影片
港鐵大圍站 C 出口, 步行約5分鐘
繼續閱讀
電話號碼
66967687
營業時間
今日營業
11:00 - 22:30
星期一至日
11:00 - 22:30
*last order: 22:00
以上資料只供參考, 請與餐廳確認詳情
有關獎賞計劃
跟另一對夫婦嚟到「圍坊」睇早場，睇完啱啱好喺食午飯嘅時間，呢度搵食就非常多選擇，中西日東南亞乜都有，兜咗個大圈，最後相中「Greenhouse」，主打東南亞菜，貪其鋪面裝潢份外清新，就即管一試。踏入餐廳，地方幾大，感覺幾寬敞，加上座位編排唔算密，闊落嘅通道，令到空間感強；再者，天花、牆邊都加入唔少「綠化」元素，予人感覺幾舒服。周末就以周末午市套餐為主，基本上睇落好似兩組午餐，一組賣$128，另一組賣$148，但邊組都好，有部份菜式喺需要額外加錢。而套餐包是日餐湯或是日沙律，以及基本餐飲，當然可以加錢升級為其他特飲。是日餐湯今日嘅餐湯喺磨菇忌廉湯，睇外觀都幾唔錯，入口先喺口感幾順滑細緻，飲落菌香確喺濃郁，算喺有水準。是日沙律田園沙律以沙律菜、車厘茄及少少粟米組成，再淋上少少油醋，算唔上特別，但勝在沙律菜夠新鮮啫。大蝦牛油果沙律 $148雖然我哋各自點一款主食，不過，嚟到就一齊開心「些牙」。老婆就再揀多個沙律，皆因有牛油果，仲拌埋唔少芒果粒同士多啤梨粒，喺非常健康嘅菜式，而大蝦都算爽口，鮮甜味都還可以，調味都喺簡單嘅油醋，稍嫌單薄少少，欠缺亮點。黑松露焗豬扒飯 $148呢個焗豬跟預期好大落差，先喺做唔出焗嘅效果，感覺有啲似淋上茄汁，加咗啲芝士上面，靠醬汁嘅熱力逼溶啲芝士而已，無咗焗出嚟嘅焦香感。而豬扒用咗吉列方式整，外層做得比較油，豬扒個人覺得唔夠鬆化，而飯內嘅松露香頗為隱若。香草蜆肉意大利粉 $158呢個意大利粉喺要加錢嘅選項，睇到啲蜆非常大隻，蜆肉亦都肥美帶海水嘅鹹鮮味，然而，意大利粉煮得比較乾身，還好嘅喺口感唔錯，咬落有煙韌感，無煮過籠。鐵板T骨牛扒 $196本諗住個T骨牛扒要加錢，應該有番咁上下，不過，嚟到個賣相真喺極之普通，跟好多港式豉油西餐嘅鐵板比下去。至於質素方面，唔可以話差嘅，只不過無咩乜特別，肉眼嗰邊肉味只喺一般，西冷嗰邊亦未喺好夠油脂香。即磨咖啡反而杯即磨咖啡送到過嚟時已聞到陣陣咖啡香，睇睇表面層咖啡油已覺得好對版，入口唔單止芳香，嗰陣陣咖啡味都好醇厚，帶果仁香氣，喺靚豆嘅出品。綠茶脆皮梳乎厘 $78主菜嘅份量都有啲偏少，所以，大家都仲有大把位試多一份梳乎厘，唯可惜無加配優惠，只可散點。老婆就最鍾意綠茶，就揀呢一款，大大個梳乎厘，焗得金黃，面層好脆口，裡面好似綿花咁軟綿綿，陣陣蛋香，加上微甘嘅綠茶味，非常之夾。整體嚟講，環境就幾舒服，服務都算唔錯，好多基本服務都做到足，例如：添水、換碟之類，侍應都有禮貌。不過，食物方面，就不太似預期好似個焗豬同T骨，就比較大落差，同埋有唔少主菜都要額外加錢，性價比唔算高。
繼續閱讀
新開設於大圍圍方的「Greenhouse Asian Gourmet」提供東南亞菜色及西式餐點，門外與室內皆放置不少綠色植物及佈置，充份感受到大自然氣息，店內設多個座位，環境寬敞舒適且衛生-🔹泰式香葉肉碎沙律選用肥瘦適中的新鮮豬肉，份量充足，口感緊實；加入香菜、蔥花、乾蔥及辣椒等材料，集酸鹹辣於一身，味道平衡，辣得滋味過癮；配合爽甜幼嫩的生菜、鮮香芫荽、爽脆豆角及清新青瓜，健康而口感豐富-🔹海南雞喇沙濃稠的喇沙湯底帶濃鬱的咖喱及椰香，味道平衡；無骨海南雞肉嫩緊緻帶啖啖雞肉香，配合吸湯一流的豆卜、爽口芽菜及滑順帶蛋香的麵條，非常滿足-🔹泰式啖啖蟹肉奄列選用日本雞蛋，奄列頂上不少的蟹肉；蟹肉雪白幼嫩且鮮甜，奄列表面煎至金黃帶微微焦香感，濃香新鮮的雞蛋內滲出啖啖鮮蟹肉的味道，作為奄列愛好者的我感滿意-🔹抹茶巴斯克芝士蛋糕為藝人龔嘉欣旗下餅店之出品巴斯克蛋糕口感細緻順滑，淡雅微苦而微甜的抹茶香與芝士及奶香比例拿捏精準，每一口皆令人回味-🔹鳳梨雪梨桂花茶材料有冰糖、鳳梨乾、雪梨乾、金桔乾、黃菊花、百合、茉莉花、橙皮、淡竹葉及桂花；將熱茶倒進裝有鳳梨乾的杯內會將鳳梨乾融化，再加入蜜糖令味道層次多元，輕甜解膩且滋潤
繼續閱讀
跟朋友相聚，選擇了去年落成的圍方，找到這間門面頗闊落，環境啱心意的餐廳午餐餐廳佈置舒適，木枱木地板，餐廳四處和天花板有不少綠色植物，令人心情放鬆有不同款式的set lunch，如泰式，馬來西亞，西式，等等。套餐包是日餐湯/沙律，飲品選擇了香蒜辣椒蟹肉意大利粉賣相討好，意粉軟硬適中，加了香蒜辣椒調味，非常惹味，啖啖蟹肉不用拆殼，還配上沙律菜。朋友的鐵板 T骨牛扒牛排上枱後自己倒調味汁，香味四溢，份量非常之多，T骨扒厚實多汁，薯條即叫即炸，相當香脆。餐湯和飲品都相當不俗，是日餐湯為粟米湯，粟米蓉，忌廉加些香草，口感綿密，不能跟自己在家中，用罐頭粟米湯煲的相提並論飲品除了基本的咖啡奶茶外，還有不少特飲。選擇了招牌手打檸檬茶，總是覺得用了”招牌”這兩個字，一定不能錯過。用了青檸，茶裏面有不少檸檬蓉，的確清新好喝朋友的芒果搖搖茶沙冰，賣相非常吸引，飲品有不少芒果肉，酸酸甜甜，也透心涼環境舒適，地方闊落，服務也不錯
繼續閱讀
圍方座位舒適，環境清新嘅餐廳- Greenhouse Asian Gourmet🌿🪴平時食燒春雞就食得多，依間餐廳比較值得試下嘅係沙薑燒春雞🍗，個皮都整得幾脆，雞肉有用沙薑粉醃過，沙薑味道都幾出，而且嫩滑多汁，幾juicy😋 青咖喱飯就比平時食嘅辣，食到出哂汗🥵 另外個鳳梨雪梨桂花茶🫖☕️都整得幾fancy🤣🤣好似去食tea咁，個茶都幾養生🥰反而個手打招牌檸檬茶冇咩特別，檸檬都可以多少少😅 🌟1️⃣沙薑燒春雞 (半隻) 🍗𝙍𝙤𝙖𝙨𝙩𝙚𝙙 𝙎𝙥𝙧𝙞𝙣𝙜 𝘾𝙝𝙞𝙘𝙠𝙚𝙣 𝙬𝙞𝙩𝙝 𝘼𝙧𝙤𝙢𝙖𝙩𝙞𝙘 𝙂𝙞𝙣𝙜𝙚𝙧2️⃣青咖喱豬肉飯𝙂𝙧𝙚𝙚𝙣 𝘾𝙪𝙧𝙧𝙮 𝙍𝙞𝙘𝙚 𝙬𝙞𝙩𝙝 𝙋𝙤𝙧𝙠 🍛 🌟3️⃣炸薯條配黑松露醬𝙁𝙧𝙞𝙩𝙚𝙨 𝙬𝙞𝙩𝙝 𝘽𝙡𝙖𝙘𝙠 𝙏𝙧𝙪𝙛𝙛𝙡𝙚 𝙎𝙖𝙪𝙘𝙚4️⃣招牌手打檸檬茶 🍋𝙎𝙞𝙜𝙣𝙖𝙩𝙪𝙧𝙚 𝙇𝙚𝙢𝙤𝙣 𝙏𝙚𝙖5️⃣鳳梨雪梨桂花茶 🍍🍐🫖☕️𝙋𝙞𝙣𝙚𝙖𝙥𝙥𝙡𝙚, 𝘼𝙨𝙞𝙖𝙣 𝙋𝙚𝙖𝙧 & 𝙎𝙬𝙚𝙚𝙩 𝙊𝙨𝙢𝙖𝙣𝙩𝙝𝙪𝙨 𝙁𝙡𝙖𝙫𝙤𝙪𝙧𝙚𝙙 𝙏𝙚𝙖 🍍
繼續閱讀
第一次嚟呢間餐廳，侍應已經幫我留低咗個好印象，因為服務好殷勤，衛生同座位都尚算滿意。我同另一半都叫咗個 weekday 套餐，而佢哋嘅Week day套餐喺公眾假期都可以叫。每個套餐會包沙律或者是日餐湯，我哋食飯嗰日嘅是日餐湯就係粟米湯，味道都算唔錯。至於main course我哋分別叫咗蟹肉蒜香辣意粉同埋大蝦冬陰功海鮮河粉，色香味都俱全 (可以參考我附送的相片)。美中不足嘅地方係份量太細，一個成年男人食一個套餐基本上係唔會飽。兩個人最後食咗$300 ，都算幾抵。
繼續閱讀