Hidden和洋食屋

營業中

休息中

係Open rice見到食評唔錯，特登禮拜五同同事過黎試一試！大約12:30去到，已經差不多full house了，要等位。不過大約10分鐘，已經可以入座！餐廳都大，仲有卡位！而且不限時，如果冇人等位，都可以坐得舒服慢慢食！餐廳係自助掃Code落單！餐廳有好多種唔同嘢食，分左烏冬、和風定食（即燒三文魚飯）、don飯、蛋包飯、意粉等！$65就有一個餐不加一！燒雞扒烏冬（$65）餐已經包了味噌湯+前菜蘿蔔+餐飲烏冬好打份，仲有一隻雞蛋！雞扒就有d咸餐飲我叫左冰茶無糖！都ok南蠻炸雞飯（$78）炸雞都有5件！炸得好鬆化！不過同樣有d咸以lunch來講，坐得舒服，上菜快性價比okkk！可以一試！

主菜香煎三文魚茶漬飯 - $88.0香煎三文魚, 皮脆肉嫩, 一D都唔腥, 香糯軟熟的白飯配埋一壺熱辣辣的茶漬湯咸香又夠味, 真係食唔停口明太子蟹肉虎蝦意粉 - $128.0真係好抵食, 兩大隻虎蝦, 蝦身厚肉彈牙, 蝦肉既鮮又甜, 意粉軟硬適中，意粉入面有雜菌, 雜菌香氣逼人，仲有一梳梳蟹肉, 配埋鹹鮮的明太子，意粉吸收曬所有材料嘅精華，真係食到停唔到口串燒翠玉瓜 - $18.0之前的主菜比較濃味, 清甜的翠玉瓜完全可以中和味蕾 日本手羽先 - $28.0雞亦燒到表面乾身，雞肉仍好嫩滑，唔鞋口同Juicy, 肉汁超豐富🤩 飲品柚子雪葩配梳打 (日本雪糕使用) - $38.0清潤香甜的柚子雪葩, 酸酸甜甜，味道清新可口餐廳咁岩仲做緊推廣，買枝豆，有得無限飲sapporo啤酒，真係好抵!!搵晚一定要再同班friend再泥玩過食過先得.

琴晚去咗間勁vintage feel嘅日式cafe食壽喜燒。特別嘅係呢間餐廳好多嘢玩✨啱曬幾個朋友嚟聚餐，分別有桌球、飛鏢、大屏幕睇日劇、同一大堆board game!!食咗飯好似去咗轉日本咁，例如海報，酒瓶、小飾件等等，個感覺真係舒服到唔想走！🤣日本元氣雞肉壽喜燒$108+$35轉套餐◻️雞肉壽喜燒個壽喜燒湯唔算特別甜，撈飯食一流🫶🏻配料好多種類，有芋絲、長蟹柳、冬菇、豆腐、蘿蔔等等，份量好足，一個女仔食曬都有啲難度！雞肉新鮮嫩滑，好有雞味😍◻️ 和風柚子醋沙律酸酸甜甜好開胃，沙律菜新鮮爽口◻️味噌硯湯有蜆肉同埋菇類，都比較濃味◻️有得揀珍珠飯或者烏冬，如果揀珍珠飯可以無限添🤤

九龍灣同觀塘區都好多工廈餐廳，地方大啲，坐都坐得舒服啲，見到幾枱都叫炭烤原條鰻魚蛋包飯，蛋包飯既蛋夠滑，最令人驚喜係鰻魚醬汁，大大提升呢道菜嘅口感。醬汁既甜味同咸味相得益彰。香煎三文魚茶漬飯，三文魚表面煎得金黄酥脆，魚肉鮮嫩多汁。啲飯吸收咗茶，仲帶有淡淡茶香。日本鹽麴雞腿鹽麴其實係一種調味料，係由水，鹽，米麴mix埋發酵而成，用佢嚟醃過既肉肉質都會變得軟嫩，又唔會蓋過雞腿原本嘅味，仲有少少甜味。波板豬腩肉，切到波板糖shape ，姐係圓圓地既豬腩串，口感十足，肉質都爆出黎。厚切牛舌芯，厚切一定係最好食，切到好似豬扒甘大，好腍加埋蔥又幾夾。

平時係九龍灣返工，間唔中都會去和洋食堂食飯，原來lunch time 係一間普通既日本菜餐廳，夜晚會變做一間有得玩又有得食既cafe,除左一般board game 之外，仲有飛標、街機，而且仲有live band, 好岩放左工之後黎依度輕鬆下！壽喜燒鍋套餐 A4黑毛和牛壽喜燒 $148和牛雪花紋理清晰，口感嫩滑，壽喜燒湯底香甜濃郁，配埋蟹柳、冬菇、金菇、芋絲、蘿蔔、娃娃菜、豆腐等配料，吸收晒湯底既味道，好正！吉列魷魚圈 $38 (跟餐追加小食）即叫即炸，上枱時仲係熱辣辣，魷魚圈外脆不油膩，口感軟嫩，雖然係加購，但份量一啲都唔少，抵食！牛油帆立貝蟹子茶漬飯 $118之前食過三文魚茶漬飯覺得幾好食，晚餐仲有帆立貝揀，一於試下！首先將茶加入飯入面再撈均，味道清甜帶有鰹魚湯味，加左蟹子同飯素，增加口感。帆立貝好大粒，肉質厚實鮮味！

閒日晚上有電影投放，又有飛鏢、桌球枱等玩意，適合知己朋友三、四人短聚。晚間時段的$128生啤無限飲亦好抵！【A4黑毛和牛壽喜燒】高品質的A4黑毛和牛肉，每一片肉都嫩滑多汁，融化在口中，保持了牛肉的鮮美和嫩度。火鍋以豐富多樣的蔬菜為主要成分，將各種新鮮的時令蔬菜融合在一起，最後加上蛋汁撈入火鍋中。【秘製蔥醬薄切牛舌】牛舌經過特殊的處理，切得非常薄，入口即化。搭配秘製的蔥醬，鮮美味道更加突出。石燒的方式讓牛舌保持了熱度和嫩度。【厚切牛舌】牛舌切得厚實成長方形，突顯了肉質的彈性。【芝麻雞翼】雞翼經過炸製後，外層酥脆，內部保持著嫩滑的肉質。【味噌蜆湯】充滿家庭溫暖的湯品。新鮮的蜆貝搭配濃郁的味噌湯底，湯汁中帶著蜆的鮮甜味道。【和風柚子醋沙律】清新又開胃，新鮮的蔬菜搭配柚子醋的酸甜味道，蔬菜的爽脆和柚子醋的清爽相互融合。

玩味十足嘅日式餐廳‼️🇯🇵同朋友去咗九龍灣工廠區食飯😀係環球大廈八樓有間和洋食屋😄裝潢採用居酒屋木系風格🪵大量日本動漫及遊戲擺設🇯🇵仲有飛鏢機同街機比顧客玩🎮主打食壽喜鍋同日式蛋包飯🥰炭烤原條鰻魚蛋包飯，128蚊份💰原條蒲燒鰻魚，夠肥美鰻魚食落啖啖肉，無乜細骨，伴碟有沙律，配埋蕃茄飯底，份量非常豐富，滋味無窮☺️明太子蟹肉虎蝦意粉，128蚊份💰明太子意大利麵，配搭兩隻大虎蝦保持鮮嫩彈牙，明太子汁令每條意粉都滿明太子醬汁，好掛汁每啖都食到明太子嘅鮮味，絕對推介☺️巨峰乳酸梳打，20蚊杯💰巨峰梳打酸酸地好清新口味🥰整體環境舒適，有大量遊戲邊食邊玩🎮服務態度好，店員會好主動幫忙☺️食物賣相幾靚打卡一流，價錢合理，可以同班朋友一齊去聚餐🥰

餐廳位於商廈內，裝潢以懷舊日本和洋風為主題，牆上貼有多款海報、摺紙、乾花等挺有心思。場內還設有遊戲機、桌球枱、射標機、大電視及不少board game任玩，適合一班朋友聚會。A4黑毛和牛壽喜燒火鍋配料豐富，包括蛋、豆腐、冬菇、菜、紅白蘿蔔、金菇、超長蟹柳，湯底濃郁，黑毛和牛肉質夠嫩。鍋物可加錢轉套餐，包有味噌蜆湯、和風柚子醋沙律，還有珍珠飯無限添，配埋樽裝汽水正。火鍋還可加錢追加小食，吉列魷魚圈份量不少，香脆又彈牙。芝麻雞軟骨大大粒，好有咬口又惹味。

Hidden 和洋食屋喺九龍灣一個好隱世咁嘅地方，係工廈入面，未必每個人都知道。呢度唔單止有好野食，仲有好多娛樂活動。最正嘅係佢哋免費提供桌上遊戲同打機🎮，只有桌球🎱係要收費嘅。餐廳仲播住香港懷舊電影《鹿鼎記》，氣氛好懷舊。環境好寬敞，座位舒服，裝修都係日系木風。1️⃣北海道千歲豚肉鍋🥘，跟餐有麵豉湯同和風柚子沙律，加$10就可以配埋紅豆冰。$163豚肉鮮嫩，湯頭濃郁，同爽口嘅柚子沙律搭配得好好，味道好正。紅豆冰作為甜品，清涼又好味。白飯仲可以任叫🍚。2️⃣明太子蟹肉虎蝦意粉 $128有兩隻大隻烤虎蝦🍤，味道鮮美😍。蟹肉同明太子嘅結合好出色，帶出豐富嘅海鮮🦞風味。意粉煮得剛好，彈牙又順滑。每一口都感受到明太子嘅濃郁，令人回味無窮。餐廳唔收加一真係勁抵食，食完飯就去打機，有街霸等遊戲，真係好開心！

Hidden 和洋食屋係一間置身係九龍灣工業大廈嘅樓上cafe，環境闊落之餘而且提供好多款board game 比客人選擇，都幾啱同朋友一齊上黎又食又玩架~🤩佢地嘅菜式都偏日式，我地就揀咗✅A4黑毛和牛壽喜燒~ A4黑毛和牛有啲瘦但都幾嫩腍~ 而壽喜燒入面有好多唔同材料，例如︰豆腐、蟹肉棒、冬菇同菜等等~ 旁邊仲有生雞蛋同調味料，配搭埋一齊食就更美味~😜✅炭烤原條鰻魚蛋包飯嘅鰻魚係原條放係蛋包飯上面，睇落好吸引~ 鰻魚冇骨嘅，而且味道好香濃，配配埋蛋包飯一齊食，味道唔錯~ 略嫌蛋包飯嘅飯味道唔夠，如果撈飯嘅醬汁濃少少就更好啦~ 😇

唔知係咪人大左🤣 愈黎愈鐘意烚下烚下，同朋友一路傾計一路烚👍🏻 .鐘意壽喜燒夠多菜，且仲配和風柚子沙律，膳食纖維夠晒😍 湯底偏甜唔會話太重口味；啲肉個份量都啱啱好，個Size 唔會烚好耐先熟.+$5 轉鳥冬最尾先食，啲湯收晒水，Mix 埋隻蛋☺️ 撈鳥冬完成👏🏻 唔個大家係咪都係咁食呢😝.跟著再加多左個蟹柳😝 食左兩條長既，好開心，朋友就叫多左個燒豆腐，表面燒得焦焦地，幾特別😝.呢度幾好，坐得舒服，又有 Boardgame、飛鏢、桌球挽，推薦👍🏻

📍厚切A4黑毛和牛三角腩厚切黑毛和牛肥瘦均勻，食落帶有令人深刻嘅油香，但又唔會覺得太油，肉質鮮嫩。第一舊示範，燒得有啲過生，之後就慢慢控制到個時間，和牛嘅肉質真係👍🏻可以轉套餐，有湯、沙律、飯任添、野飲，係幾抵食架😋📍追加 薄切牛舌+厚切牛舌（半份）鐘意食牛舌嘅我梗係要叫返半份啦，薄身牛舌細細塊，易熟易燒。厚切牛舌比較有嚼勁，肉質滑嫩，都係鐘意食厚身多啲。📍雞泡魚串燒必食首選，係香脆燒烤嘅味道📍芝麻雞翼香脆內嫩，即叫即炸，熱辣辣上枱🔹🔹🔹🔹🔹🔹🔹🔹🔹🔹Hidden 和洋食屋 九龍灣常悅道20號環球工商大廈8樓4號舖🔸🔸🔸🔸🔸🔸🔸🔸🔸🔸#九龍灣好食 #九龍灣食好西

之前lunch time都知呢個位置都有幾間餐廳, 而今次呢間餐廳係朋友推介黎試下一入去到, 店員好有善帶安排我地坐位, 重同我地講啲Board game♟️🎲同遊戲機可以隨便玩…都係第一次係餐廳見到有遊戲機🎮 好特別 我地坐係牆身貼滿海報既位置 絕對係打卡位📸今次我地2個女仔 叫左2個set食🍲A4黑毛和牛壽喜燒火鍋🍲啲和牛薄薄地用黎放落去火鍋到 幾秒就食得入口好重牛味 好滑呀唔好睇佢切到咁薄 但其實一路食 原來都有好多片 應該係一個男人會覺得夠 佢個壽喜燒鍋入邊都有好多材料冬茹 菜 羅白 金菇 芋絲 京葱 豆腐等……佢個長蟹柳超好食呀🐂石燒厚切A4黑毛和牛三角腩🐂啲和牛味超濃郁, 就咁煎下2邊就可以食 店家提供柚子醬,玫瑰鹽同燒肉汁可以點..配上珍珠米…..一流呀套餐包味增蜆湯 和風柚子醋沙律珍珠飯或烏冬飲品📡珍珠飯重可以無限添加📡想推介下呢杯🍍鮮菠蘿熱情果梳打🍍入面真係有新鮮菠蘿㗎 而且唔會太甜夏天飲一流

位於工廈cafe, 和式外觀入口，入面懷舊poster佈置形成強烈對比今日食帆立貝茶漬飯，大大隻至於鰻魚蛋包飯，次次都原條鰻魚上，抵食夾大件雞泡魚魚乾亦好正，送酒一流兩個fd 悶悶地又可以打下機，飛飛鏢，篤下波都唔錯

其實九龍灣的工廈都不少好味餐廳。今次我係被呢間的長鰻魚飯吸引左來的。呢間和洋食屋都幾特色，集合了娛樂休閒美食。喺呢度食夠唔知幾錢就可以打桌球，而且又有得打機同玩射標，放工後都可你來呢度relax 下，最重要呢度啲野食唔錯。我睇到食評的鰻魚蛋飯飯相唔錯，當然要叫啦，鰻魚又大條又幾厚肉，加埋個汁配飯一流，份量又多，對我來講一個人真係食唔晒。朋友就叫左佢大蝦明太子意粉，都好味，而且有2隻大蝦。份量都不少，我中意每一條意粉都痴滿晒明太子。以為我哋叫兩個主食唔夠，叫多個小食炸雞軟骨，點知食唔晒。