HalloLand釣蝦場

營業中

休息中

釣蝦近年新興，第一次感覺好新鮮，室內場舒服，設有兩個池，空間感足，開始前，職員會教導一些少技巧，要成功釣到蝦，考耐性和耐心。初初比較難，成功一次後，信心大增，我在半小時才成功釣到一隻，之後更得心應手，期間會加入蝦隻，增加成功率。現場即釣即燒，好新鮮，由職員主理，自選鹽焗或清蒸，20分鐘就食得，蝦肉非常彈牙，鹽燒好惹味。旁邊有用餐區，可以舒服享受成果，還設有小休梳化區、VIP房設施，有不少釣具選購適合家庭樂和朋友一齊去挑戰下。

大約6點來到，現場所見有三五好友，有單身寡人，家庭親子，情侶，大家一齊圍住蝦池，各顯身手。作為人生第一次釣魚的我，經歷為零，戰戰兢兢上場，好彩有現場工作專人指導，再參詳公司提供的指南，很快就可以上手。經過兩個小時，慶幸釣到6隻。作為新手算安慰了。若果有專業技術的話，更加得心應手，旁邊有位朋友二小時內成功釣到42隻。將自己親手所釣之蝦帶回家，滿載而歸。既可讓專業釣手盡顯身手，又可以有大大收穫。一舉兩得。如果無釣到或者好似我咁才釣到6隻的話，入場時已經有工作人員表明，釣不到都保證有蝦食，因為場館會提供一定份量（圖中：2人份量）免費提供俾釣友食，有專人將蝦清洗之後，放入燒烤夾排好，然後撒上適當的鹽巴，放入焗爐，大約8分鐘就食得。過程全由工作人員專人操作，只需要專心等食。用餐時間不限。場內還設有夾公仔機，休息梳化區，飲品區，公司包場都係一個好主意。幸運的話還可以有機會抽獎。