Grill n More (已結業)

之前睇評語有點卻步，去到發現佢除左燒烤,仲加左火鍋放題，我地5個人，2個打邊爐，3個燒烤，刺身都ok，熱盤種類多，巨型燒賣好好味，火鍋種類選擇多，以2舊水任食價錢都幾好，最值得一讚服務好，待應好nice，好細心幫我地換燒網，令我忍唔住為佢寫第一篇open rice 食評！

真係好難食，真心講句唔好入來。食完半年我對韓式燒烤有陰影，肉質唔好，又唔入味，生蠔好大陣味。我地order咗好耐都冇人理，結果一催佢立即從廚房拿咗出來，我都服咗。

肉種類越來越少！！！！！但價錢越來越貴！！！ ！！仲要服務麻麻，換燒網黑口黑面...........味道也不是很好，d肉太少了，食物無又不補，壽司d飯超大但魚超薄..........如果不改善，就算減價都不會再次去食服務生態度要改善.…..............................

一排無嚟加咗好多價喎⋯⋯之前食一份燒烤午餐最平$59，今日再去要$78！人蔘雞湯，有淡淡蔘味都幾好飲。另外仲有羅宋湯可以揀。可以揀冷麵或炒飯，我地都係揀咗冷麵，似雪咗好耐，好凍...我揀咗熱柚子茶，柚子都幾多，好夠味我朋友就飲可樂，我都係第一次見呢款可樂份量都算幾多，$78還是可以接受

將軍澳街坊，向來都會與家人隔一兩個月去放肆一番，怎知差左好多，加左價(其實加價合理可以接受)，最惨就係D食物差左及種類少左，刺身冇左放题，燒冇左護心肉、豬腸...等(竟然有午餐肉燒，好差)，甜品冇左豆腐花、朱古力噴泉，最肉酸係D雪糕-竟然冇左Dreyer's雪糕，放在兩個3色家庭雪糕係度比客人畢，十分難睇！希望餐廳可以懸崖勒馬，唔好再差落去，如果唔變番原本質素，真係唔會再幫親！得閒會行去睇下，有變會幫親，再上黎openrice寫番個好評！

依家質素好差，眼見經理都轉左幾次，餐牌價錢又轉左，最重要無左刺身任食！ $200幾蚊出面韓燒都有刺身食啦，使乜係依間食？ 甜品顏色奇怪，而且夏天甜品放室溫唔凍，是問我未見過一間餐廳甜品係唔凍！ 蛋糕雪糕選擇真係得1 ,2 款 ， 炸物唔夠熱凍左好硬，豆腐花無左得返紅豆沙，仲要有陣燶味。生野方面 牛選擇得返一款，而且質素好一般。 較好既係 汽水有得任飲而且有選擇。熟食款式每次都係果幾樣 而且味道好一般。總結依間野真係幾差，唔會再食！

真係好唔抵食同屋企人諗住黎試下韓燒雖然選擇都唔算多但都夠食呀不過熟食真係好難食我地夾左炸雞翼,春卷,魷魚全部又凍又硬連我咁鍾意食雞翼我都放棄左隻雞翼硬到咬唔入真係唔知放左幾耐我地兩點三黎到揀食兩個鐘點知食到三點零已經有人走黎同我地講三點半會收野last order唔係呀嘛我係黎食兩個鐘你一個鐘已經同我last order甜品水果又冇咩選擇雪糕冇晒又唔加不過好彩服務態度都幾好有過黎幫我地換網但整體我覺得唔洗再黎啦野食唔算好食選擇又少熟食更加係擺唔落口

今日去grill & more， 原來已經冇刺身食， 如果你要order三文魚刺身 就要畀68蚊 8件， 未計加一服務費， 之前 唔使加錢 都有三款 刺身任食， 而家已經冇喇， 而且 啲嘢食比之前少咗好多， 而且甜品 都好少， dreyer's雪糕好似食淨咁， 感覺上好似未開 雪糕 檔咁 ，要追 分店員工 ， 等到我哋差唔多完時間， 佢先慢慢拎出嚟， 今次感覺 ， 食物款式料料可數 ，真係好差。

真係沒有最難食，只有更難食。昨晚，我跟女朋友工作完。身心疲累下，走進這間grill n more. 星期一晚上208一位燒肉放題，看格局價錢就知道絕對不會是很高級的那種，但以平價的燒肉放題他絕對不算便宜。打量不久，我們走進去因為太累不想再找了。一進去看到食物，牛只有一種-護心肉。就知道中伏了。看看雪櫃的飲品不要說可X可樂，連百X也沒有。就知道這個伏不簡單！好，夾好東西，先開動。熱盤炸雞翼，嘩！不得了，凍的，面且沒味。簡簡單單炸雞翼也可如此，真的不簡單。好！喝個 人參雞湯。全晚最‘正常’的就是這個湯，完全像美女廚房一樣，不求好吃，但求正常。開始吃燒烤了，牛護心肉明顯就是那些醃的肉，一看就知道絕對連7成熟也不敢，但一全熟絕對韌到咬不開。好燒完後絕對不負所望。好！再來燒雞翼。燒雞翼都係醃好的，就看他們醃得好不好。我人生曾經吃過一間燒烤場-白X，不得了！未吃過那麼難吃的醃雞翼。好了，這次真的天外有天，被白X更誇張。看他都不像自己醃，他自己醃得那麼難吃我會明白，不竟他們絕對不知道料理為何物，但看他們我覺得是買回來的，真想問他們究竟在那裡買。還有其他的魷魚鬚，牛舌，等等.....不想多說。要試的朋

真係好過份！我地5個大人 （每位$168 ）1個小朋友 （5歲都未夠 食得幾多姐 都要收大人價$168）一個手抱bb （最陰公係手抱bb都要收78） 我有相證明！會唔會過份左小小呀？ 買單同佢講一講 黑面 大大聲講野！好似怪我地咁！都唔緊要 入座前我地已經講到明要儲飛行里數 買單個陣又話唔可以儲 喂 唔儲咪唔儲囉！點解你地唔一早講？ 咁樣仲叫我地再黎食呀？

食評睇過真的不推介，但想親身體驗下😜不論生或熟食的選擇都不多，牛只得一種，其它都係雞豬魚腸墨魚，菜有幾種菇、粟米、菠蘿、生菜，但有小飛虫嬲黎嬲去，熟食炒菜炒菜再炒菜，咖哩牛腩、紅酒牛腩（完），小食：春卷，咖哩角，薯條，炸雞，壽司真係千祈唔好食，好多小飛飛，亞姐手一撥又飛起幾隻，只係就咁放壽司櫃面，甜品除左雪糕向冰櫃，其他全部室溫，真係無食物衛生可言，蜜瓜爛既，朱古噴泉壞，但有棉花糖機，呢間野真係咪講笑，可一不可再，未去既千祈唔好試，出觀塘亞太食好過，二百蚊但質素屎過個啲漢咩苑，仲有係泊車優惠，我以為，記住係我以為，佢呢間野寫地址係popcorn，我無諗過佢原來係唔歸popcorn管理，個商場職員話個幾間野係新鴻基架喎，而之後我打電話問返韓燒，佢就話佢易拉架寫左，佢話泊將中，我車場都入左啦，入到黎睇易拉架把鬼咩，難怪人地新都城個場咁旺，Grill no more係咪咁解

本來諗住輕輕鬆鬆同朋友去食餐飯，點知可以有間餐廳劣質到咁。先講食物質素食物種類算係我食過咁多間最小選擇，肉類冇咩特別，叫做食得落肚啦。但呢間好多就得個野食牌，但碟食物就失蹤左既。加上原來午市仲要冇雪糕食既。然後到服務質素呢樣簡直係不得了。一入到去整係問我地燒唔燒，咁諗住韓燒當然要燒啦，然後就有個侍應帶我地入去。帶完入去都乜都冇講就離開左。到食食下覺得冇野食就諗住一個鐘就諗住走，無謂浪費時間。到賣單個陣見個價錢咁貴咪問下個侍應（見menu寫60分鐘78，兩小時138）。之後個侍應竟然勁惡咁講左一堆冇人明既語言，大約應該係話燒既只有兩個鐘揀。之後佢問個經理乜：你冇同佢地講清楚架咩？總之個感覺係俾人隔硬局住俾兩個鐘既錢，原全唔明佢地點計。總結就係如果想感受下服務質素可以有幾惡劣既，呢間唔會令你失望。

同女朋友見價錢ok就打算試下，點知企喺門口幾分鐘完全無人理，啲侍應掂行掂過，叫都唔應終於搵到個女侍應問又解釋得唔清楚，算啦，都係自助式攞食物。想話要杯熱茶，問侍應又話無，連暖水都無，咁可唔可以話我聽隔離枱中式茶壺裝住啲咩？哦！原來係熱茶後尾叫加水又有個女侍應態度惡劣話自己出去斟，呢度唔包斟水，咁你都話聲我聽邊度有得斟好無?啲女員工又不時嗌交，有個男經理不停同某一枱客大聲吹水，另一個經理埋單又凶神惡煞，而家係咪欠左你呀？貼錢買難受。反而最後生嗰位哥哥仔最好服務。啲肉無味都算，啲冬菇酸嘅，估唔到今時今日都仲有餐廳提供呢啲咁高質素嘅服務，唔該你地快啲接埋讓返個舖位出嚟

朋友過黎將軍澳食飯，見到呢間幾抵食就帶佢地去食，一開始入座去到燒野食都冇咩事，職員態度都可以，去到3點既時候有個女職員同我地講3點半會收食物，叫我地睇時間，但之後有個男經理用一個勁惡劣既態度講：你地夠鐘啦！然後就行開左，但係遠處用一個唔有善既眼神係咁啤住哂！！當日只係閒日，當時都冇咩客人，我地都係坐多陣，需唔需要用啲咁既態度同客人講野？我知比錢食飯唔係大哂，但男經理態度可以好啲，趕客既時候可以加個唔好意思，咁樣客人會順耳啲。如果大家唔想比錢買難受，我唔建議黎呢間食，男經理態度唔好係其一，我個人覺得食物味道都唔係咁好，而且出去拎食物既時候見到好多蚊滋係食物上面。

朋友上openrice見到呢間好似唔錯咁，於是過黎食平日下午任燒$138免加一，另外有set lunch，我們最後選擇了任燒然後女侍應就帶位，無講話燒幾耐嗰啲，坐到埋去，只係話我地而家可以燒一直燒都無乜野，女侍應仲好好人咁教我地點睇食物熟未，我地亦都好好禮貌地回應到我地食咗甜品，朋友出去再攞野食嗰陣個男經理凶神惡煞咁話: 「你地夠鐘啦！」仲要佢一路行過，眼神都好唔友善咁啤住我地！哇真係啋過你我比十個嬲！原來經理咁樣對待客人？會唔會有禮貌少少好啲呢？基本尊重都無喎！員工點樣以你作則？？其實無講用餐時間係幾耐，成間舖都係得五枱客左右，洗唔洗咁樣趕人走？？以後不會再幫襯！！！！！