Haru Haru (已結業)

不是炸雞連鎖店卻有著親民價錢和份量合理，深受佐敦人歡迎👏🏽佢就係匿埋喺行仔既Haru Haru🇰🇷距離佐敦地鐵站不到一分鐘路程餐廳有得坐外面，就好似係韓國街邊食小吃一樣。菜單裡有很多食物選擇，除了烤雞炸雞仲有主食（壽司飯、豆腐湯飯等）、小吃（炸雞軟骨、炸雞腎等）點完菜後，服務員立即為我們送上開胃前菜，包括有：涼拌翠玉瓜、泡菜和涼拌芽菜。（無限次添加）我們二人叫左份醬辣炸雞（半隻）$79，炸雞入口不會感覺好油膩，肉質吃起來偏軟嫩，外層香脆可口的。配上中辣醬汁，令人吃不停口！再看餐牌，發現一道平時少見的菜色，實在是驚喜：香酥炸雞腎 $48。雞腎爽口有嚼勁，滋味得一吃便停不了口，最後牙齒有啲酸累🤣🤣最後，海鮮豆腐湯$68，材料豐富之餘又可以做湯飯。

前菜有三款，前菜水準一般燉薯仔: 燉得夠淋夠綿。泡菜: 夠辣夠爽口，但好似有少少苦味。脆肉瓜: 偏淋身，沒有落太多調味。紫菜卷 $32包得夠實淨。餡料有火腿、青瓜、紅蘿蔔、醃黃蘿蔔。食的係食材的原味。穩穩陣陣，如果係新鮮即包重好。韓式辣拌冷麵$55唔食得辣唔好叫! 麵質似淋身的薯粉。份量足。如果配菜多少少會好D。芝士蛋卷 $78超大條。得兩個人真係唔好叫蛋卷。好溜，一定食唔曬。因為新鮮即整比較等耐少少。芝士係拉絲。蛋唔會過熟鞋口。

知道個朋友好鍾意嚟haruharu食嘢，每次約佢出去食飯，佢都提議嚟呢度食！但係因為次次都唔就腳所以武士道，今次終於有機會試吓！鋪頭嘅位置喺佐敦嘅後巷，一啲都唔起眼，去到嘅時候我仲好擔心冇冷氣會唔會好熱！好彩，佢有風扇仔同埋我去嘅時候都唔係太熱嘅天氣所以覺得可以接受。裏面嚟食嘢嘅人唔多，感覺唔會話太逼。講返啲嘢食，呢度啲嘢食唔算貴，都叫做大眾價錢。可能因為去韓國食過人哋嘅紫菜飯卷，相比起呢間嘅紫菜飯卷，韓國嘅就好味得多啦！而且炸雞都係正正常常嘅，冇特別話好好食。所以我諗都係嚟一次就夠！

呢度嘅韓國食物比較local！有水冷麵，炸雞，韓國拉麵，都係一啲比較地道嘅韓式小菜。同埋呢度嘅裝潢有韓國加香港嘅fusion嘅感覺，即係有少少地攤，又有少少韓國傳統嘅特式。呢度嘅年糕唔算特別出色，但都有𡁻口既。如果有埋魚糕就更好，因為單純年糕有d單調。而石鍋拌飯呢⋯⋯d料都足，飯量都好夠！石鍋拌飯既重點當然都係要撈勻晒先好食嘅😄😄呢個拌飯有隻半生熟蛋，撈埋飯食一流！另外飯焦亦係一大重點！呢度既飯焦完全係恰到好處！試過你就知！btw 唔知你哋食石鍋拌飯又鐘意落幾多辣醬呢？🤭😋😉我就落好多既！——#allisonfootforfood #foodie #foodblogger #koreanfood #tteokbokki #石鍋拌飯 #辣年糕 #辣醬 #韓國菜 #jordan #hkfood #hkgoodfood #jordanlunch #likeforlikes #followforfollowback #followers #foodie_son_allison

哩間位於佐敦後巷既一間韓國餐廳，充滿住地道既韓國🇰🇷味道。每次經過都心郁郁想去試下上次因為太多人，所以只可以食左嗰外賣蛋捲，今晚靈機一捉走去試下好采我地一早就到左，因為坐低唔夠10分鐘，就全部都full晒黎到韓國餐廳冇理由唔食炸雞嘅呢度都幾好架喎，可以嗌半份炸雞🍗or全份炸雞我地兩嗰嗌左半份辣醬無骨炸雞😚😚😚一上抬我地都哇左出黎，半份都咁份量架啦炸雞梗係兩熱辣辣食先好食既💕💕💕好滿足既味道，外脆內軟嘅感覺好治癒呀然後嗌左嗰一定要食既芝士蛋捲同埋豬肉鐵板燒配飯芝士蛋捲既芝士好流心，拉c效果好出色嗰豬肉鐵板燒燒得岩岩好，送飯一流呀💕💕豬肉鐵板燒💕💕芝士蛋捲💕💕無骨辣醬炸雞

紫菜包飯比較簡單同清淡，但就有醬汁配上😋芝士蛋捲好大份，真係好抵食，芝士唔係中間軟心果種，係好平均分佈係個蛋捲內外都有☺️炸雞半隻都係七十幾🥺真係好抵食！不過個醬汁好辣，只係食左兩個我就停左手，依到仲有原味同香䓤味可以選擇🥵我好高估自己咁又叫左個辣醬伴麵，真係好後悔，好彩依個叫左小辣😅都叫食到今餐都係叫左啲濃味嘅食物，兩個人食就係好夠！而且本身依到啲份量都比較大！好似蛋捲我估計比平時嘅大1/3，所以就住叫會比較好

今次同三個朋友黎食晚餐叫左一個水冷面 海鮮煎餅 同埋 石鍋飯咁多樣野入面最中意就係水冷面！配埋酸蘿蔔真係好開胃🤤中和返泡菜既重味仲有伴菜可以refill 佢既薯仔好好食哈哈🤭環境黎講 都好有韓國街頭風味！值得encore!

餐廳頗近佐敦站，唔算難搵。比較特別嘅係餐廳係小巷嘅感覺，加上有室外座位，有種去左韓國路邊攤嘅感覺。我地一行五人都叫左唔少菜，成功擺滿成張枱haha。海鮮煎餅：味道偏清淡，微鹹，可以一試。另有附上醬汁，同樣係微鹹，純粹沾上後令煎餅味道無咁單調。魚糕湯：魚糕頗彈牙。湯都算有鮮味，但飲到尾會愈來愈辣，因為都加左不少胡椒粒。醬辣炸雞（半隻）：呢個超級推薦！連唔食辣嘅朋友仔都食到。辣度適中，炸雞香口，好惹味。有機會會試埋其他口味炸雞。石鍋拌飯（雞肉）：拌飯味道都好清淡，拌完無乜味，建議加店家附上嘅辣醬調味。有飯焦，算正常水準。水冷麵：印象中有另外附上一小碟調味嘅汁，加左會好味啲，呢碗都係淡味嘅菜式。芝士蛋卷：夾心真係有濃濃芝士，但好易食到好膩同好滯。另外叫左三枝酒，最普通嘅apple cider、焦糖蘋果酒同士多啤梨酒。左為apple cider、右為焦糖蘋果酒：焦糖蘋果酒入口甜甜地，帶少許焦糖香，幾好飲。士多啤梨酒：偏甜，酒味唔重，易入口。

今日放工去咗依間位於路邊嘅韓式炸雞🍗小店。間店係地舖，而且好細間，得大約三張枱。而其他位置係在於行人路邊，好似大牌檔果種露天小店。今次無坐喺露天果啲位，反而坐咗喺小店嘅入面。小店掛咗好多明星/youtuber 去食野後影過嘅合照。🤭點咗個原味炸雞🍗（半隻）$79。一個韓式炸醬麵$55蚊同一個石頭雜錦拌飯（牛）$60蚊。首先，上菜嘅時間真係要等好耐，等成十五分鐘以上。🤔🤔🤔.個石頭雜錦拌飯都幾多材料，有生雞蛋🥚丶有紅蘿白絲丶波菜同豆芽。當然仲有牛肉，不過唔算太多。啲飯都幾香同幾熱，不過石窩飯好容易變焦。而隻生雞蛋撈落啲飯。好有蛋飯嘅香，啲波菜都好新鮮。而個炸醬麵呢，份量都好多，但佢嘅麵條係粗身，不過覺得煮得太淋，完全唔彈牙。而炸醬份量都好多，但隻味道有點怪怪地，😅有少許苦苦地嘅感覺，而炸醬啲肉碎都比較硬身，不太好食。😰而隻原味炸雞呢，有六件。每件都係好大塊。雖然係原味，但炸得好香脆，而且炸粉好少。咬落去好juice ,啖啖肉。值得一讚👍🏻，而且食多幾塊都唔會覺得油膩😘😘。.價錢比較平，可以再試，但環境坐得不太舒服，太迫。

呢排唔知點解大食左咁多明明啱啱先食完夜晚飯，行過佐敦見到呢間韓國鋪頭仔，見到門口個Menu嗰芝士蛋卷好吸引，即刻忍唔住問下朋友不如叫外賣食咯但重點係啱啱先食完飯🤫🤫🤫🤫🤫朋友又冇托手踭，即刻走入去嗌外賣先，餐廳佔用左後巷嘅位置，行入去好似得兩個侍應，我就同女侍應講，一份芝士蛋卷外賣呀，(其實我心諗有冇人帶芝士蛋卷外賣)????諗諗吓問女職員可唔可以坐低食，食完就走架啦點知個女侍應即刻黑面，話我地淨係嗌得嗰份蛋捲😂😂😂😂言下之意即係冇得坐啦呢個侍應都幾直接等左十五分鐘度，個芝士蛋捲外賣搞點😋😋😋俾我想像中大份，而且芝士好多，熱辣辣既，不過個蛋就有啲老身，我同朋友就喺條街度打開個外賣盒您一啖我一啖KO左份蛋卷！

朋友介紹呢間韓國炸雞鋪！決定一試！去到發現鋪頭很細，坐位不多！坐得亦不太舒服！但是很地道！如果唔想等位嘅朋友，記住要早啲去！呢間炸雞鋪非常地道，價錢非常平民！仲要唔收+1服務費！經濟實惠之選！醬汁炸雞味道雖然好辣，但食到我舔舔脷😋😋😋芝士年糕同埋泡菜薄餅都好值得一試！人少少又想食炸雞，可以一試！因為佢既炸雞可以叫半份。。唔怕食唔晒！佢其他食物都唔細。。我哋三個女仔最後係食唔晒！汽水啤酒都係十幾蚊！抵飲！😍😍😍

臨近農歷新年，飯聚特別多，次次都去酒樓大魚大肉真係有點膩，今日朋友有新主意，佐敦韓式炸雞，問大家會否介意喎？……😅其實我對雞無興趣，又唔想吃炸物，但韓國靚仔團BTS(防彈少年團)和食品都很喜歡，好一餐唔好都係一餐🤨……去。南京街😳幾時開咗間大排檔韓式炸雞🤔？設計簡單，地方清潔，把畫布用七彩顏色噴出塗鴉嘅藝術文化……有點驚喜，朋友點了原味和醬辣有骨炸雞、海鮮煎餅、韓式飯卷和啤酒，服務員還送上三款自製韓式小點。醬辣炸雞配啤酒，一如韓劇女主角說"絕配"值得推介，韓式飯卷細細舊很快吃完，今次聚餐令我對大排檔感覺原全改觀🤣🤣無加一服務費，大家都樂意付上小費。

韓式炸雞而家遍佈全港各大商場 商業大廈 都總會有一間反而走在大街小巷發現呢間平平凡凡既小店同樣食炸雞 但路邊小店另有特式朋友曾經食過 念念不忘 讚口不絕於是拉大隊再食一次香蔥炸雞係呢間特色 當然要一試雞肉好滑 而且香口 加埋蔥感覺無咁油而我始終最愛甜辣炸雞 又甜又辣真係食上癮醬汁夠掛 唔會太濕太乾飯卷麻油味足 平凡但好食石窩飯正常 有少量飯焦芝士蛋卷 無想像中咁拉絲 如果年糕個汁要濃啲辣啲會更好食雖然小店環境不及大餐廳但味道佳及性價比高有時知己朋友唔介意坐得close 啲 選擇小店亦不錯

無去過韓國唔太知正宗韓國菜係點，3個人食叫左炸醬面，芝士蛋，紫菜卷，石鍋飯同半隻香蔥炸雞。芝士蛋同紫菜卷好食，炸醬面幾有特別。但隻雞就有啲「木」味。唔關煮法,而係香港的雞係雪藏多。

物美价廉。炸鸡很美味，推荐原味无骨炸鸡，和年糕。味道浓郁哦。而且泡菜是店家自己腌制的，很美味。我们这次两个人一共点了三个餐: 辣味炸鸡，甜辣口感。外酥里嫩。咬下去里面的肉鲜美多汁。炒年糕，芝士和泡菜一起炒的。很美味。另外一个是煎饼，个人觉得一般。煎饼是泡菜和鸡蛋还有一些菜一起煎的。非常实在顶饱。味道是咸味的。环境因为是大排档，环境上一般。店面里面摆放了很多韩国元素的小摆设，常年播放韩国偶像团体的歌舞。总的来说推荐5颗星。