Green Basil

營業中

休息中

今早入屯門探親，然後和娘娘來這裡撐枱腳。不趕時間，所以先點個飲料，聊聊天，才算。“椰青”，清甜；Mango Lassi，乳酪味和芒果味不給力，一般。“泰式海鮮沙律”，那些魷魚、蝦、和青口都是暖暖的，即剛煮熟，又但沒有充分冷卻即拿來做沙律，口感不是太好，蝦是挺新鮮可口，青口、魷魚也算新鮮，但沒什麼味道，而且整個菜只有辣味，一點都不像一個泰式沙律。在Openrice裡，它的主打是泰菜，但竟然它的印度菜卻異常出色 ...“Lamb Shashlik”，羊肉串賣相不錯，惹味，肉又嫩又juicy，香草味剛好，再配個Apple Cider解膩，正。“Panerr Tikka”，印度芝士串，這個東西第一次吃，但很有驚喜，芝士又香又煙韌，香料味濃郁，再加上那些青椒、紅椒、洋蔥，口口感一流，勁呀！

前排book左黃色海岸staycation ，周圍行下附近，除咗酒店既餐廳外，附近既黃金海岸廣場都有好多餐廳選擇，最後簡左呢間食泰國菜。一入去餐廳空間感好大，因為佢地個樓底好高，所以無壓迫感，另外，絕大部份侍應都係外籍人士，服務都非常好，裝修採取左好多鮮色顏色，牆上仲掛左好多大掛畫及擺放左啲泰式擺設。黃咖喱雞呢個咖喱十分惹味，仲特登叫左碗白飯及naan ，撈飯食應該可以食幾碗，不過啲雞肉質就唔太滑，size 都大大舊，份量足夠兩人食。Naan呢個較乾身，點咖喱會易入口啲。串燒（雞牛豬各2串）不得不讚串燒燒得好出色，食落有碳燒香味，肉質唔會乾身，有肉汁鮮嫩可口，配埋沙嗲醬，推薦。叫左兩杯飲品，正常發揮，無乜特別

除咗日本菜🍣我都好鍾意食泰國菜🌶呢間餐廳已經去過幾次👍🏻推薦蝦餅、蠔仔蛋🆗炒粉炒飯類ok🙅🏻‍♀️沙律🥗和芒果糯米飯就唔太啱我地口味🗺#屯門 #tuenmun*･゜ﾟ･*:.｡.☻.｡.:*･☆･*:.｡. ☻.｡.:*･゜ﾟ･*😋#kellydiscovery_food 🫶🏻#kd_food_tm🫶🏻#kd_food_屯門#屯門美食 #屯門打卡 #屯門餐廳#屯門泰國菜 #屯門泰國餐廳

今日同小朋友慶祝生日，所以去左黃金海岸酒店。去到見到間餐廳都幾靚，咁諗住入去食晚飯慶祝下。我地7點10分入座，7點15分點好晒野食。過左15分鐘，終於俾左一個酥餅我地，但係我地點左既咖哩就未唻。如是者又等待10分鐘，咁就同店員反映嘢食仲未到，店員就好求其咁同我地講已經同廚房講咗。咁好啦又等多10分鐘咁就同個經理講我地啲野仲未到喎，我經理要同我講啲嘢食2分鐘就到架啦。點知我地等到8點係足足，45分鐘一樣野都冇上過來俾我地。講到我火都黎埋，咁就同經理投訴，最後都係要等多10分鐘先有野食。點左小食拼盤，一切開隻雞翼裡面仲血淋淋嘅。我唔明白月一隻雞翼用左45分鐘仲係可以係生嘅。宜E間餐廳係不知所謂到一個點。諗住同小朋友慶祝生日點知食到一肚氣。

一入餐廳已經比高樓底，加上鮮艷顏色嘅裝修吸引住😍 侍應絕大部份都是外籍人士，好nice👍🏻 食物質素高，綠咖喱雞香濃雞塊又嫩滑，蝦餅彈牙，魚餅鮮味，羊架好嫩大碟又抵食，仲有炒肉碎好香，味道啱啱好👍🏻 值得一讚嘅係每一碟上枱都係熱辣辣。這次晚餐是幫朋友慶祝生日，蛋糕一出餐廳播住生日歌，侍應們一齊唱生日歌，氣氛熱鬧😃

屯門黃金海岸商場入便有多間食肆，當中的 Green Basil 比較特別裝修充滿泰國特色，牆身掛滿泰國風大掛畫及富有特色的泰式擺設，加上樓底極高，空間感十足，猶如置身於泰國華欣的小餐館餐廳提供多款泰國及印度食品，而且午市套餐性價比高，去開黃金海岸的大家，絕對值得一試食物方面:青咖哩牛腩飯 : 青咖哩汁微辣，配上軟滑牛腩及蔬菜配料，撈上白飯已經好好味印式酥油薄餅 : 酥油薄餅上枱熱辣辣，配上青咖哩汁一起吃，簡單又美味椰汁西米糕 : 上層椰汁味香濃，下層充滿西米及芋頭粒，非常美味的飯後甜品

夏日一家人去了黃金海灘玩了一整天，黃昏去附近尋找晚餐到黃金海岸商場多元化美食但我聽愛泰國菜便選了這一間白色典雅裝潢的泰國印度菜，我看門面餐牌除了泰國菜還有印度菜多元化而且飲料也非常特色吸引了我試試我點了印色烤餅還有泰式馬拉盞通菜，椰皇盅海鮮飯，通菜味道偏鹹惹味，但菜炒得偏硬身，叫左杯草莓牛奶既飲料，呢杯味道怪怪地😵最後買單$8xx 。服務方面可能客人多員工唔多，有點被忽略的感覺..所以評選為自已食一次還可以接受😸😹

經過這星期又打風又落大雨，Friday night當然想去一些舒服和空氣好的地方享受晚餐。另外因我是架車一族，如有泊車優惠就更理想啦！打開OpenRice apps, 最終選了黃金海岸商場這間泰國餐廳試吓。兩人叫了一個泰式拼盤和一份泰式炒金邊粉，份量非常足夠又唔貴，味道好正中，飲品選擇都很多，甜品超吸引。不過可惜已太飽了，唯有放棄甜品的環節。下次再來的時候，我一定要約多幾位朋友，到時再可order多些款式與大家分享

由於搬左黎呢邊所以間唔時都會叫下呢間外賣，難得佢送到黎係有熱既感覺，係熱呀唔係暖呀！講真好加分🤭🤭❤️今日叫左份butter chicken ,個sauce 好滑，牛油味好香仲帶丁丁既酸味，雞肉份量都幾多，雞肉亦都無雪味，唔係好林果隻，係彈牙架，真心要推下！！另外叫左個naan 都十分唔錯，夠熱 唔乾亦唔會油林林林，帶煙韌嘅口感同咖喱真係最完美既配塔🤭最後呢個燒西冷牛沙律，讚既係汁超好味，好啱鐘意食酸辣嘅朋友,但係實在太多生洋蔥同芹菜,沙律生菜十分少，但係西冷燒得好香，有炭燒味道,所以挽回不少分數❤️

一家三口黎黃金海岸staycation, 晚餐揀了這間餐廳食，環境闊落舒服，食物令我相當感到驚喜！我覺得好食過九龍城嘅泰國餐廳🤣👍我哋第二晚亦幫襯多一次呢間餐廳！第一晚我們叫了椰子雞湯、炒金邊粉、菠蘿炒飯、小食拼盤。咁我同老公最愛椰子雞湯同炒金邊粉，其次係菠蘿炒飯！佢哋都好惹咪。食物份量亦好大，最後食唔晒！因為太肚餓，上枱時冇影食物相，係試左覺得好好食先幫佢影返張相寫食評。😂員工態度亦好Nice！見我哋望餐單望左好耐，老闆會問我哋有咩幫到我地。第二次幫襯嘅時候佢哋員工記得我哋，同我地講welcome back！仲送咗盒零食俾小朋友❤️。如果下次再有機會嚟黃金海岸，我一定會再嚟幫襯㗎！😋😋

本身都對咁餐既Thai food 有啲驚伏但唸住打一卡 所以入黎點知 點左幾味餸 樣樣都有驚喜！！！利申 唔覺得九龍城既特別正宗/好味點左印度簿餅冬蔭湯 Pomelo saladGreen curry菜包肉Mango sticky rice 絕對冇點錯、高質！ 夠味！ 係好好味！ 黎到會再去食！

佢啲食物單價雖然唔係話好平，但勝在夠大碟，侍應都好有禮貌黃金海岸商場停車場入口，被遺忘的一間餐廳，次次去親黃金海岸，都係中間嗰條行，兩旁嘅餐廳，好少兜去前面，原來廁所轉角位直行，即係停車場入口仲有兩間餐廳，係冇兩邊出口嘅，之前聽朋友講話黃金海岸佢食開呢間，先知有間咁嘅嘢，我哋食過兩次，一次坐出面，一次坐入面，坐出面就有啲熱，夏天當然坐入面有冷氣舒服啲樣樣野都好食，唔差，勝在又坐得舒服，樓底又高，一啲都唔逼夾，疫情下考慮因素之一

新開黎試下， 點知中左伏。啲野貴到飛起，野食好普通。只係個裝修靚。雖然價錢都預左貴，但係呢個價俾咁嘅質素真係覺得俾人呃左咁。唔想做傻仔就唔好試！！First and my last try. Thought it would be nice by judging its decoration and price, it turned out that the foods are just so so. Totally overpriced. Not recommended!

Green Basil 開咗約半年左右，空間闊落樓底高，俾食客幾舒服嘅感覺；如果大家對泰國有思鄉嘅渴望，呢間餐廳都可以俾到你猶如置身於泰國嘅感覺，可以止一止渴。嗰日咁啱喺附近做完嘢，又好耐無去過黃金海岸，所以到此一遊，就搵咗呢間泰國餐廳醫吓肚。佢哋提供不同款式的主食，亦有提供set lunch，set lunch嘅價錢令我點驚喜，因為餐廳喺黃金海岸，價錢都係介乎於$5x至$8x之間。一上枱，見到賣相已經吸睛，份量都大份又足料，味道仲真係幾好🤤。由於第一次食，所以都叫咗2個set lunch及幾款不同款式嘅主食，呢餐真係大飽口福呀！大家可以參考一吓下面圖文並茂嘅介紹啦，睇吓有冇邊款啱你哋口味啦☺️