Honey Creme (已結業)

焦糖爆米花🙌🏻🙌🏻🙌🏻睇賣相都夠哂吸引😆 爆谷脆卜卜帶有甜味 配上焦糖醬的雪糕。甜度適中 雪糕香滑 奶味濃香👍🏻店內仲有多款雪糕選擇 大家可以慢慢試哂啲味😎

友人說有買一送一, 立即去食啦.呢間之前團購食過都OK, 係快溶D, 味唔太濃.原來買任何款雪糕, 送蜜蜂牛奶個款, 好似19,20號先買一送一.抹茶紅豆 ($38) : 抹茶味都重, 不過唔算最濃, 好軟滑厚身既雪糕, 就算個日唔狩熱, 但係超快溶.                          紅豆分量岩岩好, 因為都好甜下.蜂蜜牛奶 ($42) : 牛奶味雪糕好味. 個粒蜂蜜幾甜幾好咬, 咬完既渣吐掉就可.

成日係ig見到呢類蜂巢雪糕都有好多like，今日就直情去試下。唔熟銅鑼灣路ge我，都搵到幾辛苦下。大概四點幾到，冇咩人，唔洗排隊。店員服務唔錯，叫左最出名ge蜂巢雪糕。唔洗幾分鍾就到手，比我想象中快。拿上手都幾大杯下，個杯滿滿的，唔係好覺佢係空心。塊蜂巢好足料，好濃ge蜜糖。蜂巢好軟好香，而且冇渣，就甘食太甜。而雪糕有淡淡奶味，偏淡。所以蜂巢同雪糕夾埋一齊食就perfect，唔會搶味。難怪甘多人食。佢果度除左蜂巢雪糕之外仲有好多其他特色雪糕，仲有杯裝同筒裝，有排簡。

剛開業時，前來潮聖的客人如蜜蜂看到花海般湧過來。那時要買一不雪糕，沒有20,30分鐘也買不到雪糕。一年後，蜜巢牛奶雪糕熱潮已退，今天到來人流不多。不用再等很久已經可以買到了。Honey Comb$42: 蜜巢牛奶雪糕，加了一少塊蜂巢售價隨即貴4元，雪糕質感軟滑，也有易溶，牛奶味道有算岀，但就不夠元祖softree (香港店已經結業) 的蜂巢牛奶雪糕香及突出了。蜂巢不算有很多渣，但多給$4來買一舊蜂巢，bagel就覺得唔太抵了，蜂蜜香也不算清甜，吃罷有點"確"喉。用@sugar_hongkong買只需$24, 若有趣試的孩子不防透過呢個app買黎試試 

早前有加一蚊多一杯抹茶雪糕的優惠，所以貪小便宜的我們就來試試新口味抹茶雪糕。抹茶雪糕質感比同店的其他口味都要軟滑挺身，抹茶味出乎意料地濃香回甘，令人回味！始終香港有很多雪糕店主打抹茶雪糕，大家都標榜抹茶的來源地，這裡雖然沒有引以為招徠，但抹茶味道卻令人驚喜，不比其他店差，而且亦比同店的其他口味出眾！

最近發現銅鑼灣原來都有Honey Creme,一於走去試試左個巢蜜冰淇淋雪糕比想像中細杯,不過食下食下原來份量都唔細咼佢奶味好濃,好creamy,好鐘意佢呢種奶味濃既雪糕而旁邊有舊細細地正方形既蜂巢成日聽人講蜂巢好難食,冇味架,唔特別第一次食,原來蜂巢係煙煙韌韌咁架食落有香濃蜜糖味,又唔會話好甜,甜味一啲都唔人工蜂蜜同牛奶雪糕兩種味道平衡得好好不過建議同人share,因為雪糕食食下都幾飽

巢蜜跟一般蜂蜜味道不同，香味更為濃郁，巢蜜在冷凍的雪糕上會變得煙韌，口感不錯但會有一點點黏牙，不過可以接受。上次試了蜂巢雪糕，其實味道也是來自巢蜜，只是多了一小塊蜂巢。我把蜂巢放了入口，蜂巢本身沒有味道，只吃到蜂巢上佔有的巢蜜味道，蜂巢不能咬碎或嚥下。蜂巢雪糕貴一點，但實質只多了一件裝飾。

女人喜愛甜品時常識吧😈 呢一日小新就帶愛麗絲去銅鑼灣既Honey Creme食雪糕😍 我地點左個海鹽朱古力雪糕，而又咁啱當日Honey Creme做推廣：買任何雪糕加$1就有多杯抹茶雪糕😍 Honey Creme既雪糕平均$38一杯，呢個優惠就係大約$40兩杯雪糕，比平時便宜成$18😍 所以就點多杯俾愛抹茶既愛麗絲喇😋先講個海鹽朱古力雪糕，雪糕係牛奶味，淋上朱古力醬，不過好神奇地，啲醬好快會硬化，變為朱古力塊😂 而雪糕上會灑啲海鹽，食落去味道鹹鹹甜甜既，好特別，令人諗起日本沖繩既海鹽雪糕，愛麗絲真係覺得好好食😍而個抹茶雪糕，雖然冇加任何配料或醬汁，但愛麗絲一樣係食到停唔到😂 因為抹茶味好重，食落充滿抹茶香，而同時又帶點茶既甘苦味，愛抹茶既食家們千其唔好錯過呀😆

天氣咁熱 行行下街見到Honey Creme 出左Summer New Product之前食過佢既爆谷雪糕 幾好味今次呢個紅棉 有粉紅色棉花糖平時我就麻麻d有棉花糖係頭頂既甜品既 因為好快就好似落雪咁飄d糖絲落黎呢個完全唔會咼 😎 好勁牛奶雪糕又滑 最驚喜入面有爆炸糖架😱係去到底酸左d見到有新推出左沙冰咼😗有藍色幾靚仔咁😈下次試下先 

是晚同友人食完火山燒後，甜品就去左隔離街食Honey Creme,呢間舖剛剛開時有食過，最深印象係雪糕好食但蜂巢有渣！今次我係用Apps 買的，呢杯Sugar Floss 紅棉，由原價$42減到 $22！呢間舖都是即叫即做，但就無大型的螢光幕，可能人流唔多吧。落左單後，門面的店員拎左包零食棉花爆炸糖出嚟，拆開包裝袋把爆炸糖撕到粉碎舖上雲呢拿雪糕面，咁就完成了！外觀就真心麻麻，其實棉花糖是灰粉紅色，驟眼看，好似舖左塵的毛公仔，而且就咁加啲包裝零食落去，感覺都幾Hea 下！杯雪糕到我手時，聞到明顯的玫瑰花香，雲呢拿味雪糕比較實心，奶味都幾重，溶點慢，不過上面堆棉花糖真心不懂欣賞，Sorry 

開學喇喂!LUNCH TIME過左sogo shopping,無咩時間, 就去呢度食杯雪榚喇之前起sugar app用$24換左限定summer floss味去到店員話係8月限定,只差一日其實心裡都很想試summer floss 紅棉...因為粉紅色好靚, 有點可惜幸好店員非常人好, 佢話可以比我揀任何一隻味左諗右諗, 佢提議新出既抹茶味,由於未食過雪榚上加棉花糖, (我知我很大鄉里) 基本上係有十年沒食過棉花糖了於是要求topping是棉花糖, 她一點都沒黑面或留爛我, 很好人呀~仲有見到今日係用羊脂奶去做雪榚, 是較低脂, o岩哂我喇, 怕肥嘛唔使點等就好快遞上雪榚杯, 最初唔知棉花糖係咩味, 食落口有一點點的咸, 唔會甜撞甜! 而抹茶味雪榚唔會超濃, 但又會食到抹茶的甘味道一杯份量都幾多, 食完都飽左, 可以唔使再食lunch

今日下午去左銅鑼灣做野，行行吓真係太熱，所以又走左去Honey Cream食雪糕，今次我揀左新口味既Summer Sand藍沙，食落去仍舊有好香濃既牛奶味，口感亦好幼滑，藍色醬汁亦好清新，溝埋雪糕食入口好有消暑感，而糯米糍又好新鮮，咬落好有口感，蜂巢就帶有陣陣清甜既香味，將3者伴以雪糕進食，確係夏日最佳既消暑小食~

同好姊妹食完晚飯後就總係覺得唔夠完滿，所以由本身既行街節目就轉左去搵甜品食，經過呢間雪糕店時，姊妹已經話要食，咁就買喇.....點知..我地最想食既蜂巢雪糕係賣晒囉><"好失望之際又唔想再搵下就叫左其他食，我就買左呢款有機混和穀粉雪糕，講真係有d貴，但個樣又幾靚既，雪糕入口仲好滑，有好濃郁既牛奶味，我好like，但穀粉就唔覺有咩特別，一直係咁食落去就發現左原來雪糕筒入面係有蜜糖架^^講真係有d驚喜，不過呢個雪糕筒設計就真係有d問題，手握位無任何包裝，感覺就係有d唔太衛生，加上個筒實在太脆....我拎拎吓就斷鬼左，攪到我有d狼狽囉.........

仲以為會有濃濃既蜂蜜雪糕食。。。。舊雪糕同m記新地無分別，又無味，仲要收我幾十蚊，舊所謂既蜂巢同舊膠無分別，咬到一半已經無晒味，咬完又吾吞得，搵笨既！吾會有下次！

Honey Creme @#foodki銅鑼灣鴛鴦波霸加蜂巢(8/10)($48)鴛鴦奶茶味雪糕係Honey Creme新出既味。foodki真係好鍾意飲奶茶，foodki真係好鍾意,雪糕又滑又好味,奶茶味特別濃,好似飲緊雪到凍一凍既鴛鴦,係呢個咁悶熱既天氣食杯超冰凍既雪糕真是好正耶!!!波霸晶瑩剔透,又超大波...咬落去彈牙又好味,配上鴛鴦..絕配啊。最好,就係honey creme既蜂巢，大大粒，入口煙韌，味道超濃，一食就知係來佬貨，加埋雪糕一齊食，真係好好味。