影片
港鐵南昌站 B 出口, 步行約6分鐘
繼續閱讀
營業時間
今日營業
13:00 - 22:00
星期一至二
全日休息
星期三至四
13:00 - 22:00
星期五至六
12:30 - 00:00
星期日
12:30 - 22:00
以上資料只供參考, 請與餐廳確認詳情
自從搬咗嚟南昌之後，一直期待Townplace SOHO West有更多餐廳開張，今日老婆响openrice 無意中發現原來TP 25樓有間神祕餐廳叫做High Bar，係網上見到好pet friendly又好似搞到幾靚咁，於是乎我同老婆仲有兩個孖寶一行四人即刻去試吓，我吔首先去酒店大堂Reception攞咗張卡，再經另一個入口坐電梯到達25樓，之後門口有位小姐方排我吔入坐。一入去就比佢個180度無敵大海景吸引住。 入到餐廳之後有位木無表情的待應問我哋坐outdoor 定indoor，我吔揀咗indoor近窗邊的坐位，可以有冷氣嘆之餘又欣賞到維港景。老婆坐低之後就問下待應洗唔洗每人order一個lunch set?待應初頭話無minimum charge，之後又改口話一人要order一個set。最後有位疑似係經理嘅人話佢吔間餐廳係唔招待7歲以下的小朋友，七歲以上就算係大人，所以要每人order一個set。（成個過程比到我嘅感覺係啲waitress係唔知呢個規矩，有位職員就話唔清楚要問下人先知，但係好似個個都唔清楚。跟住個經理走出嚟話呢度坐位比較少（但係入坐率一半都冇）但係佢話今次俾我哋一個小朋友嗌多杯嘢飲就ok。）以下就係佢吔個餐牌，選擇真係唔多，頭盤係沙津，主菜係沙律、沙律、同埋沙津，根本就無乜選擇…雖然服務態度麻麻吔，但食物質素叫做有驚喜！Flat iron(+$70)必試推介本住無乜得揀嘅心態，額外加$70都要試吓呢個Flat iron, 又估唔到ok喎。牛肉好嫩滑，對得起個價錢。雞卷Risotto(+$20)呢個Risotto就平平無奇，我介澱粉質無試，只係見平時係飯筒嘅孖寶都唔吼就知道唔得啦，雞卷同經理面口一樣（鞋口鞋面），不試也吧！Caesar Salad with Chicken Breast呢味我有食喎，啲雞胸真係好柔軟，每塊都有少許橄欖油响上面，係幾好味嘅！咖啡ok頭盤同主菜都係沙津
繼續閱讀
雖然地點上係偏左啲 ,唔揸車既搭地鐵係南昌站行過去只需要量8-10分鐘, 所以都算方便既😌 酒吧位於25樓, 所以要係隔離既酒店大堂Recepetion 攞一張卡先會上到去, 呢度成個社區都係Pet Friendly, 連酒店都可以帶竉物入住嫁😍 酒吧有室內外既座位, 無論係採光度定係空間感都十足, 不過而家太熱, 所以都係坐住室內先🤣 用餐時間分左三個時段, 我地係午餐時間去, 可以揀Tea Set 或者小食都可以, 星期三至日15:30-17:30 仲有happy hour 時段, 啤酒, house wine, cocktail 都係半價, 想飲多啲既可以$280 Free flow🤓 Fried Chicken🍗 ($88)用左麥子檸檬草 IPA, 泡菜, 蜂蜜芥末醃製既雞肉攞去炸, 外皮炸到好鬆脆, 雞肉Juicy嫩滑, 甜甜地帶點辣味道幾豐富🤩Dirty Fries🍟 ($88)幼薯條淋上煙上碎, 芝士, Garlic Mayo, 攞黎配啤酒一流🤤Mak’s Beer 🍻有黑啤, 龍眼, 白蘭, 柚子, 胭脂汽泡酒5個選擇, 可以先試飲再揀個自己鐘意既先落單, 我個人最鐘意用提子汁發酵製成既胭脂汽泡酒, 同埋加入左最新鮮既白蘭花去釀製既啤酒, 前者甜甜地, 後者淡淡既花香, 兩款都超易入口🥰 呢度無論既所有野都好好, 香港真係好難得有個咁開揚又chill既地方, 仲可以帶埋竉物一齊黎真係冇得輸😝
繼續閱讀
之前見過本舍同呢間餐用狗狗可以入得做招徠，室內外都可以，兩個instagram都post咗好多靚相，昨日專程帶狗狗坐車咗入去。點知去到先話依家唔入得，食環捉得好緊，結果失望而回。我明餐廳難做，但由屯門call車出到去結果無得食都好難做🥹本舍職員態度亦好一般………而本舍個instagram繼續放咗好多狗狗用餐相，完全有誤導之嫌，唔知一日有幾多個主人撲空呢？當買個教訓，以後去之前打個電話confirm吧！
繼續閱讀
住附近，今年中秋節無意中走上去飲嘢，覺得景靚，環境舒適（又冇乜人），服務好（其實有留意到Google既評論話服務點點點，但係我地遇到既個個都好好lor，仲主動走黎幫我地揸機影相，試問香港有幾多間餐廳會係咁），嘢飲都唔錯，價錢十分合理，就意圖回訪食下正餐。今晚走上去食晚餐，都係體驗十分好，性價比好高，贏曬中環、尖沙咀、銅鑼灣等等絕大多數餐廳，所以寫下食評推薦下，不過唔記得左影嘢食，就影左餐牌俾大家參考下 🤗
繼續閱讀
一家人去食嘢，星期日午餐，其實都冇咩人，餐牌就係網上嗰啲，選擇唔多，都係沙律，意大利飯，牛扒嗰啲，冇咩驚喜。本身環境都幾靚，有戶外位可以影相。好可惜的服務差到不得了。啲人啲態度好差，亦都係全部好似生手咁，一啲都唔識做嘢。我哋冇為意餐飲係寫住齋啡，於是上啡嘅時候問佢攞奶，佢話要煲熱等都唔緊要，不過等到杯咖啡都凍咗啦都仲未嚟。另外再上嘅咖啡再問佢拎，跟住個女侍應竟然喺度反白眼我哋。領班嗰個走來解釋話餐牌係寫咗longblack，咁你當我睇唔到，又第一次嚟，你問吓人哋要唔要奶，呢啲都係好正常卦？最後其中一杯茶包茶，到我哋埋單杯嘢飲都仲未出嚟。我真係想問吓又唔係多客，咁嘅服務態度真係唔OK囉。香港嘅服務業真係沒落㗎啦。
繼續閱讀