243
6
10
| 餐廳: | Homeland (彌敦道) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
營業時間
今日營業
12:00 - 15:00
17:30 - 22:00
星期一至五
12:00 - 15:00
17:30 - 22:00
星期六至日
12:00 - 22:00
公眾假期
12:00 - 22:00
以上資料只供參考, 請與餐廳確認詳情
有關獎賞計劃
優惠
| 餐廳: | Homeland (彌敦道) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
相片
香煎慢煮日本活性水飼豬肩 配玉桂焦糖蘋果醬汁
+2.8K
+225
食家推介
依晚去旺角，與家人來到 Homeland 食晚餐慶祝生日。餐廳有意外驚喜，甜品上寫字畫碟，好精美呀，仲有即影即有相作為留念，呢度真係慶祝日子嘅好地方 ~這裡環境不錯，裝飾擺設有心思，我地選擇 Handmade Pizza Set $398 /2位，套餐包了Pizza、餐湯、沙律、小食和餐飲，豐富又美味。黑松露牛肝菌蘑菇湯 配 蒜蓉包 首先送上餐湯，這款係黑松露牛肝菌蘑菇湯，牛肝菌與黑松露味道很配很濃，黑松露香味散發出來，啖啖濃郁鮮味，滑溜好飮，配搭外脆內軟嘅蒜蓉包更滋味。慢煮雞胸胡麻沙律沙律菜好新鮮，用上胡麻醬汁拌勻，雞胸肉好爽口，沙律口感fresh，開胃又好食。牛面頰墨西哥芝士餡餅呢個好驚喜 ~ 喜歡芝士既我地，夾住重芝士同惹味牛面頰，牛味濃厚，肉質嫩滑，餅皮卜卜脆，配搭芝士醬及牛油果醬，感受到墨西哥風味！德國腸拼盤 (+$58)一客有3款香腸 - 紐倫堡肉腸、意式葱油腸及墨西哥辣肉腸，煎得非常脆口，每款味道各有特色，食起嚟十分惹味，薯蓉放在底部，口感軟綿綿，更伴上酸菜沙律，少少酸，清新爽脆，開胃解膩。蘭王蛋卡邦尼意粉 $148另外，單點咗蘭王蛋卡邦尼意粉。散發陣陣香濃忌廉味，配以焦香脆口嘅煙肉，肉味鹹鹹香香，濃郁嘅醬汁與意粉煮得好入味，加埋日本蘭王蛋拌勻一齊食，欣賞這裏用既係手工意大利麵，口感不俗，有咬口，意粉好掛汁，越食越好味。慶祝生日當然要點蛋糕甜品啦，依間餐廳有寫碟服務，好浪漫呀！揀咗伯爵茶巴斯克蛋糕，蛋糕味道層次分明，食落入口即溶，伯爵茶味道突出，帶陣陣回甘，清香微甜，口感順滑綿密，每一啖都充滿甜蜜滋味。百香果菠蘿綠茶 (+$34)凍嘅百香果菠蘿綠茶，帶淡淡果香味，冰涼爽口，清新解渴。蜂蜜柚子茶 (+$16)秋天天氣乾燥，點番杯蜂蜜柚子茶先，清香微甜嘅柚子味，非常潤喉。
繼續閱讀
餐廳：Homeland (旺角)地址：旺角彌敦道726號19樓仲記得第一次去Homeland已經喺四年幾前嘅事，當時一行入大埔總店就好有家嘅感覺🏠，雖然2024年頭大埔店結業，但原來老闆喺旺角另開新店，唔經唔覺都開咗大半年🎉Homeland主打新派多國菜🍽️，有新奧爾良海鮮🦞、自家製Pizza🍕、肉類主食、意粉同飯等🍝，最經典仲有佢哋好拿手嘅寫字畫碟甜品🎨，真喺好靚好真好出色😍，約埋親朋好友去慶生慶祝最適合👍✝️PiPi Pizza套餐 $388呢個2人餐有2個餐湯、1個特色沙律🥗、1個主食同1個Pizza🍕。是日廚師精選濃湯喺薯仔忌廉湯，另外加$18叫咗個都幾鮮味濃郁又有龍蝦肉嘅法式龍蝦湯🦞，仲配埋鬆脆嘅蒜蓉包；沙律叫咗溫泉蛋素煙肉粒凱撒沙律🥗，流心嘅溫泉蛋撈埋沙律一齊食幾和味，加上巴馬臣芝士同素煙肉鹹香十足主食加$88叫咗個波士頓龍蝦占多黑松露闊麵，半隻加咗芝士焗香嘅龍蝦望落好吸引🤩，不過肉質就有少少嚡，底層嘅闊條麵爽滑彈牙，口感一流，有陣陣黑松露同龍蝦汁鮮味另外值得一讚嘅喺呢個墨西哥雞肉芝士餡餅🥙，微脆煙韌嘅餡餅夾住惹味雞肉粒同雙色拉絲芝士🧀，面頭有墨西哥辣椒絲🌶️，配埋牛油果醬或者酸忌廉一齊食簡直冇得輸😋，可惜得4塊，份量感覺比較少，如果唔喺我真喺想食多2塊😂飲品種類都幾多，咖啡、果/花茶、梳打、朱古力、芝士奶蓋同紅白酒都有🍷，叫咗個Latte(+$19)同香芋芝士奶蓋(+$24)，後者帶有超濃郁芋頭香，面頭有一層厚厚嘅鹹香芝士奶蓋，無論賣相同味道層次都一樣掂🤓重頭戲緊喺呢個加$35提早預訂嘅寫字畫碟甜品，繪型繪色嘅小熊維尼同豬仔，加上蠟燭同店員免費幫我哋影咗張即影即有留念📸，有啲回憶真喺值得俾少少錢換返嚟🥰。伯爵茶巴斯克奶蓋芝士蛋糕($98)唔會太溜，用咗唔少生果去襯托中和咗油膩感，蛋糕厚實得嚟唔會好heavy，加上陣陣伯爵茶同奶蓋芝士香確實喺幾唔錯嘅配搭
繼續閱讀
Homeland 真係可以做到令你有賓至如歸嘅感覺，無論係餐廳職員嘅服務態度，定係食物嘅質素又或者係服務嘅貼心度，每一個部分都酪以令你有係屋企嘅溫馨感❤️最特別嘅係哩到仲會提供甜品畫碟嘅服務，全部都係大師級嘅畫作👀👀仲會根據慶祝目的量身訂做，每個都係獨一無二嘅設計，而且仲會幫忙用即影即有相機📷影低值得紀念嘅一刻👍🏻👍🏻唔怪得差唔9成人都係嚟慶祝生日🎂，同埋記得記得一定要book 定位先，walk in 一定會無位🤭我地揀咗新奧爾良海鮮盤🦞（2人份），除咗海鮮盤之外，仲有頭盤、餐湯同主食，仲可以以優惠價加購小食同升級飲品添🤗🤗新奧爾良海鮮盤相當豐富，波士頓龍蝦/北海道松葉蟹腳二選一，仲有阿根廷珍寶赤蝦、蟶子、青口、大蜆、德國膠、薯仔🥔粟米🌽等等😆😆開邊原隻龍蝦🦞肉質新鮮彈牙仲有膏嫁其他海鮮都十分新鮮鮮甜，薯仔、粟米🌽西蘭花🥦嗦哂招牌秘製BBQ 汁辣辣地好惹味😋😋慢煮雞胸日式胡麻沙律🥗慢煮雞胸軟稔嫩滑，雞胸撕成一條條方便食用，沙律菜新鮮爽脆👍🏻龍蝦🦞汁海鮮鐵鍋燉飯燉飯嘅軟硬度適中，以龍蝦汁燉製鮮度更高，面頭放滿了新鮮海鮮，仲用咗食用花裝飾，淨係賣相都💯💯香草🌿蒜香🧄焗田螺拼薯蓉去殼田螺加上香草蒜香調味，連同綿滑嘅薯蓉一齊食💯💯抹茶🍵牛奶抹茶味濃郁加上牛奶增添奶香同滑順口感😌香芋芝士奶蓋🥛迷人嘅粉紫色打卡一流，頂層鹹鹹地嘅芝士奶蓋平均香芋牛奶嘅甜味🥰🥰
繼續閱讀
身為大埔友，又點會唔識Homeland呢間西餐廳？最估唔到而家喺旺角都可以食到😍生日慶祝好地方，除咗有靚靚嘅甜品畫碟服務，仲有即影即有俾我哋🤤真係慶祝嘅福音！🍽️ 泰式柚子墨魚仔沙律我哋叫咗個二人套餐可以包一個沙律，沙律梗係要食啲特別嘅嘢呢個有子墨魚仔沙律，酸酸甜甜夠晒開胃🤤🍽️ 龍蝦汁鐵板海鮮燉飯第1個主菜就加錢叫咗龍蝦🦞汁鐵板海鮮Risotto😋真係要讚一讚個燴飯夠晒入味，龍蝦汁味濃，仲有大量嘅海鮮同埋大大隻焗鮮蝦比Lisboy慢慢品嚐🍽️ 秘製北京填鴨薄餅Lisba最愛某大型pizza店嘅北京填鴨薄餅，估唔到見到呢度嘅Menu都有得揀，當然即刻order咗😍成個餅底都焗到好香脆，岩晒Lisboy食，而Topping都有好多鴨肉！🍽️ 士多啤梨巴斯克奶蓋芝士蛋糕話說都慶祝生日一定要叫個甜品慶祝一番，呢間西餐廳浪漫嘅地方係有寫碟服務😍所以慶祝李氏一家生日，叫咗呢個有新鮮士多啤梨🍓俾Lisboy食嘅蛋糕，個芝士蛋糕仲好Rich，仲有一層口口嘅奶蓋流落嚟，真係色香味俱全！🍽️ 蜂蜜柚子茶 & 柑橘蜜二人餐就包咗兩杯餐飲，蜂蜜柚子茶同金橘蜜都係想像中嘅香甜，不過不失，大大杯解渴一流！最愛係呢間餐廳會有一張即影即有相俾返我哋一家三口作紀念😍有咩慶祝活動都一定要嚟呢度！
繼續閱讀
這間可說是頗具人氣的西餐廳，其最大特色之處就是叫蛋糕會提供畫碟服務，最適合來此慶祝生日或特別紀念的日子，所以當晚用膳期間就已經有四檯客人在慶生，好有愉快的氣氛。其實店內環境偏昏暗，不過就幾有情調，餐桌之間稍為靠得太近，但坐得尚算舒適，由於位處十九樓高層，窗外可挑望旺角街景都唔錯。菜式方面主打薄餅及海鮮盤的套餐，今次我們選了PiPi Pizza 套餐（$388/2位），套餐已包括餐湯配蒜蓉包、特色沙律、主食、Pizza及餐飲，都算抵食㗎！但如果飯聚是希特別意義的話，當然加優惠價升級部分食物就更perfect啦。所以餐湯我們+$18改做法式鮮打龍蝦湯，味道濃郁且湯汁滑口，又有粒粒龍蝦肉，蒜蓉包亦烘得香脆。至於泰式柚子墨魚仔沙律，沙律菜新鮮爽脆，醬汁入口微微酸辣，墨魚仔都算爽口彈牙。食Pizza及主食前，我們還追加小食+$88德國腸拼盤，有齊三款不同口味的香腸，個人比較喜歡帶點大蒜胡椒等調味的紐倫堡腸，底下還有份量頗多的薯蓉同樣好食。Pizza其實有墨西哥雞肉芝士餡餅、黑松露牛肝菌芝士薄餅、招牌明太子海鮮薄餅，以及秘製北京烤鴨薄餅可選，我們當然選了最後者，皆因比較特別又冷門，果然入口真係食得出一片片鴨肉，甜醬香氣亦完全是北京烤鴨的味道，連蔥絲及青瓜絲一齊食，食法頗新穎，薄餅的批邊亦烤得脆口。另一主食則+$68換成秘製龍蝦汁海鮮鐵鍋燉飯，燉飯飯粒索滿海鮮精華都幾入味，軟軟的好Creamy，海鮮則有大蝦、青口及蜆，份量都足夠二人食。套餐奉送基本飲品兩杯，或半價可升級特飲/紅白酒，亦有手工氣泡花茶及啤酒供應。不過重點！重點！重點推介當然是甜品啦，可惜我一時大意未有在訂座時預先講明畫哪些公仔圖案（大家記得訂位時說明）只在店內現場即起英文字句，但件開心果巴斯克奶蓋芝士蛋糕$98都唔錯，雖然蛋糕芝士味較淡，但面層的開心果堅果碎增加了口感，整體味道甜而不膩。最後店員竟然亦提供即影即有相片予我們留念，所以今晚係食得開心既！
繼續閱讀