Hashtag B

營業中

休息中

終於有機會食到頗具名氣的排隊名店Hashtag B~之前看過台灣YouTuber分享，bookmarked已久!!!今次去到排了5分鐘左右就買到！除了遊客，都有很多本地人購買。▫️拿破崙焦糖千層撻 $18招牌✨ 用日本麵粉同法國牛油~千層撻外層用了拿破崙的做法，蛋撻夠酥。蛋漿飽滿creamy甜甜的，食落有點像葡撻。趁熱食會有微流心的感覺，很滑。就算攤涼食口感都不差。✨尖沙咀10點半蛋撻出爐▫️檸檸茶墨西哥包上層菠蘿皮鬆化，麵包帶有淡淡檸檬茶香，不會很甜。▫️蘋果金賣酥好食~清香蘋果味，而且下面酥好酥脆~甜甜的！

之前上網見到有人話呢套平時成日排晒隊話啲蛋撻好好食行開就順便睇吓有冇得賣點知我諗佢真係一出爐就俾人買晒我去到，下午五點幾左右已經咩都冇，得返菠蘿包 嗰啲不過菠蘿包嘅款式，佢都好多例如有炭燒咖啡菠蘿包伯爵茶菠蘿包奶茶墨西哥包仲有好多其他類型我呢啲鍾意試新嘢嘅人就幾乎每一款菠蘿包都買咗仲買埋，有個焦糖法式軟包整體上我覺得真係幾好食價錢抵唔抵？就好見仁見智。因為都10幾廿蚊一個包但係對我呢啲人細食嚟講，其實一個包都可以做到一個正餐所以都覺得可接受總共買咗五個包，七十幾蚊每個都覺得好食除咗個法式焦糖軟包，比較甜。不過如果唔係為健康着想嘅話其實都真係好食。希望下次有機會經過開，再可以買到蛋撻試埋

同朋友去尖沙咀厚福街食飯，見到hashtag B仲有幾件蛋撻賣， 即刻衝入去買啦！咁啱今次仲有新產品，梗係一次過買多幾款麵包試下，款款都好吸引。🌟#拿破崙焦糖千層撻原來各分店每天拿破崙焦糖千層撻陸續開始出爐，售完即止。而尖沙咀店: 10:30am就開始人氣招牌產品，酥皮夠鬆脆，蛋漿飽滿creamy，最好就即買即食😉 屋企人未食過，點都要買反去俾佢哋試下。屋企人話中間餡料香滑重忌廉香味，似葡撻，花形外表好吸引，情人節用來慶祝都好ok。焗反熱食勁脆，食落無失望好驚喜，底部有焦糖，蛋漿香滑。🌟#奶茶墨西哥包+#蘋果金寶酥+#檸檬茶菠蘿包黃昏時段已經剩反好少選擇，今次我揀左三款第二朝焗返食，十分香口，同事讚不住口，大滿足！必試蘋果金寶酥，香酥清香蘋果味，好味。想不到尖沙咀都有咁好味的麵包店，下次經過又可以買多幾款第二日食。

包控終於出手🙈，我成日都見到大家推薦Hashtag B 蛋撻🥧，今日趁住去開尖沙咀，打算去睇下有咩麵包買😎✨每間分店蛋撻出爐時間不同，尖沙咀分店蛋撻出爐時間係10:30 am，記得留意時間去買呀‼️- 拿破崙焦糖千層撻🥧 $18大大個花形設計蛋撻🤩，二十七層外層酥皮效果明顯😝，做到香脆而不油膩，很有空氣感👍🏻，蛋漿香濃細膩😋，底層更有軟滑焦糖糖漿流出，甜度剛好☺️，滿足感🆙- 奶茶墨西哥包🍞 $16經翻焗後外層脆皮酥脆可口😍，帶有淡淡奶茶香🍼，甜度剛好😗- 檸檬茶菠蘿包🍍 $16🆕檸檬茶菠蘿包表面牛油🧈酥粒香脆，包體鬆軟帶有紅茶香味，檸檬茶味偏淡🙈，口感不錯❤️- 牛角包🥐 $21牛油🧈香氣濃厚，酥皮做到酥脆濕潤😍，內面呈現漂亮蜂窩狀🤣終於有機會有機會試到呢間麵包店☺️，果然麵包質素非常好👍🏻，✨特別係酥皮系列，等我下次再去買更多唔同款式包包先❤️📍 Hashtag B - 尖沙咀尖沙咀加拿芬道49號夏蕙樓地下C號舖@hashtagbhk另有分店：銅鑼灣 / 鰂魚涌#justlingggxd_麵包店#justlingggxd_尖沙咀

香港特色Bakery同pastry店開到成行成市，競爭好大。其中一間我最鍾意去嘅舖頭就係【Hashtag B】。比起其他新興起嘅網紅舖頭、個人覺得佢哋係最有香港特色㗎。拿破崙焦糖千層蛋撻：每間分店每日有限定時間出爐，賣晒就冇。尖沙咀分店嘅出爐時間係早上10:30。拿破崙千層皮非常鬆脆，又唔會成口油。蛋漿有啲似葡撻嘅蛋漿，但係唔會太甜。底下有一層薄薄嘅微苦微甜焦糖，係大人嘅口味。牛角包：非常鬆脆，牛油味十足。就咁食或者夾嘢都非常適合。檸檬茶菠蘿包：上層菠蘿皮又甜又鬆化，下層麵包見到啲茶葉碎、真材實料。夾埋又唔會好甜。奶茶墨西哥包：墨西哥皮奶油味香濃，下層麵包又係好香嘅茶味，而且都係見到茶葉碎。非常特別。

Hashtag B 🥨朋友介紹尖沙咀開咗間唔錯嘅麵包店，聽聞佢哋嘅拿破崙焦糖千層撻🥧好出名，經常都賣斷市，今日特登慕名過嚟碰一碰運氣，睇吓買唔買到🍀我去嘅呢間尖沙咀分店，拿破崙焦糖千層撻陸續開始出爐時間係由10:30開始，賣晒就冇㗎啦～想食嘅朋友記得早啲去！😉😉有幸運之神嘅眷顧，最後成功買到三個！😋😋佢哋嘅千層撻外表好獨特好靚，外皮非常香脆，整體都幾好味！✅✅除咗拿破崙焦糖千層撻之外，我仲揀咗三個唔同嘅麵包，包括係檸檬茶菠蘿包🍋☕️、奶茶墨西哥包🧋同埋 牛角包🥐，三個入面我比較鍾意檸檬茶菠蘿包，真係有淡淡地嘅檸檬茶味，配埋具有香港特色嘅菠蘿包，成件事唔會突兀，感覺都幾得意㗎！❤️❤️

相信麵包控對呢間麵包店唔陌生😆🫶🏻本店位於銅鑼灣近利園山道早排亦係尖沙咀同鰂魚涌開左分店！店舖除咗出名千層酥皮蛋撻之外都有其他唔同種類嘅麵包例如菠蘿包、吐司等人氣好高嘅烘焙店，買過佢哋嘅招牌拿破崙千層蛋撻，覺得幾出色🤩最近都多咗幾款酥皮類🫶🏻口味頗特別仲見到有同matchali 聯乘推出嘅抹茶千層撻當日去到唔算好多人 不過就冇晒抹茶味🍵最近就新推出咗幾款丹麥酥拿破崙焦糖千層撻千層酥皮拎上手毫不油膩，內裡嘅蛋漿富蛋香，充滿焦糖香氣。歐陸煙肉丹麥酥搣開即見一層層有空氣感嘅內層，鬆化酥香，夾有煙肉好香口日式蟹柳丹麥酥塗上芥末醬，鍾意wasabi嘅人可以一試朱古力丹麥酥經典口味，唔會太甜

一直聞說Hashtag B 嘅拿破崙焦糖千層撻好正，喺網上個個都大推，仲聽講舖頭經常都出現長長人龍，排半個鐘到一個鐘都係等閒事收藏咗好耐一直都未有機會朝聖，仲因為「排隊」二字而卻步終於，好同事排咗廿分鐘買到，仲請我食，真係好開心-拿破崙焦糖千層撻 $18第一啖咬落去，唔知係咪因為放涼咗所以唔夠脆，只有普通的酥脆感，牛油香正常未算好香內饀焦糖面做得唔錯，甜度比起平時焦糖會低一D, 蛋漿稀杰度適中，可惜蛋香都唔算濃郁，整體只可以話唔差，唔係好驚喜果一種

上一次去銅鑼灣，大概五點幾已經售罄，買唔到，今次路過尖沙咀見到有條人龍，即刻去櫥窗度裝下有冇人氣之選嘅千層焦糖蛋撻($18)(都略貴)🫣見到有即刻排隊！大概等咗10分鐘左右就買到！問咗店員，一般只限買六個，但店員都好好人，話如果真係多一兩個都冇乜問題因為佢keep住新鮮出爐，拎到上手都仲係熱辣辣，最緊要佢個造型超級靚，花花邊，好吸引🤩即刻同朋友分享，佢話好好味，因為千層嘅關係食落有口感，相當唔錯！ 而我就選擇咗拎返屋企先食，但亦可能真係因為千層關係，食落口陣皮會比較un，唔容易咬開，無想像中咁出色「註：好多朋友話凍咗都好食🧐」！相對地，我就覺得一般比較平凡，但一試無妨！

聖 誕 快 樂 ！ Indulge yourself with the amazing bakeries from #Hashtagb on this festive season! 🎄 一直都好想試吓hashtag b嘅麵包 好高興今次一口氣試到晒 🤩 個人最推薦一定係佢哋最出名嘅「拿破崙焦糖撻」 一件撻食到蛋撻同葡撻嘅口感 絕對要焗釋熱嚟食 口感會加倍升級！☺️除咗焦糖撻外 今次仲試咗提子鬆餅🍇、德國蝴蝶卷🥨同伯爵茶忌廉芝士貝果🥯 全部都好高質☺️買去開Christmas party就啱晒！🎄📍Hashtag B (尖沙咀) #lala_foodie_tsimshatsui 尖沙咀加拿芬道49號夏蕙樓地下C號舖

試過幾間主打蛋撻或葡撻而爆紅嘅店！呢間嘅酥皮真係有料到，排隊嘅時候已經聞到成間舖充滿谷麵包嘅香味。主要都係想食出名嘅酥皮葡撻，$18一個，網紅價嚟講中規中矩啦$20都唔過。味道方面，個皮一咬落去超級鬆脆，而內餡就正正常常，吾太過甜！不過買既時嘅已經凍左，相信岩岩出爐一定更好食！

最近出名排長龍既面包店，一定有Hashtag b份~ 被遊客推荐既「香港第一蛋撻」究竟係咪名不虛傳? 今日經過咁啱有少少時間，就決定排隊會一會佢~位於厚福街街口，醒目既標誌加上長長既人龍，真係一眼就見到啦!去到已經有大約二十人排隊，已經打定輸數要排半個鐘，點知原來店員好醒目咁將d蛋撻入定盒，所以比想像中快買到。今次一共買咗五樣野—伯爵荼菠蘿包($15)、焦糖牛油軟包($16)、芝士鬆餅($17)、拿破崙抹茶千層撻($22)同拿破崙焦糖千層撻($18)伯爵茶菠蘿包($15)無諗過第二日食都仲好味~平時食菠蘿皮既包都好驚食到周圍都係，但係呢個包無咁既現象，菠蘿皮好貼，而且唔甜，值得一讚焦糖牛油軟包($16)好香焦糖味! 而且好軟，包中間既氣孔均勻，食落口都鬆軟，唯獨焦糖唔夠均勻，邊位無咩咪芝士鬆餅($17)大過我拳頭!個鬆餅夠鬆得黎唔會有明顯既發粉味，值得一讚既係佢一食落口有好香既香草味，令到成個鬆餅既味道提升!唯一美中不足既係會有少少蓋過芝士味道，如果加多少少芝士就perfect啦~拿破崙抹茶千層撻($22)同拿破崙焦糖千層撻($18)去到最後當然要講下招牌蛋撻啦! 佢地既蛋撻夠酥化，而

呢間人氣極高💥經常見到排晒長龍嘅麵包店🍞 餓底貓奴身為麵包控點可以唔試吓佢🤭🔸拿破崙焦糖千層撻✴️新鮮出爐、熱辣辣嘅招牌拿破崙焦糖千層蛋撻😍 花花造型嘅酥皮充滿牛油香氣🤩 蛋撻外層好酥脆，唔係傳統酥皮蛋撻嘅質感😋 入面嘅蛋漿好濃好滑，食到底仲有流心焦糖同蛋撻好夾。一個蛋撻份量都幾大個，食完好滿足🤭由於全部人手製作響尖沙咀店新鮮出爐，人龍愈排愈長，店員忙到無停手🫢 排咁長龍梗係買多幾個返屋企嘆🤤 返屋企用氣炸鍋翻熱都係咁出色！😍🔸芋泥麻糬包⚛️貓奴最愛嘅芋泥麻糬包😻 軟熟嘅麵包入面係香甜嘅芋泥、軟糯煙韌嘅麻糬，十分推薦🤤🔸伯爵茶菠蘿包🟤菠蘿包食得多，配伯爵茶呢個組合好特別🤎 啖啖伯爵茶香，做早餐一流😋🔸牛奶排包🧈切嘅時候已經好鬆軟，烘返熱後邊邊微脆，包身非常軟熟，有牛油香帶甜味😋🔸原味麥雲🍞好奇點解明明係方包但要叫雲朵☁️？原來係來自麵包鬆軟嘅口感，用手撕開同咬落都軟綿綿超鬆軟，唔怪之得有雲朵嘅稱號🤤🔸特濃朱古力雲朵🍫🔸特濃朱古力雲朵🍫朱古力雲朵好軟熟，入面有黑朱古力粒好香濃🤎🔸雙重芝士雲朵🧀️🔸雙重芝士雲朵🧀️切開已經有好濃郁嘅芝士香味，烘熱後香氣撲鼻仲保持鬆軟。啖啖鬆軟麵包入面仲有融化咗嘅芝士

A Hong Kong style bakery with multiple locations in Hong Kong. The store launches various products that adds innovative elements to traditional bakeries.There is usually a long queue outside the store, waiting for their freshly baked goods directly from the oven. Napoleon tart is one of their signature, combining the crispy pastry with sweet and creamy custard. Having tried the tart when boiling hot and cooled, I like the latter more as the texture and flavour stands out more.📝Menu: 🔸Napoleon Ta

聽朋友仔講，近期網民熱捧嘅「花花蛋撻 」於尖沙咀開咗分店，鋪名叫Hashtag B，「花花蛋撻 」係拿破崙焦糖千層撻，網上資料話店鋪主推少糖少鹽，無人造色素，防腐劑，以天然食材手工製作！由於我哋太即興，無留意時間+完全無做功課🤣到達店鋪時，大概下午3:30，拿破崙焦糖千層撻已售罄🤭店鋪有張貼每日出爐時間為10:30am。另外，根據店員表示，每日10:30出爐只有一轉👀但網上資料為10:30am、12:30am、4:30pm，亦有其他顧客詢問當日是否不會再有拿破崙焦糖千層撻出售，店員表示「係」！未知是否有更新？！歡迎大家更新/留言話我知。一場去到，雖然買唔到主打拿破崙焦糖千層撻，但買咗另一款熱賣嘅經典牛角酥$21，大大個，又的確外酥內軟。酥皮控可以一試。另一款為韓式芝士蒜蓉包 $24，用料分別為英國車打芝士、意大利水牛芝士、喜馬拉雅岩鹽、蒜蓉、香草碎同澳洲入口牛油。食落的確較一般麵包少鹽，但仍然有香濃芝士同蒜香味道，可能用左喜馬拉雅岩鹽，的確食到一種鹽香味，相信加熱後會更惹味。作為芝士愛好者，最後揀咗芝士鬆餅$24。由於放到第日，作為早餐，外層較乾，但芝士味道香濃。