Home Sweet (已結業)

食完午餐，附近都是五金舖！眼睛望到近河畔有間白色店舖行去睇原來係間小甜品店，白色主調簡潔！店內好細，幾張小桌椅，兩個雪櫃加個小廚房就無位置剩！甜品主要係西式水果為主，都有幾款中式糖水，不過我只買外賣！以易拎為大前題，見雪櫃內嘅大雪幾靚，脹卜卜又雪白，成糰雪球一樣，味道有兩款，各要一個，大雪本身有個紙兜再加個紙盒，尺寸剛好放兩個，仲有透明蓋可以睇到個大雪狀況！加中份忌廉泡芙！泡芙用紙袋袋起，再加個膠袋！只收現金！芒果大雪（$22）外皮薄兼煙韌，中央有滑滑忌廉，唔會過甜，好輕盈嘅忌廉，加大塊清甜芒果肉，唔酸，雖然大件但食落唔膩！榴槤大雪（$25）：我唔食榴槤，肥髀食，未食唔覺有榴槤香味，一咬開個皮就湧出來，榴槤肉配忌廉剛好！肥髀食晒！忌廉泡芙（$22）：一碟碟放在雪櫃內！買來做晚後甜品，忌廉比大雪內嘅忌廉厚重啲，外皮唔夠鬆，始終一早做定！外皮唔夠脆！一般！店員好有禮！包裝時會提醒我大雪黃色紙係芒果，白色係榴槤（因為外表睇唔出）因為我未咁快回到家，所以問佢放室溫一陣得唔得，佢話個幾鐘都得，不過雪凍好味啲！好細心！

之前食彩已經想試下呢間，裝潢幾簡單，白底。有泡芙，但嫌貴冇食綠豆沙大推，好足料，甜度剛好，好沙冇咩綠豆皮，海帶煮得夠淋但唔散，好香好天然既綠豆味，夏天食夠清涼。冬天食的熱氣野多/俾人激親都下到火。綠茶冰濃綠茶味淋上練奶，雖然食到後面條脷凍到冇晒味。買埋紫米露外賣，起碼紫米㷛得夠軟，唔會過甜。下次要黎。

話說, 呢晚既dinner有d熱氣, 所以就決定再光臨呢間甜品店, 食下d透心涼既甜品.今次叫左個綠茶紅豆綿綿冰 + 好立克綿綿冰...佢個green tea真係好香, d茶味好出, 其實我都幾superise佢d味都幾實在下...因為好多地方既綿綿冰d味都好假, 有的會落香精香油, 一係就d味溝到唔似原味....所以我覺得呢到既做法真係好好..抵我一試再試...而且真係好平民價錢, 抵食呀..希望佢地可以繼續努力, 做得多好既甜品比我食..^^

因為朋友話呢到新開左間甜品店, 所以就去試下食..咁一行四人叫左四樣唔同野食..心太軟 -- 雖然係結身d, 但味道好香濃, 帶有小小既酒香..唔錯好立克綿綿冰 - 好得意既口味, 真係好香既好立克, 一d都唔甜, 超香呀...真係好似飲緊好立克咁...芒果綿綿冰 -- 正常既口味...但個buff就唔太好, 因為裡面係cream, 唔係吉士, d cream個味唔太好..而且唔夠滑..都係間幾唔錯既甜品店, 雖然地方唔大, 而且價錢又平...所以都值得再去食...

一家人o係對面食緊飯o既時候望到呢間新開甜品鋪~ 大家一齊話食飽要即刻過去試~ 間鋪細細地...得20個位左右...係就有少少逼...不過都乾淨企理~ 個menu都整得好靚~ 呢度o既甜品真係好多款~ 中式o既豆腐花...糖水同燉盅...西式o既waffles...心太軟又有...港式o既涼粉同綿綿冰都有!!! 真係花多眼亂呀!!! 另外仲有d時令甜品...好似夏天o既榴槤同冬天o既椰皇燉奶~ 而且價錢都好抵食~ waffles $38就有交易~ 算平~ 揀o左一輪...最後我決定要waffles~ 等o左一陣就有得食~ wa~ 個樣好靚呀~ 而且d雪糕係另外有隻碟仔裝住ge~花生碎又放埋一邊...等你自己慢慢夾埋兩樣o野食唔駛浸到林晒~ d waffles好脆~ o岩晒我~ 媽媽叫o左牛奶綿綿冰~ 不過佢怕太甜走o左練奶~ 妹妹同妹夫分別叫o左涼粉同豆花~ wa~ 款款都好大兜好抵食~ 佢地話d豆腐花好滑~ 老公叫o左個蘋果燉海底椰~ $25蚊ja~ 好抵食~ 而家凍熱都得~ 味道又好~ 最鍾意呢度乜都有~ 一定唔怕無o野o岩食~ 我地又多o左個新地方食甜品啦~