Gram Cafe & Pancakes

營業中

休息中

回想起九年前（2015年）去左大阪心齋橋嘅🇯🇵「Gram cafe & pancakes」，當年只有三個時段限量供應，仲要起碼早一個鐘頭去排隊先有機會食到超人氣、紅爆嘅空氣感班戟，嗰次一試難忘之後。最近去咗大阪心齋橋都想舊地重遊，先知原來已停業，得返大阪城公園嘅大阪城城下町分店。不過由於行程太緊湊，都唧唔到時間去，一直耿耿於懷。點知今日喺尖沙咀按摩之後，見到The One 竟然開咗，梗係要即刻入去了咗件心事😆📌超人氣招牌疏乎厘班戟🥞即叫即整，店員捧住到上到枱都一直動L動L🤲🏻三層鬆軟嘅Pancake疊起，仲有少少糖霜作點綴，賣相一流質地綿密柔軟，口感輕盈蓬鬆，空氣感滿滿，入口即溶帶有淡淡嘅蛋香🥚，楓糖醬另外上，鍾意落幾多就幾多一啲都唔覺得甜膩，撈埋非常幼滑又creamy嘅手打忌廉令口感同味道更加豐富有層次，讓人幸福感滿滿🥰📌雜果朱古力班戟🍓🫐🍫🥞外型比較似熱香餅，質地好厚實，飽肚感十足上面鋪滿色彩繽紛嘅雜果，仲有朱古力醬同忌廉，就好似一幅藝術品，好打卡able酸酸甜甜嘅雜果mix埋一齊食更加開胃🤗

店名：Gram cafe & pancakes地點：尖沙咀彌敦道100號The ONE菜式：日式班戟餐牌：鹹班戟同甜班戟，班戟有梳乎里款式又有熱香餅款式。其他野如三文治，法式多士，雪糕，雪花冰，沙冰，梳打，咖啡，茶，果汁，汽水。另外都有午市套餐。蟹肉忌廉意粉 $78 另加一蟹肉忌廉意粉上枱時就聞到好香！幼身spaghetti撈有滿滿白汁，面頭放有蟹肉，中間有明太子同大量紫菜絲。意粉撈埋洋蔥，可加添口感。呢款意粉夠al dente ，而且夠汁又鹹香，好味道，熱辣辣好正！招牌梳乎厘班戟 $138 另加一招牌梳乎厘班戟每日3次限量發售，有出爐時間。招牌梳乎厘班戟一客三大件排得高一高，服務員小心翼翼上枱，每件都有返一定厚度，真係熱辣辣上枱。最上面加一pat熱溶牛油，伴有一大pat非常香滑同甜絲絲嘅忌廉，同埋一小兜楓糖漿，最後灑上糖霜。班戟外皮有少少金黃色，入面就白雪雪，米味濃。口感方面，班戟真係幾鬆軟，不過又唔會太一陣風食完唔飽，都幾有口感。配忌廉食真係正。今餐兩款食物都好正！餐廳位於大商場The One，地點方便，餐廳環境呈開放式，感覺開揚。

次次路經呢間鋪都好想食，今日終於去食！🥞招牌梳乎厘班戟 呢個梳乎厘班戟好大件，三層疊埋一齊，造型好靚！上面放咗一塊牛油，仲有一杯蜜糖同埋cream做伴碟，食嘅時候可以自己調整甜度。梳乎厘班戟非常軟熟，配埋cream一齊食，口感順滑~ 🍸鮮果梳乎厘芭菲 呢個芭菲用新鮮水果製作，有士多啤梨、藍莓、橙、奇異果等，食落感覺非常清新。芭菲杯裡面仲有三件迷你梳乎厘班戟同埋乳酪，最上面仲有一球雲呢拿雪糕，真係好豐富！

今天在The ONE行街購物，在4樓見到一家裝修明亮的Cafe, 主打pancake，黃綠色裝修風格，位置也算寬敞，感覺來到春天的大自然，坐低吃份甜品應該不錯！雜果朱古力班戟色彩繽紛，讓人一看就心情愉悅。班戟輕薄柔軟，鮮紅的草莓和翠綠的奇異果在班戟上面躍然於目，周邊淋了幾圈朱古力醬。草莓的甜美與奇異果的微酸為味蕾帶來一種清新的對比。如果覺得班戟味道比較淡，可以再加上一些輕盈的鮮奶油，吃起來口感就會更加豐富。

同朋友係The One行街，行到接近頂層，竟然發現左呢間日本過江龍疏乎厘餐廳，即刻試下～.午餐 - 蟹肉忌廉意粉 $78非常日式的意粉，忌廉醬非常香濃，配上紫菜、蟹肉散同蟹膏，攪勻食用～意粉非常掛汁，啖啖忌廉味，食到停唔到口～～～～.招牌疏乎厘 $138一場黎到，當然要試埋佢嘅招牌疏乎厘～呢到嘅招牌疏乎厘即叫即做，配埋自家製忌廉同埋蜜糖，甜品狂嘅朋友食到停唔到～值得一讚呢到疏乎厘嘅口感，鬆軟可口，入口即溶～

超人氣分店隆重登場！被譽為日本神級甜品，精緻之甜品。旦沙律巴馬火腿班戟咸吃之味道也特別，非常不錯，朋友也喜歡。火腿咸香，班戟不太咸，口感好棒，快樂之味道烤蘋果紅茶忌廉班戟香甜多汁的蘋果，口味簡單，滿滿清新。香濃旦香，兼顧視覺味蕾。精緻甜品，打卡非常棒。朋友生日之甜品分享，班㦸快樂感滿滿，口感綿密，隱藏驚喜，添舒適！即叫即做之甜品。精緻之班戟配新鮮果香。朋友很喜歡，美味呢。吃著甜品，人變快樂呢,也不用去日本

📍 Gram Cafe & Pancakes｛尖沙咀｝係商場經過店面附近會聞到濃郁的咖哩香🥘Lunch 就食佢啦🤭日式咖喱係最吸引😍✨ 豚肉咖哩蛋包飯口味屬於日式咖哩，濃郁偏甜。龍捲蛋🥚的口感不是滑嫩，比較扎實，慢慢咬會有蛋的香味，飯是最喜歡的粒粒分明口感，和甘甜的咖哩醬汁，滿滿的幸福感😍豚肉份量都好多，肥瘦均勻🐷🫶🏻🫶🏻🫶🏻🫶🏻🫶🏻🫶🏻🫶🏻🫶🏻🫶🏻🫶🏻🫶🏻

回憶某年某月喺日本初嚐梳乎厘班戟🥞，鬆軟口感加上動L動L極有動感😂，一試難忘，當時就係gram。事隔N年，估唔gram已經開嚟香港，今日同朋友去食～🍓Strawberry Cream Volcano Pancake🥞士多啤梨流漿班戟 $118三層鬆軟疏乎班戟🥞上面放上🈵🈵忌廉，揭起膠片就好似火山🌋爆發嘅熔岩，忌廉就好似流漿周圍都係😂。🍫Chocolate Rocky Road🥞石板街班戟$118班戟不是空氣感疏乎厘班戟，而是傳統美式的扁平班戟，口感就比較實淨，朱古力味超濃郁。是日消費$260每人$130

呢日尖沙咀食完飯諗起有間嚟自日本嘅過江龍餐廳，於是就過左嚟試下佢嘅甜品，可能時間已經比較晏所以餐廳唔算多人，所以都坐得幾舒服。其實一入門口已經被外面嘅pancake圖吸引到，於是就決定試士多啤梨流漿班戟，原來係要自己拎起外圍個膠，就會做成流漿嘅效果，打卡的確係唔錯嘅選擇。而佢pancake嘅口感比較紮實所以似食蛋糕多啲，個士多啤梨漿嘅味道唔太重，有少少似奶蓋嘅感覺，而中間嘅士多啤梨又唔會太酸，不過size比較細小，感覺性價比一般。

The One行街，行到呢層。見到呢度有我一直想食嘅焦糖脆脆疏乎厘😋忍唔住坐低咗，點咗呢兩款都係最經典嘅口味。焦糖脆脆😍賣相已經好吸引！焦糖碎灑在上層，形成誘人嘅視覺效果。食落口感層次豐富，脆脆嘅焦糖碎、鬆軟嘅蛋糕同埋香滑嘅忌廉互相配合，唔會覺得單調。忌廉嘅甜度適中，唔會太甜膩，整體嚟講係一款口感豐富，令人驚喜嘅甜品。招牌梳乎厘Pancake呢個招牌梳乎厘Pancake賣相精緻，三層鬆軟嘅Pancake疊起，上面仲有忌廉同少少糖霜點綴，賣相一流！Pancake本身口感輕盈蓬鬆，入口即溶，帶有淡淡嘅蛋香，唔會太甜膩，配埋忌廉一齊食，口感更加豐富。

男朋友話喺尖沙咀比佢發現到日本旅行嘅回憶，有間日本過江龍黎左香港，就係“Gram Cafe & Pancakes”⭐️招牌梳乎厘班戟3層嘅梳乎厘好軟滑，跟左楓糖醬、牛油、仲有cream，可以有唔同嘅配搭😋⭐️石板街班戟比menu張相吸引左，所以嗌，好少可實物比menu張相仲靚，裝飾得好靚、好用心，淨係賣相已經好吸引😍3層朱古力蛋糕，分別夾左cream同吉士醬伴碟有大量朱古力粉之外，仲有朱古力醬、藍苺、棉花糖，但係一堆感覺好甜嘅食物，加起黎又冇想像中咁甜喎

Gram cafe & pancakes尖沙咀彌敦道100號 The One 4樓 L408舖經開尖沙咀，老友 Lunch 帶我去食西餐，環境舒適，入去嘆下先。😄蟹肉忌廉意粉CRABMEAT CREAM SAUCE SPAGHETTI配料有蟹肉、紫菜、洋蔥、香草和明太子。忌廉醬汁好creamy，香氣四溢，意粉口感煙韌，吸收了醬汁的精華，好味道！😺全日早餐ALL DAY BREAKFAST配料有煙肉、煙三文魚、炒滑蛋、熱香餅、黃豆、大番茄、車厘茄和沙律菜。煙肉、煙三文魚和熱香餅口感煙韌，炒滑蛋即叫即炒，新鮮嫩滑，沙律菜夠juicy，加了沙律醬提升層次，效果不錯。😃Gram cafe & pancakes 環境舒適，食材新鮮，回頭率高。😚

喺尖沙咀食完飯，搵甜品。其實Gram Cafe & Pancakes好出名，又已經好多年，不過我都係未食過😅…呢間日本嚟嘅過江龍，最出名嘅係疏乎厘pancake。但佢啱啱嚟到嘅時候，疏乎厘pancake係限時供應，而家已經轉做全日供應。不過今次嚟就試吓佢其他pancake。焦糖脆脆 $118呢個全新登場嘅pancake，雖然表面上嘅重心係焦糖味 (主要來自lotus焦糖餅乾)，但實際上鹹味嘅芝士先係重點。因為佢同焦糖餅乾嘅味道會互相平衡，唔會令到個pancake好膩，亦唔會過甜，襯落cream同pancake度 ，味道相當唔錯。雜果朱古力班戟 $108同疏乎厘pancake唔同，佢嘅質感比較似熱香餅。上面鋪滿唔同嘅雜果，外加朱古力醬，基本上係最穩陣會輸嘅組合。如果想食落冇咁乾，就可以連同跟埋嘅忌廉一齊食，原理上就好似熱香餅點醬一樣。甜品店喺The One入邊，行完街攰攰哋，可以坐低食個甜品。呢度環境舒適，亦有人斟水。算係唔錯嘅落腳點。

喺尖沙咀食下午茶去到夜晚時間又唔係好肚餓, 行街咁啱見到有疏乎厘pancake好想食~😋雜果朱古力班戟擺盤好靚, 啲生果色彩繽紛咁好豐富~ 班戟質感好厚實, 沾上朱古力醬好滿足! 夾埋生果一齊食就冇咁漏~ 幾好味😆焦糖脆脆疏乎厘班戟係Lotus脆餅味! 呢款pancake係充滿空氣感~上枱既時候係有個膠圈套住, 我哋一拉起啲醬好似熔岩咁流落嚟~ 啲醬撈埋啲餅碎加埋個疏乎厘班戟好軟熟, 口感好有層次感~ 好好食👍兩款甜品嘅甜度都適中~ 而且份量都好多, 食完好滿足🥰

You may also get this limited edition three-layer set, which comes in three pieces and is really affordable! Frozen fruit puree is sandwiched between the first and second layers, followed by chocolate sauce and a poached egg on the bottom! It is rather unexpected that cream is my favorite type; eating it with pancakes is truly pleasant.I added a small amount of syrup; it is actually sweet enough. Avoid using too much syrup, as it might quickly wear you out! The little pancake with the smiley fac