korean cuisine or simply looking for