影片
更多
2022-03-06
292 瀏覽
今年既生日去左親手整生日蛋糕比自己，充滿意義同難忘❤️同埋要滅甩地獄廚神既稱號😎增進我既廚藝😛😝今次就黎到位於銅鑼灣分店既「Home.焙小日子 」整我既生日蛋糕。🎂🥰佢係一間已經提供好食材同有完善烘焙設備既自助烘焙店，有非常自由既空間去比你發揮。👍🏻蛋糕款式選擇多，今次簡左被佢個樣吸引左而又充滿少女心既月球蛋糕黎整，難度值係最高有3粒星⭐️⭐️⭐️ ，預計需要既時間係兩個半鐘。簡完蛋糕之後，店員就會提供圍裙、iPad 、計時器同裝私人物品既籃比你，再簡單講解工具、材料同烘焙設備既位置就可以開始喇！🥳只要根據iPad 上面既文字同影片解說非常方便，每個步驟需要既材料份量同工具都寫得好清晰、易明。每個製作步驟可以參考文字或者睇片製作，唔明仲可以回放睇多幾次或者叫店員幫忙。👍🏻我地緊係要堅持靠自己完成😎而製作期間好享受同另一半分工合作、一齊互動既時光，由一開始最簡單既執材料，都可以培養到雙方既合作性，一個負責攞材料；一個負責攞去磅份量，要保持專注，唔可以掛住傾計，如果唔係一唔小心就會磅多左。🤭😆🤣🤣攞齊所需既材料，就可以一齊合力將佢地混合埋一齊。由零開始慢慢一步一步而令蛋糕成形，對最後出黎既成品充滿
今次就黎到位於銅鑼灣分店既「Home.焙小日子 」整我既生日蛋糕。🎂🥰佢係一間已經提供好食材同有完善烘焙設備既自助烘焙店，有非常自由既空間去比你發揮。👍🏻
蛋糕款式選擇多，今次簡左被佢個樣吸引左而又充滿少女心既月球蛋糕黎整，難度值係最高有3粒星⭐️⭐️⭐️ ，預計需要既時間係兩個半鐘。簡完蛋糕之後，店員就會提供圍裙、iPad 、計時器同裝私人物品既籃比你，再簡單講解工具、材料同烘焙設備既位置就可以開始喇！🥳
只要根據iPad 上面既文字同影片解說非常方便，每個步驟需要既材料份量同工具都寫得好清晰、易明。每個製作步驟可以參考文字或者睇片製作，唔明仲可以回放睇多幾次或者叫店員幫忙。👍🏻我地緊係要堅持靠自己完成😎
而製作期間好享受同另一半分工合作、一齊互動既時光，由一開始最簡單既執材料，都可以培養到雙方既合作性，一個負責攞材料；一個負責攞去磅份量，要保持專注，唔可以掛住傾計，如果唔係一唔小心就會磅多左。🤭😆🤣🤣
攞齊所需既材料，就可以一齊合力將佢地混合埋一齊。由零開始慢慢一步一步而令蛋糕成形，對最後出黎既成品充滿期待同興奮呀。😍
最後，將蛋糕搽上親手打發既鮮忌廉，最上果層表面淋上白朱力甘納許，店員就會比棉花糖、彩糖同月球等我地慢慢裝飾蛋糕。見證重要時刻，將月球亮燈，我既生日蛋糕就大功告成啦！🥳見到我地一齊合作而成既成果大成功，超級滿足呀！💕💕
而值得一讚既係員工好貼心同主動咁過黎幫忙，例如會幫忙睇下蛋白霜打得夠唔夠企，有疑問都好樂意解答。仲會協助將蛋糕放入焗爐同夠鐘會幫手拎出黎用風扇仔吹凍佢。
最後等你完成製作，就會幫你整理好蛋糕周圍既忌廉，再幫你入落蛋糕盒同綁繩就可以拎走。
仲要辛苦佢地幫手清潔用完既工具。🙆🏻♀️
就係咁過左溫馨同開心既一日🥰好幸福呀❤️❤️
⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆
🌸 月球蛋糕 $450 +$80（第二位入場費）
蛋糕係用左4層鬆軟既伯爵紅茶戚風一層接一層搭結而成，蛋糕與蛋糕之間抹上香甜既柚子醬。外層搽上質感軟滑既白色、同用食用色素溝成既粉紅色同粉藍色既鮮忌廉。最上層淋上白朱古力甘納許，由上而下係蛋糕側面慢慢流落黎變成一條條線咁，好可愛呀🥰😍
而蛋糕食落充滿柚子甜甜既香味，本人鍾情於柚子醬，所以偷偷地落多左少少，滿足我既柚子心。❤️而又唔會太濃味覆蓋左伯爵茶蛋糕既味道，兩者食落好夾，淡淡既伯爵茶味加上香甜柚子醬，又唔會太甜同膩。柚子醬令蛋糕食落好清新既感覺，蛋糕食落好鬆軟，而忌廉好香滑又唔會太滯，好快就清碟喇！😋😛自己親手整既蛋糕緊係要捧場食哂佢😝
而個蛋糕賣相真係好靚😍有我最鍾意既粉紅色同粉藍色做兩色忌廉，再加上七彩顏色既棉花糖同金色彩糖做點綴，而個月球裝飾仲識得發光超吸睛呀。😍🥰最搞笑既係攞住佢係街度行，仲有對唔識既情侶問我地個蛋糕係邊度買🤣🤣我地答完自己整之後即刻爆笑呀🤣🤣
✿總括而言✿
呢個絕對係情侶感情升溫、朋友默契提升、親子增進感情既活動，就算係豬隊友都完全冇有怕，只要跟住教學步驟豬隊友都變神隊友。😎烘焙新手都非常之適合參加既活動。☺從中可以體驗製作甜品既樂趣同享受溫馨既時光🥰非常之推薦消遣玩樂既好地方👍🏻👍🏻
⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆
溫馨提示💕
∗ 去前記得預早係網上預約，而時間選擇都有好多。
∗ 一份蛋糕最多兩個做一份，第二位要加入場費。入場費：平日$60，假期$80
∗ 需要預留多d時間，原本我地製作既蛋糕預計既時間係2個半鐘，而我地係好輕鬆、好慢活既情況下用左3個幾鐘先完成。
∗店內冇locker放私人物品，只有提供一個籃係枱面放袋，行開攞材料果時最好貴重物品跟身，或者同行既朋友幫手睇住。
⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆
張貼
