GUM "JENG!" X 御前上茶 (已結業)

食完晚飯朋友帶我去食甜品，黎到等左20mins，覺得綠茶姐，有咩咁特別，食落原來真係好正😁我哋四個人叫咗四樣嘢，hahaha，睇相！Pancake比較普通，但紅豆唔係幾甜👍🏻👍🏻格仔餅好鬆軟，大大個share食最啱!呢個蛋糕好正！最like!!食物賣相真係好吸引，個人口味比較喜歡鐵觀音雪糕多過綠茶，不過如果揀唔到其實兩溝都好😂😂😂只是略嫌雪糕好快就已經溶，不夠實淨，不過一定會再黎!哈哈😂😂

旺角掃完街，同個friend又唔想咁快散band, 提意食甜品，我地兩個都係綠茶控，知道街市附近有間新御前上茶，gogogo拎左飛，門口等左30分鐘，等嘅時候我倆都未揀到甜品，到要入去一刻，決定了我揀左呢款，蛋糕超鬆軟😋，豆腐配綠茶雪糕超正，不過豆腐雪糕個味越食越似維他奶味呢個窩夫又係外脆內軟，一定要同紅豆加厥餅一齊食，友達之選👫。焙茶配綠茶雪糕，焙茶濃綠茶香，互相配合，必食，不作他選😋😋😋

之前在東京旅行時，有品嚐過茶漬飯，所以當看到instagram 推薦這間店鋪的茶漬飯，就決定要去一試。剛進入店鋪的時候，由於沒人帶位，所以我們和其他顧客一樣，2個人坐了在sofa的位置。看了餐牌10秒後，店員沒有交代原因就要求我們轉枱....既然要指定我們的座位，為什麼當初不領位，當時又不是繁忙時段。我們點了2個茶漬飯。只有很小塊的鰻魚茶漬飯。再來，兩塊薄薄三文魚的茶漬飯。2碗都點了鰹魚湯，但味道十分清淡，像普通熱水一樣。另外，再點了一杯綠茶拿鐵。綠茶是以套餐優惠價（$24）點的。整體而言，食物的水準令人失望，不太值這個價錢，而且建議員工可以提高應有的服務態度！

台灣人開的抹茶專門店，裝修不錯，可借座位太密。御前抹茶厥餅係用傳統和菓子技術做的，厥餅是凍的，抹茶味十分濃厚，口感軟稔稔，而且好有嚼勁，可以點附上的培茶醬或抹茶醬，個人比較喜歡甘香味重的培茶醬。御前盛合包含抹茶培茶雙色雪糕、抹茶凍、日本白玉和台灣紅豆。之前睇食評個set都有白煙出，唔知點解今次冇。隻船好精美，雪糕不但好滑而且茶味香濃，一顆顆的白玉好靚呀，大粒紅豆不太甜，茶凍充滿茶味，好滿足！

御前上茶盛合有抹茶雪糕 白玉 抹茶凍 紅豆仲有乾冰底 有煙霧瀰漫的感覺✨抹茶雪糕抹茶味幾濃入口有抹茶的苦澀味✨實感幾厚實唔會好快融果然係鎮店的抹茶雪糕✨丸子入口好煙韌又係煙韌的野呀😍❤️加埋紅豆同抹茶凍一齊食真係幾夾幾好食✨不過性價比唔高覺得定價高左少少🤔抹茶愛好者有機會都可以一戰嘅✨鰻魚茶漬飯定食自從係日本食過一間鰻魚茶漬飯之後念念不忘❤️今次見到喱間店竟然有賣當然要一試上菜後會有店員幫手倒茶所以坐定定等食就得☺️✨我揀左鰹魚汁湯 清清地同鰻魚幾夾食仲有啲蛋絲同飯素鰻魚份量有啲少有啲細舊不過都好彩食落無咩骨 鰻魚都幾厚身有魚香✨雖然都係日本食個間抵食同好食好多不過喱間都唔算貴過下口癮懷念下日本都好☺️友人的梅茶漬飯

叫咗個聖誕聖代，叫咗培茶同埋綠茶雪糕軟雪糕mix，雪糕都唔錯，下面一層層有啲好似豆腐布甸同紅豆，都幾好食。我朋友都係叫咗綠茶甜品，但係佢就覺得出煙嘅效果係好出色，但個甜品就麻麻地，不過喺度傾下計都ok既。

是日路過旺角，口痕但又想食細杯d既抹茶軟雪糕，於是決定去。不過見堂食好多人等位，我又淨係想食雪糕，索性淨係叫外賣。叫左杯18蚊既抹茶軟雪糕，茶味夠，可惜雪糕唔夠軟滑，有少少失望，下次都係食返tst果d算。

鰹魚湯抹茶蕎麥麵，感覺清淡。海膽紫菜茶漬飯，雖然不是第一次品嚐，但豬骨湯的味道，感覺有點混亂，下次會嚐一下茶湯底，應該會更match。黑芝麻培茶拿鐵，溫度再高一點會更有味道，喜歡芝麻和米通加上奶泡的配搭，超foamy，更喜歡日風的感覺。

成日路過想食，今日終於有機會～堂食每位最少要叫一份飲品或食品，所以唔好諗住share食～ 見餐牌好多野都好想食～叫咗個御前霜淇淋盛合$78，同柚子抹茶$42～個雪糕可以雙色雙拼兩隻味，揀咗綠茶同焙茶，雙茶味，因為白色原來係豆腐味，我自己麻麻哋豆腐味～送上來連埋乾冰，賣相好靚，茶味唔算太濃，但都好香好味，配埋綠茶果凍，丸子同紅豆，好好味，推介！！柚子綠茶，冇諗過可以咁樣拼埋，味道都算夾到，好解渴清新～下次想試埋其他～

今日跟成班fd去咗試呢一間抹茶館。其實本身我唔係好中意綠茶嘅所以入到去就嗌咗豆腐雪糕，然後我男朋友都嗌咗第二款嘅豆腐雪糕加布甸。而我其他朋友好鍾意食綠茶，佢哋話係okay的！所以今次想講下嘅 反而係唔係綠茶嘅甜品 比其他人知下其他甜品好唔好食！首先我呢個豆腐雪糕48蚊，有2粒白玉子，個人覺得其實好唔抵食，個豆腐雪糕麻麻，又無咩豆腐味。然後我男朋友個個下面有層豆腐布丁，60蚊嘅! 係好食少少嘅，有豆腐味。所以唔食綠茶嘅人唔好去啦

做開甜品生意既御前上茶竟然玩茶漬飯，當然要同一眾好友去試過究竟！叫左個親子三文魚茶漬飯。有店員親自幫手倒茶，食客只要坐定定等食就得。因為有茶泡住d 飯，少食泡飯既我有d 唔慣，不過d 茶味都幾出，食個飯既同時飲埋茶，幾有趣。三文魚子同三文魚刺身都幾新鮮，為淡味既茶漬飯增添左一點鮮味。甜品方面叫左個抹茶cake set, 除左個cake 之外仲有抹茶雪糕同涼粉紅豆。個cake 綠茶味好重，鐘意抹茶既食客不妨試下。雪糕可以試下叫混合，我地就叫左焙茶x抹茶，味道一濃一淡，效果唔錯

霜淇淋抹茶慕絲蛋糕 $78好似抹茶拼盤咁！😍 賣相好吸引呀！個cake 好soft 吾會太甜 幾好 不過抹茶味就淡淡的，雪糕揀左抹茶拼培茶味，甘甘的，兩者味道都突出😋蔥花鮪魚蓉茶漬飯 定食 $48揀左鰹魚汁湯，清清淡淡同吞拿魚蓉幾match , 碗飯比想像中大碗！賣相又吾差，覺得好抵食！😂

紅豆白玉雙色霜淇淋 ($48)雙色霜淇淋我簡左豆腐配抹茶 豆腐味濃郁 反而抹茶味道反而唔夠濃 白玉口感好煙軔又大大粒😁另外， 培茶雪糕再配上紅豆呢個配搭都OK 但係雪糕略嫌冰粒比較多唔夠軟滑 勝在可以相機食先 成個甜品既樣都好靚☺️

因為實在等太耐，所以食咗個外帶雪榚$18，號稱8.0牛奶，但初初唔似，因為唔夠硬淨。但食落真係比平時飽，應該係雪得唔夠硬。$42宇治茶打，新嘗試。茶底加梳打水，感覺好奇怪，雖然侍應有提要先攪勻，但唔會攪得勻。但反而唔勻，飲茶味梳打，覺得好 fresh，飲到底，覺得就太濃，太奇怪。我自己唔 buy 。明明出條餐牌睇好似無咁幼。咁樣望，老實講，有啲失望。我覺得中間一粒粒嗰啲可以忽略，因為好淋。。。。樣樣嘢都有啲，但比例上，雪榚比較多。。。。。焙茶濃味過抹茶。待應嘅態度其實唔錯。

等左15分鐘 用木盤上桌，賣相美觀，有4塊宇治抹茶鬆餅 一杯雪糕一小碟紅豆和抹茶啫喱，份量普通。抹茶鬆餅賣相吸引，咬落微熱，但味道唔算濃厚，淡淡的，無食完想再食既感覺。