影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
睇戲前，係附近覓食，諗起叫間食過幾次都一樣美味嘅越南菜，今次點左極品牛三寶河，再加小食同飲品，快上菜，味道好。極品牛三寶河粉 $74有生牛肉，牛丸，牛展，生牛肉好嫩腍，牛味重。牛丸爽口彈牙。牛展入味又軟腍帶點咬勁。河粉滑溜且份量十足，好飽肚。加豬頸肉 $33呢款小食好味又抵，好香口惹味，唔肥又爽口。加蝦餅 $33口感唔同左，無咁爽彈，蝦味也淡左，粉粉的質感不太好味。凍鎮奶茶 +$10好濃香滑，生度剛好，茶味甘香，好奶滑口感。
繼續閱讀
今日去咗尖沙咀一間越南餐廳，試咗佢哋嘅$198二人餐，真係一個超值嘅選擇！呢個套餐包括兩碗粉麵、一個小食、一個灼菜，仲有兩杯特飲，真係食得好開心。一入到去，呢間餐廳嘅環境幾靚，裝修有啲越南風情，牆上有啲色彩繽紛嘅裝飾，感覺好輕鬆。座位方面亦都幾舒服，雖然人多，但唔會太擠迫，坐喺度可以慢慢享受食物。服務員態度友善，落單都好有耐心。講返粉麵，我叫咗生牛肉湯河粉，朋友叫咗扎肉撈檬。生牛肉湯河粉真係好正！湯底清甜，牛肉新鮮，切得薄薄，唔會過老，搭配上啲香菜同檸檬，味道更加出色。河粉煮得啱啱好，滑順又有嚼勁！至於扎肉撈檬，呢個麵條有一種獨特嘅醬汁，味道香濃，肉質軟嫩，口感非常好。麵條吸收咗醬汁，真係好開味，真係一個唔錯嘅選擇。小食方面，我哋揀咗越南扎肉米子卷，呢個米子卷包住新鮮嘅生菜、香草同埋扎肉，食落去口感清新。米紙薄薄，唔會太膩，搭配上特製嘅醬汁，味道更加提升，真係好開胃！至於灼菜，雖然只係一份，但係非常新鮮，仲有一啲蒜蓉嘅調味，食落去清爽又健康，真係好適合搭配主菜食。飲品方面，我哋叫咗鹹檸七同椰汁三色冰。鹹檸七飲落去清新，鹹味同檸檬嘅酸味完美結合，真係好開胃，而椰汁三色冰就更加特別，椰汁香濃，底部有啲多彩嘅冰，食落去甜甜蜜蜜，真係好適合夏天飲！最後，我哋仲叫咗一個芒果紫糯米飯，呢個甜品真係一個完美嘅收尾！紫糯米煮得剛好，黏黏地，搭配上新鮮嘅芒果，味道香甜可口，真係好好食！呢間尖沙咀嘅越南餐廳真係一個唔錯嘅選擇，食物味道正宗，環境舒適，服務亦都幾好。
繼續閱讀
今日喺尖沙咀isqaure睇完戲近近哋就走咗過去對面慶坊食野貪佢夠就腳，最後揀咗間越南嘢食🍗街頭雞扒炒公仔麵雞扒大大塊夠誠意，炒麵仲搭埋通菜，撈埋一齊食特別有咬口，份量都幾大，其實兩個人share嚟食都應該夠🫓濱海伴豬頸肉串燒見到餐牌度有「濱海」食咗咁多年越南嘢原來都冇食過呢樣嘢濱海其實好似米粉餅咁樣但係乾身得來又有軟綿綿口感 好特別面頭再加啲炸蒜蔥、撈檬汁或者串燒嗰個咖喱醬都好好味 豬肉正常發揮夏天清爽之選🥬越式生菜包生菜包又係大大份，肉碎調味都幾夠食落去都越食越辣生菜大大片夠爽口，而且仲有比多食到最後用兩塊生菜夾住啲肉碎食變咗生菜三文治😂環境闊落，座位夠多，想要方便快捷食個午餐或者夜晚飯又唔想太貴都係一個唔錯嘅選擇
繼續閱讀
呢排天氣咁熱☀️，最岩就係食d酸酸辣辣🔥既菜式。今日去左尖沙咀重慶大慶隔離落地牢既Ha Noi 越南菜🇻🇳。2人套餐👩❤️👨都係248蚊。性價比💰似乎都唔錯。個2人餐包括左：越式菠蘿炒飯🍍🍚菠蘿炒飯份量超大，菠蘿肉多汁仲有海鮮🦐🦑，一d都唔失禮。西貢牙車快雞絲沙律🍗呢個雞絲沙律超有驚喜，酸辣既程度剛剛好，口感爽脆，食到一淡接一淡。係咁多野食我地最鍾意既一道菜。值得推介。🤩西貢咖喱牛腩配法包🐮 🥖法包焗得脆口，咖哩唔算辣，🥘牛腩又蚊得淋， 唔錯👍🏼。如果牛腩再多d就更好啦～鮮芒果西米露越式青檸冰兩杯特飲都唔洗加錢，成個餐248蚊唔洗加一尖沙咀都算係買少見少。
繼續閱讀
大家好 今晚來左重慶大廈食咖喱不過唔係食印度咖喱而係去了地庫既河內Ha Noi食越南既咖喱呢間叫做Ha Noi既越南菜食飯先上左飲品棷汁三色冰同埋椰果椰汁西米露因為我有點飯同檬粉所以兩款特飲只係需要+12蚊三色冰就有紅綠豆同埋綠色既班蘭糕都係好正常果種椰果椰汁西米露就比較多椰果首先點了越式咖喱牛腩飯咖喱係越南風味唔係好辣牛腩係半肥瘦都炆得幾腍跟住就上左兩款小食呢度叫飯或者粉都可以以平少少既價錢追加小食一款分別點了越式蝦餅同埋越式春卷兩款都係即炸蝦餅唔會太硬應該係手打既春卷既材料都幾多有肉同埋菜加粉絲最後上埋家鄉南薑炆豬手伴檬粉呢款南薑炆豬手都比較少食好多南薑同埋豬手都炆得好腍個汁都比較多膠質檬粉既份量都幾多可以魚露或既個豬手汁都OK總括埋單228蚊呢間店都抵食大家可以試下
繼續閱讀