Griller (已搬遷) 新店位置

平時成日周圍去食串燒，可以令我一去再去既，大概只有紅磡寶其利街既千味燒可以令我停留，由佢開業到而家我應該去不下二十次，好抵食，好惹味，性價比好高壞處係住係土瓜灣既我次次落完order都要揸車去拎，係呢個咁凍既天氣真係街都唔想岀早喺幾個月前發現屋企附近開左間串燒店，仲好乾淨企理，感覺幾fancy，成日都想試但唔係食飽就係準備岀街食野。今日下午朋友突然提起話我屋企附近好似有間串燒店幾正咁，本身無乜胃口既我諗起食串燒即刻點都要食反個宵夜經過拎左張外賣紙，同老公傾完，上網睇完人地既食評，就打電話叫外賣，店員服務態度好好，就快拎得仲會打電話去提你，炸饅頭想要多煉奶都會笑笑口講無問題叫左一串雞軟骨，一份茄子，一串翠玉瓜，一串炸饅頭，一串鰻魚，一隻四川雞全翼，一隻岩燒雞全翼好奇怪既係雞軟骨唔似平時食開既雞軟骨，都幾大舊肉，茄子唔錯，翠玉瓜好多汁，但好苦炸饅頭好食，鰻魚唔錯，老公最期待既雞翼，竟然麻麻地，佢覺得超失望，我覺得普普通通食慣千味燒，覺得呢度要130幾蚊都算貴，性價比不高，但店員態度好好，可能係店舖即時食會更好味，但應該不會再試了

擺低架車係對面車房整 見到有生啤過串燒 於是坐低試 咁啱播緊波 都幾多人會係到飲啤酒睇波 野食比覺得可以 舖頭仔黎講 算係咁 出餐都快 老闆請我食咗串沙律丸過沙利蛋糕 感覺幾新鮮 會再幫襯 但如果多啲人黎可以試多啲野食 老闆話多啲人黎其實可以試佢個塊紐西蘭肉眼扒 過茄子 但一個人就唔建議 因為肯定食唔哂.

經過見到迎豐樓下新開左間串燒小店，即管試下。除了有傳統串燒食物外，仲有沙利蛋糕，生煎包同薯條。見呢d平時其他地方冇食過，就叫黎試下，點知全部都真係有驚喜，燒起上黎味道好夾老闆仲好細心，知我地凍就特意幫我地安排左暖爐，之後仲送左一串沙律丸，一串雞軟骨俾我地味道同性價比都唔錯，值得推介。我自己覺得最好味的係雞全翼，茄子，生煎包同沙律丸。牛扒其實都好好食不過就相對價錢高d，老闆話塊扒本身都來貨都貴。男朋友見到話有波睇又有酒飲話下次會再黎幫襯。

巧遇土瓜灣新開串燒舖,就走去試下。意想不到,無論味道、質素，都成為我最愛的平民串燒店。原條茄子,比想像中大份,而且用筷子一絲絲咁食,十分有趣。帶子大大粒,好正。炸薯條配啤酒,簡直一流。燒牛排都出色，我地叫咗5成熟！佢地都燒得好靚，而且幫我地都擺盤都好靚！口感好好，味道調教得恰當。價錢也很合理。亦有唔少既其他小食都好好食(雞泡魚乾是食左d先記得影相的結果)食物好食,老闆好客,會抽時間同客人傾談,了解食客既意見,聽聞黎緊仲會有新食物陸續增添,好期待呀…另外提一提,呢到會直播英超球賽,可以一大班人一齊睇波飲酒食串燒,簡直係一流服務。聽老闆講,平時舖頭收2點,如果有球賽/特別日子有可能會收晏d。

七點半晚上來，吃燒烤串，總共吃了十三串，埋單$231，幾為滿足。連同兩次加單，吃了不少東西。豬頸肉，牛肉，鰻魚，雞腎，雞軟骨，雞中翼，翠玉瓜，茄子，沙利蛋糕。肉串（如豬頸肉，牛肉串，雞腎，雞軟骨）份量少，落太重孜然粉，不太吸引。反而一定要叫的是雞翼，翠玉瓜，茄子，沙利蛋糕。雞翼香脆，只加少量孜然粉，不辣，而味道不錯。翠玉瓜份量算多，而且有淡淡清甜。對於蒜香迷，茄子一定要吃，很重蒜香味，而且不會烤得太燶。沙利蛋糕是兩小塊沙利蛋糕燒，雖然份量少，但外面有點點脆，內里很軟，不是很甜，整體感覺很好。另外，有兩人在準備食物，上菜速度不算很慢。環境雖然不是很大，但還是感覺不錯。

首先，最基本串燒鋪有得食嘅嘢佢哋都有，茄子、金針菇、雞腎等等嘅基本野一應俱全，除此之外，佢哋仲有醉豬手吖，手撕雞吖嗰啲嘢，想飲酒吹水談心，或者睇波，佢哋仲有大啤飲，好似有藍妹同埋唔知咩，仲可以叫個雞泡魚干嚟送下酒，同埋佢哋個牛扒真心正，唔好睇佢上碟切開咗好似好少咁，其實睇佢燒嗰陣成塊係勁大塊！！！而我本人黎講，最鍾意食嘅都係嗰度嘅沙律丸，真心燒得超級好食，去親都會叫幾串黎咬下，可惜間鋪係喺風口位，天氣凍去食就最好帶多件衫。

今次嚟食大閘蟹，老闆非常細心，為我地準備晒所有需要嘅配件同材料，交談中先至知道原來仲有好多其他嘢食，原來東菱嘅時間佢哋仲會準備買羊腩煲，而且雞煲亦都係平時嘅招牌菜，off menu原來仲有好多隱藏美食。講番正題，呢間鋪頭當然係食串燒，佢哋嘅串燒絕對係水準之作。炸饅頭，薯條，牛油金菇，雞軟骨，牛脷等絕對係必食，有辣有唔辣，有孜然有麻辣。價錢來講，絕對係合理嘅價錢，你絕對唔會覺得係好平好抵食，但係食完就覺得物超所值，一定要試！

今日同男朋友去試吓呢一間土瓜灣嘅新串燒比起一般嘅串燒鋪佢算係裝修比較精緻同埋新派個地方唔算話好大 個環境比較幽靜啲仲有大螢幕播足球 啱晒鍾意睇波嘅男友嘢飲方面 雖然選擇唔係話好多 但係居然有生啤 同朋友吹水嚟幫襯 的確幾好feel而嘢食方面就係重點啦平時去食串燒嘅話等到2046都未有得食但如果你睇住佢燒 玩法又唔同喎 因為佢係開放式嘅廚房 咁你就可以睇住佢燒成點同埋個衛生情況我推介大家一定要食佢嗰個燒鱈魚乾 沙律丸 燒鰻魚 同埋炸饅頭 莎莉蛋糕呢幾個嚟講 平時嘅串燒鋪一定唔會食到之餘佢嗰隻我直頭係覺得好好味🥺特別係炸饅頭 老闆好好人叫佢多練奶 一定會比 跟住有一樣野我係重點推介就係佢哋嗰個燒牛扒 你以為要100幾十蚊 原來只係$60囉😱份量都唔少 而且絕對唔係cheap cheap鬆肉粉牛扒抵食過出面嘅一口牛好多平時閑閑哋 食出面嗰啲串燒 都要$300 仲要係難食嗰隻但呢度買單都唔使$300😯已經捧住個肚走大家如果有時間真係要食下 本人非常少寫食評的 但都要推介呢間野俾大家👍🏻

試完之後，覺得呢間野有機會成為土瓜灣嘅新地標，首先呢間舖頭啲串燒已經非常好食抵食， 我自己就鍾意雞泡魚乾 炸薯條 醉豬手其次間野仲有埋波睇， 連睇幾場都唔會畀人趕， 環境乾淨企理坐得幾舒服 好chill, 有藍妹draft beer，我第一次飲藍妹draft 正過罐裝，更fresh雞泡魚乾: 燒得啱啱好,新鮮食嘅話熱熱地, 好脆好爽口炸薯條: 味道有小小似麥當勞嘅shake shake薯條但我鍾意佢夠粗身醉豬手： 花雕味啱啱好，不會太濃，非常適合送酒

新開張既串燒，野食唔錯，仲有波睇，職員一班後生仔有講有笑，聽講之後會有酒牌，一班人黎食野吹水飲酒非常好，今晚仲送左湯丸比我土瓜灣冇同類選擇，有咁類型新野值得支持

呢間串燒都幾得意，一路食本身有嘅菜式， 一路試佢哋新整嘅菜式，可能係因為新開嘅關係啦 個後生仔老闆介紹咗炸生煎包，牛扒同埋帶子，呢啲都好出色， 唔容易係其他地方搵到 ！另外，佢地最近將啲牛舌同埋雞腎都厚切，唯一美中不足既係出貨都要等10至15分鐘，老闆解釋話係即叫即做保持食物的質素，但真係好食，食咗好多，總要幾平老闆送左個炸饅頭，外脆內軟，係我冇係其他地方試過既，配埋煉奶，正環境舒適，比其他串燒店坐得舒服，同朋友宵夜吹水簡直一流，感覺上衛生好好多。

朋友介紹呢間串燒，即刻來試下因為土瓜灣冇同類型嘅鋪， 來來去去都係地茂型串燒，顯得呢間更加出眾， 唔錯嘅裝修仲有英超睇，都係收差不多嘅價錢我埋單都係食咗100蚊仲睇左場英超大戰，抵哂啦個人推介：沙律丸,炸饅頭, 四川雞全翼沙律丸 完全係驚喜之作，但小心熱，因為會爆漿炸饅頭 冇諗過會起串燒舖頭食到，但係食落係有驚喜嘅， 個廚細心地將饅頭切成四份，經油炸加練奶後啱啱好四川雞全翼 啱曬我呢啲鍾意食辣嘅人，個醬辣度剛好， 如果唔嫌唔夠辣，仲可以另加辣椒粉，正呀