Grove Sandwiches (柯布連道) (已結業)

看Robin Gibb的演唱會前, 預先吃一點小食充飢。在delifrance, oliver's與grove之間, 挑選了價錢至抵, 菜至多的grove。晚上七時多, 雪櫃上預先整好的三文治和沙律都半價, 新鮮整一個都只係廿一元, panini可選擇1/2portion, 幾彈性。我order了一個green salad, 選擇了黑醋汁, 搵定位等食; 男朋友選了半價的smoked chicken sandwich, 大大份只不過7元, 真係好抵, 之後再加多個煙三文魚雜果沙律, 半價後只不過11元。聽講三文治同三文魚沙律味道都過得去, portion大又賣得平係最大賣點。我個沙律等左都幾耐下。後面負責整沙律的小姐, 只負責整我一個沙律都用左十幾分鐘, 手腳慢左d喎。沙律好大盒, 生菜好多, 黑醋酸咪咪, 幾好食。全店得十四個位, 坐左八個人, 唔少人係因為半價食物而來。有婆婆買定早餐俾孫仔, 有下班後的OL匆匆食件三文治, 之後有咩節目不得而知。我食飽後, 去同Robin Gibb見面, 跟平均年齡達50歲的觀眾, 一邊跳舞, 一邊"Ah, Ah, Ah, Ah, Stayin'

十二元一件三明治，其他地方應該可以買到兩件了。好奇心驅使，總要來試試其虛實方安心。要一件蝦沙律三明治，店的裝潢很清新，但在家千日好，當然回家吃。麥包軟軟唔太腍幾易入口，沙律醬偏少，但味道幾好，早上的關係，生菜還很新鮮，不過蝦肉不知去了那裡，換來的是很多散開小條的蟹柳。除了名不符實之外，整體還不錯，雖是不錯，但附近賣三明治的小店多如恆河沙數，不計Delifrance、Oliver's，還有紅磨坊，Gourmet、Subway等，要從中突圍恐怕不是易事。

這店的三文治其實不錯. 趕時間便買件已做好的. 不喜歡款式的話也可以叫他們即時做件稱心的.味道方面是不錯. 清清的一份三文治. 麵包是一般超市能買到的麥包, 沒什麼特別. 料也不"孤寒". 不過我嫌它沙律醬放得太多, 所以我多數要些較清的如芝士蔬菜三文治, 或叫他們即做一份.口味其實也不少. 應不難找到一份合適自己口味的. 唯價錢還是偏高. 當然不及Pret, 但廿元買件只能吃得半飽的方包三文治硬是覺得不值. 不過黃昏時, 一盒盒預先已弄好的三文治則半價發售. 買份來當是小食不錯. 圖中所示是預先弄好的芝士蔬菜三文治, 十元交昜.

吃膩茶記和果汁店的廉價三明治早餐。入到這兒，三明治比坊間貴四、五蚊！試過這兒的餡料，如：芝腿生菜、腿蛋生菜、碎蛋。$14 份。味道一般，賣相相當漂亮企理。那片生菜令口感爽脆，應記一功！收銀員效率仍然偏低，收錢都攪好耐。

同朋友約在灣仔食lunch眼見該店口碑載道,姑且來探探虛實以一間小店來講,menu的款式還算多樣化,服務生亦都好有耐性地為客人講解和推介,抵讚友人點了一盒吞拿魚沙律,還特別要求只要半份碎蛋三文治,而店員亦不厭其煩的為她做,誠意可加自己就要了一客煙三文魚沙律和一杯凍檸檬水小甜,小甜也是不恭不違的做到了兩大片煙三文魚,厚度嘗算適中,沙律則屬普通之作,勝在用的不是罐頭雜果,沙律醬分量亦見適中,食光以後也不會感到嫌膩30大元能有如此的食物水準和服務,絕對是值回票價雖然舖面只有幾台桌子,但客人來到大多是買takeout所以如果大家自問自己對環境的要求不算講究,2,3個朋友坐在這裡聊聊天,過一個優閒的下午,還是ok的

晚餐同朋友黎呢度食，我叫左蘑菇碎蛋沙律飛碟、鮮果沙律、凍蘆薈柚子茶。蘑菇碎蛋沙律飛碟OK，不過不失。鮮果沙律有西瓜、火龍果。以生果沙律以言，生果款式不太多，但份量足夠。由於鮮果沙律賣晒，我問店員仲有無得買，店員二話不說即製俾我，所以d生果好新鮮。凍蘆薈柚子茶是沒有蘆薈的，但以凍柚子茶來說是OK，不太甜。晚上$25，有飛碟、沙律、凍飲，並不是很貴，至少比鄰近的「超級三文治」和「爹哩番」便宜。

三文治o既賣相絕對同PR*T 十分相似,但餡料當然冇咁好啦. 我叫o左一個蜜糖芥末燒牛肉麥包三文治. $20一大份,唔錯gar啦! 服務良好. 如果唔係要食PR*T 既小龍蝦,我寧願食呢到law!

諗番起o黎都幾折墮：明明成日待o係中上環唔食，落到灣仔竟然食佢（可能因為我原本衝著「麵包樹」而來...可惜執o左）。呢份叫做「煙火雞金巴利子三文治（單件）早餐」，個樣同個味...（唔好理個盒）...真係同PR*T 有幾分相似。 （按：呢度仲有龍蝦沙律三文治/ 牛油果沙律三文治/ BLT 等差唔多10 款三文治（仲有regular 同單件揀...仲有其他cereal、waffles、salad 早餐...請記住，呢度比任何一間便利店都要細） 不過，人地呢個餐賣$30，呢度一樣貨色賣$15；反正都係外帶，你會揀邊個？

大雨早上，放棄街邊擺賣的「正x」，改到這兒，貪其唔使淋濕身子。比往常早到灣仔，遂點了要花時間進食的corn flake 早餐（$19）。此早餐，包：鮮雜果粒（西瓜、蜜瓜、哈蜜瓜、鳳梨）、無糖粟米脆片（約四湯匙份量）、麥吐司（塗果醬or 牛油）、鮮果脫脂奶（哈蜜瓜or ??? or ???）。鮮雜果粒算新鮮。粟米片份量算少（男生而言）。麥吐司（烤得香脆、麥包texture 很好）。鮮果脫脂奶（好苦！哈蜜瓜出事）為了那苦的哈蜜瓜牛奶，真係好想打個電話落去Grove，話比佢地知。然而，週四早上，接二連三出現ad hoc 野，結果忙到點半…。便作罷。下次都後叫香蕉鮮奶，穩陣D 。=============================================另：這兒的員工手腳仍然係咁慢！才$19 一份的早餐，你班友仔慢慢「mor」足七分鐘。就效率掛帥的早餐店而言，Grove 的即制早餐，輸足三條街。

同事講我都唔信！今日經過買杯Latte---超級難飲.無咖啡味似煲奶水多過咖啡。全灣仔最差。平都冇下次。

行過Grove Sandwiches, 以為只是一間形象鮮明，感覺清新的三文治專門店。估唔到佢$12 cafe latte 都咁專業。咖啡豆拼配得不錯，味道比單一啡豆好。鮮奶同啡份量都恰到好處。日我買件蜜桃蝦三文治同latte 做早餐，感覺好豐富，好滿足。

今日去會展，係灣仔食，見有間cafe大大隻字寫住cafe latte $12 杯，見咁抵咪買杯試，嘩！似奶水多D 喎，一D 啡味都冇，希望佢唔好將貨就價、改善改善。至於環境就幾OK，不過員工態度悠閒些少啦。

今日因為工作需要而到灣仔，到左午餐時間，經門口重有位，於是一枝箭甘沖左入去坐低文件再去睇下你咩野食...我最終選擇左煙三文魚沙律$25.00上面兩大片煙三文魚，下面係新鮮水果，我食得出既有蘋果、哈蜜瓜、青瓜、菠蘿、生菜同粟米等等但係蘋果有些少苦，不過我都食晒。後來我要求一位侍應哥哥比杯熱水我食藥，在我走既時候重佢叫我多d休息，特然間...覺得好warm ^^

挺喜歡這家店子，橙色和白色為主調，遠遠望去已很醒目，店子兩面牆都是落地玻璃，很有空間感。店子雖細，但乾淨整齊，一張張鋁質圓桌，是平常放在花園那種，擺放在落地玻璃旁，感覺很有side walk café。還有雜誌供應，讓你可以雜誌撈意粉。可是座位不多，想必以外賣生意為主。此外這家店的pasta款式亦算特別及靈活，有南瓜湯粉，而且可以隨意配撘其餘汁醬和各式意粉。飲品也多樣，有蔘蜜、果汁等大路咖啡茶。今次吃了鴨胸螺絲粉配杏仁汁，還有一杯人蔘蜜；盒粉份量十足，有五片鴨胸，杏汁原來是白汁加杏仁片，口感不俗，有鴨胸的煙韌，又有杏片的香脆，連杯餐飲都很大杯，是pacific coffee 的medium size. 想不到店子規模雖小，但在食物方面卻很大方！或者是晚上關係吧，店內人不多，可與友人邊吃邊談，悠然自得。

本來想去Delifrance 食個快餐, 因為Takeaway counter冇人排隊. 但繁忙時間(1:45pm) Takeaway counter竟然有員工但唔開wor! 叫我去返中間排隊? 有廿幾人等緊, 要等到幾時? 即刻轉去Grove買三文治, 起碼人地忙起來都有笑容, 唔會好似Delifrance咁話之你慢慢等.一份金巴利醬火雞三文治, 加一杯凍奶茶, 共$25. 金巴利醬少少地岩岩夠味, 生菜分量都夠, 有4大片, 配麥包, 及唔鞋的火雞, 好味!平時多數飲凍檸茶, 今次奶茶都ok, 似我鍾意飲的淡淡日本奶茶, 唔係港式濃奶茶.