Grove Café

營業中

休息中

Grove cafe (黃大仙南館)🍵🍔除夕日下午茶時段，想找一間coffee shop chill一下我選擇了Grove cafe，很方便於黃大仙中心南館一樓見有芝士蕃茄漢堡包，點了tea set配Matcha Latte買相很好，首先抹茶味濃我喜歡，漢堡肉質juicy 餐廳不多人，還送了一套精美利是封，讚👍過了一個休閑的下午，感恩🤠

焗鮮茄菠蘿焗豬扒飯整體味道一般，豬扒較薄，肉質過軟，感覺醃製較長時間的肉質，幸好配搭鮮茄，令焗飯較易入口。蒜蓉汁牛柳意粉蒜蓉汁帶有濃郁的蒜香和淡淡的奶油味，牛肉亦有醃製過度的情況，口感太軟。意粉口感彈牙，掛上蒜蓉汁也不錯。

周末嚟食Cafe，点咗两个set，最惊艳我嘅竟然系乳酪。乳酪系无糖嘅上面有一层芒果酱同麦皮，麦皮都好脆，捞埋一齐食劲好味。✨比目鱼烩饭鱼肉好鲜味，每一粒饭都包满住奶油汁好香。✨中東烤羊鞍配中東包羊肉都几香

千萬別以為黃大仙是舊區，窮人地帶，食市都沒什麼新鮮特別的，其實，這兒甚麼都有。我認為食市還特別多東南亞菜。這家西式餐廳，雖不是高級且是半自助，即自己買票入座的。但提供的食式味道尚算正式，價錢卻不及不外地區貴，非常不錯。這個烤蘆筍黑松露蘑菇意粉，我相信黑松露肯定不是最貴的，但味道口感卻跟貴價的黑松露差不了太多。意大利粉的彈性和味道也很合意。西餐廳最重要的咖啡，雖然提供的奶是奶精，但咖啡味道卻足夠濃郁。

「熱咖啡呀，味覺很劉華，我真是好奇炸魚柳呀，一直人氣高企」今日要上慈雲山，上山前先食早餐～我同山友仔叫左兩份早餐，第一個係英式早餐。呢個早餐真係好豐富，有厚多士、煙肉、豬肉腸、煎蛋同烤櫻桃番茄。厚多士香脆外脆內軟，煙肉煙香味好濃郁，豬肉腸彈牙又多汁。煎蛋煮得剛剛好，金黃色嘅蛋黃流出嚟好吸引。烤櫻桃番茄加咗烤過味更濃郁，口感酸甜又多汁。整體嚟講，英式早餐係一份豐盛又美味嘅選擇～正 第二份就係炸魚柳早餐。呢個早餐都好吸引，有嘅配料同上面一樣，炸魚柳外脆內嫩，魚肉鮮美好滋味。炒蛋煮得軟熟滑嫩，整體嚟講，炸魚柳早餐好開胃又美味，上山前岩曬~

廚房俾左個飯我 但我係order 意粉 無奈 即刻有麥當勞的感覺 但這款鋪頭又少有需要拆袋開盒check咁肉酸既廚房員工可能精神恍惚吧 將心比己 我都知廚房做野係熱辛苦 不過你去消費 商店俾錯料你 你會包容？我就覺得對阿媽好sorry因為佢鐘意意粉 我才會選這間買 😄😂 跟住佢叫我call 間鋪 又一直無人聽 我相信晚市根本都唔會太忙因為都幫襯開 係住附近 客流都唔會多到聽電話都唔得吧 😮‍💨

餐廳主打較廉價的西式食品。點餐需到收銀處，店員會送餐到餐桌上。🐂 紅酒汁焗牛脷飯 $58 （包餐飲）有配飯/意粉，紅酒汁比較像淡蕃茄汁，味道開胃，焗芝士有輕微拉絲，咸牛舌份量充足，有杏鮑菇作配菜，整體味道佳，屬高CP值之選👍🏻👍🏻🦆 黑醋野菌汁鴨胸炒意粉 $68 （包餐飲）黑醋汁略嫌不夠濃味，建議先翻出底部醬汁拌勻，鴨胸份量充足，味道正常，內有秀珍菇，整體味道屬一般🥤 飲品餐飲轉凍+$3，檸茶味道正常🗒️ 總結屬高cp值平民路線晚餐，推薦紅酒汁焗牛脷飯

相約朋友在黃大仙區食，先在黃大仙站C2出口等，出左地鐵上一層扶手電梯即見Grove Cafe！ 睇到餐牌有唔少素食選擇! 叫左碟日式豆腐雜菜沙律，賣相不錯，沙律菜夠新鮮，驚喜在炸豆腐好軟滑，配埋芝麻醬好啱口味！一份咖喱牛肋條焗飯，咖喱香噴噴，份量亦屬正常。問過店長可以將全日早餐轉素食，值得要特別一讚佢哋，走肉之餘會比多啲蔬菜，賣相值得影一影推薦可轉素食。個餐有薯角同兩片多士，飽肚亦烘的夠脆，正😄兩杯乳酪喜出望外，多料唔太甜外，百香果味食完想再來一杯！有水準再到呢區都會再食。

本人是一位揀飲擇食的素食者，很多餐廳的員工都嫌我哋好煩，機緣巧合之下，在黃大仙南館試食Grove Cafe 店，試食1份all day breakfast 由於這份早餐有腸仔同埋煙肉在內，我希望店員能幫忙把肉去掉，店員很有禮貌地為我安排，份餐送來時店員沒有不悅，沒有嫌麻煩，早餐來到意外的好好食，食材新鮮，我叫了份牛油菓沙律，菜和牛油果都好正，而且性價比很高，環境好，交通方便，值得再次再次幫襯的餐廳👍👍👍

中午Grove Cafe 選擇都幾好今日點左日式牛板鍵拼什菜沙律跟餐+$5改做鮮奶咖啡再+7𨍭做榛子味上枱時有驚喜 係心心拉花 味道剛好不太甜 牛板鍵有牛味 －D都唔un 碗內有半只流心蛋加泡菜朋友點了雞扒炸蝦拼意粉（另可選飯或薯菜）朋友話雞扒好味 意粉有點甘筍味 不是蕃茄口味 下次可能配飯😄穩陣D

新正頭初八來拜拜出名的黃大仙，來到這裏到處都人生人海，比我預計的時間用多好多，見下午茶好快過，即刻用open rice app睇一睇，見Grove cafe仍有下午茶仲有九折加上夠鐘開飯平$5總數37.3蒜茸牛仔柳切開D肉內裏少少粉紅，剛剛熟好好味，咬肉質又腍又嫩，個蒜茸汁太少下次食叫比好D汁，另外內配有翠肉瓜紅蘿蔔蔬菜，有菜食健康D，雖然今次沒時間在店內品嚐，在外賣D質數都好好，下次再來黃大仙時要留多D時間去試試。

去完黃大仙拜神，未食過呢間唔知係乜，懶得周圍搵見佢平平地就試下啦。叫左個馬來咖哩雞扒，已經問左佢會唔會係下午茶好細份，佢話係正常份量，即管一試。點知黎到塊雞扒仲細過人地早餐伴碟嘅雞扒，痴線咁都好意思收人$48？佢幾乎係一個正常茶記雞扒嘅4分1尺寸，細到離譜，咁計法要食一個正常茶記份量雞扒飯咪$100？我寧願去對面果間食返個正常茶記飯都係$68 $78 無咁嬲！雖然聽落好似$48下午茶特價唔應該太大要求，但$48其實係大家樂食到一哥焗豬，大份過佢又飽過佢，佢嘅味道真係衰過大家樂。一世不會再幫襯。

黎黃大仙入dinner，經過呢間，覺得都好耐未食，見到有好多吉位，就入去幫襯下。叫左2個主食，原來主食唔計餐，要加比餐多既錢先有餐飲，各位黎食要留意一下。加左雞翼同忌廉粟米湯，粟米湯幾濃，唔稀，粟米碎幾多，個人覺得幾好味燒雞翼，係熟既，亦有啲味道而且原本係22蚊2隻，佢地比左3隻我，覺得算合格（因為多左隻🤣🤣🤣）烤豬肋骨幾大件，乾身，入味，但係切既比較難切，如果換把刀會好啲，可惜冇🥲🥲，但係比想像中好，中上。配菜烤得唔錯，只係佢地冇跟bbq醬，問佢地要，都只係得燒汁，個人建議跟個醬會好啲。推薦一下軟殼蟹黑松露忌廉意粉，意粉味道幾好，而且唔算硬，忌廉磨菇幾入味，軟殼蟹炸得夠熱夠脆，粉唔算厚 ，味道都ok。不過落order時有啲亂，幫我地落錯野，呢樣我覺得有啲煩。最主要都係食環境，貪人小而且裝修幾有簡單美。如果係食tea既話會好好多

今日去黃大仙Cafe 食扒，見到呢間環境寬敝，也有卡位，决定同友人一試黑椒厚切肉眼扒飯意粉🥩🍝／薯菜餐 $95肉眼扒肉質鲜嫩而且軟腍，叫左五成熟，意粉軟硬適中，薯條香脆可口，翠瓜爽口，車厘茄鲜甜🍅, 而餐湯揀了蕃茄湯，濃郁番茄鮮味

今日約咗朋友去行衛奕信徑，最主要係睇呢個吊鐘花, 因為唔熟路,唔知行幾耐,所以我哋叫咗個好滿足嘅早餐。我們order咗個港式早餐、芝士火腿奄列餐和沙嗲牛麵配餐肉和蛋。港式早餐，好似啲美色和英式早餐咁，有多士、太陽蛋、茄汁焗豆、薯仔、雞扒都幾juicy、火腿和蕃茄仔。味道都ok嘅，冇諗過食咗呢個早餐，連晏晝都唔使食，實在太飽滿啦。個芝士奄列餐亦都唔弱，朋友食完同我一樣，真係晏晝都唔使食，十分飽滿。有多士、煙肉、茄汁焗豆、薯仔、蕃茄仔和火腿奄列。味道好味嘅。沙爹牛肉麵，沙嗲味好濃，牛肉唔韌都幾juicy，麵係出前一丁，所以係好味。其餘餐肉和蛋多士都係同一般茶餐廳一樣，冇特別。餐廳都算企理，同埋乾淨，味道ok嘅。如果要keep fit嘅，就唔好嗌啲咁類似英式、美式嘅早餐呀，因為真係好飽呀。