#HAPi x YMS Cafe (零碳天地)

營業中

休息中

係九龍灣返工既朋友真係要支持下呢間小店, 食物超高質素, 早餐勁平, 我幾乎日日都去買!三文治SET個包超多餡，仲焗到芝士同包面都脆，杯latte拉花外賣拎返公司都未散，咖啡豆好香唔酸唔苦，weekday價48蚊!牛角酥SET只係28蚊, 個牛角酥唔係嘉頓貨, MAYBE自家製? 好香! 會焗返熱先俾客, 芝士味仲會焗到塊芝士變脆, 原味有配果JAM, 超正!仲有月付VIP, 六杯COFFEE (40蚊以下)只係98蚊, 抵到一個點!呢間CAFE真係好有誠意，比起D大集團質素好太多啦, 大家有機會去零碳天地一定要試下！

九龍灣一向都冇咩好食,偶然放飯發現零碳天地入面有間HAPi cafe,店面細細，但原來仲可以包場搞party環境好chill 好舒服，員工都好nice,所以就決定包場同BB搞過戶外生日party估唔到食物份量，味道，賣相都咁高質價錢勁合理仲好細心咁整左個menu，性價比極高👍🏻👍🏻👍🏻就算平日嘅menu價錢都勁平早餐最平$28， 已經有個🥐+☕️做會員$98送6杯飲品即磨☕️平均$16杯😳😳，超級良心價希望可多D人見到，撐下小店

晴朗天到訪Hapi 你會好Happy 😄位於零碳天地、空氣都好似特別清新一啲暖暖冬日陽光之下☀️坐上原木餐椅嚟個小野餐🪴 俾花花草草包圍 Chill 住飲杯嘢、Vibe一流👍🏻旁邊仲有個廣場可以俾小朋友放電大家Shopping 前後可以順道去散散步喔🔖 Mini Tarts雜果同朱古力味各一🍫撻底鬆脆朱古力味入面仲有拖肥流心餡非常邪惡😈🔖 Virgin Mohito 🌿無咩色亦無咩味好清好清🤔如果有啲新鮮青檸或者多啲薄荷葉應該會吸引好多呢咖啡渣仲可以免費帶走呢用嚟堆肥又得、驅蟲、造肥皂又得👍🏻

高質三文治，平民價錢。 作為一般工廠區打工仔，成日早餐午餐都只係能夠茶餐廳🍛，或上工廠大廈逼逼夾夾食碗麵🍜、set lunch、蒸飯。。。工場貨式連鎖口味。 好耐冇食過真真正正好食又平民價錢野。 有日行過呢間係公園入面的cafe，環境係為以為自己去咗外國，野食係用心且現場制作，原來蛋糕🎂都係現場焗同裝飾。同佢地收銀傾咗幾句，佢話佢地4位同事，有1位咖啡師☕️，一位烘焙師🎂，一位負責意粉🍝，一位負責沙律🥗。🌳🌵🌿園藝有另外同事負責。睇唔出細細一間cafe, 咁用心咁細緻。 價錢平到你唔信。佢地行會員制，但街價都巳經平過曬星爸黑同P字頭。用料好足同好飽肚同埋係新鮮即整。沙律菜係夾趣卜卜的。 食咗件cake; 非一般街外發粉輕飄飄蛋糕，希望佢地繼續keep到呢個水準。食咗個set lunch 💲7️⃣8️⃣,包一杯💲4️⃣0️⃣以任選咖啡師調制啡，唔飲啡㨂果汁鮮奶熱朱力都得，總之$40以下就得，飲完食完返唔到轉頭去食九龍灣其他$78set lunch, cafe植物又多，空氣好好，refresh叉完電返公司下午午後唔會合眼訓😂

近日天氣好好，爭取時間貼近大自然。 九龍灣返工必來食lunch的cafe、遠超一般星爸蝦嗰d連鎖店的水準。 吹著微風好舒服。 個carrot cake好好味，舖面我估係cream cheese, 一d都唔漏，入面還有好多nuts, 好有咬口，個小蘿蔔仔唧花好cute. 🥰. 下次拎部電腦過來hea一日先。 😂今日約咗附近返工朋友來食lunch吹水，感覺放咗半日假咁😂😂😂 。 原來還有即炒意粉食，下次再試先。😋😋😋

今日叫咗三份火腿芝士牛油果三文治，味道係可以嘅，牛油果都新鮮，個沙律醬都好味㗎，但係嘢食出得太慢，見到有張poster賣緊join會員有半價優惠，點知嘅糸$98一個月，包四半野飲，重要每星期只可以取一杯，之後食物同餐飲半價，咁就唔係幾抵啦，同埋因為嘢食太慢，問咗幾次個職員啲態度都麻麻地，仲叫做杯荔枝白桃烏龍茶，味道ok

#petfriendly 位置於九龍灣工商業區中間既零碳天地入面，一片綠油油，好舒服～Cafe係外賣形式，買完就坐係旁邊室外有瓦遮頭位置。座位區有露營櫈、木枱木櫈、仙人掌、色彩繽紛既摩洛哥風cushion，環境好chill今次試左兩款麵包 - 熱狗腸三文治 $78 同火腿芝士牛油果三文治 $68。味道幾好，都幾多醬汁唔會乾，又足料 環境有唔少打卡位，假日又唔算多人，係個同朋友食下輕食，一齊chill下既cafe!

今日雖然天氣一般驗完車順遒過嚟零碳天地飮杯咖啡☕️坐室外夠哂chill☺️仲有好多綠色植物🌳仙人掌🌵都有試咗佢地個🌱煙三文魚法包$78有煙三文魚 酸瓜 火箭菜 cream cheese同埋牛油果🥑🌱芝士肉醬千層麵＄78有水牛芝士 牛肉醬 白汁 巴馬臣芝士千層麵嚟到係凍冰𣲙好彩店員有即刻幫手加熱千層麵雖然一般但火箭菜好多 啱晒我法包外皮好鬆脆 都唔錯嘅飲品🌱mocha$45: 唔錯👍🏾係度坐一個中午都唔錯㗎~

平日的九龍灣工商業的地區是不難找一間咖啡店但大部分都是grab n go難得在零碳天地找到一處落腳點悠閑待了一個下午被陽光及大自然包圍的一個後花園打算order的時候剛好看到啟示登記做會員便可在星期一至五免費贈送一杯凍/熱咖啡！我好喜愛這裡的咖啡，好香濃冰咖啡放久了也不會變酸而且餘韻非常🥰還有要重點讚好一下這裡的設計佈滿仙人掌🌵的牆身每一張檯都有不同國家的風格有如置身摩洛哥的民族小店愜意感厚厚的呢～

落左幾日雨 見今日天氣好啲就約左朋友食呢間諗住星期五的lunch hour 都可以chill 一chill 準備定週末放假既心情🙊cafe座位唔多 再加上限聚令既緣故 中間大檯變到只可以坐四人 旁邊既位置都唔坐得....好彩cafe對出就係小露天場地 有啲梯級可以坐所以就算餐廳坐滿人都唔怕無位坐點左個芝士脆皮火腿牛角包牛角包面既芝士脆皮好吸引🤤🤤中間既芝士火腿亦都好足料 芝士烘到溶哂 同火腿二合為一 好幸福既午餐😋不過餵飽自己既同時......係要餵埋周圍既蚊.....始終戶外環境....再加上呢幾日會落雨既天氣...啲蚊多到癲....食一個包既時間....我被蚊咬左超過十啖.....痕死我呀下次一定要帶埋蚊怕水先可以再試其他口味既牛角包

呢度位於零碳天地而周圍既環境都好舒服有好多綠油油既植物🍃🌿🌵仲會聽到雀仔吱吱叫🎶🎶🕊可以一邊食住蛋糕飲住咖啡一邊欣賞一下周圍既綠化環境放鬆一下心情放慢一下節奏🍰 Classic Chunky Carrot Cake☕️ Ice AmericanoCarrot cake好足料🥕🍰有好多大大粒合桃同甘荀絲係入面好好味而且好健康😋👍🏻配埋杯冰凍既Americano好享受🍃☕️😌整個過程確實感到HAPi💚🤎

極力推介呢杯蘆薈無花果特飲！飲落去口感非常清甜,又唔會酸🤤,入面仲有一粒粒蘆薈，好爽口另外,呢到環境好舒服,又乾淨,仲有好多花花草草仙人掌,打卡真係一流 ～～～

極力推介呢杯蘆薈無花果特飲！飲落去口感非常清甜,又唔會酸🤤,入面仲有一粒粒蘆薈，好爽口另外,呢到環境好舒服,又乾淨,仲有好多花花草草仙人掌,打卡真係一流 ～～～

呢幾日放假第一次去，呢到地方幾舒服幾chill,員工都好Nice有禮貌，冬天去一流,坐喺到嘆杯熱咖啡真係好舒服，同咖啡好香同都好好飲，係一個唔錯嘅打卡勝地，下次一定會再去

每隔一排零碳天地就會有新嘅輕食店開幕，今次輪到HAPI進駐呢度。之前經過上環都有見到佢嘅分店，估唔到今次開到嚟九龍呢一邊。鋪頭可以提供餐盤畀大家可以喺零碳天地裏面野餐，同埋仲有一幅好大嘅植物牆畀大家打卡。嗰日都唔算多人，但係員工嘅態度都唔係太有善，有待改進。咖啡嘅味道就不過不失啦，但係隻紙杯就有d心思。